ਚੰਡੀਗੜ੍ਹ ਲੋਕਸਭਾ ਖੇਤਰ ਤੋਂ ਭਾਰਤੀ ਜਨਤਾ ਪਾਰਟੀ ਦੀ ਉਮੀਦਵਾਰ ਅਤੇ ਸਾਬਕਾ ਸਾਂਸਦ ਕਿਰਣ ਖੇਰ ਨੇ ਕਿਹਾ ਹੈ ਕਿ ਭਾਰਤੀ ਜਨਤਾ ਪਾਰਟੀ ਨੇ ਇੱਥੇ ਪਹਿਲੀ ਵਾਰ ਉਦਯੋਗਿਕ ਨੀਤੀ ਨੂੰ ਲਾਗੂ ਕਰਕੇ ਉਦਯੋਗਾਂ ਨੂੰ ਨਵੀਂ ਪਹਿਚਾਣ ਦੇਣ ਦਾ ਕੰਮ ਕੀਤਾ ਹੈ। ਜਿਸ ਤੋਂ ਹਰ ਛੋਟੇ-ਵੱਡੇ ਉਦਯੋਗ ਨੂੰ ਪਹਿਚਾਣ ਮਿਲੀ ਹੈ।ਸ਼ੁੱਕਰਵਾਰ ਨੂੰ ਕਿਰਣ ਖੇਰ ਉਦਯੋਗਿਕ ਖੇਤਰ ਫੇਜ਼-2 ਸਥਿਤ ਹੋਟਲ 'ਚ ਆਯੋਜਿਤ ਪ੍ਰੋਗਰਾਮ ਦੌਰਾਨ ਲਘੂ ਉਦਯੋਗ ਭਾਰਤੀ ਦੇ ਪ੍ਰਤੀਨੀਧੀਆਂ ਨਾਲ ਰੂਬਰੂ ਹੋਈ ਸੀ। ਇਸ ਮੌਕੇ ਲਘੂ ਉਦਯੋਗਿਕ ਭਾਰਤੀ ਦੇ ਪ੍ਰਧਾਨ ਯੁੱਧਵੀਰ ਕੌੜਾ ਨੇ ਕਿਹਾ ਕਿ ਕਿਰਣ ਖੇਰ ਨੇ ਆਪਣੇ ਕਾਰਜਕਾਲ ਦੌਰਾਨ ਲਘੂ ਉਦਯੋਗ ਦੀ 30 ਸਾਲ ਪੁਰਾਣੀਆਂ ਫਾਈਲਾਂ ਨੂੰ ਕੱਢਕੇ ਉਨਾਂ ਦਾ ਹੱਲ ਕਰਨ ਦਾ ਕੰਮ ਕੀਤਾ ਹੈ। ਸਮਾਗਮ ਦੀ ਪ੍ਰਧਾਨਗੀ ਕਰਦੇ ਹੋਏ ਭਾਜਪਾ ਦੇ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਨੇ ਕਿਹਾ ਕਿ ਕਿਰਣ ਖੇਰ ਨੇ ਚੰਡੀਗੜ• ਦੇ ਲਘੂ ਉਦਯੋਗਾਂ ਦੇ ਲਈ ਬਹੁਤ ਕੰਮ ਕੀਤੇ ਹਨ। ਉਨਾਂ ਕਿਹਾ ਕਿ ਪੂਰੀ ਦੁਨੀਆਂ ਅੱਜ ਮੋਦੀ ਜੀ ਦੀ ਦੇਸ਼ 'ਚ ਲਹਿਰ ਨੂੰ ਮੰਨ ਰਹੀ ਹੈ। ਇਸ ਮੌਕੇ ਜਰਨੈਲ ਸਿੰਘ, ਏਐਲ ਅਗਰਵਾਲ, ਦਿਨੇਸ਼ ਸ਼ਰਮਾ, ਜੀ ਭਾਰਦਵਾਜ, ਚੰਦਰ ਵਰਮਾ, ਭਰਤ ਕੁਮਾਰ, ਸੁਨੀਲ ਬੰਸਲ, ਰਿਤੇਸ਼ ਅਰੋੜਾ ਅਤੇ ਦੀਪਕ ਸ਼ਰਮਾ ਮੌਜੂਦ ਸਨ।ਪ੍ਰੋਗਰਾਮ 'ਚ ਉਦਯੋਕਿ ਵਪਾਰੀ ਸੰਗਠਨ ਮੌਜੂਦ ਹੋਏ ਜਿਸ 'ਚ ਚੈਂਬਰ ਆਫ ਇੰਡਸਟਰੀਜ਼, ਚੰਡੀਗੜ੍ਹ ਇੰਡਸਟਰੀ ਯੂਥ ਐਸੋਸੀਏਸ਼ਨ, ਚੰਡੀਗੜ੍ਹ ਸ਼ੈਫ ਵੈਲਫੇਅਰ ਐਸੋਸੀਏਸ਼ਨ, ਫਰਨੀਚਰ ਐਸੋਸੀਏਸ਼ਨ, ਇਸਪਾ, ਕਨਵਰਟਿਡ ਪਲਾਂਟ ਓਨਰਜ਼ ਐਸੋਸੀਏਸ਼ਨ ਦੇ ਪ੍ਰਤੀਨਿਧੀ ਸ਼ਾਮਿਲ ਹੋਏ।
