ਵੇਰਕਾ’ ਪੰਜਾਬ ਦਾ ਇੱਕ ਪ੍ਰਮੁੱਖ ਬ੍ਰਾਂਡ ਹੈ ਜੋ ਕਿ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ਤੇ ਆਪਣੀ ਪਹਿਚਾਣ ਬਣਾ ਚੁੱਕਾ ਹੈ। ਇਹ ਸਹਿਕਾਰੀ ਅਦਾਰਾ ਆਈ:ਐਸ:ਓ: 9001-2015 ਅਤੇ ਆਈ:ਐਸ: 15000 (ਐਚ:ਏ:ਸੀ:ਸੀ) ਸਰਟੀਫਾਈਡ ਹੈ ਅਤੇ ਫੂਡ ਸੇਫ਼ਟੀ ਮਾਪਦੰਡਾਂ ਉੱਤੇ ਖਰ੍ਹਾ ਉਤਰਦੇ ਹੋਏ ਦੁੱਧ ਉਤਪਾਦਕ ਸਹਿਕਾਰੀ ਸਭਾਵਾਂ ਅਤੇ ਡੇਅਰੀ ਫਾਰਮਾਂ ਤੋ ਵਧੀਆ ਗੁਣਵੱਤਾ ਵਾਲਾ ਦੁੱਧ ਪ੍ਰਾਪਤ ਕਰਕੇ ਪ੍ਰੋਸੈਸ ਕਰਨ ਉਪਰੰਤ ਉੱਚ ਮਿਆਰੀ ਪੱਧਰ ਦੇ ਦੁੱਧ ਅਤੇ ਦੁੱਧ ਪਦਾਰਥ ਤਿਆਰ ਕਰਕੇ ਇਸ ਖਿੱਤੇ ਦੇ ਵਸਨੀਕਾਂ ਨੂੰ ਸਪਲਾਈ ਕਰ ਰਿਹਾ ਹੈ । ਦੁੱਧ ਪਦਾਰਥ ਤਿਆਰ ਕਰਨ ਸਮੇਂ ਕੁਆਲਟੀ ਦਾ ਹਰ ਪੱਧਰ ਤੇ ਪੂਰਾ ਖਿਆਲ ਰੱਖਿਆ ਜਾਂਦਾ ਹੈ ਤਾਂ ਜੋ ਖਪਤਕਾਰਾਂ ਦੀ ਸਿਹਤ ਦਾ ਖਾਸ ਖਿਆਲ ਰੱਖਿਆ ਜਾ ਸਕੇ ।ਇਨ੍ਹਾਂ ਸ਼ਬਦਾ ਦਾ ਪ੍ਰਗਟਾਵਾ ਸ੍ਰ ਗੁਰਪ੍ਰੀਤ ਸਿੰਘ ਖਹਿਰਾ ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਨੇ ਵੇਰਕਾ ਦਹੀ ਦਾ ਨਵਾਂ ਵੈਰੀਐਂਟ ਇਕ ਕਿਲੋ ਗੜਵੀ ਦਹੀ ਲਾਂਚ ਕਰਨ ਸਮੇਂ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਸ ਗੜਵੀ ਦਹੀ ਨਾਲ ਖਪਤਾਕਾਰਾਂ ਨੂੰ ਵਿਤੀ ਲਾਭ ਮਿਲੇਗਾ ਅਤੇ ਇਕ ਕਿਲੋ ਦਹੀ ਪਿਛੇ 5 ਰੁਪੲੈੇ ਦਾ ਫਾਇਦਾ ਹੋਵੇਗਾ। ਸ੍ਰ ਖਹਿਰਾ ਨੇ ਕਿਹਾ ਕਿ ਵੇਰਕਾ ਹਮੇਸ਼ਾਂ ਹੀ ਲੋਕਾਂ ਦੀਆਂ ਉਮੀਦਾਂ ਤੇ ਖਰਾ ਉਤਰਿਆ ਹੈ ਅਤੇ ਕਰੋਨਾ ਵਾਇਰਸ ਦੇ ਮੱਦੇ ਨਜਰ ਚੱਲ ਰਹੇ ਲਾਕਡਾਊਨ ਵਿੱਚ ਵੀ ਵੇਰਕਾ ਵੱਲੋਂ ਆਪਣੇ ਖਪਤਕਾਰਾ ਲਈ ਦੁੱਧ ਅਤੇ ਦੁੱਧ ਪਦਾਰਥਾਂ ਦੀ ਸਪਲਾਈ ਨਿਰਵਿਘਨ ਕੀਤੀ ਗਈ ਹੈ ਅਤੇ ਭਵਿੱਖ ਵਿੱਚ ਵੀ ਵੇਰਕਾ ਸਪਲਾਈ ਜਾਰੀ ਰੱਖਣ ਲਈ ਵਚਨਬੱਧ ਹੈ।
ਉਨ੍ਹਾਂ ਦੱਸਿਆ ਕਿ ਵੇਰਕਾ ਵੱਲੋਂ ਇਸ ਵੇਲੇ ਦੁੱਧ ਉਤਪਾਦਕਾ ਨੂੰ ਲੋੜੀਂਦੀਆਂ ਸੁਵਿਧਾਵਾਂ ਮੁਹੱਈਆ ਕਰਵਾਉਣ ਦੇ ਨਾਲ-ਨਾਲ ਦੁੱਧ ਦਾ ਲਾਹੇਵੰਦ ਭਾਅ ਦਿੱਤਾ ਜਾ ਰਿਹਾ ਹੈ।ਉਹਨਾ ਨੇ ਕਿਹਾ ਕਿ ਵੇਰਕਾ ਵੱਲੋਂ ਆਪਣੀਆਂ ਗਤੀਵਿਧੀਆਂ ਕੋਵਿਡ ਦੋਰਾਨ ਵੀ ਜਾਰੀ ਰੱਖਣ ਨਾਲ ਇੰਨਾਂ ਅਦਾਰਿਆਂ ਨਾਲ ਜੁੜੇ ਆਮ ਲੋਕਾਂ ਦੇ ਕਾਰੋਬਾਰ ਵੀ ਲਗਾਤਾਰ ਚੱਲਦੇ ਰਹੇ, ਜ਼ੋ ਕਿ ਆਮ ਲੋਕਾਂ ਦੀ ਵਿੱਤੀ ਹਾਲਤ ਨੂੰ ਸਥਿਰ ਰੱਖਣ ਵਿੱਚ ਸਹਾਈ ਹੋਇਆ।ਇਸ ਮੋਕੇ ਤੇ ਬੋਲਦਿਆਂ ਵੇਰਕਾ ਦੇ ਜਨਰਲ ਮੈਨੇਜਰ ਸ. ਹਰਮਿੰਦਰ ਸਿੰਘ ਸੰਧੂ ਨੇ ਦੱਸਿਆ ਕਿ ਖਪਤਕਾਰਾਂ ਵੱਲੋਂ ਵੇਰਕਾ ਦੇ ਦੁੱਧ ਉਤਪਾਦਾਂ ਜਿਵੇ ਕਿ ਦੁੱਧ, ਦਹੀ, ਲੱਸੀ, ਪੀੳ, ਹਲਦੀ ਦੁੱਧ ਅਤੇ ਆਈਸਕ੍ਰੀਮ ਨੂੰ ਭਰਵਾਂ ਹੁੰਗਾਰਾ ਦਿੱਤਾ ਜਾ ਰਿਹਾ ਹੈ ਅਤੇ ਉਹ ਖਪਤਕਾਰਾਂ ਦੇ ਵਿਸ਼ਵਾਸ ਅਤੇ ਪਿਆਰ ਲਈ ਉਹਨਾਂ ਦੇ ਧੰਨਵਾਦੀ ਹਨ।ਉਹਨਾ ਦੱਸਿਆ ਕਿ ਜ਼ੋ ਖਪਤਕਾਰ 400 ਗ੍ਰਾਮ ਦਹੀ ਕੱਪ ਪਸੰਦ ਕਰਦੇ ਹਨ ਉਹਨਾਂ ਨੂੰ 1 ਕਿਲੋ ਗੜਵੀ ਦਹੀ ਸਸਤਾ ਮਿਲੇਗਾ। ਉਹਨਾਂ ਇਹ ਵੀ ਜਾਣਕਾਰੀ ਦਿੱਤੀ ਕਿ ਵੇਰਕਾ ਵੱਲੋਂ ਆਈਸਕ੍ਰੀਮ ਦੀ ਪ੍ਰੀਮੀਅਮ ਰੇਂਜ 1mour ਦੇ ਨਾਮ ਤੇ ਮਾਰਕੀਟ ਵਿੱਚ ਪਹਿਲਾ ਹੀ ਉਤਾਰੀ ਜਾ ਚੁੱਕੀ ਹੈ ਜ਼ੋ ਕਿ 25 ਐਮ.ਐਲ ਕੱਪ ਅਤੇ 1 ਲੀਟਰ ਟੱਬ ਵਿੱਚ ਉਪਲਭਧ ਹੈ ਅਤੇ ਇਸ ਨੂੰ ਵੀ ਖਪਤਕਾਰਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਉਹਨਾ ਨੇ ਵਿਸ਼ਵਾਸ ਦਿਵਾਇਆ ਕਿ ਭਵਿੱਖ ਵਿੱਚ ਵੀ ਵੇਰਕਾ ਇਸੇ ਤਰ੍ਹਾ ਖਪਤਕਾਰਾਂ ਨੂੰ ਕਿਫਾਇਤੀ ਮੁੱਲ ਅਤੇ ਵਧੀਆਂ ਕੁਆਲਟੀ ਦੇ ਦੁੱਧ ਪਦਾਰਥ ਮੁਹੱਈਆ ਕਰਵਾਉਂਦਾ ਰਹੇਗਾ।ਇਸ ਮੋਕੇ ਤੇ ਸ. ਗੁਰਦੇਵ ਸਿੰਘ, ਮੈਨੇਜਰ ਮਿਲਕ ਪ੍ਰਕਿਉਰਮੈਂਟ, ਸ. ਪ੍ਰੀਤਪਾਲ ਸਿੰਘ ਸਿਵੀਆ, ਮੈਨੇਜਰ ਮਾਰਕੀਟਿੰਗ, ਸ੍ਰੀ ਸਤਿਦਰਾ ਪ੍ਰਸ਼ਾਦ, ਮੈਨੇਜਰ ਕੁਆਲਟੀ ਐਸੋਰੈਂਸ ਆਦਿ ਹਾਜਰ ਸਨ।