ਹਰਚਰਨ ਸਿੰਘ ਭੁੱਲਰ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਜਿਲ੍ਹਾ ਐਸ.ਏ.ਐਸ ਨਗਰ ਵੱਲੋਂ ਜਾਰੀ ਪ੍ਰੈਸ ਨੋਟ ਰਾਹੀਂ ਦੱਸਿਆ ਗਿਆ ਹੈ ਕਿ ਮਿਤੀ 02.05.19 ਨੂੰ ਪੀਰਮੁਛੱਲਾ ਥਾਣਾ ਢਕੌਲੀ ਵਿਖੇ ਹੋਈ ਡਕੈਤੀ ਦੇ ਕੇਸ ਨੂੰ ਜਿਲਾ ਐਸ.ਏ.ਐਸ.ਨਗਰ ਪੁਲਿਸ ਵੱਲੋਂ ਟਰੇਸ ਕਰਕੇ 04 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਡਕੈਤੀ ਦੀ ਰਕਮ ਵਿਚੋਂ 26 ਲੱਖ ਰੁਪਏ ਕੈਸ਼, 01 ਸਵਿੱਫਟ ਕਾਰ, 02 ਮੋਬਾਇਲ ਫੋਨ ਅਤੇ 01 ਖਿਡੌਣਾ ਪਿਸਤੌਲ ਬ੍ਰਾਮਦ ਕਰਨ ਵਿੱਚ ਮੋਹਾਲੀ ਪੁਲਿਸ ਵੱਲੋਂ ਸਫਲਤਾ ਹਾਸਲ ਕੀਤੀ ਹੈ|ਸ੍ਰ: ਭੁੱਲਰ ਨੇ ਇਸ ਸਬੰਧੀ ਡਿਟੇਲ ਵਿੱਚ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ ਮਿਤੀ 02.05.2019 ਨੂੰ ਥਾਣਾ ਢਕੌਲੀ ਦੇ ਇਲਾਕਾ ਪਿੰਡ ਪੀਰਮੁਛੱਲਾ ਵਿਖੇ ਫਲੈਟ ਨੰਬਰ 103 ਪਹਿਲੀ ਮੰਜਿਲ ਬਲਾਕ ਡੀ ਵਿਕਟੋਰੀਆ ਹਾਈਟਸ ਵਿੱਚ ਵਕਤ ਕਰੀਬ ਸ਼ਾਮ 4.30 / 4.45 ਵਜੇ ਜਦੋਂ ਘਰ ਦੀ ਮਾਲਕਣ ਬੱਚਿਆ ਨੂੰ ਪੜ੍ਹਾ ਰਹੀ ਸੀ, 04 ਨਾ ਮਾਲੂਮ ਵਿਅਕਤੀਆਂ ਨੇ ਘਰ ਅੰਦਰ ਦਾਖਲ ਹੋ ਕੇ ਉਸ ਨੂੰ ਪਿਸਤੌਲ ਨਾਲ ਡਰਾਇਆ-ਧਮਕਾਇਆ ਅਤੇ ਫਿਰ ਬੱਚਿਆ ਨੂੰ ਅਤੇ ਔਰਤ ਨੂੰ ਇੱਕ ਕਮਰੇ ਵਿੱਚ ਲਿਜਾ ਕੇ ਉਨ੍ਹਾਂ ਦੇ ਮੂੰਹ ਪਰ ਟੇਪ ਲਗਾ ਕੇ ਕਮਰੇ ਵਿੱਚ ਬੰਦ ਕਰ ਦਿੱਤਾ ਸੀ ਅਤੇ ਘਰ ਵਿੱਚ ਪਈ ਅਲਮਾਰੀ ਅਤੇ ਬੌਕਸ ਵਿਚੋਂ ਨਕਦੀ, ਸੋਨਾ ਅਤੇ ਸੋਨੇ ਦੇ ਗਹਿਣੇ ਲੁੱਟ ਕੇ ਫਰਾਰ ਹੋ ਗਏ ਸਨ| ਇਸ ਡਕੈਤੀ ਦੀ ਵਾਰਦਾਤ ਸਬੰਧੀ ਜੀਨੂੰ ਵਰਮਾ ਪਤਨੀ ਰਾਕੇਸ਼ ਵਰਮਾ ਦੇ ਬਿਆਨ ਪਰ ਮੁਕੱਦਮਾ ਨੰਬਰ 45 ਮਿਤੀ 02.05.2019 ਅ/ਧ 382,34 ਹਿੰ:ਦੰ: ਥਾਣਾ ਢਕੌਲੀ ਬਰਖਿਲਾਫ ਨਾ-ਮਾਲੂਮ ਦੋਸ਼ੀਆਂ ਦੇ ਦਰਜ ਰਜਿਸਟਰ ਕੀਤਾ ਗਿਆ ਸੀ, ਜਿਸ ਵਿੱਚ ਬਾਅਦ ਵਿੱਚ ਵਾਧਾ ਜੁਰਮ 392,395 ਹਿੰ:ਦੰ: 25 ਅਸਲਾ ਐਕਟ ਦਾ ਕੀਤਾ ਗਿਆ ਸੀ| ਇਸ ਡਕੈਤੀ ਦੀ ਵਾਰਦਾਤ ਨੂੰ ਟਰੇਸ ਕਰਕੇ ਦੋਸ਼ੀਆ ਨੂੰ ਗ੍ਰਿਫਤਾਰ ਕਰਨ ਲਈ ਸ੍ਰੀ ਵਰੁਣ ਸ਼ਰਮਾ, ਆਈ.ਪੀ.ਐਸ. ਕਪਤਾਨ ਪੁਲਿਸ (ਜਾਂਚ) ਮੋਹਾਲੀ ਦੀ ਨਿਗਰਾਨੀ ਹੇਠ ਡੀ.ਐਸ.ਪੀ. ਡੇਰਾਬਸੀ, ਸ੍ਰੀ ਤਰਲੋਚਨ ਸਿੰਘ, ਡੀ.ਐਸ.ਪੀ. ਸਪੈਸ਼ਲ ਬਰਾਂਚ, ਮੋਹਾਲੀ, ਸ੍ਰੀ ਗੁਰਦੇਵ ਸਿੰਘ ਧਾਲੀਵਾਲ, ਡੀ.ਐਸ.ਪੀ. (ਜਾਂਚ) ਮੋਹਾਲੀ, ਇੰਸਪੈਕਟਰ ਸਤਵੰਤ ਸਿੰਘ ਇੰਚਾਰਜ ਸੀ.ਆਈ.ਏ.ਸਟਾਫ ਮੋਹਾਲੀ ਅਤੇ ਮੁੱਖ ਅਫਸਰ ਥਾਣਾ ਢਕੌਲੀ ਤੇ ਥਾਣੇਦਾਰ ਰਾਮ ਦਰਸ਼ਨ ਇੰਚਾਰਜ ਸੀ.ਆਈ.ਏ.ਸਟਾਫ ਮੁਬਾਰਿਕਪੁਰ ਦੀ ਸਪੈਸ਼ਲ ਟੀਮ ਗਠਿਤ ਕੀਤੀ ਗਈ ਸੀ|
ਉਕੱਤ ਗਠਿਤ ਕੀਤੀ ਗਈ ਸਪੈਸ਼ਲ ਟੀਮ ਵੱਲੋਂ ਇਸ ਮੁਕੱਦਮਾ ਦੀ ਵੱਖ-ਵੱਖ ਥਿਊਰੀਆਂ ਪਰ ਤਫਤੀਸ਼ ਕਰਦਿਆਂ ਮੁਕੱਦਮੇ ਦੇ ਦੋਸ਼ੀਆਂ ਨੂੰ ਟਰੇਸ ਕਰਕੇ 01 ਦੋਸ਼ੀ ਹਰਮਨ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਪਿੰਡ ਕੱਖਾਂਵਾਲੀ ਥਾਣਾ ਲੰਬੀ ਜਿਲਾ ਸ੍ਰੀ ਮੁਕਤਸਰ ਸਾਹਿਬ ਨੂੰ ਇੰਸਪੈਕਟਰ ਸਤਵੰਤ ਸਿੰਘ ਇੰਚਾਰਜ ਸੀ.ਆਈ.ਏ.