ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਦੀ ਨਲਾਇਕੀ ਕਾਰਨ 11000 ਹਾਈ ਵੋਲਟੇਜ ਬਿਜਲੀ ਦੀ ਤਾਰਾਂ ਦੀ ਚਪੇਟ ਵਿਚ ਆਈ ਐਮ.ਸੀ.ਏ. ਪਾਸ ਇਕ ਨੌਜਵਾਨ ਲੜਕੀ ਨੂੰ 'ਬਹਾਦੁਰੀ ਪੁਰਸਕਾਰ' ਹਾਸਿਲ ਕਰਨ ਵਾਲਾ ਪਿਤਾ ਵੀ ਨਹੀਂ ਬਚਾ ਸਕਿਆ। ਕਰੰਟ ਇਨ੍ਹਾਂ ਜਬਰਦਸਤ ਸੀ ਕਿ ਇਲਾਜ ਦੌਰਾਨ ਪਹਿਲਾਂ ਕੁੜੀ ਦੀ ਦੋਵੇਂ ਬਾਜੂਆਂ ਅਤੇ ਲੱਤਾਂ ਨੂੰ ਕੱਟ ਦਿੱਤੀਆਂ ਗਹੀਆਂ, ਪਰੰਤੁ ਫਿਰ ਵੀ ਉਹ ਨਹੀਂ ਬੱਚ ਸਕੀ। ਮਾਮਲਾ ਹੈ ਅਮਿੰ੍ਰਤਸਰ ਦੇ ਅਧੀਨ ਪੈਂਦੇ ਕਸਬਾ ਜੰਡਿਆਲਾ ਗੁਰੂ ਦਾ। ਅੱਜ ਪੀੜੀਤ ਪਰਿਵਾਰ ਨੂੰ ਇੰਸਾਫ ਦਿਲਾਉਣ ਲਈ ਭਾਜਪਾ ਦੇ ਸੂਬਾ ਸਕੱਤਰ ਵਿਨੀਤ ਜੋਸ਼ੀ ਅਤੇ ਭਾਜਪਾ ਦੇ ਐਸ.ਸੀ. ਮੋਰਚਾ ਦੇ ਮੀਤ ਪ੍ਰਧਾਨ ਬਲਵਿੰਦਰ ਗਿਲ ਨੇ ਨੈਸ਼ਨਲ ਐਸ.ਸੀ. ਕਮੀਸ਼ਨ ਕੋਲ ਇਸਦੀ ਸ਼ਿਕਾਇਤ ਦਿੱਤੀ।
ਨੈਸ਼ਨਲ ਐਸ.ਸੀ. ਕਮੀਸ਼ਨ ਦੇ ਖੇਤਰੀ ਡਾਇਰੈਕਟਰ ਆਫਿਸ ਦੇ ਬਾਹਰ ਭਾਜਪਾ ਆਗੂ ਵਿਨੀਤ ਜੋਸ਼ੀ ਨੇ ਦੱਸਿਆ ਕਿ ਕਿਵੇਂ ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਦੀ ਲਾਪਰਵਾਹੀ ਕਾਰਨ ਇਕ ਨੌਜਵਾਨ ਲੜਕੀ ਨੂੰ ਅਪਣੀ ਜਿੰਦਗੀ ਗਵਾਉਣੀ ਪਈ। ਜੋਸ਼ੀ ਨੇ ਦੱਸਿਆ ਕਿ ਬਿਜਲੀ ਵਿਭਾਗ ਦੀ ਲਾਪਰਵਾਹੀ ਦਾ ਖਮਿਆਜਾ ਦੇਸ਼ ਦੇ ਰਾਸ਼ਟਰਪਤੀ ਤੋਂ 'ਬਹਾਦੁਰੀ ਪੁਰਸਕਾਰ' ਹਾਸਿਲ ਕਰਨ ਵਾਲੇ ਗੋਵਿੰਦਰ ਸਿੰਘ ਅਤੇ ਉਸਦੇ ਪਰਿਵਾਰ ਨੂੰ ਭੁਗਤਣਾ ਪਿਆ ਹੈ, ਜੋ ਕਿ ਇਕ ਪਾਸੇ ਦੇਸ਼ ਦੀ ਸੇਵਾ ਕਰਕੇ ਬਹਾਦੁਰੀ ਪੁਰਸਕਾਰ ਹਾਸਿਲ ਕਰਦਾ ਰਿਹਾ, ਪਰੰਤੂ ਦੂਜੇ ