ਲੁਧਿਆਣਾ (ਦਿਹਾਤੀ) ਪੁਲਿਸ ਨੇ ਸਮਾਜ ਵਿਰੋਧੀ ਅਨਸਰਾਂ ਖ਼ਿਲਾਫ਼ ਸ਼ੁਰੂ ਕੀਤੀ ਗਈ ਕਵਾਇਦ ਤਹਿਤ ਵੱਡੀ ਪ੍ਰਾਪਤੀ ਕਰਦਿਆਂ ਪੈਟਰੋਲ ਪੰਪ ਨੂੰ ਲੁੱਟਣ ਦੀ ਯੋਜਨਾ ਬਣਾ ਰਹੇ ਲੁਟੇਰਾ ਗਿਰੋਹ ਦੇ ਛੇ ਮੈਂਬਰਾਂ ਨੂੰ ਕਾਬੂ ਕੀਤਾ ਹੈ। ਜਿਨ੍ਹਾਂ ਕੋਲੋਂ ਭਾਰੀ ਮਾਤਰਾ ਵਿੱਚ ਹਥਿਆਰ ਅਤੇ ਲੁੱਟ ਦਾ ਸਮਾਨ ਬਰਾਮਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਥਿਤ ਦੋਸ਼ੀਆਂ ਨੇ ਹੋਰ ਵੀ ਕਈ ਵਾਰਦਾਤਾਂ ਕਬੂਲ ਕੀਤੀਆਂ ਹਨ।ਇਸ ਸੰਬੰਧੀ ਸੱਦੀ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਤਰੁਨ ਰਤਨ ਪੀ.ਪੀ.ਐਸ ਪੁਲਿਸ ਕਪਤਾਨ (ਜਾਂਚ) ਲੁਧਿਆਣਾ (ਦਿਹਾਤੀ) ਨੇ ਦੱਸਿਆ ਕਿ ਇਨ੍ਹਾਂ ਖੋਹਾਂ ਕਰਨ ਵਾਲੇ ਖਤਰਨਾਕ ਗਿਰੋਹ ਨੂੰਇੰਸ: ਇੰਦਰਜੀਤ ਸਿੰਘ ਮੁੱਖ ਅਫਸਰ ਥਾਣਾ ਦਾਖਾ ਵੱਲੋਂ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਇਹ ਗਿਰੋਹ ਪੰਜਾਬ ਅਤੇ ਹੋਰ ਥਾਂਵਾਂ'ਤੇ ਪਿਛਲੇ ਕਾਫੀ ਸਮੇਂ ਤੋਂ ਲੁੱਟਾਂ-ਖੋਹਾਂ ਕਰਨ ਦੀਆਂ ਵਾਰਦਾਤਾਂ ਕਰਦੇ ਆ ਰਹੇ ਸਨ।ਜਿੰਨ੍ਹਾਂ ਬਾਰੇ ਮੁੱਖ ਅਫਸਰ ਥਾਣਾ ਦਾਖਾ ਨੂੰ ਖੁਫੀਆ ਇਤਲਾਹ ਮਿਲੀ ਸੀ ਕਿ ਹਰਵਿੰਦਰ ਸਿੰਘ ਉਰਫ ਹੈਪੀ ਪੁੱਤਰ ਜਸਵੀਰ ਸਿੰਘ ਵਾਸੀ ਡਾਬਾ ਰੋਡ ਨੇੜੇ ਨਵੀਂ ਧਰਮਸ਼ਾਲਾ ਲੁਹਾਰਾ ਲੁਧਿਆਣਾ ਅਤੇ ਰੋਹਿਤ ਵਰਮਾ ਪੁੱਤਰ ਰਾਮ ਈਸਵਰ ਸਿੰਘ ਵਾਸੀ ਸ਼ਿਮਲਾਪੁਰੀ ਨੇੜੇ ਪੰਮੇ ਦੀਆਂ ਦੁਕਾਨਾਂ ਗਲੀ ਨੰਬਰ 11 ਮਹਾਂ ਸਿੰਘ ਨਗਰ ਡਾਬਾ ਥਾਣਾ ਡਾਬਾ, ਰਿੰਕੂ ਪੁੱਤਰ ਤਿਲਕ ਰਾਜ ਵਾਸੀ ਝੁੱਗੀਆਂ ਬਾਗ ਖੇਤਾ ਰਾਮ ਨੇੜੇ ਰੇਲਵੇ ਸਟੇਸ਼ਨ ਜਗਰਾਂਓ, ਜੌਹਨ ਸਿੰਘ ਪੁੱਤਰ ਜੋਗਾ ਸਿੰਘ ਵਾਸੀ ਡੀ.ਏ.ਵੀ ਕਾਲਜ ਦੇ ਪਿੱਛੇ ਬਾਗ ਖੇਤਾ ਰਾਮ ਜਗਰਾਂਓ, ਬੀਰੂ ਪਾਸਵਨ ਪੁੱਤਰ ਹਰੀ ਪਾਸਵਨਵਾਸੀ ਬੁੜਬਨ ਬਿਹਾਰ ਹਾਲ ਕਿਰਾਏਦਾਰ ਨੇੜੇ ਐਫ.ਸੀ.ਆਈ ਗੋਦਾਮ ਜਗਰਾਂਓ, ਹੈਦਰ ਪੁੱਤਰ ਸਲੀਮ ਵਾਸੀ ਬਾਗ ਖੇਤਾ ਰਾਮ ਨੇੜੇ ਰੇਲਵੇ ਸਟੇਸ਼ਨ ਜਗਰਾਂਓ ਹਾਲ ਵਾਸੀ ਫਿਰੋਜ਼ ਗਾਂਧੀ ਮਾਰਕੀਟ ਬੈਕ ਸਾਇਡ ਕੋਟਕ ਮਹਿੰਦਰਾ ਬੈਕ ਭਾਈਵਾਲਾ ਚੌਕ ਲੁਧਿਆਣਾ ਅਤੇ ਗੁਰਕੀਰਤ ਸਿੰਘ ਉਰਫ ਗੱਗੀ ਪੁੱਤਰ ਚਮਕੌਰ ਸਿੰਘ ਵਾਸੀ ਡਾਬਾ ਰੋਡ ਨੇੜੇ ਪੁਰਾਣੀ ਧਰਮਸ਼ਾਲਾ ਲੋਹਾਰਾ ਲੁਧਿਆਣਾ ਮਾਰੂ ਹਥਿਆਰਾਂ ਨਾਲ ਲੈੱਸ ਹੋ ਕੇ ਰੀਲ਼ਾਇੰਸ ਪੰਪ ਜੀ.ਟੀ ਰੋਡ ਲੁਧਿਆਣਾ ਬਾਹੱਦ ਗਹੌਰ ਨੂੰ ਲੁੱਟਣ ਦੀ ਯੋਜਨਾ ਬਣਾ ਰਹੇ ਹਨ।ਜਿਸ'ਤੇ ਉਪਰੋਕਤ ਇਤਲਾਹ ਦੇ ਅਧਾਰ 'ਤੇ ਇੰਸ: ਇੰਦਰਜੀਤ ਸਿੰਘ ਵੱਲੋਂ ਸਮੇਤ ਪੁਲਿਸ ਪਾਰਟੀ ਉਕਤ ਜਗਾ 'ਤੇ ਰੇਡ ਕਰਕੇ ਉਕਤਾਨ ਛੇ ਦੋਸ਼ੀਆਂ ਨੂੰ ਕਾਬੂ ਕੀਤਾ। ਜਿੰਨ੍ਹਾਂ ਦੇ ਕਬਜੇ ਵਿੱਚੋਂ ਇਕ ਪਿਸਤੌਲ ਦੇਸੀ 315 ਬੋਰ ਸਮੇਤ ਇਕ ਰੌਦ ਜਿੰਦਾ, ਦੋ ਦਾਹ ਲੋਹਾ ਅਤੇ ਤਿੰਨ ਰਾਡ ਲੋਹਾ ਬ੍ਰਾਮਦ ਹੋਏ। ਜਿਸ 'ਤੇ ਮੁਕੱਦਮਾ ਨੰਬਰ 264 ਮਿਤੀ 8 ਸਤੰਬਰ, 2018 ਅ/ਧ 399, 402 ਭ/ਦ ਥਾਣਾ ਦਾਖਾ ਅਤੇ ਮੁਕੱਦਮਾ ਨੰਬਰ 265 ਮਿਤੀ 8 ਸਤੰਬਰ, 2018 ਅ/ਧ 25/54/59 ਆਰਮਜ ਐਕਟ ਥਾਣਾ ਦਾਖਾ ਦਰਜ ਰਜਿਸਟਰ ਕਰਕੇ ਗ੍ਰਿਫ਼ਤਾਰ ਕੀਤਾ ਗਿਆ। ਦੋਸ਼ੀਆਂ ਨੂੰ ਮਿਤੀ 9 ਸਤੰਬਰ, 2018 ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਦੋਸ਼ੀਆਂ ਦਾ ਰਿਮਾਂਡ ਪੁਲਿਸ ਹਾਸਿਲ ਕੀਤਾ ਗਿਆ ਅਤੇ ਪੁੱਛਗਿੱਛ ਦੌਰਾਨ ਦੋਸ਼ੀਆਂਨੇ ਕਈ ਵਾਰਦਾਤਾਂ ਕਰਨੀਆਂ ਕਬੂਲ ਕੀਤੀਆਂ ਹਨ।ਦੋਸ਼ੀਆਂ ਪਾਸੋਂ ਇਹਨਾਂ ਮੁਕੱਦਮਿਆਂ ਵਿੱਚ ਕੀਤੀ ਗਈ ਖੋਹ ਸਬੰਧੀ ਬਰਾਮਦਗੀਆਂ ਵੀ ਹੋਈਆਂ ਹਨ।ਦੋਸ਼ੀਆਂ ਪਾਸੋਂ ਡੁੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।ਹੋਰ ਵੀ ਕਈ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸ੍ਰੀ ਅਮਨਦੀਪ ਸਿੰਘ ਬਰਾੜ ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ (ਜਾਂਚ) ਲੁਧਿਆਣਾ (ਦਿਹਾਤੀ) ਅਤੇ ਹਰਕਮਲ ਕੌਰ ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ ਦਾਖਾ ਹਾਜ਼ਰ ਸਨ।