ਮਾਨਸਾ ਦੇ ਨਾਲ ਲੱਗਦੇ ਪਿੰਡ ਲੱਲੂਆਣਾ ਦੇ ਨਾਂ ਨਾਲ ਜਾਣਿਆ ਜਾਂਦਾ ਸਥਾਨਕ ਲੱਲੂਆਣਾ ਰੋਡ ਹੁਣ ਭਗਤ ਨਾਮਦੇਵ ਮਾਰਗ ਨਾਲ ਜਾਣਿਆ ਜਾਵੇਗਾ। ਇਸ ਦਾ ਨਾਂ ਨਗਰ ਕੌਂਸਲ ਵੱਲੋਂ ਬਦਲ ਦਿੱਤਾ ਗਿਆ ਹੈ। ਇਸ ਲਈ ਵਿਧਾਇਕ ਮਾਨਸਾ ਪ੍ਰੇਮ ਮਿੱਤਲ ਕੋਲ ਲੋਕਾਂ, ਦੁਕਾਨਦਾਰਾਂ ਨੇ ਮੰਗ ਰੱਖ ਕੇ ਨਾਂ ਬਦਲਣ ਦੀ ਗੱਲ ਰੱਖੀ ਸੀ, ਜਿਸ ਤੋਂ ਬਾਅਦ ਇਸ ਤੇ ਅਮਲ ਕੀਤਾ ਗਿਆ। ਅੱਜ ਇਸ ਰੋਡ ਤੇ ਸਥਾਪਿਤ ਸ਼੍ਰੋਮਣੀ ਭਗਤ ਨਾਮਦੇਵ ਜੀ ਦੇ ਪ੍ਰਕਾਸ਼ ਉਤਸਵ ਮੌਕੇ ਸਰਕਾਰ ਨੇ ਲੋਕਾਂ ਨੂੰ ਇਸ ਦਾ ਨਾਂ ਬਦਲ ਕੇ ਭਗਤ ਨਾਮਦੇਵ ਮਾਰਗ ਰੱਖਣ ਦਾ ਤੌਹਫਾ ਦਿੱਤਾ ਹੈ।ਸਥਾਨਕ ਖਾਲਸਾ ਹਾਈ ਸਕੂਲ ਤੋਂ ਲੈ ਕੇ ਸ਼ਹਿਰ ਦੇ ਪਾਰ ਤੱਕ ਇਹ ਰੋਡ ਲੱਲੂਆਣਾ ਰੋਡ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਪਹਿਲਾਂ ਦੇ ਮੁਕਾਬਲੇ ਇਸ ਰੋਡ ਤੇ ਆਬਾਦੀ, ਦੁਕਾਨਦਾਰਾਂ , ਸ਼ੋਅ ਰੂਮ ਵੀ ਸਥਾਪਿਤ ਹੋ ਗਏ ਹਨ। ਜਿਸ ਤੋਂ ਬਾਅਦ ਇਸ ਦਾ ਨਾਂ ਬਦਲਣ ਬਾਰੇ ਸੇਵਾ ਭਾਰਤੀ ,ਭਗਤ ਨਾਮਦੇਵ ਸਭਾ, ਟਾਂਕ ਕਸ਼ੱਤਰੀ ਸਭਾ ਨੇ ਵੀ ਸੁਝਾਅ ਰੱਖੇ ਤੇ ਇਸ ਦਾ ਨਾਂ ਭਗਤ ਨਾਮਦੇਵ ਜੀ ਦੇ ਨਾਂ ਦੇ ਰੱਖਣ ਦੀ ਮੰਗ ਨਗਰ ਕੌਂਸਲ ਕੋਲ ਰੱਖੀ।
ਵਿਧਾਇਕ ਪ੍ਰੇਮ ਮਿੱਤਲ ਨੇ ਅੱਜ ਇਸ ਰੋਡ ਦਾ ਭਗਤ ਨਾਮਦੇਵ ਮਾਰਗ ਵਜੋਂ ਨਾਰੀਅਲ ਤੋੜ ਕੇ ਉਦਘਾਟਨ ਕਰ ਦਿੱਤਾ ਹੈ। ਇਸ ਮੌਕੇ ਉਨਾਂ ਨਾਮਦੇਵ ਜੀ ਦੇ ਪ੍ਰਕਾਸ਼ ਉਤਸਵ ਦੇ ਸੰਬੰਧ ਵਿਚ ਆਪਣੇ ਅਖਤਿਆਰੀ ਕੋਟੇ ਵਿਚੋਂ 50 ਹਜ਼ਾਰ ਰੁਪਏ ਦੇਣ ਦਾ ਵੀ ਐਲਾਨ ਕੀਤਾ।ਵਿਧਾਇਕ ਪ੍ਰੇਮ ਮਿੱਤਲ ਨੇ ਕਿਹਾ ਕਿ ਭਗਤ ਨਾਮਦੇਵ ਮਾਨਵਤਾ ਦੇ ਰਹਿਬਰ ਸਨ ਤੇ ਇਸ ਮਾਰਗ ਦਾ ਨਾਂ ਉਨਾਂ ਦੇ ਪਵਿੱਤਰ ਤੇ ਪੂਜਨ ਯੋਗ ਨਾਂ ਤੇ ਜਾਣਿਆ ਜਾਵੇ ਤਾਂ ਇਸ ਤੋਂ ਵਧੀਆ ਕੀ ਗੱਲ ਹੋ ਸਕਦੀ ਹੈ। ਉਨਾਂ ਨੇ ਇਸ ਦੀ ਵਧਾਈ ਦਿੱਤੀ ਤੇ ਕਿਹਾ ਕਿ ਹੁਣ ਇਹ ਰੋਡ ਭਗਤ ਨਾਮਦੇਵ ਮਾਰਗ ਦੇ ਨਾਂ ਨਾਲ ਜਾਣਿਆ ਜਾਵੇਗਾ। ਨਗਰ ਕੌਂਸਲ ਮਾਨਸਾ ਦੇ ਈ.À. ਵਿਜੈ ਕੁਮਾਰ ਨੇ ਕਿਹਾ ਕਿ ਲੋਕਾਂ ਦੀ ਮੰਗ ਤੇ ਤਜ਼ਵੀਜ਼ ਰੱਖ ਕੇ ਲੱਲੂਆਣਾ ਰੋਡ ਦਾ ਨਾਂ ਬਦਲ ਦਿੱਤਾ ਗਿਆ ਹੈ। ਇਸ ਮੌਕੇ ਉਨਾਂ ਨਾਲ ਸਾਬਕਾ ਕੌਂਸਲਰ ਹਰਪਾਲ ਸਿੰਘ ਪਾਲੀ, ਸੇਵਾ ਭਾਰਤੀ ਦੇ ਸੰਜੀਵ ਪਿੰਕਾ, ਕ੍ਰਿਸ਼ਨ ਸਿੰਘ, ਮੇਲਾ ਸਿੰਘ, ਜਗਦੀਸ਼ ਸਿੰਘ, ਬਲਵੀਰ ਅਗਰੋਈਆ, ਜਸਪਾਲ ਜੱਸਾ, ਸੰਜੀਵ ਗਰਗ, ਅੰਗਰੇਜ ਮਿੱਤਲ, ਹਰਜਿੰਦਰ ਮੋਹਲ, ਗੁਰਬਖਸ਼ ਸਿੰਘ, ਗੁਰਸੇਵਕ ਮੋਹਲ, ਸਾਧੂ ਸਿੰਘ, ਸਰਬਜੀਤ ਸਿੰਘ, ਅਮਰ ਪੀ ਪੀ, ਰਵਿੰਦਰ ਮੋਹਨ ਆਦਿ ਦੁਕਾਨਦਾਰ ਹਾਜ਼ਿਰ ਸਨ।