ਸਟਾਫ ਮੋਹਾਲੀ ਵੱਲੋਂ ਐਲ.ਓ.ਸੀ. ਜਾਰੀ ਕਰਵਾ ਕੇ ਮਿਤੀ 02.07.2019 ਨੂੰ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ ਦਿੱਲੀ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ, ਇਸ ਦੋਸ਼ੀ ਦੀ ਪੁੱਛਗਿੱਛ ਤੋਂ ਇਹ ਗੱਲ ਸਾਹਮਣੇ ਆਈ ਸੀ ਕਿ ਉਕੱਤ ਡਕੈਤੀ ਦੀ ਵਾਰਦਾਤ ਦਾ ਮੁੱਖ ਸਾਜਿਸਕਰਤਾ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਪੁੱਤਰ ਪ੍ਰਕਾਸ ਸਿੰਘ ਵਾਸੀ ਪਿੰਡ ਕੱਖਾਂਵਾਲੀ ਥਾਣਾ ਲੰਬੀ ਜਿਲਾ ਸ੍ਰੀ ਮੁਕਤਸਰ ਸਾਹਿਬ ਹੈ, ਜਿਸ ਦੀ ਮੁਦੱਈ ਮੁਕੱਦਮਾ ਦੇ ਪਤੀ ਰਾਕੇਸ਼ ਵਰਮਾ ਨਾਲ ਇੱਕ ਹੋਰ ਦੋਸਤ ਰਾਹੀਂ ਜਾਣ-ਪਹਿਚਾਣ ਸੀ ਅਤੇ ਇਹਨਾਂ ਦਾ ਇਕੱਠਾ ਉਠਣਾ- ਬੈਠਣਾ ਸੀ, ਜਿਸ ਕਰਕੇ ਮੁੱਖ ਸਾਜਿਸਕਰਤਾ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਨੂੰ ਇਸ ਗੱਲ ਦਾ ਪਤਾ ਸੀ ਕਿ ਮੁਦੱਈ ਮੁਕੱਦਮਾ ਦੇ ਘਰ ਕੈਸ਼ ਅਤੇ ਸੋਨਾ ਪਿਆ ਹੁੰਦਾ ਹੈ| ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਨੇ ਆਪਣੇ ਚਾਚੇ ਦੇ ਲੜਕੇ ਹਰਮਨ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਕੱਖਾਂਵਾਲੀ, ਪਿੰਡ ਕੱਖਾਂਵਾਲੀ ਦੇ ਹੀ ਸੁਖਦੇਵ ਸਿੰਘ ਉਰਫ ਤੇਜੀ ਪੁੱਤਰ ਪ੍ਰਗਟ ਸਿੰਘ ਅਤੇ ਗੁਰਸੇਵਕ ਸਿੰਘ ਉਰਫ ਸੇਵਾ ਪੁੱਤਰ ਗੁਰਚਰਨ ਸਿੰਘ ਵਾਸੀ ਪਿੰਡ ਚੰਨੂੰ ਥਾਣਾ ਲੰਬੀ, ਸੁਖਪ੍ਰੀਤ ਸਿੰਘ ਉਰਫ ਸੁੱਖੂ ਪੁੱਤਰ ਬਲਵੀਰ ਸਿੰਘ ਕਾਲਾ ਵਾਸੀ ਪਿੰਡ ਫਤਿਹਪੁਰ ਮਨ੍ਹੀਆਂ ਵਾਲਾ ਥਾਣਾ ਲੰਬੀ, ਵਿਸ਼ੂ ਸ਼ਰਮਾ ਵਾਸੀ ਰਾਮਾ ਮੰਡੀ ਜਿਲਾ ਬਠਿੰਡਾ ਨਾਲ ਹਮ-ਮਸ਼ਵਰਾ ਹੋ ਕੇ ਉਕੱਤ ਡਕੈਤੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ| ਦੋਸ਼ੀ ਹਰਮਨ ਸਿੰਘ ਤੋਂ ਪੁੱਛਗਿੱਛ ਤੋਂ ਇਹ ਵੀ ਗੱਲ ਸਾਹਮਣੇ ਆਈ ਹੈ ਕਿ ਉਕੱਤ ਡਕੈਤੀ ਦੀ ਵਾਰਦਾਤ ਲਈ ਵਰਤੀ ਗਈ ਏਸੈਂਟ ਕਾਰ ਜਿਸ ਪਰ ਵਾਰਦਾਤ ਸਮੇਂ ਜਾਅਲੀ ਨੰਬਰ ਪੀਬੀ 04 ਪੀ-7882 ਲਗਾਇਆ ਹੋਇਆ ਸੀ, ਇਹ ਨੰਬਰ ਇੱਕ ਕੈਂਟਰ ਦਾ ਨਿਕਲਿਆ ਜੋ ਇਹ ਕੈਂਟਰ ਮੁਕੱਦਮਾ ਨੰਬਰ 41 ਮਿਤੀ 25.02.17 ਅ/ਧ 15,61,85 ਐਨ.ਡੀ.ਪੀ.ਅੈਸ. ਐਕਟ ਥਾਣਾ ਸੰਗਤ ਜਿਲਾ ਬਠਿੰਡਾ ਵਿਖੇ ਕਬਜਾ ਪੁਲਿਸ ਵਿੱਚ ਲਿਆ ਹੋਇਆ ਹੈ ਅਤੇ ਥਾਣਾ ਸੰਗਤ ਵਿੱਚ ਖੜਾ ਹੈ| ਡਕੈਤੀ ਦੀ ਵਾਰਦਾਤ ਦੌਰਾਨ ਵਰਤੀ ਗਈ ਏਸੈਂਟ ਕਾਰ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਦੇ ਦੋਸਤ ਪਾਰਥ ਬਕਸ਼ੀ ਉਰਫ ਟਾਈਸਨ ਪੁੱਤਰ ਕੁਲਜੀਤ ਬਖਸ਼ੀ ਵਾਸੀ ਪੀਰਮੁਛੱਲਾ ਥਾਣਾ ਢਕੌਲੀ ਦੀ ਹੈ, ਜਿਸ ਦਾ ਅਸਲ ਨੰਬਰ ਪੀਬੀ-01ਬੀ-0174 ਹੈ| ਦੋਸ਼ੀ ਹਰਮਨ ਸਿੰਘ ਦੀ ਪੁੱਛਗਿੱਛ ਦੌਰਾਨ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਦੇ ਪਿਤਾ ਪ੍ਰਕਾਸ਼ ਸਿੰਘ ਪੁੱਤਰ ਸਿੰਗਾਰਾ ਸਿੰਘ ਅਤੇ ਜਗਮੀਤ ਸਿੰਘ ਦੀ ਮਾਤਾ ਬਲਜੀਤ ਕੌਰ ਪਤਨੀ ਪ੍ਰਕਾਸ ਸਿੰਘ ਦਾ ਵੀ ਇਸ ਡਕੈਤੀ ਦੀ ਵਾਰਦਾਤ ਵਿੱਚ ਰੋਲ ਸਾਹਮਣੇ ਆਉਣ ਪਰ ਮੁਕੱਦਮਾ ਵਿੱਚ ਨਾਮਜਦ ਕੀਤਾ ਗਿਆ| ਦੋਸ਼ੀ ਹਰਮਨ ਸਿੰਘ ਨੂੰ 09 ਦਿਨਾਂ ਦੇ ਪੁਲਿਸ ਰਿਮਾਂਡ ਦੌਰਾਨ ਪੁੱਛਗਿੱਛ ਤੋਂ ਬਾਅਦ ਮਿਤੀ 11.07.19 ਨੂੰ ਜੂਡੀਸ਼ੀਅਲ ਰਿਮਾਡ ਪਰ ਪਟਿਆਲਾ ਜੇਲ ਵਿਖੇ ਭੇਜਿਆ ਜਾ ਚੁੱਕਾ ਹੈ|
ਉਕੱਤ ਮੁਕੱਦਮਾ ਦੀ ਤਫਤੀਸ਼ ਦੌਰਾਨ ਹੋਰ 03 ਦੋਸ਼ੀਆਂ (1) ਪ੍ਰਕਾਸ਼ ਸਿੰਘ ਪੁੱਤਰ ਸਿੰਗਾਰਾ ਸਿੰਘ ਵਾਸੀ ਪਿੰਡ ਕੱਖਾਂਵਾਲੀ, ਥਾਣਾ ਲੰਬੀ, (2) ਗੁਰਸੇਵਕ ਸਿੰਘ ਉਰਫ ਸੇਵਾ ਪੁੱਤਰ ਗੁਰਚਰਨ ਸਿੰਘ ਵਾਸੀ ਪਿੰਡ ਚੰਨੂੰ ਥਾਣਾ ਲੰਬੀ (3) ਸੁਖਦੇਵ ਸਿੰਘ ਉਰਫ ਤੇਜੀ ਪੁੱਤਰ ਪ੍ਰਗਟ ਸਿੰਘ ਵਾਸੀ ਪਿੰਡ ਕੱਖਾਂਵਾਲੀ ਥਾਣਾ ਲੰਬੀ ਨੂੰ ਵੀ ਅੱਜ ਮਿਤੀ 12.07.19 ਨੂੰ ਮੋਹਾਲੀ ਤੋਂ ਸਵਿੱਫਟ ਗੱਡੀ ਨੰਬਰ ਐਚ.ਆਰ.26 ਏ.ਟੀ-6890 ਸਮੇਤ ਗ੍ਰਿਫਤਾਰ ਕੀਤਾ ਗਿਆ ਹੈ|ਹੁਣ ਤੱਕ ਉਕੱਤ ਮੁਕੱਦਮਾ ਦੀ ਤਫਤੀਸ਼ ਦੌਰਾਨ ਦੋਸ਼ੀਆਂ ਪਾਸੋਂ ਡਕੈਤੀ ਦੀ ਵਾਰਦਾਤ ਦੌਰਾਨੇ ਲੁੱਟੇ ਗਏ ਕੈਸ਼ ਵਿੱਚੋਂ 26 ਲੱਖ ਰੁਪਏ ਕੈਸ਼, 01 ਸਵਿੱਫਟ ਕਾਰ ਜੋ ਦੋਸ਼ੀਆਂ ਨੇ ਡਕੈਤੀ ਦੀ ਰਕਮ ਵਿਚੋਂ ਖਰੀਦ ਕੀਤੀ ਸੀ, 01 ਆਈ.ਫੋਨ, 01 ਵੀਵੋ ਫੋਨ- ਜੋ ਦੋਸ਼ੀਆਂ ਨੇ ਡਕੈਤੀ ਦੀ ਰਕਮਾਂ ਵਿਚੋਂ ਖਰੀਦ ਕੀਤਾ ਸੀ, 01 ਖਿਡੌਣਾ ਪਿਸਤੌਲ ਬ੍ਰਾਮਦ ਹੋ ਚੁੱਕੇ ਹਨ|ਇਸ ਤੋਂ ਇਲਾਵਾ ਦੋਸ਼ੀਆਂ ਦੇ ਬੈਂਕ ਖਾਤਿਆਂ ਵਿੱਚ ਸਾਢੇ 16 ਲੱਖ ਰੁਪਏ ਪਏ ਹਨ, ਜਿਨਾਂ ਦੀ ਬੈਂਕ ਖਾਤੇ ਫਰੀਜ ਕਰਵਾਏ ਗਏ ਹਨ| ਹੁਣ ਤੱਕ ਦੋਸੀਆਂ ਪਾਸੋਂ ਕੁਲ 45 ਲੱਖ ਰੁਪਏ ਦੀ ਬ੍ਰਾਮਦਗੀ ਹੋ ਚੁੱਕੀ ਹੈ| ਇਸ ਗਿਰੋਹ ਦੇ ਫਰਾਰ ਹੋਏ ਦੋਸ਼ੀਆਂ (1) ਦੋਸ਼ੀ ਜਗਮੀਤ ਸਿੰਘ ਉਰਫ ਬੱਬੂ ਕੰਗ (2) ਦੋਸ਼ੀ ਵਿਸੂ ਸ਼ਰਮਾ (3) ਦੋਸ਼ੀ ਸੁਖਪ੍ਰੀਤ ਸਿੰਘ ਉਰਫ ਸੂੱਖੂ (4) ਦੋਸ਼ੀ ਪਾਰਥ ਬਖਸ਼ੀ ਦੀ ਗ੍ਰਿਫਤਾਰੀ ਲਈ ਰੇਡ ਕੀਤੇ ਜਾ ਰਹੇ ਹਨ|ਮੁਕੱਦਮਾ ਦੀ ਤਫਤੀਸ਼ ਅਤੇ ਗ੍ਰਿਫਤਾਰ ਕੀਤੇ ਦੋਸ਼ੀਆਂ ਦੀ ਪੁੱਛਗਿੱਛ ਤੋਂ ਪਾਇਆ ਗਿਆ ਹੈ ਕਿ ਡਕੈਤੀ ਵਾਲੀ ਰਕਮ ਅਤੇ ਸੋਨਾ ਜੋ ਕਿ ਬੈਗਾਂ ਵਿੱਚ ਪਾ ਕੇ ਲੈ ਕੇ ਗਏ ਸਨ, ਇਹ ਸਾਰੇ ਬੈਗ ਵਾਰਦਾਤ ਤੋਂ ਬਾਅਦ ਮੁੱਖ ਸਾਜਿਸ਼ਕਰਤਾ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਨੇ ਆਪਣੇ ਕੋਲ ਰੱਖ ਲਏ ਸਨ, ਜਿਸ ਵੱਲੋਂ ਆਪਣੇ ਸਾਥੀਆਂ ਨੂੰ ਪ੍ਰਤੀ ਵਿਅਕਤੀ 10 ਲੱਖ ਰੁਪਏ ਦੇਣੇ ਸਨ, ਜਿਸ ਵਿਚੋਂ ਹਰਮਨ ਸਿੰਘ , ਸੁਖਦੇਵ ਸਿੰਘ ਉਰਫ ਤੇਜੀ ਅਤੇ ਸੁਖਪ੍ਰੀਤ ਸਿੰਘ ਉਰਫ ਸੁੱਖੂ ਨੂੰ 6/6 ਲੱਖ ਰੁਪਏ ਅਤੇ ਗੁਰਸੇਵਕ ਸਿੰਘ ਉਰਫ ਸੇਵਾ ਨੂੰ ਅਜੇ 50,000/-ਰੁਪਏ ਦਿੱਤੇ ਸਨ ਅਤੇ ਬਾਕੀ ਪੈਸੇ ਬਾਅਦ ਵਿੱਚ ਦੇਣੇ ਸਨ| ਗ੍ਰਿਫਤਾਰ ਕੀਤੇ ਗਏ ਦੋਸ਼ੀਆਂ ਪਾਸੋਂ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ| ਇਸ ਤੋਂ ਇਲਾਵਾ ਤਫਤੀਸ਼ ਦੌਰਾਨ ਡਕੈਤੀ ਦੀ ਅਸਲ ਰਕਮ ਅਤੇ ਗਹਿਣਿਆਂ ਬਾਰੇ ਵੀ ਤਸਦੀਕ ਕੀਤਾ ਜਾ ਰਿਹਾ ਹੈ|
ਦੋਸ਼ੀਆਂ ਦਾ ਅਪਰਾਧਿਕ ਰਿਕਾਰਡ:-
(“) ਦੋਸ਼ੀ ਜਗਮੀਤ ਸਿੰਘ ਉਰਫ ਬੱਬੂ ਕੰਗ ਪੁੱਤਰ ਪ੍ਰਕਾਸ ਸਿੰਘ ਵਾਸੀ ਕੱਖਾਂਵਾਲੀ ਥਾਣਾ ਲੰਬੀ
