ਫਾਜਿਲਕਾ ਕੋਰਟ ਵੱਲੋਂ ਹੇਰੋਈਨ ਤਸਕਰੀ ਕੇਸ ਵਿਚ ਸਹਿ-ਮੁਜ਼ਰਮ ਬਣਾਏ ਜਾਣ ਦੇ ਖਿਲਾਫ ਆਮ ਆਦਮੀ ਪਾਰਟੀ ਦੇ ਆਗੂ ਸੁਖਪਾਲ ਸਿੰਘ ਖਹਿਰਾ ਨੇ ਜੋ ਅਪੀਲ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਵਿਚ ਪਾਈ ਸੀ, ਉਸਨੂੰ ਅੱਜ ਕੋਰਟ ਵੱਲੋਂ ਖਾਰਿਜ਼ ਕਰ ਦਿੱਤਾ ਗਿਆ ਹੈ। ਇਸ ਨਾਲ ਇਹ ਸਪੱਸ਼ਟ ਹੈ ਕਿ ਫਾਜਿਲਕਾ ਕੋਰਟ ਵੱਲੋਂ ਉਨ੍ਹਾਂ ਨੂੰ ਹੇਰੋਈਨ ਤਸਕਰੀ ਕੇਸ ਵਿਚ ਬਤੌਰ ਸਹਿ-ਮੁਜ਼ਰਮ ਸੰਮਨ ਕੀਤਾ ਗਿਆ ਸੀ, ਉਸ ਨੂੰ ਹਾਈਕੋਰਟ ਨੇ ਠੀਕ ਪਾਇਆ ਹੈ। ਇਸ ਸਬਤੋਂ ਬਾਅਦ ਸੁਖਪਾਲ ਖਹਿਰਾ ਨੂੰ ਵਿਰੋਧੀ ਧਿਰ ਦੇ ਨੇਤਾ ਦੇ ਆਹੁਦੇ ਤੋਂ ਤੁਰੰਤ ਅਸਤੀਫ਼ਾ ਦੇਣਾ ਚਾਹੀਦਾ ਹੈ। ਇਹ ਕਹਿਣਾ ਹੈ ਭਾਰਤੀ ਜਨਤਾ ਪਾਰਟੀ ਪੰਜਾਬ ਦੇ ਮੀਤ ਪ੍ਰਧਾਨ ਹਰਜੀਤ ਸਿੰਘ ਗਰੇਵਾਲ ਅਤੇ ਸੂਬਾ ਸਕੱਤਰ ਵਿਨੀਤ ਜੋਸ਼ੀ ਦਾ।ਫਾਜਿਲਕਾ ਕੋਰਟ ਅਤੇ ਹੇਰੋਈਨ ਤਸਕਰੀ ਕੇਸ ਵਿਚ ਖਹਿਰਾ ਨੂੰ ਸਹਿ-ਮੁਜ਼ਰਮ ਬਣਾਏ ਜਾਣ ਨੂੰ ਆਮ ਆਦਮੀ ਪਾਰਟੀ ਦੇ ਵਿਧਾਇਕਾਂ ਅਤੇ ਆਗੂਆਂ ਨੇ ਜ਼ੋਰ-ਸ਼ੋਰ ਨਾਲ ਰਾਜਨੀਤੀਕ ਬਦਲਾਖੋਰੀ ਕਰਾਰ ਦਿੱਤਾ ਸੀ, ਪਰੰਤੁ ਹੁਣ ਜਦੋਂ ਹਾਈਕੋਰਟ ਨੇ ਉਸਨੂੰ ਠੀਕ ਪਾਇਆ ਹੈ, ਤਾਂ ਇਹ ਸਾਰੇ ਚੁੱਪੀ ਧਾਰੀ ਕਿਉਂ ਬੈਠੇ ਹਨ, ਗਰੇਵਾਲ ਅਤੇ ਜੋਸ਼ੀ ਨੇ ਪੁੱਛਿਆ ਕਿ ਕੀ ਨੈਤਿਕ ਮਾਪਦੰਡ ਸਿਰਫ਼ ਦੂਜੀਆਂ ਪਾਰਟੀਆਂ ਦੇ ਲਈ ਹਨ। ਚੁੱਪੀ 'ਤੇ ਭਾਜਪਾ ਹੈਰਾਨ ਨਹੀਂ, ਕਿਉਂਕਿ ਜਦੋਂ ਮੁੱਖ ਮੰਤਰੀ ਕੇਜਰੀਵਾਲ ਦੇ ਅਪਣੇ ਹੀ ਮੰਤਰੀ ਰਹੇ ਕਪਿਲ ਮਿਸ਼ਰਾ ਨੇ ਉਨ੍ਹਾਂ ਦੇ ਉਤੇ ਉਨ੍ਹਾਂ ਦੇ ਹੀ ਸਾਹਮਣੇ ਪੈਸੇ ਲੈਣ ਦਾ ਦੋਸ਼ ਲਗਾਇਆ ਸੀ, ਉਦੋਂ ਕੇਜਰੀਵਾਲ ਬੇਸ਼ਰਮ ਹੋਕੇ ਚੁੱਪੀ ਧਾਰ ਗਏ ਸਨ।