ਸਾਨੂੰ ਸਭ ਨੂੰ ਮਰਨ ਉਪਰੰਤ ਅੱਖਾਂ ਦਾਨ ਕਰਨੀਆਂ ਚਾਹੀਦੀਆਂ ਹਨ ਤਾਂ ਕਿ ਕਿਸੇ ਵਿਅਕਤੀ ਦੀ ਹਨੇਰੀ ਜਿੰਦਗੀ ਵਿਚ ਰੋਸ਼ਨੀ ਲਿਆਂਦੀ ਜਾ ਸਕੇ ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਡਾ.ਸੀਮਾ ਸੀਨੀਅਰ ਮੈਡੀਕਲ ਅਫਸਰ ਸੀ.ਐਚ.ਸੀ. ਕਾਲਾ ਸੰਘਿਆਂ ਨੇ ਅੱਖਾਂ ਦਾਨ ਦੇ ਪੰਦਵਾੜੇ ਸਬੰਧੀ ਕਰਵਾਏ ਗਏ ਸਮਾਗਮ ਦੋਰਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਛੋਟੀ ਉਮਰ ਵਿਚ ਖੁਰਾਕ ਦੀ ਘਾਟ, ਸੱਟ ਜਾਂ ਇਨਫੈਕਸ਼ਨ ਆਦਿ ਦੇ ਕਾਰਨ ਕੋਰਨੀਆਂ ਧੁੰਦਲਾ ਹੋ ਜਾਂਦਾ ਹੈ। ਨਜ਼ਰ ਕਾਫੀ ਕਮਜੋਰ ਹੋ ਜਾਂਦੀ ਹੈ ਜਾਂ ਖਤਮ ਵੀ ਹੋ ਸਕਦੀ ਹੈ।ਇਸ ਮੌਕੇ ਰਾਕੇਸ਼ ਬਾਲੀ ਅਪਥਾਲਮਿਕ ਅਫਸਰ ਨੇ ਦੱਸਿਆ ਕਿ 25 ਅਗਸਤ ਤੋਂ 8 ਸਤੰਬਰ ਤੱਕ ਅੱਖਾਂ ਦਾ ਪੰਦਰਵਾੜਾ ਮਨਾਇਆ ਜਾ ਰਿਹਾ ਹੈ।ਜਿਸ ਵਿਚ ਲੋਕਾਂ ਨੂੰ ਅੱਖਾਂ ਦਾਨ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ ਤਾਂਕਿ ਵੱਧ ਤੋਂ ਵੱਧ ਲੋਕ ਅੱਖਾਂ ਦਾਨ ਕਰ ਸਕਣ। ਉਨ੍ਹਾਂ ਕਿਹਾ ਕਿ ਇਕ ਵਿਅਕਤੀ ਨੂੰ ਮਰਨ ਤੋਂ ਬਾਅਦ ਆਪਣੀਆਂ ਦਾਨ ਕਰਕੇ 2 ਵਿਅਕਤੀਆਂ ਦੀ ਜ਼ਿੰਦਗੀ ਵਿਚ ਚਾਨਣ ਕਰ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਅੱਖਾਂ ਨੂੰ ਤਿੱਖੀਆਂ ਚੀਜ਼ਾ ਜਿਵੇਂ ਕਿ ਚਾਕੂ, ਸੁਈ, ਤੀਰ, ਕੈਂਚੀ ਅਤੇ ਗੁਲੀ ਡੰਡੇ ਆਦਿ ਤੋਂ ਬਚਾਉਣਾ ਚਾਹੀਦਾ ਹੈ।ਇਸ ਮੌਕੇ ਰਵਿੰਦਰ ਕੁਮਾਰ ਜੱਸਲ ਬਲਾਕ ਐਜੂਕੇਟਰ ਨੇ ਦੱਸਿਆ ਕਿ ਸਾਨੂੰ ਪਟਾਕੇ ਤੇਜ਼ ਰਸਾਇਣਕ ਆਦਿ ਬੱਚਿਆਂ ਦੀ ਪਹੁੰਚ ਤੋਂ ਦੂਰ ਰੱਖਣੇ ਚਾਹੀਦੇ ਹਨ। ਅਪ੍ਰੇਸ਼ਨ ਤੋਂ ਬਾਅਦ ਇਨਫੈਕਸ਼ਨ ਤੋਂ ਅੱਖਾਂ ਨੂੰ ਬਚਾਓ, ਬੱਚਿਆਂ ਨੂੰ ਸੰਤੁਲਿਤ ਭੋਜਨ ਵਿਟਾਮਿਨ ਏ ਨਾਲ ਭਰਪੂਰ ਜਿਵੇਂ ਹਰੀਆ ਪੱਤੇਦਾਰ ਸਬਜੀਆਂ, ਪਾਲਕ, ਮੇਥੀ, ਬਾਥੂ, ਸਰੋਂ, ਮੁਲੀ ਅਤੇ ਪੀਲੇ ਰੰਗ ਦੇ ਫੱਲ ਖਾਣੇ ਚਾਹੀਦੇ ਹਨ। ਬਿਨ੍ਹਾ ਹੱਥ ਧੋਤੇ ਅੱਖਾਂ ਨੂੰ ਨਹੀਂ ਲਾਉਣੇ ਚਾਹੀਦੇ ਹਨ। ਅੱਖਾਂ ਦੀ ਸਮਸਿਆਂ ਆਉਣ ਤੇ ਨੇੜੇ ਦੇ ਸਿਹਤ ਕੇਂਦਰ ਵਿਖੇ ਡਾਕਟਰ ਨਾਲ ਸੰਪਰਕ ਕਰੋ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡਾ. ਰਾਕੇਸ਼, ਡਾ. ਗੁਨਤਾਸ ,ਡਾ. ਸਰਭੀ, ਸੰਤੋਖ ਕੌਰ ਨਰਸਿੰਗ ਸਿਸਟਰ, ਰਿਤੂ ਰਿਹਾਨ, ਜਸਵੀਰ ਕੌਰ ਐਲ.ਐਚ.ਵੀ. ਨਰੇਸ਼ ਕੁਮਾਰੀ, ਨਿਰਵੈਰ ਸਿੰਘ ਆਦਿ ਹਾਜਰ ਸਨ।
HEALTH