ਜੰਗਲਾਤ ਅਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ, ਪੰਜਾਬ ਦੀ ਜੰਗਲੀ ਜੀਵਨ ਡਵੀਜ਼ਨ ਨੇ ਵਿਸ਼ਵ ਜੰਗਲੀ ਜੀਵਨ ਦਿਵਸ ਮੌਕੇ ਸਿਸਵਾਂ ਦੇ ਜੰਗਲਾਂ ਵਿੱਚ ਟਰੈਕ-ਏ-ਥੌਨ ਵਾਕ ਦਾ ਆਯੋਜਨ ਕੀਤਾ।ਇਸ ਟ੍ਰੈਕਿੰਗ ਪ੍ਰੋਗਰਾਮ ਵਿਚ ਵੱਖ-ਵੱਖ ਖੇਤਰਾਂ ਦੇ 300 ਤੋਂ ਵੱਧ ਲੋਕਾਂ ਨੇ ਹਿੱਸਾ ਲਿਆ, ਜੋ ਕਿ ਸੀਸਵਾ ਡੈਮ ਦੇ ਨਜ਼ਦੀਕ ਕ੍ਰਮਵਾਰ 2.25 ਕਿਲੋਮੀਟਰ, 03 ਕਿਲੋਮੀਟਰ ਅਤੇ 08.55 ਕਿਲੋਮੀਟਰ ਦੇ ਵੱਖ-ਵੱਖ 03 ਥੀਮੈਟਿਕ ਟਰੈਕਾਂ ਉੱਤੇ ਕਰਵਾਇਆ ਗਿਆ।ਸਮਾਗਮ ਦੇ ਮੁੱਖ ਮਹਿਮਾਨ ਆਰ ਕੇ ਮਿਸ਼ਰਾ, ਚੀਫ ਵਾਈਲਡ ਲਾਈਫ ਵਾਰਡਨ ਨੇ ਭਾਗੀਦਾਰਾਂ ਅਤੇ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ ਜੋ ਕੁਦਰਤ ਅਤੇ ਜੰਗਲੀ ਜੀਵਨ ਦੀ ਸੰਭਾਲ ਦੇ ਸਾਂਝੇ ਕਾਰਜ ਲਈ ਸਮੂਹਕ ਤੌਰ ਤੇ ਅੱਗੇ ਆਏ।ਉਹਨਾਂ ਆਖਿਆ ਕਿ ਸਿਸਵਾ ਮੌਕਿਆਂ ਦਾ ਇੱਕ ਅਜਿਹਾ ਗੜ੍ਹ ਹੈ, ਜਿੱਥੇ ਕੁਦਰਤ, ਇਸ ਨਾਲ ਮਨੁਖ ਦੇ ਸਬੰਧ ਅਤੇ ਅੰਤਰ-ਨਿਰਭਰਤਾ ਬਾਰੇ ਸਿੱਖਿਆ ਜਾ ਸਕਦਾ ਹੈ।ਡੀ.ਐਫ.ਓ. ਡਾ. ਮੋਨਿਕਾ ਯਾਦਵ ਨੇ ਕਿਹਾ ਕਿ ਜੰਗਲੀ ਜੀਵਨ ਅਤੇ ਇਸਦੀ ਮਹੱਤਤਾ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਟ੍ਰੈਕ-ਏ-ਥੌਨ ਇੱਕ ਛੋਟਾ ਜਿਹਾ ਉਪਰਾਲਾ ਹੈ। ਇਹ ਜਗ੍ਹਾ ਕੁਦਰਤ ਪ੍ਰੇਮੀਆਂ ਲਈ ਇੱਕ ਦਿਲਚਸਪ ਮੰਜ਼ਿਲ ਹੈ ਜੋ ਸ਼ਾਂਤੀ ਦੀ ਭਾਲ ਵਿੱਚ ਹਨ ਜਾਂ ਉਨ੍ਹਾਂ ਸਾਹਸੀ ਪ੍ਰਾਣੀਆਂ ਲਈ ਜੋ ਕੁਝ ਕੁਦਰਤ ਸਬੰਧੀ ਖੋਜ ਵਿਚ ਲੱਗੇ ਹਨ।ਇਸ ਈਵੈਂਟ ਨੂੰ ਕੁਦਰਤ ਮਾਹਰ ਅਤੇ ਗਾਈਡਾਂ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਜੋ ਜੰਗਲੀ ਜੀਵਨ ਬਾਰੇ ਜਾਨਕਾਰੀ ਦਿੰਦੇ ਹਨ। ਇਹ ਸੰਘਣੇ ਜੰਗਲ ਬਹੁਤ ਸਾਰੇ ਜੰਗਲੀ ਜੀਵਾਂ ਲਈ ਸੁਰੱਖਿਅਤ ਪਨਾਹ ਹਨ। ਇਸ ਮੌਕੇ ਹਿੱਸਾ ਲੈਣ ਵਾਲੇ ਸੈਲਫੀ ਲੈਂਦੇ ਅਤੇ ਸੋਸ਼ਲ ਮੀਡੀਆ ਪੋਸਟਾਂ ਅਪਡੇਟ ਕਰਦੇ ਵੀ ਦੇਖੇ ਗਏ। ਇਸ ਮੌਕੇ ਨਾ ਸਿਰਫ ਨੌਜਵਾਨ ਪੀੜ੍ਹੀ, ਸਗੋਂ ਰਿਟਾਇਰਡ ਅਫਸਰਾਂ ਅਤੇ ਪਟਿਆਲਾ, ਰੋਪੜ, ਲੁਧਿਆਣਾ ਅਤੇ ਚੰਡੀਗੜ੍ਹ ਦੇ ਸਨਮਾਨਿਤ ਸੀਨੀਅਰ ਨਾਗਰਿਕਾਂ ਨੇ ਉਤਸ਼ਾਹ ਅਤੇ ਜੋਸ਼ ਨਾਲ ਹਿੱਸਾ ਲਿਆ ਅਤੇ ਨੌਜਵਾਨ ਪੀੜ੍ਹੀ ਨੂੰ ਕੁਦਰਤ ਨੂੰ ਪਿਆਰ ਕਰਦੇ ਰਹਿਣ ਲਈ ਪ੍ਰੇਰਿਤ ਕੀਤਾ। ਮੋਹਾਲੀ ਰੇਂਜ ਅਫਸਰ ਸ੍ਰੀ ਮੋਹਨ ਸਿੰਘ ਨੇ ਕਿਹਾ ਕਿ ਸਿਸਵਾ ਹਮੇਸ਼ਾਂ ਵਿਸ਼ੇਸ਼ ਧਿਆਨ ਦਾ ਹੱਕਦਾਰ ਹੈ। ਵਿਭਾਗ ਵੱਲੋਂ ਇਸ ਖੇਤਰ ਨੂੰ ਉਤਸ਼ਾਹਤ ਕਰਨ ਲਈ ਵਿਸ਼ੇਸ ਉਪਰਾਲੇ ਕੀਤੇ ਜਾ ਰਹੇ ਹਨ। ਸ੍ਰੀ ਤਜਿੰਦਰ ਸਿੰਘ ਅਤੇ ਸਤਿੰਦਰ ਪਾਲ ਨੇ ਇਹ ਈਵੈਂਟ ਕਰਵਾਉਣ ਲਈ ਵਿਸ਼ੇਸ ਉਪਰਾਲੇ ਕੀਤੇ। ਉਨ੍ਹਾਂ ਉਮੀਦ ਕੀਤੀ ਕਿ ਸਿਸਵਾਂ ਅਤੇ ਆਸ ਪਾਸ ਦੇ ਪਿੰਡਾਂ ਨੂੰ ਅਜਿਹੇ ਕਦਮਾਂ ਨਾਲ ਲਾਭ ਮਿਲੇਗਾ।ਇਹ ਪ੍ਰੋਗਰਾਮ ਮਿਰਜ਼ਾਪੁਰ ਰੈਸਟ ਹਾਊਸ ਵਿਖੇ ਸੰਪੰਨ ਹੋਇਆ, ਜਿੱਥੇ ਹਿੱਸਾ ਲੈਣ ਵਾਲੇ ਅਤੇ ਵਲੰਟੀਅਰਾਂ ਨੂੰ ਇਸ ਨਿਰਸਵਾਰਥ ਯਤਨ ਦਾ ਹਿੱਸਾ ਬਣ ਕੇ ਉਨ੍ਹਾਂ ਦੇ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ।ਡਾ: ਮੋਨਿਕਾ ਯਾਦਵ, ਡੀ.ਐੱਫ.ਓ., ਰੋਪੜ ਨੇ ਇੱਕ ਸਾਂਝੇ ਪਲੇਟਫਾਰਮ ਦੀ ਧਾਰਨਾ ਦੀ ਘੋਸ਼ਣਾ ਕੀਤੀ ਜੋ ਕਿ ਵਿਭਾਗ ਅਤੇ ਆਮ ਲੋਕਾਂ ਦੋਵਾਂ ਨੂੰ ਵਿਚਾਰਾਂ ਅਤੇ ਸੁਝਾਵਾਂ ਨੂੰ ਸਾਂਝਾ ਕਰਨ ਵਿੱਚ ਸਹਾਇਤਾ ਕਰੇਗੀ।ਉਨ੍ਹਾਂ ਸ੍ਰੀ ਹਿਮਾਂਸ਼ੂ ਆਈ.ਏ.ਐੱਸ., ਐਸ.ਡੀ.ਐਮ., ਖਰੜ, ਸ਼੍ਰੀ ਗੁਰਅਮਨ ਪ੍ਰੀਤ ਸਿੰਘ ਬੈਂਸ ਡੀ.ਐਫ.ਓ ਮੁਹਾਲੀ, ਸ੍ਰੀ ਹੁਸਨ ਲਾਲ, ਸਰਪੰਚ, ਮਿਰਜ਼ਾਪੁਰ ਅਤੇ ਸ੍ਰੀ ਸੰਦੀਪ, ਸਿਸਵਾਂ ਜਿਨ੍ਹਾਂ ਨੇ ਟ੍ਰੈਕ ਪ੍ਰੋਗਰਾਮ ਨੂੰ ਸਫਲਤਾਪੂਰਵਕ ਚਲਾਉਣ ਲਈ ਸਹਿਜੋਗ ਦਿੱਤਾ, ਦਾ ਧੰਨਵਾਦ ਕੀਤਾ।