(1) ਮੁਕੱਦਮਾ ਨੰਬਰ 216 ਮਿਤੀ 10.09.11 ਅ/ਧ 302,307,365,148,149 ਹਿੰ:ਦੰ: ਥਾਣਾ ਸਦਰ ਡੱਬਵਾਲੀ,
(ਅ) ਦੋਸ਼ੀ ਹਰਮਨ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਪਿੰਡ ਕੱਖਾਂਵਾਲੀ ਥਾਣਾ ਲੰਬੀ
(1) ਮੁਕੱਦਮਾ ਨੰਬਰ 109 ਮਿਤੀ 14.11.17 ਅ/ਧ 61/1/14 ਐਕਸਾਈਜ ਐਕਟ ਥਾਣਾ ਬਠਿੰਡਾ ਕੈਂਟ ,
(2) ਮੁਕੱਦਮਾ ਨੰਬਰ 30 ਮਿਤੀ 08.03.18 ਅ/ਧ 21,61,85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਲੰਬੀ,
(J) ਦੋਸ਼ੀ ਪ੍ਰਕਾਸ ਸਿੰਘ ਪੁੱਤਰ ਸਿੰਗਾਰਾ ਸਿੰਘ ਵਾਸੀ ਕੱਖਾਂਵਾਲੀ ਥਾਣਾ ਲੰਬੀ
(1) ਮੁਕੱਦਮਾ ਨੰਬਰ 19 ਮਿਤੀ 20.01.01 ਅ/ਧ 411,414 ਹਿੰ:ਦੰ: ਥਾਣਾ ਲੰਬੀ,
(2) ਮੁਕੱਦਮਾ ਨੰਬਰ 50ਮਿਤੀ 20.05.01 ਅ/ਧ 15,61,85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਸਦਰ ਬਠਿੰਡਾ, - 10 ਸਾਲ ਕੈਦ ਹੋ ਚੁੱਕੀ ਹੈ,
(3) ਮੁਕੱਦਮਾ ਨੰਬਰ 322 ਮਿਤੀ 22.011.04 ਅ/ਧ 15,61,85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਸਦਰ ਸ੍ਰੀ ਮੁਕਤਸਰ ਸਾਹਿਬ - 10 ਸਾਲ ਕੈਦ ਹੋ ਚੁੱਕੀ ਹੈ,
(4) ਮੁਕੱਦਮਾ ਨੰਬਰ 216 ਮਿਤੀ 10.09.11 ਅ/ਧ 302,307,365,148,149 ਹਿੰ:ਦੰ: ਥਾਣਾ ਸਦਰ ਡੱਬਵਾਲੀ
(5) ਮੁਕੱਦਮਾ ਨੰਬਰ 276 ਮਿਤੀ 24.11.12 ਅ/ਧ 176ਏ, 174ਏ ਹਿੰ:ਦੰ: ਥਾਣਾ ਸਦਰ ਡੱਬਵਾਲੀ|