ਦੋਆਬਾ ਗਰੁੱਪ ਆਫ ਕਾਲਜਿਜ਼ ਵਿਖੇ ਕਰਵਾਈ ਗਈ ਫਰੈਸ਼ਟਰ ਪਾਰਟੀ ਦੇ ਵਿੱਚ ਦੋਆਬਾ ਕਾਲਜ ਆਫ ਐਜੂਕੇਸ਼ਨ ਤੋਂ ਈ.ਟੀ.ਟੀ. ਦੀ ਵਿਦਿਆਰਥਣ ਹਰਵੀਰ ਕੌਰ ਅਤੇ ਦੋਆਬਾ ਇੰਸਟੀਚਿਊਟ ਆਫ ਇੰਜਨੀਅਰਿੰਗ ਐਂਡ ਟੈਕਨੋਲਜੀ ਤੋਂ ਬੀ.ਟੈੱਕ (ਸੀ.ਐਸ.ਈ) ਦੇ ਵਿਦਿਆਰਥੀ ਅਨਮੋਲ ਨੂੰ ਮਿਸ ਅਤੇ ਮਿਸਟਰ ਫਰੈਸ਼ਰ,2018 ਦੇ ਤਾਜ ਨਾਲ ਨਿਵਾਜਿਆ ਗਿਆ। ਕਰਵਾਈ ਗਈ ਇਸ ਫਰੈਸ਼ਰ ਪਾਰਟੀ ਦੇ ਵਿੱਚ ਪ੍ਰਤੀਯੋਗੀਆਂ ਨੂੰ ਮਾਡਲਿੰਗ ਅਤੇ ਪ੍ਰਸ਼ਨ ਦੌਰ, ਉਨ੍ਹਾਂ ਦੀ ਸ਼ਖ਼ਸੀਅਤ, ਰਵੱਈਆ, ਬੋਲਣ ਦੇ ਢੰਗ, ਮਨ ਦੀ ਹਾਜ਼ਰੀ,ਆਮ ਜਾਗਰੂਕਤਾ ਅਤੇ ਉਨ੍ਹਾਂ ਦੇ ਪ੍ਰਦਰਸ਼ਨ ਦੇ ਆਧਾਰ ਤੇ ਚੁਣਿਆ ਗਿਆ ।ਇਸ ਮੌਕੇ ਸ. ਸਾਧੂ ਸਿੰਘ ਧਰਮਸੋਤ, ਕੈਬਨਿਟ ਮੰਤਰੀ, ਪੰਜਾਬ (ਜੰਗਲਾਤ ਮੰਤਰੀ, ਪ੍ਰੀਟਿੰਗ ਅਤੇ ਸਟੇਸ਼ਨਰੀ, ਵੈਲਫੇਅਰ ਆਫ ਐਸ.ਸੀ ਐਂਡ ਬੀ.ਸੀ ) ਮੁੱਖ ਮਹਿਮਾਨ ਦੇ ਤੋਰ ਸ਼ਾਮਿਲ ਹੋਏ।ਇਸ ਦੋਰਾਨ ਉਨ੍ਹਾਂ ਦੇ ਨਾਲ ਖਾਸ ਤੋਰ ਤੇ ਪ੍ਰਸ਼ਾਸਕ, ਅਮਰਜੀਤ ਸਿੰਘ ਵੀ ਮੌਜੂਦ ਸਨ। ਫਰੈਸ਼ਟਰ ਪਾਰਟੀ ਦੋਰਾਨ ਮੁੱਖ ਮਹਿਮਾਨ ਨੇ ਆਪਣੇ ਸੰਬੋਧਨ ਵਿਚ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਸਫਲਤਾਵਾਂ 'ਤੇ ਵਧਾਈ ਦਿੱਤੀ ਅਤੇ ਉਨ੍ਹਾਂ ਨੂੰ ਸਹਿ-ਪਾਠਕ੍ਰਮ ਗਤੀਵਿਧੀਆਂ ਦੇ ਨਾਲ-ਨਾਲ ਅਕਾਦਮਿਕ ਗਤੀਵਿਧੀਆਂ ਵਿੱਚ ਵੀ ਹਿੱਸਾ ਲੈਣ ਲਈ ਪ੍ਰੇਰਿਆ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਯਕੀਨ ਦਿਵਾਇਆ ਕਿ ਸਰਕਾਰ ਉਨ੍ਹਾਂ ਦੀਆਂ ਸਕਾਲਰਸ਼ਿਪਾਂ ਨੂੰ ਜਲਦ ਹੀ ਯਕੀਨੀ ਬਣਾਏਗੀ।
ਇਸ ਦੋਰਾਨ ਡੀ.ਜੀ.ਸੀ ਦੇ ਚੇਅਰਮੈਨ ਐਮ.ਐਸ ਬਾਠ,ਪ੍ਰੈਜ਼ੀਡੈਂਟ ਡਾ. ਐਚ.ਐਸ ਬਾਠ, ਪ੍ਰਬੰਧਨ ਉਪ ਚੇਅਰਮੈਨ ਐਸ.ਐਸ ਸੰਘਾ, ਐਗਜ਼ੀਕਿਊਟਿਵ ਵਾਈਸ ਚੇਅਰਮੈਨ ਮਨਜੀਤ ਸਿੰਘ ਅਤੇ ਡੀ.ਜੀ.ਸੀ ਦੇ ਅਫਸਰ ਅਤੇ ਟਰੱਸਟੀਆਂ ਵੱਲੋਂ ਆਏ ਹੋਏ ਮੁੱਖ ਮਹਿਮਾਨ ਦਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਡੀ.ਜੀ.ਸੀ ਦੇ ਕਾਰਜਕਾਰੀ ਉਪ ਚੇਅਰਮੈਨ ਮਨਜੀਤ ਸਿੰਘ ਨੇ ਆਪਣੇ ਸੁਆਗਤ ਭਾਸ਼ਣ ਵਿੱਚ ਵਿੱਦਿਆ, ਖੇਡਾਂ, ਸਾਹਿਤਕ ਅਤੇ ਸੱਭਿਆਚਾਰਕ ਖੇਤਰਾਂ ਵਿੱਚ ਡੀ.ਜੀ.ਸੀ ਦੀਆਂ ਪ੍ਰਾਪਤੀਆਂ ਨੂੰ ਉਜਾਗਰ ਕੀਤਾ।ਵਿਦਿਆਰਥੀਆਂ ਵੱਲੋਂ ਫਰੈਸ਼ਰ ਪਾਰਟੀ ਨੂੰ ਪੂਰੇ ਉਤਸ਼ਾਹ ਨਾਲ ਮਨਾਇਆ ਗਿਆ ਅਤੇ ਸਾਰੀ ਪੇਸ਼ਕਾਰੀਆਂ ਨੂੰ ਵਧੀਆ ਕਲਾਕਾਰੀ ਅਤੇ ਸੋਹਣੇ ਢੰਗ ਨਾਲ ਪੇਸ਼ ਕੀਤਾ ਗਿਆ । ਇਸ ਪਾਰਟੀ ਦੋਰਾਨ ਡਾਂਸ,ਡਰਾਮਾ, ਸਕਿਟ, ਗਾਣੇ ਆਦਿ ਦੇ ਪ੍ਰਦਰਸ਼ਨ ਨੇ ਦਰਸ਼ਕਾਂ ਨੂੰ ਝੂਮਣ ਤੇ ਮਜਬੂਰ ਕਰ ਦਿੱਤਾ। ਜਦੋਂ ਕਿ ਗਿੱਧਾ, ਭੰਗੜਾ ਅਤੇ ਮਾਡਲਿੰਗ ਮੁਕਾਬਲੇ ਇਸ ਪ੍ਰੋਗਰਾਮ ਦੇ ਮੁੱਖ ਭਾਗ ਸਨ। ਇਨਾਮ ਵੰਡ ਸਮਾਰੋਹ ਦੇ ਨਾਲ ਇਸ ਪ੍ਰੋਗਰਾਮ ਨੂੰ ਸਮਾਪਤ ਕੀਤਾ ਗਿਆ, ਜਿਸ ਵਿੱਚ ਅਕਾਦਮਿਕ, ਖੇਡਾਂ, ਪਾਠਕ੍ਰਮ ਅਤੇ ਸੱਭਿਆਚਾਰਕ ਸਰਗਰਮੀਆਂ ਵਿੱਚ ਵਿਦਿਆਰਥੀਆਂ ਦੀਆਂ ਪ੍ਰਾਪਤੀਆਂ ਲਈ ਉਨ੍ਹਾਂ ਨੂੰ ਟਰੌਫੀਆਂ ਅਤੇ ਨਕਦ ਇਨਾਮ ਦਿੱਤੇ ਗਏ। ਇਸ ਪ੍ਰੋਗਰਾਮ ਦੇ ਵਿੱਚ 2000 ਤੋਂ ਵੀ ਵੱਧ ਵਿਦਿਆਰਥੀ, ਡੀ.ਜੀ.ਸੀ ਕਾਲਜ ਦੇ ਅਧਿਕਾਰੀ ਅਤੇ ਫੈਕਲਟੀ ਮੈਂਬਰ ਹਾਜ਼ਰ ਸਨ।