ਸਥਾਨਕ ਫੇਸ 3ਬੀ 2 ਦੀ ਮਾਰਕੀਟ ਵਿੱਚ ਮਾਰਕੀਟ ਦੇ ਵਪਾਰੀਆਂ ਵਲੋਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ਼ ਦਿਹਾੜੇ ਅਤੇ ਮਕਰ ਸੰਕ੍ਰਾਂਤੀ ਦੇ ਮੌਕੇ ਤੇ ਕੜਾਹ ਪ੍ਰਸ਼ਾਦ, ਛੋਲਿਆਂ ਅਤੇ ਚਾਹ ਦਾ ਲੰਗਰ ਲਗਾਇਆ ਗਿਆ| ਇਸ ਮੌਕੇ ਤੇ ਮਾਰਕੀਟ ਦੇ ਵਪਾਰੀਆਂ ਵਲੋਂ ਮਾਰਕੀਟ ਵੈਲਫੇਅਰ ਐਸੋ. ਦੇ ਪ੍ਰਧਾਨ ਸ੍ਰ. ਜਤਿੰਦਰ ਪਾਲ ਸਿੰਘ ਜੇ ਪੀ ਨੂੰ ਸਨਮਾਨਿਤ ਕੀਤਾ ਗਿਆ| ਇਸ ਮੌਕੇ ਮਾਰਕੀਟ ਐਸੋ. 3ਬੀ 2 ਦੇ ਪ੍ਰਧਾਨ ਸ੍ਰ. ਜਤਿੰਦਰ ਪਾਲ ਸਿੰਘ ਜੇ ਪੀ ਨੇ ਕਿਹਾ ਕਿ ਲੰਗਰ ਸੇਵਾ ਸਭ ਤੋਂ ਉਤਮ ਸੇਵਾ ਹੈ, ਇਸ ਲਈ ਲੰਗਰ ਸੇਵਾ ਵਿੱਚ ਸਭ ਨੂੰ ਵੱਧ ਚੜ੍ਹ ਕੇ ਸੇਵਾ ਕਰਨੀ ਚਾਹੀਦੀ ਹੈ| ਉਨ੍ਹਾਂ ਕਿਹਾ ਕਿ ਲੰਗਰ ਲਗਾਉਣ ਵਰਗੇ ਉਪਰਾਲੇ ਜਿਥੇ ਭਾਈਚਾਰਕ ਸਾਂਝ ਵੀ ਵਧਾਉਂਦੇ ਹਨ ਉਥੇ ਲੰਗਰ ਸੇਵਾ ਕਰਕੇ ਰੂਹਾਨੀ ਆਨੰਦ ਵੀ ਮਿਲਦਾ ਹੈ| ਅੱਜ ਮਾਘੀ ਦੇ ਦਿਹਾੜੇ ਲਗਾਏ ਲੰਗਰ ਵਿੱਚ ਉਨ੍ਹਾਂ ਕਿਹਾ ਕਿ ਸਾਰਿਆਂ ਨੂੰ ਹਮੇਸ਼ਾ ਗਰੀਬਾਂ ਅਤੇ ਲੋੜਵੰਦਾਂ ਦੀ ਭਲਾਈ ਲਈ ਉਪਰਾਲੇ ਕਰਨੇ ਚਾਹੀਦੇ ਹਨ| ਸ੍ਰ: ਜੇ.ਪੀ. ਸਿੰਘ ਨੇ ਕਿਹਾ ਕਿ ਕਿਸੇ ਭੁਖੇ ਅਤੇ ਲੋੜਵੰਦ ਨੂੰ ਲੰਗਰ ਖਵਾਉਣਾ ਸੱਭ ਤੋਂ ਵੱਡਾ ਪੁੰਨ ਹੈ| ਇਸ ਮੌਕੇ ਮਾਰਕੀਟ ਐਸੋ. 3ਬੀ2 ਦੇ ਪੈਟਰਨ ਸ੍ਰੀ ਆਤਮਾ ਰਾਮ ਅਗ੍ਰਵਾਲ ਨੇ ਸ਼ੰਕਰ ਸ਼ਰਮਾ, ਜਸਬੀਰ ਸਿੰਘ ਕੰਡਾ ਅਤੇ ਸਤਿੰਦਰ ਸਿੰਘ ਵੱਲੋਂ ਲੰਗਰ ਲਈ ਕੀਤੇ ਉਪਰਾਲੇ ਦੀ ਸ਼ਲਾਘਾ ਕੀਤੀ| ਇਸ ਮੌਕੇ ਅਸ਼ੋਕ ਬੰਸਲ - ਮੀਤ ਪ੍ਰਧਾਨ, ਸੁਰਿੰਦਰ ਅਗ੍ਰਵਾਲ, ਜਤਿੰਦਰ ਸਿੰਘ, ਅਮਰਦੀਪ ਸਿੰਘ, ਗੁਰਪ੍ਰੀਤ ਸਿੰਘ - ਸਕੱਤਰ ਹਾਜਿਰ ਸਨ|