Web Admin

5 ਦਰਿਆ ਨਿਊਜ਼

ਮਾਨਸਾ , 06 Oct 2013

ਕਿਸ਼ਤੀ ਚਾਲਣ ਵਿੱਚ ਚੀਨ ਵਿੱਚ ਹੋਈ 15 ਵੀ ਏਸ਼ੀਆ ਚੈਪੀਅਨਸਿੱਪ ਵਿੱਚ  ਸੋਨੇ ਦਾ ਮੈਡਲ ਜਿੱਤ ਕੇ ਪਹਿਲੀ ਵਾਰ ਆਪਣੇ ਪਿੰਡ ਆ ਰਹੇ ਓਲੰਪੀਅਨ ਸਵਰਨ ਸਿੰਘ ਦਾ ਅੱਜ ਅੱਧੀ ਰਾਤੀਂ ਮਾਨਸਾ ਦੇ ਰੇਲਵੇ ਸ਼ਟੇਸ਼ਨ 'ਤੇ ਅਕਾਲੀ ਦਲ ਦੇ ਯੂਥ ਆਗੂ ਨਰੇਸ਼ ਮਿੱਤਲ ਨੇ ਆਪਣੇ ਕਰੀਬੀ ਸਾਥੀਆਂ ਵਰਿੰਦਰ ਮਹਿਤਾ, ਸ਼ਤੀਸ਼ ਮਹਿਤਾ ਅਤੇ ਹੋਰਨਾਂ ਨਾਲ ਮਿਲ ਕੇ ਭਰਵਾਂ ਸਵਾਗਤ ਕੀਤਾ । ਪੂਨੇ ਤੋਂ ਆ ਰਹੀ ਪੰਜਾਬ ਮੇਲ ਗੱਡੀ ਦੀ ਦੋ ਘੰਟੇ ਦੀ ਦੇਰੀ ਕਾਰਨ ਸਵਰਨ ਸਿੰਘ  ਸਵੇਰੇ ਸਵਾ ਚਾਰ ਵਜੇ ਮਾਨਸਾ ਦੇ ਰੇਲਵੇ ਸ਼ਟੇਸਨ 'ਤੇ ਉੱਤਰਿਆ ।ਦੋ  ਵਜੇ ਤੋਂ ਗੱਡੀ ਦੀ ਉਡੀਕ ਕਰ ਰਹੇ ਨਰੇਸ਼ ਮਿੱਤਲ , ਸਵਰਨ ਸਿੰਘ ਦੇ ਪਿਤਾ ਗੁਰਮੁਖ ਸਿੰਘ, ਭਰਾ ਲਖਵਿੰਦਰ ਸਿੰਘ, ਆਤਮਾ ਸਿੰਘ, ਵਰਿੰਦਰ ਮਹਿਤਾ ,ਮਾਨਸਾ ਲੋਕ ਸੇਵਾ ਕਲੱਬ ਦੇ ਆਗੂ ਤੇ ਸਫਲ ਸੋਚ ਸਮਾਜ ਸੇਵਾ ਸੁਸਾਇਟੀ ਦੇ ਆਗੂ ਸਤੀਸ ਕੁਮਾਰ ਅਤੇ ਹੋਰਨਾਂ ਨੇ ਸਵਰਨ ਸਿੰਘ ਦਾ ਸੁਆਗਤ ਸਵਰਨ ਸਿੰਘ ਦੇ ਗਲ ਫੁੱਲਾਂ ਦੇ ਹਾਰ ਪਾ ਕੇ ਕੀਤਾ ।ਆਗੂ ਨਰੇਸ ਮਿੱਤਲ ਨੇ ਪੂਰੇ ਭਾਰਤ ਦੀ ਸ਼ਾਨ ਬਣ ਕੇ ਉੱਭਰੇ ਸਵਰਨ ਸਿੰਘ ਨੂੰ ਵਧਾਈ ਦਿੰਦਿਆਂ ਲੋਈ ਭੇਂਟ ਕੀਤੀ ਅਤੇ ਹਲਕਾ ਵਿਧਾਇਕ ਪ੍ਰੇਮ ਮਿੱਤਲ ਵੱਲੋਂ ਜੀ ਆਇਆਂ ਨੂੰ ਕਿਹਾ। ਖੁਸ਼ੀ ਵਿੱਚ ਖੀਵੇ ਸਵਰਨ ਸਿੰਘ ਨੇ ਸਭ ਤੋਂ ਪਹਿਲਾਂ ਆਪਣੇ ਪਿੱਤਰੀ ਜ਼ਿਲ੍ਹੇ ਦੀ ਮਿੱਟੀ ਨੂੰ ਮੱਥੇ ਨਾਲ ਲਾਇਆ ਅਤੇ ਸਭਨਾਂ ਦੇ ਪੈਰ ਛੂਹੇ । ਜਿੱਥੇ ਹਲਕਾ ਮਾਨਸਾ ਦੇ ਵਿਧਾਇਕ ਪ੍ਰੇਮ ਮਿੱਤਲ ਦੇ ਸਪੁੱਤਰ ਨੇ ਆਪਣੇ ਸਾਥੀਆਂ ਸਮੇਤ ਭਾਰਤ ਦਾ ਨਾਮ ਰੌਸ਼ਨ ਕਰਨ ਵਾਲੇ ਸਵਰਨ ਸਿੰਘ ਦਾ ਭਰਵਾਂ ਸਵਾਗਤ ਕੀਤਾ ਉੱਥੇ  ਜ਼ਿਲ੍ਹਾ ਪ੍ਰਸ਼ਾਸ਼ਨ ਅਤੇ ਖੇਡ ਵਿਭਾਗ ਪੂਰੀ ਤਰ੍ਹਾਂ ਗੈਰਹਾਜ਼ਰ ਸੀ । ਜ਼ਿਲ੍ਹਾਂ ਪ੍ਰਸਾਸ਼ਨ ਦਾ ਕੋਈ ਵੀ ਅਧਿਕਾਰੀ ਜਾਂ ਕਰਮਚਾਰੀ ਸਵਰਨ ਸਿੰਘ ਦੇ ਸਵਾਗਤ ਲਈ ਮੌਜੂਦ ਨਹੀ ਸੀ । ਜਿਕਰਯੋਗ ਹੈ ਕਿ  ਸਵਰਨ ਸਿੰਘ ਨੇ ਹੁਣ ਤੱਕ ਰਾਸ਼ਟਰੀ ਪੱਧਰ 'ਤੇ ਇੱਕ ਗੋਲਡ , ਏਸੀਆ ਚੈਪੀਅਨਸਿੱਪ ਵਿੱਚ ਦੋ ਗੋਲਡ, ਇੱਕ ਕਾਂਸੀ ਅਤੇ ਵਰਲਡ ਚੈਪੀਅਨਸਿੱਪ ਵਿੱਚ ਏਸੀਕੁਲਾਲੀਫਾਇੰਗ ਦਾ ਇੱਕ ਗੋਲਡ ਮੈਡਲ ਭਾਰਤ ਦੀ ਝੋਲੀ ਪਾਇਆ ਹੈ। ਜੇਕਰ ਜ਼ਿਲ੍ਹਾ ਪ੍ਰਸਾਸ਼ਨ ਵੀ  ਸਵਰਨ ਸਿੰਘ ਦਾ ਸਵਾਗਤ ਕਰਦਾ ਤਾਂ ਖਿਡਾਰੀ ਦਾ ਹੌਸਲਾ ਹੋਰ ਵੀ ਵਧਣਾ ਸੀ। ਮਾਨਸਾ ਲੋਕ ਸੇਵਾ ਕਲੱਬ ਦੇ ਪ੍ਰਧਾਨ ਸਤੀਸ਼ ਕੁਮਾਰ ਨੇ ਕਿਹਾ ਕਿ ਜਦੋਂ ਸਵਰਨ ਸਿੰਘ ਪਿਛਲੀ ਵਾਰ ਮੈਡਲ ਜਿੱਤ ਕੇ ਦਿਨ ਵੇਲੇ ਮਾਨਸਾ ਪਹੁੰਚੇ ਤਾਂ ਪ੍ਰਸ਼ਾਸ਼ਨਿਕ ਅਧਿਕਾਰੀ ਅਤੇ ਸਮਾਜ ਸੇਵੀ ਸੰਸਥਾਵਾਂ ਨੇ ਉਸ ਦਾ ਜ਼ੋਰਦਾਰ ਸਵਾਗਤ ਕੀਤਾ ਸੀ ਪਰ ਇਸ ਵਾਰ ਉਸ ਦੀ ਟਰੇਨ ਰਾਤ ਸਮੇਂ ਪੁੱਜਣ ਕਾਰਨ ਨਾ ਤਾਂ ਕੋਈ ਪ੍ਰਸ਼ਾਸ਼ਨਿਕ ਅਧਿਕਾਰੀ ਅਤੇ ਨਾ ਹੀ ਕੋਈ ਸਮਾਜ ਸੇਵੀ ਸੰਸਥਾ ਇਸ ਦੇ ਸਨਮਾਨ ਲਈ ਨਹੀਂ ਪਹੁੰਚੇ ਅਤੇ ਘੂਕ ਦੀ ਨੀਂਦ ਸੁੱਤੇ ਰਹੇ। ਉੱਥੇ ਹੀ ਹਲਕਾ ਵਿਧਾਇਕ ਦੇ ਸਪੁੱਤਰ ਨਰੇਸ਼ ਮਿੱਤਲ ਨੇ ਪਹੁੰਚ ਕੇ ਉਸ ਲੜਕੇ ਨੂੰ ਵੱਡੀਆਂ ਪ੍ਰਾਪਤ ਕਰਨ ਬਦਲੇ ਜੀ ਆਇਆਂ ਕਿਹਾ ਅਤੇ ਉਸ ਦਾ ਸਨਮਾਨ ਕੀਤਾ।