ਪੰਜਾਬ ਸਰਕਾਰ ਵਲੋਂ ਆਮ ਲੋਕਾਂ ਨੂੰ ਰੇਤਾ, ਬਜਰੀ ਵਾਜਿਬ ਦਰਾਂ ਤੇ ਮੁਹੱਈਆ ਕਰਵਾਉਣ ਲਈ ਦਾਣਾ ਮੰਡੀ ਬਨੂੰੜ ਵਿਖੇ ਸਟਾਕ ਯਾਰਡ ਜਲਦੀ ਹੀ ਚਾਲੂ ਕਰ ਦਿੱਤਾ ਜਾਵੇਗਾ।ਜਿਥੋਂ ਕਿ ਲੋਕਾਂ ਨੂੰ ਰੇਤਾ ਅਤੇ ਬਜਰੀ ਵਾਜਬ ਰੇਟਾਂ ਤੇ ਮਿਲ ਸਕੇਗੀ। ਇਸ ਗੱਲ ਦੀ ਜਾਣਕਾਰੀ ਜਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਸ੍ਰੀ ਤੇਜਿੰਦਰ ਪਾਲ ਸਿੰਘ ਸਿੱਧੂ ਨੇ ਦੱਸਿਆ ਕਿ ਇਸ ਸਟਾਕ ਯਾਰਡ ਦੇ ਬਣਨ ਨਾਲ ਜਿਥੇ ਆਮ ਲੋਕਾਂ ਨੂੰ ਅਸਾਨੀ ਨਾਲ ਰੇਤਾ ਬਜਰੀ ਮਿਲ ਸਕਗੀ ਉਥੇ ਰੇਤੇ ਦੀ ਕਾਲਾ ਬਜ਼ਾਰੀ ਨੂੰ ਪੂਰੀ ਤਰਾਂ ਠੱਲ ਪੈ ਜਾਵੇਗੀ।ਸਿੱਧੂ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਠੇਕੇ ਤੇ ਦਿੱਤੀਆਂ ਖਾਣਾਂ ਵਿਚੋਂ ਰੇਤੇ ਦੀ ਢੋਅ-ਢੁਆਈ ਨੂੰ ਸਟਾਕ ਯਾਰਡ ਤੱਕ ਪਹੁੰਚਾਉਣ ਲਈ ਟਰਾਂਸਪੋਟਰਾਂ ਤੋਂ ਘੱਟ ਤੋਂ ਘੱਟ ਰੇਟ ਤੇ ਟੈਂਡਰਾਂ ਰਾਹੀਂ ਆਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ ਤਾਂ ਜੋ ਆਮ ਜਨਤਾ ਦੀ ਵਰਤੋਂ ਲਈ ਰੇਤਾ ਅਤੇ ਬਜਰੀ ਸਟਾਕ ਯਾਰਡ ਤੇ ਨਿਰਧਾਰਤ ਰੇਟ ਅਨੁਸਾਰ ਉਪਲੱÎਭਧ ਹੋ ਸਕੇ। ਉਨਾਂ ਦੱਸਿਆ ਕਿ ਇਸ ਸਟਾਕ ਯਾਰਡ ਲਈ ਜਿਲਾ੍ਹ ਮੰਡੀ ਅਫਸਰ ਨੂੰ ਨੋਡਲ ਅਫਸਰ ਬਣਾਇਆ ਗਿਆ ਹੈ। ਜਦਕਿ ਇਸ ਦੀ ਨਿਗਰਾਨੀ ਸਕੱਤਰ ਅਤੇ ਸੁਪਰਵਾਇਜ਼ਰ ਮਾਰਕੀਟ ਕਮੇਟੀ ਬਨੂੰੜ ਕਰਨਗੇ।
ਉਨਾਂ ਦੱਸਿਆ ਕਿ ਆਮ ਵਿਆਕਤੀ ਜਿਸ ਨੂੰ ਰੇਤਾ ਬਜਰੀ ਦੀ ਜਰੂਰਤ ਹੈ ਉਹ ਕੁਲਜਿੰਦਰ ਸਿੰਘ ਸਕੱਤਰ ਮਾਰਕੀਟ ਕਮੇਟੀ ਬਨੂੰੜ ਦੇ ਦਫਤਰ ਦੇ ਫੋਨ ਨੰਬਰ 01762-251446 ਅਤੇ ਮੋਬਾਇਲ ਨੰਬਰ 99150-09448 ਸ੍ਰੀ ਬਲਬੀਰ ਸਿੰਘ ਏ.ਆਰ ਐਮ.