Web Admin

5 ਦਰਿਆ ਨਿਊਜ਼

ਚੰਡੀਗੜ੍ਹ , 18 Dec 2013

Last updated on: Dec 18, 2013, 00:00 IST

ਪੰਜਾਬ ਸਰਕਾਰ ਵਲੋਂ ਸੁਬੇ ਵਿਚਲੀਆਂ ਵਿਰਾਸਤੀ ਇਮਾਰਤਾਂ ਦੀ ਸਾਂਭ ਸੰਭਾਲ ਲਈ ਕਈ ਅਹਿਮ ਉਪਰਾਲੇ ਕੀਤੇ ਜਾ ਰਹੇ ਹਨ।ਇਨ੍ਹਾਂ ਦੇ ਚਲਦਿਆਂ ਪੰਜਾਬ ਹੈਰੀਟੇਜ ਅਤੇ ਟੂਰੀਜਮ ਪ੍ਰਮੋਸ਼ਨ ਬੋਰਡ ਵਲੋਂ ਅੰਮ੍ਰਿਤਸਰ ਦੇ ਗੋਬਿੰਦਗੜ੍ਹ ਕਿਲੇ ਦੀ ਸਾਂਭ ਸੰਭਾਲ ਅਤੇ ਯਾਤਰੀਆਂ ਦੀ ਖਿੱਚ ਲਈ 12.84 ਕਰੋੜ ਰੁਪਏ ਖਰਚੇ ਜਾ ਰਹੇ ਹਨ।ਇ ਪ੍ਰੋਜੈਕਟ ਦੇ ਅਧੀਨ ਗੋਬਿੰਦਗੜ੍ਹ ਕਿਲ੍ਹੇ ਵਿਖੇ ਲੈਂਡਸਕੇਪਿੰਗ ਅਤੇ ਮਾਨੂਮੈਂਟ ਲਾਈਟਿੰਗ ਕੀਤੀ ਜਾਵੇਗੀ।ਪੰਜਾਬ ਦੇ ਸੈਰ ਸਪਾਟਾ ਅਤੇ ਸਭਿਆਚਾਰਕ ਮਾਮਲਿਆ ਦੇ ਮੰਤਰੀ ਸ. ਸਰਵਨ ਸਿੰਘ ਫਿਲੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗੋਬਿੰਦਗੜ੍ਹ ਕਿਲੇ ਨੂੰ ਯਾਤਰੀਆਂ ਲਈ ਦਿਲਖਿਚਵਾਂ ਬਣਾਉਣ ਲਈ 8.24 ਕਰੋੜ ਰੁਪਏ ਦੇ ਲੈਂਡਸਕੇਪਿੰਗ ਪ੍ਰੋਜੈਕਟ ਕਿਲ੍ਹੇ ਦੀ ਬਾਹਰੀ ਦਿੱਖ ਨੂੰ ਕਲਾਤਮਿਕ ਬਣਾਇਆ ਜਾਵੇਗਾ।ਫਿਲੌਰ ਨੇ ਕਿਹਾ ਕਿ ਲੈਂਡਸਕੇਪਿੰਗ ਕਿਲ੍ਹੇ ਦੇ ਮੁੱਖ ਸੜਕ ਤੋਂ ਕਿਲ੍ਹੇ ਦੇ ਬਾਹਰੀ ਲਾਂਘੇ ਤੱਕ ਕੀਤੀ ਜਾਵੇਗੀ। ਇਸ ਦੀ ਸਜਾਵਟ ਲਈ ਖਾਸ ਕਿਸਮ ਦੇ ਬੂਟੇ ਲਾਏ ਜਾਣਗੇ।ਜਿਸ ਵਿਚ ਫੁੱਲਾਂ ਅਤੇ ਬਿਨਾਂ ਫੁੱਲਾਂ ਦੋਵਾਂ ਕਿਸਮਾਂ ਸ਼ਾਮਿਲ ਹੋਣਗੀਆਂ ਜੋ ਗੱਡੀਆਂ ਅਤੇ ਪੈਦਲ ਰਾਸਤੇ ਦਰਸਾਉਣਗੀਆਂ।ਮੰਤਰੀ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਦੇ ਤਹਿਤ ਮੋਟ ਏਰੀਏ ਨੂੰ ਯਾਤਰੀਆਂ ਅਕ੍ਰਸ਼ਿਤ ਕਰਨ ਲਈ ਇੱਥੇ ਇਤਿਹਾਸਕ ਵਾਟਰ ਚੈਨਲ ਅਤੇ ਟਨਲ, ਕਿਲ੍ਹੇ ਦੀਆਂ ਦਿਵਾਰਾਂ ਆਦਿ ਨੂੰ ਸੰਵਾਰਿਆ ਜਾਵੇਗਾ ਤਾਂ ਜੋ  ਸਿੱਖ ਇਤਿਹਾਸ ਦੇ ਨਾਲ ਜੁੜੇ ਹੋਏ ਇਸ ਕਿਲ੍ਹੇ ਨੂੰ ਯਾਤਰੀਆਂ ਲਈ ਇੱਕ ਨਮੂੰਨੇ ਦੇ ਤੌਰ ਤੇ ਪੇਸ਼ ਕੀਤਾ ਜਾ ਸਕੇ।ਉਨ੍ਹਾਂ ਦੱਸਿਆ ਕਿ ਲੈਂਡਸਕੇਪ ਲਈ ਲਾਲ ਪੱਥਰ, ਵਿਸੇਸ਼ ਬੂਟੇ ਅਤੇ ਦਰੱਖਤ ਲਾਏ ਜਾਣਗੇ।ਸ. ਫਿਲੌਰ ਨੇ ਦੱਸਿਆ ਕਿ ਕਿਲ੍ਹੇ ਦੇ ਅੰਦਰਲੀਆਂ ਇਮਾਰਤਾਂ ਤੋਸ਼ਖਾਨਾ, ਸ਼ਾਸ਼ਤਰਾਂ ਅਜਾਇਬ ਘਰ, ਖਾਸ ਮਹਿਲ ਅਤੇ ਦਰਬਾਰ ਹਾਲ ਨੂੰ ਕੰਕਰੀਟ ਨਾਲ ਸੰਵਾਰਿਆ ਜਾਵੇਗਾ ਅਤੇ ਬਾਕੀ ਥਾਂ ਤੇ ਯਤਰੀਆਂ ਦੇ ਬੈਠਣ ਲਈ ਬਗੀਚਾ ਬਣਾਇਆ ਜਾਵੇਗਾ।ਮੰਤਰੀ ਨੇ ਦੱਸਿਆ ਕਿ ਪੂਰੇ ਕਿਲ੍ਹੇ ਨੂੰ ਮਾਨੂਮੰੈਟ ਲਾਈਟਿੰਗ ਨਾਲ ਸਜਾਇਆ ਜਾਵੇਗਾ ਜਿਸ ਤੇ 4.60 ਕਰੋੜ ਖਰਚ ਆਉਣਗੇ।ਜੋ ਰਾਤ ਦੇ ਸਮੇਂ ਯਾਤਰੀਆਂ ਲਈ ਬੜਾ ਖਿੱਚਵਾਂ ਨਜ਼ਾਰਾ ਪੇਸ਼ ਕਰੇਗਾ।