Web Admin

5 ਦਰਿਆ ਨਿਊਜ਼

ਸੁਲਤਾਨਪੁਰ ਲੋਧੀ , 14 Nov 2013

ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਪ੍ਰਭਾਤ ਫੇਰੀਆਂ ਨੇ ਸੁਲਤਾਨਪੁਰ ਲੋਧੀ ਦੇ ਮਾਹੌਲ ਨੂੰ ਪੂਰੀ ਤਰ੍ਹਾਂ ਧਾਰਮਿਕ ਰੰਗ ਵਿੱਚ ਰੰਗ ਦਿੱਤਾ ਹੈ ਉਥੇ ਇਸ ਨਗਰੀ ਨੂੰ ਪ੍ਰਭਾਤਫੇਰੀਆਂ ਨਾਲ ਵਾਤਾਵਰਣ ਦਾ ਰੰਗ ਵੀ ਚੜਨ ਲੱਗ ਪਿਆ ਹੈ। ਪਿੱਛਲੇ ਤਿੰਨ ਦਿਨਾਂ ਤੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਕੁਦਰਤ ਨਾਲ ਜੋੜਨ ਵਾਲੇ ਹਵਾਲੇ ਦੇ ਕੇ ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਵੱਲੋਂ ਪ੍ਰਭਾਤ ਫੇਰੀਆਂ ਕੱਢੀਆਂ ਜਾ ਰਹੀਆ ਹਨ।ਇੰਨ੍ਹਾਂ ਪ੍ਰਭਾਤ ਫੇਰੀਆਂ ਦੀ ਖਾਸੀਅਤ ਇਹ ਵੀ ਹੈ ਕਿ ਇੰਨ੍ਹਾਂ ਪ੍ਰਭਾਤ ਫੇਰੀਆਂ 'ਚ ਗੁਰਬਾਣੀ ਦੇ ਹਵਾਲਿਆਂ ਰਾਹੀ ਸਭ ਤੋਂ ਵੱਧ ਵਾਤਾਵਰਣ ਦੀ ਦੀ ਗੱਲ ਕੀਤੀ ਜਾ ਰਹੀ ਹੈ। ਰੋਜ਼ਾਨਾ ਨਿਰਮਲ ਕੁਟੀਆ ਸੁਲਤਾਨਪੁਰ ਲੋਧੀ ਤੋਂ ਦੁਧੀਆਂ ਲਾਈਟਾਂ 'ਚ ਸਜਾਈ ਜਾਂਦੀ ਟਰਾਲੀ 'ਚ ਵਾਤਾਵਰਣ ਦੇ ਖੂਬਸੂਰਤ ਨਾਆਰਿਆਂ ਵਾਲੇ ਬੋਰਡਾਂ ਲਾਏ ਗਏ ਹਨ।ਇਹ ਪੰਜਾਬ ਦੀ ਪਹਿਲੀ ਅਜਿਹੀ ਪ੍ਰਭਾਤ ਫੇਰੀ ਹੈ ਜਿਹੜੀ ਪੂਰੀ ਤਰ੍ਹਾਂ ਵਾਤਾਵਰਣ ਦਾ ਹੋਕਾ ਦਿੰਦੀ ਹੈ।ਜ਼ਿਕਰਯੋਗ ਹੈ ਕਿ ਵਾਤਾਵਰਣ ਪ੍ਰੇਮੀ ਦੇ ਤੌਰ 'ਤੇ ਜਾਣੇ ਜਾਂਦੇ ਸੰਤ ਬਲਬੀਰ ਸਿੰਘ ਜੀ ਦੀ ਅਗਵਾਈ ਹੇਠ ਹੀ ਪਵਿੱਤਰ ਕਾਲੀ ਵੇਈਂ ਦੀ ਕਾਰ ਸੇਵਾ ਕੀਤੀ ਜਾ ਰਹੀ ਹੈ।ਇਸੇ ਪਵਿੱਤਰ ਕਾਲੀ ਵੇਈਂ 'ਚ ਟੁੱਬੀ ਲਾ ਕੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਅਕਾਲ ਪੁਰਖ ਤੋਂ ਧੁਰ ਕੀ ਬਾਣੀ ਲੈਕੇ ਆਏ ਸਨ।ਇੱਥੇ ਉਨ੍ਹਾਂ ਨੇ ਆਪਣੀ ਭੈਣ ਬੇਬੇ ਨਾਨਕੀ ਕੋਲ ਰਹਿੰਦਿਆ ਸੁਲਤਾਨਪੁਰ ਲੋਧੀ 'ਚ 14 ਸਾਲ 9 ਮਹੀਨੇ 13 ਦਿਨ ਬੀਤਾਏ ਸਨ।ਇਹ ਪ੍ਰਭਾਤ ਫੇਰੀਆਂ ਤੁਰਦੀਆਂ ਸੰਗਤਾਂ ਦਾ ਨਗਰ ਵਾਸੀਆਂ ਵੱਲੋਂ ਥਾਂ-ਥਾਂ ਸਵਾਗਤ ਕੀਤਾ ਜਾਂਦਾ ਹੈ।ਪਹਿਲੀ ਪ੍ਰਭਾਤ ਫੇਰੀ ਤੋਂ ਹੀ ਸੰਤ ਦਇਆ ਸਿੰਘ ਟਾਹਲੀ ਸਾਹਿਬ ਵਾਲੇ, ਸੰਤ ਅਮਰੀਕ ਸਿੰਘ ਜੀ ਖੁਖਰੈਣ ਵਾਲੇ ਤੇ ਸੰਤ ਸੁਖਜੀਤ ਸਿੰਘ ਸੰਗਤਾਂ ਦੀਆਂ ਹਾਜ਼ਰੀਆਂ ਭਰਦੇ ਆ ਰਹੇ ਹਨ।ਲਗਤਾਰ ਚੱਲ ਰਹੀਆਂ ਪ੍ਰਭਾਤ ਫੇਰੀਆਂ ਗੁਰਦੁਆਰਾ ਬੇਰ ਸਾਹਿਬ, ਪੰਡੋਰੀ ਮਹੱਲਾ, ਗੁਰਦੁਆਰਾ ਅੰਤਰਜਾਮਤਾ ਸਾਹਿਬ, ਬੱਸ ਅੱਡਾ, ਆਰੀਆ ਸਮਾਜ ਚੌਂਕ,ਅਰੋੜਾ ਰਸਤਾ, ਗੁਰਦੁਆਰਾ ਹੱਟ ਸਾਹਿਬ, ਗੁਰਦੁਆਰਾ ਬੇਬੇ ਨਾਨਕੀ, ਸੈਂਟਰਲ ਟਾਊਨ, ਮਹੁੱਲਾ ਸਿੱਖਾਂ, ਚੌਂਕ ਚੇਲਿਆਂ, ਗੁਰਦੁਆਰਾ ਕੋਠੜੀ ਸਾਹਿਬ, ਗੁਰਦੁਆਰਾ ਸਿਹਰਾ ਸਾਹਿਬ, ਕਮੇਟੀ ਘਰ, ਬੀ.ਡੀ ਓ ਦਫਤਰ,ਰੈਸਟ ਹਾਊਸ 'ਚੋਂ ਹੁੰਦੀਆਂ ਹੋਈਆਂ ਨਿਰਮਲ ਕੁਟੀਆਂ ਆ ਕੇ ਸਮਾਪਿਤ ਹੁੰਦੀਆਂ ਹਨ।ਇਸ ਮੌਕੇ ਧਾਰਮਿਕ ਜਥੇਬੰਦੀਆਂ, ਸਮਾਜ ਸੇਵੀ ਅਤੇ ਸੰਗਤਾਂ ਵੱਲੋਂ ਪ੍ਰਭਾਤਫੇਰੀਆਂ ਦਾ ਪਵਿੱਤਰ ਸ਼ਹਿਰ 'ਚ ਥਾਂ ਥਾਂ ਨਿੱਘਾ ਸਵਾਗਤ ਕੀਤਾ ਗਿਆ। ਜਿਸ ਵਿੱਚ ਮੈਨੇਜਰ ਚਰਨ ਸਿੰਘ, ਮੈਨੇਜਰ ਬਲਵਿੰਦਰ ਸਿੰਘ, ਸੰਤ ਸੁਬੇਗ ਸਿੰਘ, ਬਾਬਾ ਜੱਗਾ ਸਿੰਘ, ਬਾਬਾ ਸੁੱਖਾ ਸਿੰਘ ਜੀ ਸਰਹਾਲੀ ਸਾਹਿਬ, ਸੁਖਵਿੰਦਰ ਸਿੰਘ ਮਾਹਲ, ਗੁਰਨਾਮ ਸਿੰਘ, ਡਾ ਸਵਰਨ ਸਿੰਘ,ਗੁਰਮਿੰਦਰ ਪਾਲ ਸਿੰਘ, ਦਰਸ਼ਨ ਸਿੰਘ, ਜੁਗਲ ਕਸ਼ੋਰ ਸਿੰਘ ਕੋਹਲੀ, ਜਗੀਰ ਸਿੰਘ, ਗੁਰਵਿੰਦਰ ਸਿੰਘ, ਅਜੀਤ ਸਿੰਘ ਭੌਰ ਅਤੇ ਪਵਿੱਤਰ ਸ਼ਹਿਰ ਵਾਸੀਆਂ ਵੱਲੋਂ ਪ੍ਰਭਾਤਫੇਰੀਆਂ ਨੂੰ ਜੀ ਆਇਆਂ ਨੂੰ ਕਿਹਾ ਗਿਆ।