ਸਤਿਗੁਰੂ ਮਾਤਾ ਸਵਿੰਦਰ ਹਰਦੇਵ ਜੀ ਮਹਾਰਾਜ ਜੀ ਦੀ ਕ੍ਰਿਪਾ ਨਾਲ ਸੰਤ ਨਿਰੰਕਾਰੀ ਸਤਸੰਗ ਭਵਨ ਅਸਲਾਮਾਵਾਦ ਵਿਖੇ ਮੁੱਖੀ ਮਾਤਾ ਸੁਭਦਰਾ ਦੇਵੀ ਜੀ ਦੀ ਅਗਵਾਈ ਵਿਚ ਸੰਤ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਦਿੱਲੀ ਤੋਂ ਬਣੇ ਟੂਰ ਪ੍ਰੋਗਰਾਮ ਦੌਰਾਨ ਮਹਾਤਮਾ ਐਸ.ਐਲ.ਸੂਦ ਜੀ ਵਿਸ਼ੇਸ਼ ਤੌਰ'ਤੇ ਪਹੁੰਚੇ। ਇਨ੍ਹਾਂ ਦੇ ਨਾਲ ਮਹਾਤਮਾ ਵਿਦਿਆ ਸਾਗਰ ਜੀ ਹਿਮਾਚਲ ਵਾਲੇ ਵੀ ਸਨ।ਇਸ ਮੌਕੇ'ਤੇ ਉਨ੍ਹਾਂ ਪ੍ਰਵਚਨ ਕਰਦਿਆਂ ਕਿਹਾ ਕਿ ਗਿਆਨ ਹਾਸਲ ਕਰਨਾ ਜਿਨ੍ਹਾਂ ਜਿਆਦਾ ਜਰੂਰੀ ਇਨਸਾਨ ਲਈ ਹੁੰਦਾ ਹੈ, ਉਸ ਤੋਂ ਜਿਆਦਾ ਜਰੂਰੀ ਗਿਆਨ ਨੂੰ ਕਰਮ ਵਿਚ ਢਾਲਣਾ ਸਭ ਤੋਂ ਜਿਆਦਾ ਮਹੱਤਵਪੂਰਨ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਕਿਸੇ ਵਸਤੂ ਦੇ ਵਾਰੇ ਵਿਚ ਜਾਣਕਾਰੀ ਹਾਸਲ ਕਰਨਾ ਦੀ ਮਹੱਤਤਾ ਉਨ੍ਹਾਂ ਚਿਰ ਹੀ ਹੁੰਦੀ ਹੈ, ਜਿਨ੍ਹਾਂ ਚਿਰ ਉਸ ਵਸਤੂ ਦਾ ਪ੍ਰਯੋਗ ਨਾ ਕੀਤਾ ਜਾਵੇ। ਜਦੋਂ ਉਸ ਵਸਤੂ ਦਾ ਪ੍ਰਯੋਗ ਹੋ ਜਾਂਦਾ ਹੈ ਤਾਂ ਜਾਣਕਾਰੀ ਦੀ ਮਹੱਤਤਾ ਦੇ ਨਾਲ ਨਾਲ ਕਰਮ ਦੀ ਮਹੱਤਤਾ ਵੀ ਵੱਧ ਜਾਂਦੀ ਹੈ। ਉਨ੍ਹਾਂ ਇਸ ਗੱਲ ਨੂੰ ਅਧਿਤਮਕਿਤਾ ਦੇ ਨਾਲ ਜੋੜਦੇ ਹੋਏ ਦੱਸਿਆ ਕਿ ਜਿਨ੍ਹਾਂ ਚਿਰ ਇਸ ਨਿਰੰਕਾਰ ਪ੍ਰਭੂ ਦੀ ਜਾਣਕਾਰੀ ਹਾਸਲ ਨਹੀਂ ਹੋ ਜਾਂਦੀ ਉਦੋਂ ਤੱਕ ਗੁਰੂ ਦੀ ਮੱਤ ਦੇ ਅਨੁਸਾਰ ਇਨਸਾਨ ਦਾ ਕਰਮ ਵੀ ਨਹੀਂ ਹੋ ਸਕਦਾ। ਜਦੋਂ ਇਨਸਾਨ ਇਸ ਪਰਮਾਤਮਾ ਦੀ ਜਾਣਕਾਰੀ ਹਾਸਿਲ ਕਰ ਲੈਂਦਾ ਹੈ ਤਾਂ ਇਨਸਾਨ ਦਾ ਕਰਮ ਆਪਣੇ ਆਪ ਹੀ ਗੁਰੂ ਦੀ ਮੱਤ ਅਨੁਸਾਰ ਚਲਣਾ ਸ਼ੁਰੂ ਹੋ ਜਾਂਦਾ ਹੈ।
