ਪੰਜਾਬ ਸਰਕਾਰ ਵਲੋ' ਰਾਸ਼ਟਰੀ ਕ੍ਰਿਸ਼ੀ ਵਿਕਾਸ ਯੋਜਨਾ ਅਧੀਨ ਸਬਜ਼ੀਆਂ ਅਤੇ ਫਲਾਂ ਦੀ ਕਾਸ਼ਤ ਨੂੰ ਉਤਸ਼ਾਹਿਤ ਕਰਨ ਲਈ ਕਿਸਾਨਾਂ ਨੂੰ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ।ਇਹ ਪ੍ਰਗਟਾਵਾ ਕਰਦਿਆਂ ਅੱਜ ਇਥੇ ਪੰਜਾਬ ਦੇ ਮੁੱਖ ਸੰਸਦੀ ਸਕੱਤਰ, ਖੇਤੀਬਾੜੀ, ਸ. ਗੁਰਬਚਨ ਸਿੰਘ ਬੱਬੇਹਾਲੀ ਨੇ ਦੱਸਿਆ ਕਿ ਸਬਜੀਆਂ ਦੀ ਕਾਸ਼ਤ ਲਈ ਪੋਲੀ ਨੈਟ ਹਾਊਸ ਬਣਾਉਣ ਲਈ ਰਾਜ ਸਰਕਾਰ ਵਲੋ' 50 ਫੀਸਦੀ ਸਹਾਇਤਾ ਦਿਤੀ ਜਾਵੇਗੀ। ਇਹ ਸਹਾਇਤਾ ਵੱਧ ਤੋ' ਵੱਧ ਇਕ ਲੱਖ ਰੁਪਏ ਪ੍ਰਤੀ ਨੈਟ ਹਾਊਸ (500 ਵ.ਮੀ.) ਵੱਧ ਤੋ' ਵੱਧ 2000 ਵਰਗ ਮੀਟਰ ਪ੍ਰਤੀ ਲਾਭ-ਪਾਤਰ ਹੋਵੇਗੀ। ਇਸੇਤਰ੍ਹਾਂ ਕੀੜੇ ਅਤੇ ਉੱਲੀਮਾਰ ਦਵਾਈਆਂ ਜਿਵੇ'ਕਿ ਰਿਡੋਮਿਲ ਗੋਲਡ, ਏਲੀਅਟ, ਐਟਰਾਕੋਲ, ਏਕਲਕਸ, ਇੰਡੋਫਿਲ ਐਮ-45 ਲਈ 50 ਫੀਸਦੀ ਅਤੇ ਵੱਧ ਤੋ' ਵੱਧ 6000/- ਰੁਪਏ ਪ੍ਰਤੀ ਲਾਭ-ਪਾਤਰ ਦਿਤੀ ਜਾਵੇਗੀ।
ਬੱਬੇਹਾਲੀ ਨੇ ਅੱਗੇ ਦੱਸਿਆ ਕਿ ਪਲਾਸਿਟਕ ਕਰੇਟਾਂ ਤੇ ਕੇਵਲ ਬਾਗਬਾਨੀ ਦੇ ਮੰਡੀਕਰਨ ਲਈ 50 ਫੀਸਦੀ ਸਹਾਇਤਾ ਦਿਤੀ ਜਾਵੇਗੀ।ਉਹਨਾ ਦੱਸਿਆ ਕਿ ਨੈਸ਼ਨਲ ਵੈਜੀਟੇਬਲ ਇਨਸ਼ਿਏਟਿਵ ਸਬਜ਼ੀਆਂ ਦੀ ਖੁੱਲ੍ਹੀ ਖੇਤੀ, ਹਾਇਬਰਿੱਡ ਸਬਜ਼ੀਆਂ ਦੀ ਕਾਸ਼ਤ, ਪੈਕ ਹਾਊਸ, ਪੌਲੀ ਹਾਊਸ ਆਦਿ ਲਈ 40 ਤੋ' 75 ਫੀਸਦੀ ਸਹਾਇਤਾ ਦਿਤੀ ਜਾਵੇਗੀ। ਇਹ ਸਕੀਮ ਜ਼ਿਲ੍ਹਾ ਲੁਧਿਆਣਾ, ਜਲੰਧਰ, ਫਤਹਿਗੜ੍ਹ ਸਾਹਿਬ, ਪਟਿਆਲਾ ਅਤੇ ਸੰਗਰੂਰ ਵਿੱਚ ਲਾਗੂ ਹੋਵਗੀ।ਇਸ ਦੇ ਨਾਲ ਹੀ ਕੌਮੀ ਬਾਗਬਾਨੀ ਮਿਸ਼ਨ ਦੀ ਤਰਜ਼ ਤੇ ਨਵੇ ਬਾਗ ਲਗਾਉਣ ਲਈ, ਗਰੀਨ ਹਾਊਸ ਲਈ ਮਸ਼ੀਨੀਕਰਨ ਲਈ, ਖੁੰਬਾ ਦੀ ਖੇਤੀ ਲਈ, ਮੱਖੀ ਪਾਲਣ ਦੇ ਕਿੱਤੇ ਲਈ ਕੋਲਡ ਸਟੌਰ ਅਤੇ ਪੈਕ ਹਾਊਸ ਆਦਿ ਲਈ ਰੋਪੜ, ਮੋਗਾ, ਬਰਨਾਲਾ ਅਤੇ ਮਾਨਸਾ ਜ਼ਿਲ੍ਹਿਆਂ ਵਿੱਚ ਕੌਮੀ ਬਾਗਬਾਨੀ ਮਿਸ਼ਨ ਦੀਆਂ ਗਾਈਡਲਾਈਨਾਂ ਅਨੂਸਾਰ 40 ਤੋ' 50 ਫੀਸਦੀ ਵਿੱਤੀ ਸਹਾਇਤਾ ਦਿਤੀ ਜਾਵੇਗੀ।