ਬੀਤੇ ਦਿਨੀ ਸਦੀਵੀ ਵਿਛੋੜਾ ਦੇ ਗਏ ਜਥੇਦਾਰ ਇੰਦਰਜੀਤ ਸਿੰਘ ਜੀਰਾ ਸਾਬਕਾ ਸਿਹਤ ਮੰਤਰੀ ਪੰਜਾਬ ਨੂੰ ਯਾਦ ਕਰਦਿਆ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਰਪ੍ਰਸਤ ਅਤੇ ਸੀਨੀਅਰ ਅਕਾਲੀ ਟਕਸਾਲੀ ਆਗੂ ਕਰਨੈਲ ਸਿੰਘ ਪੀਰਮੁਹੰਮਦ ਅਤੇ ਉਹਨਾ ਦੀ ਧਰਮ ਸੁਪਤਨੀ ਬੀਬੀ ਸੁਖਵਿੰਦਰ ਕੌਰ ਸਾਬਕਾ ਸਰਪੰਚ ਵਸਤੀ ਸਿੰਘ ਪੁਰਾ ਨੇ ਜੀਰਾ ਪ੍ਰੀਵਾਰ ਨਾਲ ਹਮਦਰਦੀ ਪ੍ਰਗਟ ਕਰਦਿਆ ਕਿਹਾ ਹੈ ਕਿ ਜਥੇਦਾਰ ਜੀਰਾ ਨਿਧੱੜਕ ਇਮਾਨਦਾਰ ਅਤੇ ਪੰਥਪ੍ਰਸਤ ਸਖਸੀਅਤ ਸਨ ਜਿੰਨਾ ਆਪਣੀ 63 ਸਾਲ ਦੀ ਉਮਰ ਵਿੱਚ ਦੇਸ ਦੁਨੀਆ ਅੰਦਰ ਬੇਹੱਦ ਨਾਮਣਾ ਖੱਟਿਆ ਉਹਨਾਂ ਦੇ ਜਾਣ ਨਾਲ ਪ੍ਰੀਵਾਰ ਸਮਾਜ ਅਤੇ ਕੌਮ ਨੂੰ ਵੱਡਾ ਘਾਟਾ ਪਿਆ ਹੈ । ਸ੍ ਕਰਨੈਲ ਸਿੰਘ ਪੀਰਮੁਹੰਮਦ ਅਤੇ ਉਹਨਾ ਧਰਮਸੁਪਤਨੀ ਨੇ ਜੀਰਾ ਨਿਵਾਸ ਜਾਕੇ ਜਥੇਦਾਰ ਜੀਰਾ ਦੇ ਪਿਤਾ ਬਾਪੂ ਗੁਰਦੀਪ ਸਿੰਘ ਜੀਰਾ ਸਾਬਕਾ ਮੈਬਰ ਐਸ ਜੀ ਪੀ ਸੀ , ਭਰਾ ਮਹਿੰਦਰਜੀਤ ਸਿੰਘ ਜੀਰਾ ਚੇਅਰਮੈਨ ਸ੍ ਬਖਸੀਸ ਸਿੰਘ ਕੈਨੇਡਾ, ਬਲਾਕ ਸੰਮਤੀ ਜੀਰਾ , ਸੁਪਤਨੀ ਬੀਬੀ ਕੁਲਵੰਤ ਕੌਰ, ਬੇਟਿਆ ਸ੍ ਕੁਲਬੀਰ ਸਿੰਘ ਜੀਰਾ ਵਿਧਾਇਕ, ਸ੍ ਪ੍ਰਭਜੀਤ ਸਿੰਘ ਨਾਲ ਗਹਿਰੀ ਹਮਦਰਦੀ ਪ੍ਰਗਟਾਈ। ਅੱਜ ਜਥੇਦਾਰ ਇੰਦਰਜੀਤ ਸਿੰਘ ਜੀਰਾ ਦੀ ਅੰਤਿਮ ਅਰਦਾਸ ਹੈ । ਇਸ ਮੌਕੇ ਅਨੇਕਾ ਰਾਜਨੀਤਿਕ ਸਮਾਜਿਕ ਅਤੇ ਪੰਥਕ ਸਖਸ਼ੀਅਤਾ ਪਹੁੰਚਣਗੀਆ।