ਉਸ ਇਨਸਾਨ ਦੇ ਜੀਵਨ ਵਿਚ ਪਿਆਰ, ਨਿਮਰਤਾ ਅਤੇ ਸ਼ਹਿਨਸ਼ੀਲਤਾ ਆਦਿ ਸਮੇਤ ਹੋਰਨਾਂ ਅਧਿਆਧਿਮਕ ਗੁਣਾਂ ਦਾ ਪ੍ਰਵੇਸ਼ ਹੋ ਜਾਂਦਾ ਹੈ, ਜਿਸ ਨਾਲ ਇਨਸਾਨ ਗੁਰੂ ਦੀ ਮੱਤ ਦੇ ਅਨੁਸਾਰ ਚਲਦੇ ਹੋਏ ਗੁਰਸਿੱਖੀ ਵਾਲਾ ਜੀਵਨ ਜਿਉਣਾ ਸ਼ੁਰੂ ਕਰ ਦਿੰਦਾ ਹੈ। ਪਿਆਰ ਅਸੀਂ ਉਦੋਂ ਤੱਕ ਨਹੀਂ ਕਰ ਸਕਦੇ ਜਦੋਂ ਇਸ ਨਿਰੰਕਾਰ ਦੀ ਜੋਤ ਨੂੰ ਅਸੀਂ ਸਾਰੇ ਇਨਸਾਨਾਂ ਵਿਚ ਨਹੀਂ ਦੇਖਦੇ। ਸਤਿਗੁਰੂ ਦੀ ਸ਼ਰਨ ਵਿਚ ਜਦੋਂ ਇਨਸਾਨ ਇਸ ਨਿਰੰਕਾਰ ਨੂੰ ਜਾਣ ਲੈਂਦਾ ਹੈ ਤਾਂ ਉਸਨੂੰ ਇਸ ਗੱਲ ਦੀ ਸਮਝ ਆ ਜਾਂਦੀ ਹੈ ਕਿ ਸਾਰੇ ਹੀ ਅਸੀਂ ਪਰਮਾਤਮਾ ਦੀ ਅੰਸ਼ ਹਾਂ ਅਤੇ ਇਕੋਂ ਪਿਉ ਦੇ ਪੁੱਤਰ ਹਾਂ। ਫਿਰ ਇਨਸਾਨ ਦਾ ਨਜਰਿਆ ਬਦਲ ਜਾਂਦਾ ਹੈ ਫਿਰ ਉਹ ਗੁਰ ਦੀ ਅੱਖ ਨਾਲ ਦੇਖਦਾ, ਗੁਰੂ ਦੇ ਕੰਨ ਨਾਲ ਹੀ ਸੁਣਦਾ ਹੈ ਅਤੇ ਗੁਰੂ ਦੇ ਕਹੇ ਅਨੁਸਾਰ ਹੀ ਚਲਦਾ ਹੈ। ਗੁਰਸਿੱਖ ਆਪਣੇ ਕਰਮਾਂ ਨੂੰ ਛੱਡ ਕੇ ਸਤਿਗੁਰੂ ਦੇ ਕਹੇ ਅਨੁਸਾਰ ਕਰਮ ਕਰਦਾ ਹੈ। ਅੰਤ ਵਿਚ ਕੈਪਟਨ ਹਰੀ ਰਾਮ ਜੀ ਨੇ ਦੁਪਟਾ ਪਹਿਨਾ ਕੇ ਆਏ ਹੋਏ ਮਹਾਤਮਾ ਐਸ.ਐਲ.ਸੂਦ ਜੀ ਦਾ ਸਵਾਗਤ ਕਰਦੇ ਹੋਏ ਧੰਨਵਾਦ ਕੀਤਾ। ਇਸ ਦੌਰਾਨ ਰਾਕੇਸ਼ ਕੁਮਾਰ ਜੀ ਨੇ ਸਟੇਸ ਸੈਕਟਰੀ ਦੀ ਸੇਵਾ ਨਿਭਾਈ। ਇਸ ਮੌਕੇ'ਤੇ ਸੰਚਾਲਕ ਬਾਲ ਕਿਸ਼ਨ ਜੀ, ਸਿਖਸ਼ਕ ਦਵਿੰਦਰ ਵੋਹਰਾ ਬੋਬੀ, ਬਖਸ਼ੀ ਸਿੰਘ, ਨਿਰਮਲ ਦਾਸ, ਗਿਰਧਾਰੀ ਲਾਲ, ਪੰਕਜ ਕੁਮਾਰ, ਜਸਵੀਰ ਸਿੰਘ, ਯੋਗਰਾਜ, ਸੁਨੀਲ ਕੁਮਾਰ, ਸੋਹਣ ਲਾਲ ਸੈਣੀ, ਭੈਣ ਸ਼ੁਸੀਲ ਜੀ, ਭੈਣ ਮੋਹਣੀ ਜੀ, ਗੁਣਵੰਤ ਕਪੂਰ ਜੀ, ਅਨੁਰਾਧਾ ਜੀ, ਕਮਲ, ਨਿਧੀ, ਨਿਰਜਾ ਜੀ ਆਦਿ ਸਮੇਤ ਭਾਰੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ।