ਪਿਛਲੇ ਦਿਨੀ ਹਸਪਤਾਲ ਵਿੱਚੋਂ ਦਿਨ ਦਿਹਾੜੇ ਰਹੀਸ ਜਾਦਿਆਂ ਵੱਲੋਂ ਇੱਕ ਗਰੀਬ ਵਿਆਕਤੀ ਨੂੰ ਜ਼ੇਰੇ ਇਲਾਜ਼ ਅਗਵਾ ਕਰਨ ਦੇ ਮਾਮਲੇ ਵਿੱਚ ਦੋਸ਼ੀਆਂ ਦੀ ਜਲਦ ਗ੍ਰਿਫਤਾਰੀ ਲਈ ਭਦੌੜ ਪੁਲਿਸ ਨੂੰ ਜੱਥੇਬੰਦੀਆਂ ਨੇ ਦੋ ਦਿਨ ਦਾ ਸਮਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਬਰਨਾਲਾ ਰੋਡ ਸਥਿਤ ਇੱਕ ਗਰੀਬ ਵਿਅਕਤੀ ਦੇ ਢਾਬੇ ਉਪਰ ਰੋਟੀ ਖਾਣ ਉਪਰੰਤ ਪੈਸੇ ਨਾ ਦੇਣ ਸਬੰਧੀ ਕੁੱਝ ਵੱਡੇ ਘਰਾਂ ਦੇ ਕਾਕਿਆਂ ਨੇ ਕੁੱਟਮਾਰ ਕੀਤੀ ਸੀ ਤੇਅਗਲੇ ਦਿਨ ਜ਼ਖਮੀ ਢਾਬਾ ਮਾਲਕ ਨੂੰ ਹਸਪਤਾਲ ਵਿੱਚੋਂ ਅਗਵਾ ਕਰ ਲਿਆ ਸੀ।ਇਸ ਮਸਲੇ ਨੂੰ ਲੈ ਥਾਣੇ ਅੰਦਰ ਇੱਕਠੀਆਂ ਹੋਈਆਂ ਮਜਦੂਰ ਜੱਥੇਬੰਦੀਆਂ ਅਤੇ ਸਮਾਜ ਸੇਵੀ ਕਲੱਬਾਂ ਨੇ ਐਸ. ਐਸ.ਓ ਭੁਪਿੰਦਰ ਸਿੰਘ ਨੂੰ ਮੰਗ ਪੱਤਰ ਦੇਣ ਉਪਰੰਤ ਪੱਤਰਕਾਰਾਂ ਨੂੰ ਦੱਸਿਆ ਕਿ 6 ਸਤੰਬਰ ਦੀ ਰਾਤ ਨੂੰ ਢਾਬੇ ਉਤੇ ਅਤੇ ਦਿਨ ਸਮੇਂ ਹਸਪਤਾਲ ਵਿੱਚ ਹੋਈ ਗੁੰਡਾਗਰਦੀ ਅਤੇ ਪਰਿਵਾਰ ਨਾਲ ਹੋਈ ਧੱਕੇਸ਼ਾਹੀ ਜਿਸ ਤੇ ਜੋਰਾ ਸਿੰਘ ਨੂੰ ਅਗਵਾ ਕਰਨ ਪਿੱਛੋਂ ਜੋ ਪਰਚਾ ਦਰਜ ਹੋਇਆ ਹੈ, ਉਸ ਵਿੱਚ ਅਜੇ ਤੱਕ ਕਿਸੇ ਵੀ ਬੰਦੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਅਤੇ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਗੁੰਡੇ ਸਾਡੇ ਬੰਦਿਆਂ ਨੂੰ ਡਰਾਉਂਦੇ-ਧਮਕਾਉਂਦੇ ਹਨ। ਇਹ ਸਮੂਹ ਜੱਥੇਬੰਦੀਆਂ ਅਤੇ ਕਲੱਬਾਂ ਵੱਲੋਂ ਪੁਲਿਸ ਨੂੰ ਸੂਚਿਤ ਕਰਦੇ ਹਾਂ ਕਿ ਜੇਕਰ ਇਨ੍ਹਾਂ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਾ ਕੀਤਾ ਗਿਆ ਤਾਂ ਮਜਬੂਰ ਹੋ ਕੇ ਸਮੂਹ ਜੱਥੇਬੰਦੀਆਂ ਅਤੇ ਸਮਾਜਸੇਵੀ ਕਲੱਬਾਂ, ਇੰਨਸਾਫਪਸੰਦ ਲੋਕਾਂ ਵੱਲੋਂ ਲੜਾਈ ਲੜਾਂਗੇ ਅਤੇ ਅਸੀਂ ਪੰਜਾਬ ਸਰਕਾਰ ਅਤੇ ਪੁਲਿਸ ਪ੍ਰਸਾਸ਼ਨ ਵਿਰੁੱਧ 11 ਤਾਰੀਖ ਨੂੰ ਠੀਕ 10 ਵਜੇ ਧਰਨਾ ਦੇਆਂਗੇ।
ਉਕਤ ਜੱਥੇਬੰਦੀਆਂ ਨੇ ਦੱਸਿਆ ਕਿ ਅਸੀਂ 10 ਦੋਸ਼ੀ ਬੰਦਿਆਂ ਦੇ ਨਾਂ ਲਿਖਾਏ ਸਨ, ਜਿਹੜੇ ਬੰਦਿਆਂ ਨੇ ਗੁੰਡਾਗਰਦੀ ਕਰੀ ਸੀ, ਪਰ ਉਹਨਾਂ ਵਿੱਚੋ.ਇੱਕ ਵੀ ਵਿਅਕਤੀ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ, ਜਿਸ ਕਰਕੇ ਮਬੂਰਨ ਲੋਕਾਂ ਵੱਲੋਂ ਜੱਥੇਬੰਦੀਆਂ ਦੇ ਰੂਪ ਵਿੱਚ ਗੁੱਸੇ ਅਤੇ ਰੋਹ ਨਾਲ ਇਹ ਅਲਟੀਮੇਟਮ ਦਿੱਤਾ ਹੈ।ਜੱਥੇਬੰਦੀਆਂ ਨੇ ਅਪੀਲ ਕੀਤੀ ਕਿ ਜਲਦ ਤੋ ਜਲਦ ਇਹਨਾਂ ਗੁੰਡਾ ਅਨਸਰਾਂ ਵਿਰੁੱਧ ਬਣਦੀ ਕਾਰਵਾਈ ਕੀਤੀ ਜਾਵੇ, ਨਹੀਂ ਤਾਂ ਆਉਣ ਵਾਲੇ ਸਮੇਂ ਵਿੱਚ ਸੰਘਰਸ਼ ਤੇਜ ਕੀਤਾ ਜਾਵੇਗਾ।ਇਸ ਮੌਕੇ ਐਫ.ਸੀ.ਆਈ. ਲੇਬਰ ਯੂਨੀਅਨ ,ਪੰਜਾਬ ਲੇਵਰ ਯੂਨੀਅਨ,ਗੱਲਾ ਮਜਦੂਰ ਯੂਨੀਅਨ, ਕਿਰਤੀ ਮਜਦੂਰ ਯੂਨੀਅਨ, ਭੱਠਾ ਮਜਦੂਰ ਯੂਨੀਅਨ, ਏਕ ਨੂਰ ਕਲੱਬ, ਭਗਵਾਨ ਬਾਲਮੀਕ ਕਲੱਬ, ਬਾਬਾ ਜੀਵਨ ਸਿੰਘ ਕਲੱਬ, ਡਾ. ਅੰਬੇਦਕਰ ਕਲੱਬ, ਬਾਬਾ ਦੀਪ ਸਿੰਘ ਕਲੱਬ, ਦਸ਼ਮੇਸ਼ ਕਲੱਬ ਅਤੇ ਏਕਤਾ ਕਲੱਬ ਦੇ ਮੈਂਬਰ ਅਤੇ ਅਹੁਦੇਦਾਰ ਸ਼ਮਲ ਸਨ ਜਿੰਨਾਂ ਨੇ ਗੁੰਡਾਂ ਅਨਸਰਾਂ ਵਿਰੁਧ ਨਾਹਰੇਬਾਜ਼ੀ ਕੀਤੀ। ਇਸ ਮਸਲੇ ਸਬੰਧੀ ਐਸ. ਐਚ. ਓ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਲਗਾਤਾਰ ਜ਼ਾਰੀ ਹੈ।