ਅਜ਼ਾਦ ਉਮੀਦਵਾਰ ਵੱਜੋ ਚੋਣ ਲੜਨ ਵਾਲੇ ਆਗੂ ਸ੍ਰੀ ਦੀਪਇੰਦਰ ਸਿੰਘ ਢਿੱਲੋਂ ਨੇ ਆਪਣੇ ਸਮੱਰਥਕਾਂ ਨੂੰ ਕਿਹਾ ਕਿ ਹੌਸਲੇ ਰੱਖੋ ਇਹ ਕੋਈ ਆਖਰੀ ਲੜਾਈ ਨਹੀ ਸੀ । ਅੱਜ ਇਥੇ ਰਵਿੰਦਰਾ ਇਨਕਲੇਵ ਫੇਸ ਇੱਕ ਬਲਟਾਣਾ ਵਿੱਖੇ ਸ੍ਰੀ ਰਾਮ ਨੌਮੀ ਉਤਸਵ ਵਿੱਖੇ ਭਾਗ ਲੈਣ ਉਪਰੰਤ ਸ੍ਰੀ ਢਿੱਲੋਂ ਨੇ ਆਪਣੇ ਸਮਰਥਕਾਂ ਦੇ ਭਰਵੇ ਇੱਕਠ ਵਿੱਚ ਕਿਹਾ ਕਿ ਹਾਰ ਸਾਡੀ ਨਹੀ ਸਗੋਂ ਕਾਂਗਰਸ ਪਾਰਟੀ ਦੀ ਹੋਈ ਹੈ ਜੇ ਪਾਰਟੀ ਲੋਕਾਂ ਦੀਆਂ ਭਾਵਨਾਵਾਂ ਅਨੂੰਸਾਰ ਫੈਸਲਾ ਲੈਦੀ ਤਾਂ ਅੱਜ ਨਤੀਜਾ ਕੁੱਝ ਹੋਰ ਹੋਣਾਂ ਸੀ । ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਹਲਕਾ ਵਾਸੀਆਂ ਦੀ ਸੇਵਾ ਤੰਨ ਮੰਨ ਤੋਂ ਪਹਿਲਾਂ ਵਾਂਗ ਕਰਦਾ ਰਹਾਗਾ । ਉਨਾਂ ਕਿਹਾ ਕਿ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕਰਨ ਲਈ ਘਰ ਘਰ ਜਾਵਾਗਾ ਤੇ ਹਲਕੇ ਅੰਦਰ ਵਿਰੋਧੀ ਧਿਰ ਦੀ ਜਿੰਮੇਵਾਰੀ ਮਹਿਨਤ ਨਾਲ ਨਿਭਾਵਾਂਗਾ। ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਡੇਰਾਬਸੀ ਹਲਕੇ ਨੂੰ ਭ੍ਰਿਸਟਾਚਾਰ ਮੁਕਤ ਕੀਤੇ ਜਾਣ ਦੀ ਸਖਤ ਜ਼ਰੂਰਤ ਹੈ। ਅੱਜ ਨਵੀ ਸਰਕਾਰ ਤੋਂ ਲੋਕਾਂ ਨੂੰ ਵੱਡੀਆਂ ਉਮੀਦਾ ਹਨ ਤੇ ਸਰਕਾਰ ਨੂੰ ਭ੍ਰਿਸਟਾਚਾਰ ਦੇ ਖਾਤਮੇ ਲਈ ਠੋਸ ਕਦਮ ਚੁਕਣੇ ਚਾਹੀਦੇ ਹਨ।
ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਸਾਡੀ ਲੜਾਈ ਹੱਕ ਸੱਚ ਦੀ ਲੜਾਈ ਸੀ ਤੇ ਹਲਕੇ ਦੇ ਜਝਾਰੂ ਅਣਖੀ ਵਰਕਰਾਂ ਨੇ ਸਾਡਾ ਠੋਕ ਕੇ ਸਾਥ ਦਿੱਤਾ । ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਹਲਕੇ ਦੇ ਸਰਵਪੱਖੀ ਵਿਕਾਸ ਲਈ ਆਪਣੇ ਯਤਨ ਜਾਰੀ ਰੱਖਾਂਗੇ । ਇਸ ਮੌਕੇ ਸ੍ਰੀ ਢਿੱਲੋਂ ਨੇ ਸ੍ਰੀ ਸਾਂਈ ਸੰਧਿਆ ਸਬੂਰੀ ਸੰਮਤੀ ਨੂੰ ਗਿਆਰਾਂ ਹਜ਼ਾਰ ਰੁਪਏ ਦੀ ਸੇਵਾ ਵੀ ਦਿੱਤੀ । ਸੰਮਤੀ ਮੈਬਰਾਂ ਤੇ ਆਹੁਦੇਦਾਰਾਂ ਨੇ ਸ੍ਰੀ ਢਿੱਲੋਂ ਦਾ ਸਨਮਾਨ ਕੀਤਾ ਤੇ ਸ੍ਰੀ ਢਿੱਲੋਂ ਨੇ ਸੰਮਤੀ ਵੱਲੋਂ ਕੀਤੇ ਇਸ ਮਹਾਨ ਕਾਰਜ ਲਈ ਸਾਰਿਆਂ ਦੀ ਪ੍ਰਸੰਸਾ ਕੀਤੀ। ਇਸ ਮੌਕੇ ਜਤਿੰਦਰ ਕੁਮਾਰ, ਕ੍ਰਿਸ਼ਨਾ ਪੰਡਤ , ਸੁਦੇਸ਼ ਕੁਮਾਰੀ, ਰਜੇਸ਼ ਕੁਮਾਰ, ਸੰਜੀਵ , ਗੁਦਾਵਰੀ ਦੇਵੀ ਤੇ ਬੁੱਧ ਰਾਮ ਧਿਮਾਨ ਆਦ ਹਾਜਰ ਸਨ।