ਪ੍ਰਤਿਭਾ ਦੀ ਕੋਈ ਉਮਰ ਨਹੀਂ ਹੁੰਦੀ। ਸਮੇਂ-ਸਮੇਂ ਤੇ, ਬੱਚਿਆਂ ਨੇ ਇਸ ਬਿਆਨ ਨੂੰ ਆਪਣੀ ਵਿਸ਼ਾਲ ਪ੍ਰਤਿਭਾ ਨਾਲ ਸਾਬਤ ਕੀਤਾ ਹੈ। ਗਿੱਪੀ ਗਰੇਵਾਲ ਦਾ ਬੇਟਾ ਸ਼ਿੰਦਾ ਗਰੇਵਾਲ ਆਪਣੀ ਉੱਤਮ ਪ੍ਰਤਿਭਾ ਅਤੇ ਮਾਸੂਮੀਅਤ ਨਾਲ ਇਸਦੀ ਜੀਵਿਤ ਉਦਾਹਰਣ ਹੈ ਕਿ ਉਹਨਾਂ ਨੇ ਥੋੜੇ ਹੀ ਸਮੇਂ ਚ ਆਪਣੀ ਅਲੱਗ ਪਹਿਚਾਣ ਬਣਾ ਲਈ ਹੈ।ਅਰਦਾਸ ਅਤੇ ਅਰਦਾਸ ਕਰਾਂ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਤੋਂ ਲੈ ਕੇ ਸੂਰਜ ਅਤੇ ਨੱਚ ਨੱਚ ਜਿਹੀ ਵਿਡੀਓਜ਼ ਵਿੱਚ ਸ਼ਿਰਕਤ ਕਰਨ ਤੱਕ, ਸ਼ਿੰਦਾ ਗਰੇਵਾਲ ਨੇ ਪੌਲੀਵੁੱਡ ਵਿੱਚ ਬਾਲ ਕਲਾਕਾਰ ਵਜੋਂ ਮੁੱਖ ਭੂਮਿਕਾ ਨਿਭਾਉਣ ਲਈ ਆਪਣੇ ਟੈਲੇੰਟ ਨੂੰ ਸਾਬਿਤ ਕੀਤਾ ਹੈ। ਆਪਣੇ ਹੋਮ ਪ੍ਰੋਡਕਸ਼ਨ ਅਧੀਨ ਪਿਛਲੇ ਪ੍ਰੋਜੈਕਟਾਂ ਦੀ ਸਭ ਤਾਰੀਫ਼ ਤੋਂ ਬਾਅਦ, ਸ਼ਿੰਦਾ ਦਿਲਜੀਤ ਦੁਸਾਂਝ ਪ੍ਰੋਡਕਸ਼ਨ ਅਧੀਨ ਆਉਣ ਵਾਲੀ ਫਿਲਮ 'ਹੌਂਸਲਾ ਰੱਖ' ਨਾਲ ਸਫਲਤਾ ਦੀ ਇਕ ਹੋਰ ਛਲਾਂਗ ਲਗਾਉਣ ਲਈ ਤਿਆਰ ਹੈ।ਸ਼ਿੰਦਾ ਗਰੇਵਾਲ ਤੋਂ ਇਲਾਵਾ ਦਿਲਜੀਤ ਦੁਸਾਂਝ, ਸੋਨਮ ਬਾਜਵਾ ਅਤੇ ਬਿੱਗ ਬੌਸ ਫੇਮ ਸ਼ਹਿਨਾਜ਼ ਗਿੱਲ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਝੱਲੇ ਫੇਮ ਅਮਰਜੀਤ ਸਰਾਓਂ ਕਰਨਗੇ ਅਤੇ ਬਲਜੀਤ ਸਿੰਘ ਦਿਓ ਇਸ ਫਿਲਮ ਦੇ ਡੀਓਪੀ ਹੋਣਗੇ। ਹੋਂਸਲਾ ਰੱਖ ਦੀ ਕਹਾਣੀ ਰਾਕੇਸ਼ ਧਵਨ ਨੇ ਲਿਖੀ ਹੈ।ਫਿਲਮ ਦੀ ਸ਼ੂਟਿੰਗ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੀ ਹੈ। ਇਹ ਫਿਲਮ ਇਸ ਅਕਤੂਬਰ 15 ਅਕਤੂਬਰ 2021 ਨੂੰ ਦੁਸਹਿਰੇ ਤੇ ਰਿਲੀਜ਼ ਹੋਵੇਗੀ।