ਸੀ. ਬਨੂੰੜ ਮੋਬਾਇਲ ਨੰ: 98151-20104 ਸ੍ਰੀ ਕੁਲਵੰਤਰ ਸਿੰਘ ਮੰਡੀ ਸੁਪਰਵਾਇਜ਼ਰ ਮਾਰਕੀਟ ਬਨੂੰੜ ਮੋਬਾਇਲ ਨੰ: 99154-40875 ਸ੍ਰੀ ਲਖਵੀਰ ਸਿੰਘ ਕਲਰਕ ਮਾਰਕੀਟ ਕਮੇਟੀ ਬਨੂੰੜ ਮੋਬਾਇਲ ਨੰ: 82888-33202 ਤੇ ਸੰਪਰਕ ਕਰਕੇ ਰੇਤਾ ਬਜਰੀ ਬੁੱਕ ਕਰਵਾ ਸਕਣਗੇ।ਇਸ ਤੋਂ ਉਪਰੰਤ ਡਿਪਟੀ ਕਮਿਸਨਰ ਸ੍ਰੀ ਸਿੱਧੂ ਨੇ 25 ਜਨਵਰੀ ਨੂੰ ਪੰਜਾਬ ਸਰਕਾਰ ਵਲੋਂ ਬਣਾਏ ਗਏ ਵਿਸ਼ਵ ਪੱਧਰੀ ਹਾਕੀ ਸਟੇਡੀਅਮ ਵਿਖੇ ਹਾਕੀ ਇੰਡੀਆ ਲੀਗ ਦੇ ਪੰਜਾਬ ਅਤੇ ਦਿੱਲੀ ਅਤੇ ਦੀਆਂ ਟੀਮਾਂ ਵਿਚਕਾਰ ਹੋਣ ਵਾਲੇ ਹਾਕੀ ਮੈਚ ਦੇ ਪ੍ਰਬੰਧਾਂ ਦੀ ਸਮੀਖਿਆ ਵੀ ਕੀਤੀ ।
ਉਨਾਂ ਦੱਸਿਆ ਕਿ ਇਸ ਮੈਚ ਦੌਰਾਨ ਪੰਜਾਬ ਦੇ ਉੱਪ ਮੁੱਖ ਮੰਤਰੀ ਸਰਦਾਰ ਸੁਖਬੀਰ ਸਿੰਘ ਬਾਦਲ ਵਿਸ਼ੇਸ ਤੌਰ ਤੇ ਸ਼ਿਰਕਤ ਕਰਨਗੇ। ਉਨਾਂ ਅਧਿਕਾਰੀਆਂ ਨੂੰ ਆਵਾਜਾਈ ਤੋਂ ਇਲਾਵਾ ਹੋਰਨਾ ਪ੍ਰਬੰਧਾਂ ਨੂੰ ਵੀ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜਣ ਦੀ ਹਦਾਇਤਾਂ ਵੀ ਦਿੱਤੀਆਂ ਤਾਂ ਜੋ ਹਾਕੀ ਦਾ ਮੈਚ ਦੇਖਣ ਆਉਣ ਵਾਲੇ ਖੇਡ ਪ੍ਰੇਮੀਆਂ ਨੂੰ ਅਤੇ ਆਮ ਲੋਕਾਂ ਨੂੰ ਕਿਸੇ ਕਿਸਮ ਦੀ ਦਿੱਕਤ ਪੇਸ਼ ਨਾ ਆਵੇ। ਉਨਾਂ ਹਾਕੀ ਇੰਡੀਆ ਲੀਗ ਮੈਚ ਲਈ ਪੁਲਿਸ ਪ੍ਰਸਾਸ਼ਨ ਵਲੋਂ ਸ੍ਰੀ ਸਵਰਨਦੀਪ ਸਿੰਘ ਐਸ.ਪੀ (ਸਿਟੀ)-1 ਅਤੇ ਐਸ.ਡੀ.ਐਮ ਸ੍ਰੀ ਲਖਮੀਰ ਸਿੰਘ ਨੂੰ ਨੋਡਲ ਅਫਸਰ ਨਿਯੁਕਤ ਕੀਤਾ ।ਇਸ ਮੌਕੇ ਜਿਲਾ੍ਹ ਪੁਲਿਸ ਮੁੱਖੀ ਸ੍ਰੀ ਇੰਦਰ ਮੋਹਨ ਸਿੰਘ , ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀ ਪੁਨੀਤ ਗੋਇਲ, ਐਸ.ਪੀ (ਸਿਟੀ) ਸ੍ਰੀ ਸਵਰਨਦੀਪ ਸਿੰਘ, ਐਸ.ਡੀ.ਐਮ. ਐਸ.ਏ.ਐਸ.ਨਗਰ ਸ੍ਰੀ ਲਖਮੀਰ ਸਿੰਘ, ਜ਼ਿਲ੍ਹਾ ਮੰਡੀ ਅਫ਼ਸਰ ਸ੍ਰੀ ਕੁਲਵੰਤ ਸਿੰਘ, ਜਿਲਾ੍ਹ ਮਾਲ ਅਫਸਰ ਸ੍ਰੀ ਰੋਹਿਤ ਗੁਪਤਾ ,ਜ਼ਿਲ੍ਹਾ ਮਾਇੰਨਿੰਗ ਅਫ਼ਸਰ ਸ੍ਰੀ ਧਰਮਪਾਲ ਭਗਤ ਅਤੇ ਹਾਕੀ ਇੰਡੀਆ ਲੀਗ ਦੇ ਪ੍ਰਬੰਧਕੀ ਮੈਂਬਰ ਵੀ ਮੌਜੂਦ ਸਨ।