ਪ੍ਰਤੀਨਿਧੀਆਂ ਨੇ ਕਿਰਣ ਖੇਰ ਅਤੇ ਸੰਜੈ ਟੰਡਨ ਨੁੰ ਉਦਯੋਗਿਕ ਖੇਤਰਾਂ ਦੀ ਸਮੱਸਿਆਵਾਂ ਤੋਂ ਜਾਣੂ ਕਰਵਾਇਆ ਅਤੇ ਇਸ ਸੈਕਟਰ ਦੇ ਲਈ ਭਾਜਪਾ ਵੱਲੋਂ ਜੋ ਕੰਮ ਕੀਤੇ ਗਏ ਉਨਾਂ ਧੰਨਵਾਦ ਕੀਤਾ। ਇਸੀ ਦੌਰਾਨ ਕਿਰਣ ਖੇਰ ਅੱਜ ਸੈਕਟਰ-26 ਸਥਿਤ ਟਰਾਂਸਪੋਰਟ ਯੂਨੀਅਨ ਵੱਲੋਂ ਆਯੋਜਿਤ ਪ੍ਰੋਗਰਾਮ 'ਚ ਪੁੱਜੀ ਜਿੱਥੇ ਕੌਂਸਲਰ ਦਲੀਪ ਸ਼ਰਮਾ ਨੇ ਕਿਰਣ ਖੇਰ ਨੂੰ ਟਰਾਂਸਪੋਰਟ ਯੂਨੀਅਨ ਦੀਆਂ ਸਮੱਸਿਆਵਾਂ ਬਾਰੇ ਜਾਣੂ ਕਰਵਾਇਆ। ਟਰਾਂਸਪੋਰਟ ਯੂਨੀਅਨ ਦੇ ਪ੍ਰਧਾਨ ਕੇਕੇ ਅਬਰੋਲ ਨੇ ਕਿਰਣ ਖੇਰ ਨੂੰ ਪਗੜੀ ਪਹਿਨਾ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਖੇਰ ਨੇ ਕਿਹਾ ਕਿ ਟਰਾਂਸਪੋਰਟ ਦੇ ਲੋਕਾਂ ਦੇ ਪਾਰਕਿੰਗ ਦੇ ਵਧੇ ਹੋਏ ਰੇਟ ਨੂੰ ਰੱਦ ਕਰਕੇ ਪੁਰਾਣੇ ਰੇਟ ਲਾਗੂ ਕਰਵਾਏ ਜਾਣਗੇ। ਇਸ ਮੌਕੇ ਸੁਨੀਲ ਸ਼ਰਮਾ, ਸੋਮ ਰਾਜ, ਵੀਨੂੰ, ਬੱਗਾ, ਸ਼ਕਤੀ ਦੇਵ ਸ਼ਾਲੀ, ਰਾਜ ਕਿਸ਼ੌਰ, ਨੌਸਾਦ ਅਲੀ ਸਮੇਤ ਕਈ ਪਤਵੰਤ ਮੌਜੂਦ ਸਨ। ਇਸੀ ਦੌਰਾਨ ਕਿਰਣ ਖੇਰ ਨੇ ਕਿਹਾ ਕਿ ਖੇਰ ਨੇ ਯੂਟੀ ਕਰਮਚਾਰੀਆਂ ਨਾਲ ਮੀਟਿੰਗ ਦੇ ਦੌਰਾਨ ਕਿਹਾ ਕਿ ਉਨਾਂ ਨੇ ਇੱਥੇ ਸਰਕਾਰੀ ਕਰਮਚਾਰੀਆਂ ਦੇ ਲਈ ਬੰਦ ਪਈਆਂ ਆਵਾਸ ਯੋਜਨਾ ਨੂੰ ਫਿਰ ਤੋਂ ਲਾਗੂ ਕਰਵਾਇਆ ਹੈ। ਜਿਸਤੋਂ ਕਰੀਬ ਚਾਰ ਹਜ਼ਾਰ ਪਰਿਵਾਰਾਂ ਨੂੰ ਘਰ ਮਿਲਣ ਦਾ ਸੁਪਨਾ ਸਾਕਾਰ ਹੋਇਆ ਹੈ। ਭਵਿੱਖ 'ਚ ਉਹ ਕਰਮਚਾਰੀਆਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਉਪਲਬਧ ਰਾਹਣਗੀ।