ਸਿੱਖਿਆ ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ, ਸੋਹਾਣਾ ਵਿਖੇ 'ਨਕਲ ਰੋਕੋ' ਮੁਹਿੰਮ ਤਹਿਤ ਜੂਨੀਅਰ ਵਿੰਗ ਦੇ ਵਿਦਿਆਰਥੀਆਂ ਦਾ ਸਲੋਗਨ ਲਿਖਣ ਦਾ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿੱਚ 63 ਵਿਦਿਆਰਥਣਾਂ ਨੇ ਭਾਗ ਲਿਆ। ਮੈਡਮ ਸੁਧਾ ਜੈਨ (ਸਟੇਟ ਅਵਾਰਡੀ) ਨੇ ਦੱਸਿਆ ਕਿ ਵਿਦਿਆਰਥੀ ਨਕਲ ਰੋਕੋ ਅਭਿਆਨ ਪ੍ਰਤੀ ਉਤਸ਼ਾਹਿਤ ਸਨ, ਜਿਨ੍ਹਾਂ ਵੱਲੋਂ ਉਕਤ ਵਿਸ਼ੇ ਨਾਲ ਸਬੰਧਿਤ ਰੰਗ-ਬਿਰੰਗੇ ਚਾਰਟ ਬਣਾਏ ਗਏ।ਪ੍ਰਿੰਸੀਪਲ ਸ਼੍ਰੀਮਤੀ ਊਸ਼ਾ ਮਹਾਜਨ ਅਤੇ ਵਾਈਸ ਪ੍ਰਿੰਸੀਪਲ ਸ਼੍ਰੀਮਤੀ ਜੋਤੀ ਕਾਲੜਾ ਦੀ ਰਹਿਨੁਮਾਈ ਹੇਠ ਇਹ ਮੁਕਾਬਲਾ ਕਰਵਾਇਆ ਗਿਆ । ਮੈਡਮ ਜਗਜੀਤ ਕੌਰ,ਹੇਮਾ ਬਾਲੀ, ਸੰਗੀਤਾ ਜੋਸ਼ੀ ਅਤੇ ਮੈਡਮ ਜੈਨ ਨੇ ਇਸ ਨਕਲ ਰੋਕੋ ਅਭਿਆਨ ਦਾ ਸਫ਼ਲ ਆਯੋਜਨ ਕੀਤਾ । ਇਸ ਮੁਕਾਬਲੇ ਵਿੱਚ ਸ਼ਿਵਾਨੀ-6 'ਬੀ', ਸੁਖਪ੍ਰੀਤ-8 'ਏ' ਨੇ ਪਹਿਲਾ, ਜਸਪ੍ਰੀਤ -8 'ਏ', ਪ੍ਰੀਤੀ-8 'ਏ'ਨੇ ਦੂਜਾ ਅਤੇ ਮੀਰਾ ਕੁਮਾਰੀ 8-'ਏ',ਮਾਨਸੀ 6-'ਏ' ਨੇ ਤੀਜਾ ਸਥਾਨ ਹਾਸਲ ਕੀਤਾ । ਸਵੇਰ ਦੀ ਸਭਾ ਵਿੱਚ ਇਨ੍ਹਾਂ ਵਿਦਿਆਰਥਣਾਂ ਨੂੰ ਇਨਾਮ ਅਤੇ ਹੱਲਾਸ਼ੇਰੀ ਦਿੱਤੀ ਗਈ।