ਸ੍ਰੋਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਅਤੇ ਸਾਬਕਾ ਮੈਂਬਰ ਲੋਕ ਸਭਾ ਪ੍ਰੋ: ਪ੍ਰੇਮ ਸਿੰਘ ਚੰਦੂ ਮਾਜਰਾ ਨੇ ਆਪਣੇ ਜਾਰੀ ਕੀਤੇ ਪ੍ਰੈਸ ਬਿਆਨ ਵਿੱਚ ਕਾਂਗਰਸ ਪਾਰਟੀ ਦੀ ਸਖ਼ਤ ਨੂਕਤਾ ਚਿੰਨੀ ਕਰਦਿਆਂ ਆਖਿਆ ਹੈ ਕਿ ਕਾਂਗਰਸ ਨਸ਼ਾ ਤਸਕਰੀ ਚ ਕਾਬੂ ਕੀਤੇ ਪੰਜਾਬ ਪੁਲਿਸ ਵੱਲੋਂ ਮੁਜਰਮ ਜਗਦੀਸ ਸਿੰਘ ਭੋਲਾ ਜਿਹੜਾ ਕਿ ਨਸ਼ਿਆਂ ਦੀ ਤਸਕਰੀ ਲਈ ਮੁਜਰਮ ਹੈ ਨੂੰ ਸਹਿ ਦੇ ਕੇ ਰਾਜਸੀ ਰੋਟੀਆਂ ਸੇਕ ਰਹੀ ਹੈ ਪਰੰਤੂ ਪੰਜਾਬ ਦੇ ਲੋਕ ਕਾਂਗਰਸ ਦੀਆਂ ਲੁੰਬੜ ਚਾਲਾਂ ਤੋਂ ਪੁਰੀ ਤਰ੍ਹਾਂ ਵਾਕਿਫ ਹਨ ਅਤੇ ਪੰਜਾਬ ਦੇ ਲੋਕ ਕਾਂਗਰਸ ਦੀਆਂ ਅਜਿਹੀਆਂ ਚਾਲਾਂ ਵਿੱਚ ਨਹੀਂ ਆਉਣਗੇ। ਉਨ੍ਹਾਂ ਕਿਹਾ ਕਿ ਡਰੱਗ ਮੁਜਰਮ ਭੋਲਾ ਵੱਲੋਂ ਸਰਦਾਰ ਬਿਕਰਮ ਸਿੰਘ ਮਜੀਠੀਆ ਵਿਰੁੱਧ ਲਗਾਏ ਗਏ ਦੋਸ਼ ਜਿਸ ਦਾ ਕੋਈ ਪੁਖਤਾ ਸਬੂਤ ਨਹੀਂ ਹੈ ਕਾਂਗਰਸ ਪਾਰਟੀ ਵੱਲੋਂ ਬਿਨ੍ਹਾਂ ਮਤਲਬ ਉਛਾਲਿਆ ਜਾ ਰਿਹਾ ਹੈ। ਜਦਕਿ ਮੌਜੂਦਾ ਆਲ ਇੰਡੀਆ ਕਾਂਗਰਸ ਪਾਰਟੀ ਦੇ ਮੈਂਬਰ ਅਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਯੂ.ਪੀ.ਏ ਦੀ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਨੂੰ ਪੰਜਾਬ ਪ੍ਰਦੇਸ ਕਾਂਗਰਸ ਦੇ ਪ੍ਰਧਾਨ ਸ੍ਰ: ਪ੍ਰਤਾਪ ਸਿੰਘ ਬਾਜਵਾ ਵਿਰੁੱਧ ਇੱਕ ਪੱਤਰ ਲਿਖ ਕੇ ਸ੍ਰ: ਬਾਜਵਾ ਦਾ ਨਸ਼ਿਆਂ ਦੀ ਤਸੱਕਰੀ ਵਿੱਚ ਸਮੂਲੀਅਤ ਹੋਣਾ ਅਤੇ ਡਰੱਗ ਮਾਫਿਏ ਨਾਲ ਸਬੰਧ ਰੱਖਣ ਸਬੰਧੀ ਪੁਰੀ ਜਾਣਕਾਰੀ ਦਿੱਤੀ ਗਈ ਸੀ ਅਤੇ ਉਸ ਵੇਲੇ ਪੰਜਾਬ ਦੇ ਕਾਂਗਰਸੀਆਂ ਨੇ ਆਪਣੀ ਜਬਾਨ ਨਹੀਂ ਖੋਲ੍ਹੀ ਅਤੇ ਹੁਣ ਇੱਕ ਮੁਜਰਮ ਵੱਲੋਂ ਦਿੱਤੇ ਬਿਆਨ ਨੂੰ ਬਿਨ੍ਹਾਂ ਵਜਾ ਵੱਡਾ ਮੁੱਦਾ ਬਣਾਇਆ ਜਾ ਰਿਹਾ ਹੈ।
ਪ੍ਰੋ: ਚੰਦੂਮਾਜਰਾ ਨੇ ਹਲਕਾ ਵਿਧਾਇਕ ਮੋਹਾਲੀ ਸ੍ਰ: ਬਲਬੀਰ ਸਿੰਘ ਸਿੱਧੂ ਅਤੇ ਕੁੱਝ ਕਾਂਗਰਸੀਆਂ ਵੱਲੋਂ ਨਸ਼ਿਆਂ ਦੇ ਤਸਕਰ ਜਗਦੀਸ ਸਿੰਘ ਭੋਲਾ ਵੱਲੋਂ ਦਿੱਤੇ ਕੋਰੇ ਝੁੱਠ ਦੇ ਅਧਾਰ ਤੇ ਸ੍ਰ: ਬਿਕਰਮ ਸਿੰਘ ਮਜੀਠੀਆ ਦਾ ਪੁਤਲਾ ਸਾੜਨ ਨੂੰ ਇਖਲਾਖ ਤੋਂ ਡਿੱਗੀ ਹਰਕਤ ਕਰਾਰ ਦਿੰਦਿਆ ਕਿਹਾ ਕਿ ਕਾਂਗਰਸ ਨੂੰ ਬਿਨ੍ਹਾਂ ਵਜਾ ਅਜਿਹੇ ਮੁੱਦੇ ਉਬਾਰ ਕੇ ਸਿਆਸੀ ਲਾਹ ਨਹੀਂ ਲੈਣਾ ਚਾਹੀਦਾ ਜਦਕਿ ਹਕੀਕਤ ਨੂੰ ਜਾਣਨ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਨਸ਼ਿਆਂ ਦੇ ਤਸਕਰ ਦੀ ਵਰਤੋਂ ਕਰਕੇ ਸ੍ਰ: ਮਜੀਠੀਆ ਦੇ ਅਕਸ ਨੂੰ ਖਰਾਬ ਕਰਨਾ ਚਾਹੁੰਦੀ ਹੈ ਅਤੇ ਕਾਂਗਰਸ ਆਪਣੀ ਜੱਗ ਜਾਹਿਰ ਹੋਈ ਫੁੱਟ ਤੋ ਧਿਆਨ ਹਟਾਉਣ ਲਈ ਇੱਕ ਮੁਜਰਮ ਦੇ ਬਿਆਨ ਦਾ ਸਹਾਰਾ ਲੈ ਰਹੀਂ ਹੈ।