ਪੰਜਾਬ ਸਰਕਾਰ ਨੇ ਵਿਰਾਸਤੀ ਇਮਾਰਤਾਂ ਦੀ ਸਾਂਭ ਸੰਭਾਲ ਲਈ ਸਾਲ 2007 ਤੋਂ ਹੁਣ ਤਕ 1096.76 ਲੱਖ ਰੁਪਏ ਖਰਚ ਕੀਤੇ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੰਜਾਬ ਦੇ ਸੈਰ ਸਪਾਟਾ ਅਤੇ ਸਭਿਆਚਾਰਕ ਮਾਮਲਿਆਂ ਦੇ ਮੰਤਰੀ ਸਵਰਨ ਸਿੰਘ ਫਿਲੋਰ ਨੇ ਦੱਸਿਆ ਕਿ ਇਸ ਰਕਮ ਨਾਲ ਪੰਜਾਬ ਵਿਚ 32 ਵਿਰਾਸਤੀ ਇਮਾਰਤਾਂ ਦੀ ਦਿੱਖ ਨੂੰ ਸੰਵਾਰਨ ਦਾ ਕੰਮ ਨੇਪਰੇ ਚਾੜਿਆ ਗਿਆ ਹੈ।ਉਨਾਂ ਦੱਸਿਆ ਕਿ ਮੁਗਲ ਸਰਾਈ ਸੰਭੂ ਦੀ ਸਾਂਭ ਸੰਭਾਲ ਦਾ ਕੰਮ 75.32 ਲੱਖ, ਸੰਭੂ ਕੰਪਲੈਕਸ ਨਾਲ ਕਾਰ ਪਾਰਕਿੰਗ ਬਣਾਉਣ ਦਾ ਕੰਮ 40.30 ਲੱਖ, ਸੀਸ ਮਹਿਲ ਪਟਿਆਲਾ ਦਾ ਕੰਮ 86.91 ਲੱਖ, ਚਾਰਬਾਗ ਪਟਿਆਲਾ ਵਿਖੇ ਲੈਂਡਸਕੇਪਿੰਗ ਦਾ ਕੰਮ 101 ਲੱਖ, ਬਨਾਸਰ ਘਰ ਪਟਿਆਲਾ ਦਾ ਕੰਮ 92.62 ਲੱਖ, ਸਾਹੀ ਸਮਾਧਾਂ ਪਟਿਆਲਾ ਦਾ ਕੰਮ 46.38 ਲੱਖ, ਅਟਾਰੀ ਮਹਿਲ ਅਤੇ ਸਮਾਧੀ ਕੰਪਲੈਕਸ ਦਾ ਕੰਮ 94.26 ਲੱਖ, ਪੁਲ ਕੰਜਰੀ ਦਾ ਕੰਮ 54.50 ਲੱਖ, ਸਾਈ ਅਮਾਨਤ ਖਾਨ ਕੰਪਲੈਕਸ ਦਾ ਕੰਮ 27 ਲੱਖ, ਸਮਰ ਪੈਲੇਸ, ਰਾਮ ਬਾਗ ਗਾਰਡਨ ਅੰਮ੍ਰਿਤਸਰ ਦਾ ਕੰਮ 10.65 ਲੱਖ, ਸਿਵਲ ਡੀਫੈਂਸ ਡਿਓੜੀ ਰਾਮਬਾਗ ਗਾਰਡਨ ਅੰਮ੍ਰਿਤਸਰ ਦਾ ਕੰਮ 18.63 ਲੱਖ, ਰਾਮਬਾਗ ਗਾਜਡਨ ਅੰਮ੍ਰਿਤਸਰ ਦਾ ਕੰਮ 15.62 ਲੱਖ, ਰਾਮਬਾਗ ਗੇਟ, ਅੰਮ੍ਰਿਤਸਰ ਦਾ ਕੰਮ 7.78 ਲੱਖ, ਜਨਰਲ ਡਾਇਰ ਬੰਗਲਾ ਅੰਮ੍ਰਿਤਸਰ ਦਾ ਕੰਮ 113.05 ਲੱਖ, ਡੇਰਾ ਬਾਬਾ ਨਾਨਕ ਵਿਖੇ ਪਾਰਕਿੰਗ ਦਾ ਕੰਮ 27.92 ਲੱਖ, ਗੁਰੂ ਕੀ ਮਸੀਤ ਸ੍ਰੀ ਹਰਗੋਬਿੰਦਪੁਰ ਦਾ ਕੰਮ 44.40 ਲੱਖ, ਦਰਗਾਹ ਮਸੀਨਾ ਗੁਰਦਾਸਪੁਰ ਦਾ ਕੰਮ 91.17 ਲੱਖ, 19ਵੀਂ ਸਦੀ ਚਰਚ ਕੰਪਲੈਕਸ ਬਟਾਲਾ ਦਾ ਕੰਮ 10.10 ਲੱਖ, ਨਾਭਾ ਵਿਖੇ ਮਹਾਰਾਜਾ ਹੀਰਾ ਸਿੰਘ ਸਮਾਧੀ ਦਾ ਕੰਮ 65.76 