ਸੰਤ ਸੀਚੇਵਾਲ ਵੱਲੋਂ ਪ੍ਰਦੂਸ਼ਣ ਦੇ ਰਾਵਣ ਨੂੰ ਮਾਰਨ ਦਾ ਸੱਦਾ ਸਫ਼ਾਈ ਮੁਹਿੰਮ ਚ ਰਾਜਸੀ ਲੀਡਰ ਵੀ ਕੁੱਦੇ
ਰੇਲਵੇ ਸ਼ਟੇਸ਼ਨ ਤੇ ਰੱਖੇ ਕੂੜਾਦਾਨ ਸ਼ਟੇਸ਼ਨ ਤੇ ਬਣਾਏ ਜਾਣਗੇ 10 ਜਨਤਕ ਪਖਾਨੇ
Web Admin
5 ਦਰਿਆ ਨਿਊਜ਼
ਸੁਲਤਾਨਪੁਰ ਲੋਧੀ , 13 Oct 2013
ਨੇਕੀ ਦੀ ਬਦੀ 'ਤੇ ਜਿੱਤ ਦੇ ਪ੍ਰਤੀਕ ਦੁਸ਼ਹਿਰੇ ਦੇ ਮੌਕੇ ਵਾਤਾਵਰਣ ਪ੍ਰੇਮੀ ਸੰਤ ਬਾਬਾ ਬਲਬੀਰ ਸਿੰਘ ਸੀਚੇਵਾਲ ਨੇ ਸਥਾਨਕ ਰੇਲਵੇ ਸ਼ਟੇਸ਼ਨ 'ਤੇ ਸਫ਼ਾਈ ਮਹੁੰਮ ਸ਼ੁਰੂ ਕਰਕੇ ਪ੍ਰਦੂਸ਼ਣ ਦੇ ਰਾਵਣ ਨੂੰ ਮਾਰਨ ਦਾ ਸੱਦਾ ਦਿੱਤਾ।ਉਨਾਂ ਕਿਹਾ ਕਿ ਇਸ ਸਮੇਂ ਪ੍ਰਦੂਸ਼ਣ ਦਾ ਦੈਂਤ ਮਨੁੱਖਜਾਤੀ ਲਈ ਇੱਕ ਚਣੌਤੀ ਬਣਿਆ ਹੋਇਆ ਹੈ।ਉਨਾਂ ਕਿ ਇਸ ਦੈਂਤ ਨੂੰ ਰਲਕੇ ਹੀ ਇੱਕਜੁਟਤਾ ਨਾਲ ਹਰਾਇਆ ਜਾ ਸਕਦਾ ਹੈ। ਸੰਤ ਸੀਚੇਵਾਲ ਜੀ ਵੱਲੋਂ ਸ਼ੁਰੂ ਕੀਤੀ ਗਈ ਸਫ਼ਾਈ ਮਹੁੰਮ 'ਚ ਸਾਬਕਾ ਵਿੱਤ ਮੰਤਰੀ ਡਾ: ਉਪਿੰਦਰਜੀਤ ਕੌਰ, ਐਸ.ਡੀ.ਐਮ ਕੁਲਦੀਪ ਸਿੰਘ ਚੰਦੀ, ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਰਾਕੇਸ਼ ਧੀਰ, ਤੇ ਹੋਰ ਕੌਂਸਲਰਾਂ ਤੇ ਸਮਾਜ ਸੇਵੀ ਜੱਥੇਬੰਦੀਆਂ ਨੇ ਹਿੱਸਾ ਲਿਆ।ਰੇਲਵੇ ਸ਼ਟੇਸ਼ਨ ਤੋਂ ਸ਼ੁਰੂ ਕੀਤੀ ਸਫ਼ਾਈ ਮਹੁੰਮ ਦੌਰਾਨ ਰੇਲਵੇ ਕਲੋਨੀ, ਪ੍ਰੇਮਪੁਰਾ ਮਹੁੱਲਾ , ਮੰਡੀ ਰੋਡ ਤੇ ਆਲੇ ਦੁਆਲੇ ਇਲਾਕਿਆਂ ਦੀ ਸਫ਼ਾਈ ਕੀਤੀ ਗਈ।ਇਸ ਮੁਹਿੰਮ 'ਚ ਸ਼ਹਿਰ ਦੇ ਡਾਕਟਰ,ਵਕੀਲਾਂ ਤੇ ਸਮਾਜ ਸੇਵੀ ਜੱਥੇਬੰਦੀਆਂ ਦੇ ਆਗੂਆਂ ਨੇ ਹਿੱਸਾ ਲਿਆ।