ਵਿਸ਼ਵ ਰੈਡ ਕਰਾਸ ਦਿਵਸ ਦੇ ਮੌਕੇ ਤੇ ਰੈਡ ਕਰਾਸ ਵਲੋਂ ਮਾਨਵਤਾ ਦੀ ਭਲਾਈ ਦੇ ਉਦੇਸ਼ਾਂ ਨੂੰ ਮੁੱਖ ਰੱਖਦੇ ਹੋਏ ਜਿਲ੍ਹਾ ਸ਼ਾਖਾ ਰੂਪਨਗਰ ਵਲੋਂ ਡਿਪਟੀ ਕਮਿਸ਼ਨਰ ਸੁਨਾਲੀ ਗਿਰੀ ਦੇ ਅਦੇਸ਼ਾਂ ਅਨੁਸਾਰ ''ਅਪਣਾ ਘਰ" ਬਿਰਧ ਆਸ਼ਰਮ ਹਵੇਲੀ ਕਲਾਂ ਅਤੇ ਕੁਸ਼ਟ ਆਸ਼ਰਮ ਰੂਪਨਾਰ ਵਿਖੇ ਰਹਿ ਰਹੇ ਲੋਕਾਂ ਨੂੰ ਰਾਸ਼ਨ ਦੀਆਂ ਕਿੱਟਾਂ ਵੰਡੀਆਂ ਗਈਆਂ ਅਤੇ ਕੋਵਿਡ 19 (ਕਰੋਨਾ ਵਾਇਰਸ) ਤੋਂ ਬਚਾਅ ਲਈ ਸੁਚੇਤ ਕੀਤਾ ਗਿਆ ਅਤੇ ਮਾਸਕਾਂ, ਸੈਨੀਟਾਇਜਰ, ਸਾਬਣ ਵੀ ਵੰਡੇ ਗਏ। ਬਿਰਧ ਆਸ਼ਰਮ ਵਿਖੇ ਸੰਸਥਾਂ ਦੇ ਪ੍ਰਧਾਨ ਸ੍ਰੀ ਰਜਿੰਦਰ ਸੈਣੀ ਟਰੱਸਟੀ ਵਲੋਂ ਰੈਡ ਕਰਾਸ ਦੀ ਟੀਮ ਦਾ ਸਵਾਗਤ ਕੀਤਾ ਗਿਆ ਅਤੇ ਡਿਪਟੀ ਕਮਿਸ਼ਨਰ ਵਲੋਂ ਲੋਕ ਸੇਵਾ ਦੇ ਕੀਤੇ ਜਾ ਰਹੇ ਯਤਨਾਂ ਦੀ ਸ਼ਲਾਘਾ ਕੀਤੀ ਗਈ ਉਨ੍ਹਾਂ ਰੈਡ ਕਰਾਸ ਦਿਵਸ ਦੇ ਮੱਹਤਵ ਬਾਰੇ ਰੋਸ਼ਨੀ ਵੀ ਪਾਈ।ਸ੍ਰੀ ਗੁਰਸੋਹਣ ਸਿੰਘ ਸਕੱਤਰ ਰੈਡ ਕਰਾਸ ਨੇ ਦੱਸਿਆ ਕਿ ਮੈਡਮ ਸੋਨਾਲੀ ਗਿਰਿ ਡਿਪਟੀ ਕਮਿਸ਼ਨਰ-ਕਮ-ਪ੍ਰਧਾਨ ਜਿਲ੍ਹਾ ਰੈਡ ਕਰਾਸ ਰੂਪਨਗਰ ਲੋੜਵੰਦ ਗਰੀਬ ਲੋਕਾਂ ਨੂੰ ਉਨਾਂ ਦੀ ਲੋੜ ਅਨੁਸਾਰ ਸੰਭਵ ਸਹਾਇਤਾ ਕਰਦੇ ਹਨ, ਇਸ ਮੰਤਵ ਨਾਲ ਵਿਸ਼ਵ ਰੈਡ ਕਰਾਸ ਦਿਵਸ ਨੂੰ ਸਮਰਪਿਤ ਬਿਰਧ ਆਸ਼ਰਮ ਅਤੇ ਕੁਸ਼ਟ ਆਸ਼ਰਮ ਵਿਖੇ ਸਹਾਇਤਾ ਦੇ ਉਪਰਾਲੇ ਵਜੋਂ ਰਾਸ਼ਨ ਦੀਆਂ ਕਿਟਾਂ ਵੰਡੀਆਂ ਗਈਆਂ ਹਨ।
ਇਸ ਤੋਂ ਇਲਾਵਾ ਰੈਡ ਕਰਾਸ ਦੇ ਮੈਂਬਰ, ਸਟਾਫ ਅਤੇ ਵਲੰਟੀਅਰਜ ਵਲੋਂ ਪਹਿਲਾਂ ਹੀ ਕਰੋਨਾ ਵਾਇਰਸ ਤੋਂ ਬਚਾਅ ਲਈ ਆਪਸੀ ਦੂਰੀ ਰੱਖਣ, ਮਾਸਕ ਦੀ ਸਹੀ ਵਰਤੋਂ ਕਰਨ,ਹੱਥਾਂ ਨੂੰ ਵਾਰ ਵਾਰ ਸਾਬਣ ਨਾਲ ਚੰਗੀ ਤਰਾਂ ਧੋਣਾ ਜਾਂ ਸੈਨੀਟਾਇਜ ਕਰਨ ਬਾਰੇ ਰੋਜਾਨਾ ਅਵੇਅਰ ਕੀਤਾ ਜਾ ਰਿਹਾ ਹੈ ਅਤੇ ਮਾਸਕ ਵੀ ਵੰਡੇ ਜਾਂਦੇ ਹਨ। ਬਿਰਧ ਆਸ਼ਰਮ ਵਿਖੇ ਇਸ ਮੌਕੇ ਧਵਨ ਹਸਪਤਾਲ ਤੋਂ ਡਾਕਟਰ ਸੁਨੀਲ ਕੁਮਾਰ ਧਵਨ, ਰੈਡ ਕਰਾਸ ਦੀਆਂ ਮੈਂਬਰ ਹਰਿੰਦਰ ਕੌਰ ਸੈਣੀ, ਗਗਨ ਸੈਣੀ, ਸੰਸਥਾ ਦੇ ਟਰੱਸਟੀ ਡਾ. ਅਜਮੇਰ ਸਿੰਘ, ਐਡਵੋਕੇਟ ਰਾਵਿੰਦਰ ਸਿੰਘ ਮੁੰਦਰਾ, ਬਲਵਿੰਦਰ ਕੌਰ, ਬਹਾਦਰਜੀਤ ਸਿੰਘ, ਮੈਨੇਜਰ ਕੇ. ਐਸ. ਭੋਗਲ ਤੋਂ ਇਲਵਾ ਸੰਗਤ ਸਿੰਘ, ਹਰਿੰਦਰ ਸਿੰਘ, ਐਚ. ਸੀ. ਸੈਣੀ, ਰਾਜਿੰਦਰ ਸਿੰਘ ਮੁੰਦਰਾ, ਐਸ. ਐਮ ਸਿੰਘ ਆਦਿ ਵੀ ਹਾਜ਼ਰ ਸਨ।ਇਸ ਦੌਰਾਨ ਡਿਪਟੀ ਕਮਿਸ਼ਨਰ ਸੋਨਾਲੀ ਗਿਰੀ ਨੇ ਅੱਜ ਵਿਸ਼ਵ ਰੈਡ ਕਰਾਸ ਦਿਵਸ ਦੇ ਮੌਕੇ ਤੇ ਕਿਹਾ ਹੈ ਕਿ ਲੋਵਵੰਦ ਲੋਕਾਂ ਦੀ ਸੇਵਾ ਕਰਨਾ ਸਭ ਤੋਂ ਉਤਮ ਸੇਵਾ ਹੈ। ਅਗਰ ਅਸ਼ੀ ਮੁਸਕਲਾਂ ਦੇ ਸਮੇਂ ਵਿੱਚ ਸਮੂਹਿਕ ਤੌਰ ਤੇ ਸੇਵਾ ਦੇ ਕਾਰਜ਼ਾ ਵਿੱਚ ਆਪਣਾ ਯੋਗਦਾਨ ਪਾਵਾਂਗੇ ਤਾ ਕਠਿਨ ਸਮੇਂ ਦੌਰਾਨ ਜਰੂਰਤਮੰਦਾ ਦੀ ਮਦਦ ਕਰਨ ਦੇ ਚੰਗੇ ਨਤੀਜੇ ਹਾਸਲ ਕੀਤੇ ਜਾ ਸਕਦੇ ਹਨ। ਇਸੇ ਉਦੇਸ਼ ਦੀ ਪ੍ਰਾਪਤੀ ਲਈ ਰੈਡ ਕਰਾਸ ਦੇ ਬਾਨੀ ਹੈਨਰੀ ਡਿਊਨਟ ਨੇ ਸਮਾਜ ਦੇ ਲੋਕਾਂ ਨੂੰ ਲੋੜਵੰਦਾ ਦੀ ਮਦਦ ਕਰਨ ਰਾਹ ਵਿਖਾਇਆ ਹੈ ਅਤੇ ਰੈਡ ਕਰਾਸ ਮੂਵਮੈਂਟ ਦਾਨੀ ਲੋਕਾਂ ਦੇ ਸਹਿਯੋਗ ਨਾਲ ਆਪਣੇ ਮਿਸ਼ਨ 'ਚ ਅੱਗੇ ਵੱਧ ਰਿਹਾ ਹੈ। ਡਿਪਟੀ ਕਮਿਸ਼ਨਰ ਸ਼੍ਰੀਮਤੀ ਸੋਨਾਲੀ ਗਿਰੀ ਨੇ ਇਸ ਦੌਰਾਨ ਜ਼ਿਲ੍ਹਾ ਵਾਸੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕੋਵਿਡ-19 ਦੇ ਇਸ ਕਠਿਨ ਦੌਰ ਦੋਰਾਨ ਆਪਣੇ ਆਪ ਤੇ ਸਮਾਜ ਦੇ ਲੋਕਾਂ ਨੂੰ ਸੁਰੱਖਿਅਤ ਬਣਾਈ ਰੱਖਣ ਲਈ ਮਿਲੇ ਿਨਯਮਾਂ ਦੀ ਪਾਲਣਾ ਕਰਨ।