ਲੱਖ, ਸਿੰਚਾਈ ਮਹਿਮਾਨ ਘਰ ਫਿਰੋਜਪੁਰ ਦਾ ਕੰਮ 68 ਲੱਖ, ਮੌਰਿਸ ਮਸੀਤ ਕਪੂਰਥਲਾ ਦਾ ਕੰਮ 17.34 ਲੱਖ, ਸਾਲੀਮਾਰ ਬਾਗ ਕਪੂਰਥਲਾ ਵਿਖੇ ਲੈਂਡਸਕੇਪ ਦਾ ਕੰਮ 34.83 ਲੱਖ ਅਤੇ ਸਾਹੀ ਸਮਾਧਾਂ ਕਪੂਰਥਲਾ ਦਾ ਕੰਮ 20.10 ਲੱਖ ਨਾਲ ਨੇਪਰੇ ਚਾੜਿਆ।
ਸ੍ਰੀ ਫਿਲੌਰ ਨੇ ਦੱਸਿਆ ਕਿ ਇਹਨਾਂ ਤੋਂ ਇਲਾਵਾ ਐਂਗਲੋ ਸਿੱਖ ਲੜਾਈਆਂ ਵਾਲੇ ਸਥਾਨਾਂ ਵਿਚੋਂ ਮਿਸਰਵਾਲ ਵਿਖੇ 8.67 ਲੱਖ, ਮੁਦਕੀ ਵਿਖੇ 24.73 ਲੱਖ, ਫਿਰੋਜਪੁਰ ਅਜਾਇਬਘਰ ਦਾ ਕੰਮ 59.12 ਲੱਖ, ਆਲੀਵਾਲ ਦਾ ਕੰਮ 12.8 ਅਤੇ ਸਬਰਾਂਓ ਵਿਖੇ 7.83 ਲੱਖ ਨਾਲ ਸਰਕਾਰ ਵਲੋ ਕੰਮ ਕਰਵਾਏ ਗਏ ਹਨ ਤਾਂ ਜੋ ਵਿਰਾਸਤੀ ਇਮਾਰਤਾਂ ਦੀ ਵਧੀਆ ਸਾਂਭ ਸੰਭਾਲ ਕੀਤੀ ਜਾ ਸਕੇ। ਮੰਤਰੀ ਨੇ ਅਗੇ ਦੱਸਿਆ ਕਿ ਬਨਾਸਰ ਬਾਗ ਸੰਗਰੂਰ ਨਜਦੀਕ ਕੋਠੀ ਦੀ ਸਾਂਭ ਸੰਭਾਲ ਦਾ ਕੰਮ 53.23 ਲੱਖ ਅਤੇ ਬਨਾਸਰ ਬਾਗ ਸੰਗਰੂਰ ਨਜਦੀਕ ਬਾਰਾਂਦਰੀ ਦਾ ਕੰਮ 41.30 ਲੱਖ ਰੁਪਏ ਦੀ ਲਾਗਤ ਨਾਲ ਕਰਵਾਇਆ ਜਾ ਰਿਹਾ ਹੈ।ਫਿਲੋਰ ਨੇ ਵਿਰਾਸਤੀ ਇਮਾਰਤਾਂ ਦੀ ਸਾਂਭ ਸੰਭਾਲ ਪ੍ਰਤੀ ਮੁੜ ਦੁਹਰਾਇਆ ਕਿ ਪੰਜਾਬ ਸਰਕਾਰ ਅਮੀਰ ਇਤਿਹਾਸਕ ਸਭਿਆਚਾਰਕ ਵਿਰਾਸਤ ਦੀ ਸੰਭਾਲ ਪ੍ਰਤੀ ਪੂਰੀ ਦ੍ਰਿੜਤਾ ਨਾਲ ਕੰਮ ਕਰ ਰਹੀ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋ ਮੁੱਖ ਮੰਤਰੀ ਸਰਦਾਰ ਪਰਕਾਸ ਸਿੰਘ ਬਾਦਲ ਦੀ ਅਗਵਾਈ ਵਿਚ ਕਈ ਅਜਿਹੇ ਇਤਿਹਾਸਕ ਕਦਮ ਚੁੱਕੇ ਗਏ ਹਨ ਜਿਸ ਦੇ ਤਹਿਤ ਸਰਕਾਰ ਵਲੋ ਕਰਤਾਰਪੁਰ ਵਿਖੇ ਦੇਸ ਦੀ ਆਜਾਦੀ ਦੇ ਪਰਵਾਨਿਆਂ ਦੀ ਅਦੁੱਤੀ ਯਾਦਗਾਰ ਜੰਗੇ-ਆਜਾਦੀ, ਅੰਮ੍ਰਿਤਸਰ ਵਿਖੇ ਸ੍ਰੀ ਰਾਮਤੀਰਥ ਮੰਦਿਰ, ਖੁਰਾਲਗੜ੍ਹ ਗੜ੍ਹਸੰਕਰ ਵਿਖੇ ਸ੍ਰੀ ਗੁਰੂ ਰਵੀਦਾਸ ਜੀ ਦੀ ਯਾਦਗਾਰ ਅਤੇ ਕਰਤਾਰਪੁਰ ਵਿਖੇ ਸ੍ਰੀ ਵਿਰਜਾਨੰਦ ਜੀ ਦੀ ਯਾਦਗਾਰ ਬਣਾਈ ਜਾ ਰਹੀ ਹੈ।