ਅੱਜ ਸਵੇਰੇ ਪਿੰਡ ਮਲਿਕਪੁਰ ਨੇੜੇ ਡਿਵਾਈਡਰ ਨਾਲ ਟਕੱਰਾ ਕੇ ਉਲਟ ਗਈ ਕਾਰ ਚ ਫਸੀਆਂ ਦੋ ਕੀਮਤੀ ਜਾਨਾ ਨੂੰ ਉਨਾਂ ਦੇ ਸਟਾਫ ਵਲੋਂ ਬਚਾ ਲਿਆ ਗਿਆ।ਇਹ ਜਾਣਕਾਰੀ ਦਿੰਦਿਆਂ ਸ਼੍ਰੀ ਲਖਮੀਰ ਸਿੰਘ ਵਧੀਕ ਡਿਪਟੀ ਕਮਿਸ਼ਰ ਨੇ ਦਸਿਆ ਕਿ ਉਹ ਅਤੇ ਸ਼੍ਰੀ ਹਰਬੰਸ ਸਿੰਘ ਸਹਾਇਕ ਕਮਿਸ਼ਨਰ(ਜਨਰਲ) ਇਕੱਠੇ ਅੱਜ ਸਵੇਰੇ ਆਪਣੀ ਗੱਡੀ ਵਿਚ ਸ਼੍ਰੀ ਅਨੰਦਪੁਰ ਸਾਹਿਬ ਵਿਖੇ ਇਕ ਜਰੂਰੀ ਮੀਟਿੰਗ ਵਿਚ ਸ਼ਾਮਿਲ ਹੋਣ ਲਈ ਜਾ ਰਹੇ ਸਨ ।ਜਦੋਂ ਉਹ ਪਿੰਡ ਮਲਿਕਪੁਰ ਲਾਗੇ ਪੁਜੱੇ ਤਾਂ ਉਨਾਂ ਦੇ ਗੰਮਨਮੈਨ ਨੇ ਵੇਖਿਆ ਕਿ ਇਕ ਜ਼ੈਨ ਕਾਰ ਡਿਵਾਈਡਰ ਨਾਲ ਟੱਕਰ ਲੱਗ ਕੇ ਪਲਟ ਗਈ ਤੇ ਇਹ ਪਤਾ ਲਗਦੇ ਹੀ ਉਨਾਂ ਵਲੋਂ ਤੁਰੰਤ ਆਪਣੀ ਗਡੀ ਤੇ ਸਹਾਇਕ ਕਮਿਸ਼ਨਰ ਜਨਰਲ ਵਾਲੀ ਗਡੀਆਂ ਰੋਕੀਆਂ ਗਈਆਂ ਤੇ ਮੋਕੇ ਤੇ ਪਹੁੰਚ ਕੇ ਵੇਖਿਆ ਕਿ ਇਕ ਲੜਕਾ ਕਾਰ ਵਿਚੋਂ ਨਿਕਲ ਗਿਆ ਸੀ ਜਦਕਿ ਅਗਲੀ ਸੀਟ ਤੇ ਬੈਠੇ ਦੋ ਵਿਅਕਤੀ ਫਸ ਗਏ ਸਨ।ਇਸ ਤੇ ਤੁਰੰਤ ਕਾਰਵਾਈ ਕਰਦੇ ਉਨਾਂ ਦੇ ਗੰਨਮੈਨ ਸ਼੍ਰੀ ਸੁਰਿੰਦਰ ਸਿੰਘ ਤੇ ਤਰਲੋਚਨ ਸਿੰਘ ਅਤੇ ਡਰਾਈਵਰ ਸ਼੍ਰੀ ਸੁਰਜੀਤ ਸਿੰਘ ਤੇ ਸ਼੍ਰੀ ਹਰਵਿੰਦਰ ਸਿੰਘ ਨੇ ਕਾਰ ਸਿੱਧੀ ਕਰਕੇ ਦੋਨਾਂ ਨੂੰ ਬਾਹਰ ਕਢਿਆ ।ਉਸ ਵੇਲੇ ਕਾਰ ਦਾ ਪੈਟਰੋਲ ਵੀ ਲੀਕ ਕਰ ਰਿਹਾ ਸੀ ਤੇ ਕਾਰ ਨੂੰ ਅੱਗ ਵੀ ਲਗ ਸਕਦੀ ਸੀ ।ਇਨਾਂ ਜਖਮੀਆਂ ਨੂੰ ਮੁਢਲੀ ਸਹਾਇਤਾ ਦੇ ਕੇ ਨੇੜਲੇ ਹਸਪਤਾਲ ਵਿਖੇ ਭੇਜ ਦਿਤਾ ਗਿਆ।ਕਾਰ ਚਲਾਉਣ ਵਾਲੇ ਵਿਅਕਤੀ ਨੇ ਦਸਿਆ ਕਿ ਇਸ ਕਾਰ ਵਿਚ ਉਸ ਦੇ ਦੋ ਲੜਕੇ ਵੀ ਨਾਲ ਸਨ।ਕਾਰ ਪਲਟਣ ਉਪਰੰਤ ਪਿਛਲੀ ਸੀਟ ਤੇ ਬੈਠਿਆ ਲੜਕਾ ਬਾਹਰ ਆ ਗਿਆ ਜਦਕਿ ਉਹ ਖੁਦ ਤੇ ਉਨਾਂ ਦਾ ਦੂਜਾ ਬੇਟਾ ਵਿਚ ਫੱਸ ਗਏ।ਉਨਾਂ ਇਨਾਂ ਅਧਿਕਾਰੀਆਂ ਤੇ ਉਨਾਂ ਦੇ ਮੁਲਾਜ਼ਮਾ ਦਾ ਧੰਨਵਾਦ ਵੀ ਕੀਤਾ।