ਅਨੁਸੂਚਿਤ ਜਾਤੀਆਂ ਵਿੰਗ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਰਾਸ਼ਟਰੀ ਪ੍ਰਧਾਨ ਜਥੇਦਾਰ ਗੁਲਜਾਰ ਸਿੰਘ ਰਣੀਕੇ ਸਾਬਕਾ ਕੈਬਨਿਟ ਮੰਤਰੀ ਪੰਜਾਬ ਨੇ ਦੱਬੇ ਕੁਚਲੇ ਵਗਰ ਦੀ ਤਰਾਸਦਿਕ ਹਾਲਤ ਤੇ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਨੇ ਜੋ ਸੁਪਨਾ ਇਸ ਵਰਗ ਲਈ ਲਿਆ ਸੀ ਉਹ ਸੁਪਨਾ ਆਜਾਦੀ ਦੇ 72 ਵਰੇ ਬੀਤਣ ਦੇ ਬਾਵਜੂਦ ਵੀ ਪੂਰਾ ਨਹੀਂ ਹੋ ਸਕਿਆ ਹੈ। ਉਨਾ ਨੇ ਕਿਹਾ ਇਕਲਾ ਦੱਬਿਆ ਕੁਚਲਿਆਂ ਭਾਈਚਾਰਾਂ ਹੀ ਸਮੱਸਿਆ 'ਚ ਨਹੀ ਹੈ ਸਗੋਂ ਸਾਡਾ ਸਿੱਖ ਸਮਾਜ ਵੱਡੀ ਚਣੋਤੀ ਦਾ ਸਾਹਮਣਾ ਕਰ ਰਿਹਾ ਹੈ। ਉਨਾ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਉਹ ਸੰਸਥਾ ਹੈ ਜਿਸ ਦੇ ਹਰ ਵਰਕਰ ਦਾ ਇਖਲਾਕੀ ਫਰਜ ਧਰਮ ਦਾ ਪ੍ਰਚਾਰ ਕਰਨਾ ਤੇ ਨਾਲ ਨਾਲ ਸਿਆਸਤੀ ਜਿੰਮੇਵਾਰੀਆਂ ਨਿਭਾਉਣਾ ਹੈ। ਉਨਾ ਨੇ ਕਿਹਾ ਕਿ ਅਕਾਲੀ ਦਲ ਧਰਮ ਤੇ ਰਾਜਨੀਤੀ ਨੂੰ ਨਾਲ ਲੈ ਕੇ ਚੱਲਣ ਦੈ ਸ਼ੁਰੂ ਤੋਂ ਹੀ ਮੁਦਈ ਰਿਹਾ ਹੈ। ਇਸ ਲਈ ਸਾਫ ਸਫਰੀ, ਲੋਕ ਹਿਤੈਸ਼ੀ ਰਾਜਨੀਤੀ,ਪੱਖਪਾਤ ਰਹਿਤ ਬਰਾਬਰਾ ਦਾ ਅਧਿਕਾਰ ਦਵਾਉਣ ਲਈ ਯਤਨ ਕਰਨੇ ਅਕਾਲੀ ਦਲ ਦੇ ਅਧਿਕਾਰ ਖੇਤਰ 'ਚ ਹੈ। ਜਥੇਦਾਰ ਰਣੀਕੇ ਨੇ ਕਿਹਾ ਕਿ ਅੱਜ ਸੋਚ ਵਿਚਾਰ ਕਰਨ ਦੀ ਲੋੜ ਹੈ ਕਿਉਂਕਿ ਸਾਡੇ ਸਿੱਖ ਭਾਈਚਾਰੇ ਦਾ ਅਨਿਖੜਵਾਂ ਅੰਗ ਮੱਜਬੀ ਸਿੱਖ ਭਾਈਚਾਰਾ ਲਾਸਾਨੀ ਸਿੱਖ ਸ਼ਹਾਦਤਾ ਤੋਂ ਅਣਜਾਣ ਹੋ ਧਰਮ ਪ੍ਰੀਵਰਤਨ ਦੇ ਘੇਰੇ 'ਚ ਆ ਕੇ ਹੋਰਨਾ ਧਰਮਾ ਪਿੱਛੇ ਦੋੜ ਰਿਹਾ ਹੈ। ਉਨਾ ਨੇ ਗੁੰਮਰਾਹਕੁੰਨ ਹੋਏ ਮੱਜਬੀ ਸਿੱਖ ਭਾਈਚਾਰੇ ਨੂੰ ਪ੍ਰੇਰਿਤ ਕਰਦਿਆਂ ਰਿਹਾ ਕਿ ਸਿੱਖ ਇਤਿਹਾਸ ਦੇ ਵਰਕਿਆਂ ਨੂੰ ਫਰੌਲ ਕੇ ਦੇਖਿਆ ਜਾਵੇ ਤਾਂ ਪਤਾ ਲੱਗੇਗਾ ਕਿ ਸਿੱਖ ਮਿਸਲਾ ਦੇ ਜਨਰੈਲ ਮੱਜਬੀ ਸਿੱਖ ਯੋਧੇ ਰਹੇ ਹਨ। ਅਮਰ ਸ਼ਹੀਦ ਬਾਬਾ ਜੀਵਨ ਸਿੰਘ ਦੀ ਸ਼ਹਾਦਤ ਅਭੁੱਲ ਹੈ। ਪਰ ਅਸੀ ਅੱਜ ਆੁਪਣੇ ਪਿਛੋਕੜ ਨੂੰ ਅੱਖੋਂ ਪਰੋਖਿਆ ਕਰ ਹੋਰਨਾ ਧਰਮਾ ਦੇ ਰਾਹ ਪੈ ਆਪਣੀ ਨੀਂਹ ਨੂੰ ਖੋਖਲਿਆਂ ਕਰਨ ਦੇ ਜਿੰਮੇਵਾਰ ਬਣ ਰਹੇ ਹਾਂ।
ਜਥੇਦਾਰ ਰਣੀਕੇ ਨੇ ਕਿਹਾ ਕਿ ਸਿੱਖ ਸਮਾਜ ਘੱਟ ਗਿਣਤੀਆਂ ਦੇ ਘੇਰੇ 'ਚ ਆਉਦਾ ਹੈ ਜਿਸ ਕਰਕੇ ਇਸ ਨੂੰ ਚੁਫੇਰੇ ਚੁਣੋਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨਾ ਨੇ ਦੱਸਿਆ ਕਿ ਵਿਦੇਸਾਂ ਦੀ ਧਰਤੀ ਤੇ ਸਿੱਖਾਂ ਨੂੰ ਨਸਲੀ ਹਮਲਿਆਂ ਦਾ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਭਾਰਤ ਦੇ ਗੈਰ ਪੰਜਾਬੀ ਸੂਬਿਆਂ ਵਿੱਚ ਸਿੱਖਾਂ ਦੀ ਪਛਾਣ ਖਤਰੇ 'ਚ ਹੈ। ਅੰਮ੍ਰਿਤਧਾਰੀ ਪ੍ਰੀਵਾਰਾਂ ਨੂੰ ਉਥੋਂ ਦੀਆਂ ਸਰਕਾਰਾਂ ਤੇ ਫਿਰਕੇ ਸਰਕਾਰੀ ਸਹੂਲਤਾਂ ਤੋਂ ਵਾਂਝੇ ਰੱਖ ਰਹੇ ਹਨ। ਰਾਜਸਥਾਨ ਅਤੇ ਮੇਘਾਲਿਆਂ ਦੀ ਰਾਜਧਾਨੀ ਸ਼ਿਲਾਂਗ ਵਿੱਚ ਖਾਸੀ ਸਮੁਦਾਇ ਵਲੋਂ ਸਰਕਾਰ ਦੀ ਕਥਿਤ ਸ਼ੈਹਿ ਤੇ ਸਿੱਖਾਂ ਦੇ ਨਾਲ ਕੀਤਾ ਜਾ ਰਿਹਾ ਅਮਾਨਵੀ ਵਰਤਾਓ ਅਸਹਿ ਹੈ। ਉਨਾ ਨੇ ਕਿਹਾ ਕਿ ਅੱਜ ਜ਼ਰੂਰਤ ਹੈ ਕਿ ਬੱਚਿਆਂ ਨੂੰ ਸਿੱਖ ਇਤਿਹਾਸ ਅਤੇ ਧਰਮ ਦੀ ਸਿਖਿਆ ਮਾਪੇ ਘਰੋਂ ਦੇ ਕੇ ਹੀ ਸਕੂਲਾਂ ਕਾਲਜਾਂ ਵਿੱਚ ਭੇਜਣ। ਉਨਾ ਨੇ ਕਿਹਾ ਕਿ ਸਾਡਾ ਸਮਾਜ ਇਕੱਲਾ ਸ਼੍ਰੋਮਣੀ ਕਮੇਟੀ ਨੂੰ ਧਰਮ ਦੇ ਪ੍ਰਚਾਰ ਤੇ ਪ੍ਰਸਾਰ ਦੀ ਜਿੰਮੇਵਾਰ ਮੰਨ ਆਪ ਵਿਹਲਾ ਹੋਈ ਬੈਠਾ ਹੈ, ਪਰ ਮੇਰੀ ਸਾਰੇ ਸਿੱਖ ਪ੍ਰੀਵਾਰਾਂ ਨੂੰ ਅਪੀਲ ਹੈ ਕਿ ਸਿੱਖ ਸਮਾਜ ਦੀ ਚੜਦੀਕਲਾ ਵਾਸਤੇ ਮਾਪੇ ਆਪਣੇ ਬੱਚਿਆਂ ਨੂੰ ਘਰੋਂ ਹੀ ਸਿੱਖ ਧਰਮ ਦੀ ਸਿਖਿਆ ਦੇ ਕੇ ਤੋਰਨ। ਉਨਾ ਨੇ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਸਿੱਖ ਧਰਮ ਦਾ ਵਿਸ਼ਾ ਸਲੇਬਸ 'ਚ ਸ਼ਾਮਲ ਕਰੇ ਤਾਂ ਕਿ ਸੂਬੇ ਦੇ ਬੱਚੇ ਆਪਣੇ ਪਿਛੋਕੜ ਬਾਰੇ ਅਕਾਦਮਿਕ ਮਹੌਲ 'ਚ ਰਹਿ ਕੇ ਸਮਝ ਸਕਣ। ਇੱਕ ਸਵਾਲ ਦੇ ਜਵਾਬ 'ਚ ਉਨਾ ਨੇ ਕਿਹਾ ਕਿ ਅਨੁਸੂਚਿਤ ਜਾਤੀਆਂ ਐਸਸੀ ਵਿੰਗ ਦੀ ਕੋਸ਼ਿਸ਼ ਹੈ ਕਿ ਕੁਰਾਹੇ ਪੈ ਚੁੱਕੇ ਸਮਾਜ ਨੂੰ ਫਿਰ ਤੋਂ ਪੰਥ ਦੀ ਮੁੱਖ ਧਾਰਾ 'ਚ ਸ਼ਾਮਲ ਕਰਨ ਲਈ ਵਸੀਲੇ ਕੀਤੇ ਜਾਣ। ਇਸ ਸਬੰਧੀ ਨੇੜੇ ਭਵਿਖ 'ਚ ਵਿੰਗ ਦੇ ਸਮੂਹ ਆਗੂਆਂ ਦੀ ਮੀਟਿੰਗ ਲਈ ਜਾਵੇਗੀ ਤਾਂ ਕਿ ਸਮਾਜ ਨੂੰ ਨਰੋਈ ਸੋਚ ਪ੍ਰਦਾਨ ਕੀਤੀ ਜਾਵੇ। ਇਸ ਮੌਕੇ ਉਨਾ ਦੇ ਨਾਲ ਸ਼੍ਰੋਮਣੀ ਅਕਾਲੀ ਦਲ ਐਸਸੀ ਵਿੰਗ ਜਿਲਾ ਅੰਮ੍ਰਿਤਸਰ ਦਿਹਾਤੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਵਣੀਏਕੇ, ਸੀਨੀਅਰ ਅਕਾਲੀ ਆਗੂ ਜਤਿੰਦਰਪਾਲ ਸਿੰਘ ਕੋਹਾਟਵਿੰਡ, ਜਥੇਦਾਰ ਰਣੀਕੇ ਦੇ ਸਹਾਇਕ ਝਿਰਮਲ ਸਿੰਘ ਅਤੇ ਠੇਕੇਦਾਰ ਭਜਨ ਸਿੰਘ ਆਦਿ ਹਾਜਰ ਸਨ।