ਜ਼ਿਕਰਯੋਗ ਹੈ ਪਿੱਛਲੇ ਢਾਈ ਮਹੀਨਿਆਂ ਤੋਂ ਹਰ ਐਤਵਾਰ ਨੂੰ ਸੰਤ ਸੀਚੇਵਾਲ ਜੀ ਦੀ ਅਗਵਾਈ ਹੇਠ ਪਵਿੱਤਰ ਸ਼ਹਿਰ ਸੁਲਤਾਨਪੁਰ ਲੋਧੀ ਦੀ ਸਫ਼ਾਈ ਕਰਵਾਈ ਜਾ ਰਹੀ ਹੈ।ਰੇਲਵੇ ਸ਼ਟੇਸ਼ਨ 'ਤੇ ਕੀਤੀ ਗਈ ਸਫਾਈ ਦੌਰਾਨ ਸਾਬਕਾ ਮੰਤਰੀ ਡਾ: ਉਪਿੰਦਜੀਤ ਕੌਰ ਨੇ ਆਪ ਝਾੜੂ ਫੜਕੇ ਸਫ਼ਾਈ ਮਹੁੰਮ 'ਚ ਹਿੱਸਾ ਲਿਆ।ਇਸ ਮੌਕੇ ਐਸ.ਡੀ.ਐਮ ਕੁਲਦੀਪ ਸਿੰਘ ਚੰਦੀ ਨੇ ਆਪ ਕਹੀ ਫੜਕੇ ਕਾਂਗਰਸ ਘਾਹ ਨੂੰ ਪੁੱਟਣ 'ਚ ਲੰਬਾ ਸਮਾਂ ਸੇਵਾ ਕੀਤੀ।ਇਸ ਮੌਕੇ ਸੰਤ ਅਮਰੀਕ ਸਿੰਘ ਖੁਖਰੈਣ ਵਾਲੇ ਵੀ ਉਚੇਚੇ ਤੌਰ 'ਤੇ ਸਫ਼ਾਈ ਕਾਰਜਾਂ ਦੀ ਨਿਗਰਾਨੀ ਕਰ ਰਹੇ ਸਨ।ਮੀਡੀਏ ਨਾਲ ਜੁੜੇ ਪੱਤਰਕਾਰਾਂ ਨੇ ਵੀ ਅੱਗੇ ਹੋ ਕੇ ਆਪਣੇ ਸ਼ਹਿਰ ਦੀ ਸਫ਼ਾਈ ਮਹੁੰਮ 'ਚ ਯੋਗਦਾਨ ਪਾਇਆ।ਸਫ਼ਾਈ ਕਰਨ ਦੇ ਨਾਲ-ਨਾਲ ਹੀ ਸੰਤ ਸੀਚੇਵਾਲ ਨੇ ਰੇਲਵੇ ਸ਼ਟੇਸ਼ਨ 'ਤੇ ਰੇਲਵੇ ਕਲੋਨੀ, ਪ੍ਰੇਮਪੁਰਾ ਮਹੱਲਾ ਤੇ ਪੁਰਾਣੀ ਦਾਣਾਮੰਡੀ ਰੋਡ 'ਤੇ ਬੂਟੇ ਲਗਾਏ।ਇੱਥੇ ਰਹਿਣ ਵਾਲੇ ਲੋਕਾਂ ਨੇ ਸੰਤ ਸੀਚੇਵਾਲ ਨੂੰ ਦੱਸਿਆ ਕਿ ਉਹ ਲੰਬੇ ਸਮੇਂ ਸਫਾਈ ਨਾ ਹੋਣ ਕਾਰਨ ਇੱਕ ਤਰਾਂ ਨਾਲ ਨਰਕ ਭਰੀ ਜਿੰਦਗੀ ਜੀ ਰਹੇ ਸਨ।ਰੇਲਵੇ ਸ਼ਟੇਸ਼ਨ ਮਾਸਟਰ,ਕਵੀ ਰਾਮ ਸਿੰਘ ਇਨਸਾਫ ,ਕੌਂਸਲਰ ਸਿਮਰਜੀਤ ਕੌਰ, ਸਾਬਕਾ ਕੌਂਸਲਰ ਨਸੀਰ ਸਿੰਘ , ਸੁਰਿੰਦਰ ਸਿੰਘ, ਗੁਰਦੁਆਰਾ ਸਿੰਘ ਸਭਾ ਦੇ ਪ੍ਰਧਾਨ ਰਣਜੀਤ ਸਿੰਘ, ਡਾ: ਹਰਜੀਤ ਸਿੰਘ , ਐਡਵੋਕੇਟ ਰਜਿੰਦਰ ਸਿੰਘ ਰਾਣਾ,ਸੁਖਵਿੰਦਰ ਸਿੰਘ ਧੰਜੂ, ਜਥੇਦਾਰ ਬਲਵਿੰਦਰ ਸਿੰਘ ਸਰੂਪਵਾਲ, ਰਵਿੰਦਰ ਰੌਕੀ, ਤੇ ਹੋਰ ਆਗੂ ਹਾਜ਼ਰ ਸਨ।