ਪਿੱਛਲੇ ਲੰਮੇਂ ਸਮੇਂ ਤੋਂ ਖਰੜ ਸ਼ਹਿਰ ਵਾਸੀਆਂ ਨੂੰ ਬਹੁਤ ਸਾਰੀਆਂ ਸਮੱਸਿਆਵਾਂ ਕਾਰਨ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਿਨਾਂ ਵਿੱਚ ਪ੍ਰਮੁੱਖ ਤੌਰ ਤੇ ਪੀਣ ਵਾਲੇ ਪਾਣੀ, ਡੰਪਿੰਗ ਗਰਾਉਂਡ, ਜਨਤ ਪਖਾਨਿਆਂ ਦੀ ਅਣਹੋਦ, ਬੱਸ ਅੱਡਾ,ਜਨਤਕ ਪਾਰਕਾਂ, ਵੱਡੇ ਖੇਡ ਮੈਦਾਨ, ਘਟੀਆ ਸੀਵਰੇਜ਼ ਸਿਸਟਮ ਆਦਿ ਸ਼ਾਮਲ ਹਨ । ਕੌਂਸਲ ਚੋਣਾਂ ਜਿੱਤਣ ਤੋਂ ਬਾਅਦ ਭਾਜਪਾ ਦਾ ਪ੍ਰਧਾਨ ਬਣਨ ਤੇ ਖਰੜ ਦੀਆਂ ਸਾਰੀਆਂ ਮੁਸ਼ਕਿਲਾਂ ਦਾ ਹੱਲ ਕੀਤਾ ਜਾਵੇਗਾ।ਇਨਾਂ ਗੱਲਾਂ ਦਾ ਪ੍ਰਗਟਾਵਾ ਕਰਦਿਆਂ ਭਾਜਪਾ ਜ਼ਿਲ੍ਹਾ ਮੋਹਾਲੀ ਜਨਰਲ ਸਕੱਤਰ ਨਰਿੰਦਰ ਰਾਣਾ ਨੇ ਕਿਹਾ ਕਿ ਨਗਰ ਕੌਂਸਲ ਖਰੜ ਅਧੀਨ ਖੇਤਰ ਦੇ ਵਸਨੀਕਾਂ ਨੂੰ ਸੱਭ ਤੋਂ ਵੱਡੀ ਸਮੱਸਿਆ ਪੀਣ ਵਾਲੇ ਪਾਣੀ ਦੀ ਹੈ।ਲੋਕਾਂ ਨੂੰ ਪੀਣ ਦਾ ਪੂਰਾ ਪਾਣੀ ਨਹੀਂ ਮਿਲ ਰਿਹਾ ਹੈ।ਹਰ ਸਾਲ ਦਰਜਨਾਂ ਟਿਊਬਵੈਲ ਫੇਲ ਹੋ ਜਾਂਦੇ ਹਨ ਜਿਸ ਦਾ ਇੱਕੋ ਇੱਕ ਹੱਲ ਕਾਜੋਲੀ ਵਾਟਰ ਵਰਕਸ ਤੋਂ ਨਹਿਰੀ ਪਾਣੀ ਦੀ ਸਪਲਾਈ ਨਾ ਨਿਕਲ ਸਕਦਾ ਹੈ।ਇਸ ਤੋਂ ਇਲਾਵਾ ਲੋਕਾਂ ਲਈ ਕੋਈ ਬੱਸ ਅੱਡਾ ਨਹੀਂ ਹੈ ਜਦਕਿ ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਕਰੀਬ ਪੰਦਰਾਂ ਸਾਲ ਪਹਿਲਾਂ ਬੱਸ ਅੱਡੇ ਦਾ ਉਦਘਾਟਨ ਕੀਤਾ ਸੀ ਜੋ ਅੱਜ ਤੱਕ ਨਹੀਂ ਬਣਾਇਆ ਜਿਸ ਨੂੰ ਪਹਿਲ ਦੇ ਅਧਾਰ ਤੇ ਬਣਾਇਆ ਜਾਵੇਗਾ। ਪਬਲਿਕ ਟਾਇਲਟ ਨਾ ਹੋਣ ਕਾਰਨ ਵੀ ਬਜਾਰਾਂ ਚ ਖ੍ਰੀਦਦਾਰੀ ਕਰਨ ਆਉਣ ਵਾਲਿਆਂ ਨੂੰ ਮੁਸ਼ਕਿਲ ਆਉਦੀ ਹੈ।ਬਰਸਾਤੀ ਦਿਨਾਂ ਚ ਸ਼ਹਿਰ ਦੇ ਸੀਵਰੇਜ ਸਿਸਟਮ ਦੀ ਪੋਲ ਖੁੱਲਦੀ ਹੈ ਤੇ ਸਾਰਾ ਸ਼ਹਿਰ ਪਾਣੀ ਚ ਡੁੱਬ ਜਾਂਦਾ ਹੈ ।ਸੀਵਰੇਜ ਸੁਧਾਰ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ ਤੇ ਵੱਡੇ ਟ੍ਰੀਟਮੈਂਟ ਪਲਾਂਟੇ ਲਗਾਏ ਜਾਣਗੇ।ਸੜਕਾਂ ਕਿਨਾਰੇ ਦਰੱਖਤ ਲਗਾਕੇ ਸ਼ਹਿਰ ਨੂੰ ਸੂੰਦਰ ਬਣਾਉਣਾ, ਵੱਡੇ ਪਾਰਕ, ਅਣਅਧਿਕਾਰਤ ਕਲੋਨੀਆਂ ਚ ਸਾਰੀਆਂ ਸੁੱਖ ਸਹੂਲਤਾਂ,ਚੌੜੀਆਂ ਸੜਕਾਂ, ਦਰਪਨ ਸਿਟੀ ਨੇੜੇ ਡੰਪਿੰਗ ਗਰਾਉਂਡ ਨੂੰ ਸ਼ਿਫਟ ਕਰਨਾ, ਅਵਾਰਾ ਪਸ਼ੂਆਂ ਅਤੇ ਕੁੱਤਿਆਂ ਤੋਂ ਨਿਯਾਤ ਦਿਵਾਉਣਾ ਆਦਿ ਸਮੱਸਿਆਂਵਾਂ ਦਾ ਹੱਲ ਕੀਤਾ ਜਾਵੇਗਾ।ਉਨਾਂ ਕਿਹਾ ਕਿ ਨਗਰ ਕੌਂਸਲ ਵਿੱਚ ਭ੍ਰਿਸ਼ਟਾਚਾਰ ਦਾ ਬੋਲਬਾਲਾ ਹੈ ਲੋਕਾਂ ਨੂੰ ਆਪਣੇ ਕੰਮ ਕਰਵਾਉਣ ਲਈ ਵੱਡੀ ਰਕਮ ਅਦਾ ਕਰਨੀ ਪੈਂਦੀ ਹੈ। ਭਾਜਪਾ ਦੇ ਬਹੁਮਤ ਵਿਚ ਆਉਣ ਮਗਰੋਂ ਉਕਤ ਕੰਮ ਸੁਵਿਧਾ ਕੇਂਦਰਾਂ ਰਾਂਹੀ ਕਰਵਾਉਣ ਦੀ ਵਿਵਸਥਾ ਕੀਤੀ ਜਾਵੇਗੀ।ਉਨਾਂ ਸ਼ਹਿਰ ਵਾਸੀਆਂ ਤੋਂ ਉਕਤ ਸਾਰੇ ਕੰਮਾਂ ਨੂੰ ਨੇਪਰੇ ਚਾੜਨ ਲਈ ਕੌਂਸਲ ਚੋਣਾਂ ਚ ਭਾਜਪਾ ਦਾ ਸਹਿਯੋਗ ਮੰਗਿਆ ਹੈ।