ਦੁਆਬਾ ਗਰੁੱਪ ਆਫ ਕਾਲਜਿਜ਼ ਖਰੜ, ਮੁਹਾਲੀ ਵਿਖੇ 'ਸਟਾਰ ਡੇ' 'ਤੇ ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਅਭਿਨੇਤਾ ਕੁਲਵਿੰਦਰ ਬਿੱਲਾ ਨੇ ਆਪਣੇ ਗਾਣਿਆ ਨਾਲ ਵਿਦਿਆਰਥੀਆਂ ਦਾ ਖੂਬ ਮਨੋਰੰਜਨ ਕੀਤਾ। ਇਸ ਮੌਕੇ ਵਿਦਿਆਰਥੀ ਪੂਰੀ ਤਰਾਂ ਗਾਣਿਆਂ ਦੇ ਰੰਗ ਵਿੱਚ ਰੰਗੇ ਗਏ ਅਤੇ ਸੰਗੀਤ ਦੀਆਂ ਧੁਨਾਂ ਤੇ ਆਪਣੇ ਥਿਰਕਦੇ ਹੋਏ ਪੈਰਾਂ ਨੂੰ ਨਾ ਰੋਕਦੇ ਹੋਏ ਪ੍ਰੋਗ੍ਰਾਮ ਦਾ ਖੂਬ ਆਨੰਦ ਮਾਣਿਆ। ਕੁਲਵਿੰਦਰ ਬਿੱਲਾ ਦੇ ਪ੍ਰਸਿੱਧ ਗਾਣੇ ਅੰਗਰੇਜ਼ੀ ਵਾਲੀ ਮੈਡਮ,ਅਨਟੀਨਾ,ਸੁਰਮਾ,ਪਲਾਜ਼ੋ ਆਦਿ ਗਾਣਿਆ ਤੋਂ ਵਿਦਿਆਰਥੀ ਬਹੁਤ ਪ੍ਰਭਾਵਿਤ ਹੋਏ। ਕੁਲਵਿੰਦਰ ਬਿੱਲਾ ਨੇ ਇਸ ਮੌਕੇ ਆਪਣੇ ਅਸਲੀ ਜਨੂਨ ਗਾਉਣ ਵਿੱਚ ਆਉਣ ਤੋਂ ਪਹਿਲਾਂ ਆਪਣੇ ਅੰਡਰ-ਗਰੈਜੂਏਟ ਅਤੇ ਪੋਸਟ-ਗਰੈਜੂਏਟ ਵਿਦਿਆਰਥੀ ਵਜੋਂ ਉਘੜਦੇ ਹੋਏ ਅਸਲੀ ਅਹਿਸਾਸ ਨੂੰ ਵੀ ਸਾਂਝਾ ਕੀਤਾ। ਇਸ ਮੌਕੇ ਕੁਲਦੀਪ ਚਾਹਲ-ਆਈ.ਪੀ.ਐਸ. ਐਸ.ਐਸ.ਪੀ ਮੋਹਾਲੀ ਮੁੱਖ ਮਹਿਮਾਨ ਵੱਜੋਂ ਸ਼ਾਮਿਲ ਹੋਏ। ਉਨ੍ਹਾਂ ਨੇ ਵਿਦਿਆਰਥੀਆਂ ਦੇ ਉਤਸ਼ਾਹ ਅਤੇ ਅਨੁਸ਼ਾਸਨ ਦੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਨੂੰ ਸਖਤ ਮਿਹਨਤ ਅਤੇ ਲਗਨ ਦੁਆਰਾ ਆਪਣੇ ਟੀਚਿਆਂ ਨੂੰ ਅੱਗੇ ਵਧਾਉਣ ਦੀ ਸਲਾਹ ਦਿੱਤੀ। ਇਸ ਦੋਰਾਨ ਗੁਰਜੋਤ ਕਲੇਰ-ਡੀ.ਐਸ.ਪੀ (ਕ੍ਰਾਈਮ ਐਂਡ ਇੰਟੈਲੀਜੈਂਸ) ਅਤੇ ਇੱਕ ਸ਼ਾਨਦਾਰ ਲੇਖਕ ਗੈਸਟ ਆਫ ਆਨਰ ਵੱਜੋਂ ਸ਼ਾਮਲ ਹੋਏ। ਇਸ ਦੋਰਾਨ ਡੀ.ਜੀ.ਸੀ ਦੇ ਚੇਅਰਮੈਨ ਐਮ.ਐਸ ਬਾਠ,ਪ੍ਰੈਜ਼ੀਡੈਂਟ ਡਾ. ਐਚ.ਐਸ ਬਾਠ, ਪ੍ਰਬੰਧਨ ਉਪ ਚੇਅਰਮੈਨ ਐਸ.ਐਸ ਸੰਘਾ, ਐਗਜ਼ੀਕਿਊਟਿਵ ਵਾਈਸ ਚੇਅਰਮੈਨ ਮਨਜੀਤ ਸਿੰਘ ਅਤੇ ਡਾਇਰੈਕਟਰ ਜਨਰਲ ਡਾ. ਡੀ. ਸਿੰਘ ਅਤੇ ਡੀ.ਜੀ.ਸੀ ਦੇ ਸੀਨੀਅਰ ਅਫਸਰ ਅਤੇ ਟਰੱਸਟੀਆਂ ਵੱਲੋਂ ਆਏ ਹੋਏ ਮੁੱਖ ਮਹਿਮਾਨ ਅਤੇ ਹੋਰ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ 2000 ਤੋਂ ਵੀ ਵੱਧ ਵਿਦਿਆਰਥੀ, ਡੀ.ਜੀ.ਸੀ ਕਾਲਜ ਦੇ ਅਧਿਕਾਰੀ ਅਤੇ ਫੈਕਲਟੀ ਮੈਂਬਰਾਂ ਨੇ ਪ੍ਰੋਗ੍ਰਾਮ ਦਾ ਆਨੰਦ ਮਾਣਿਆ।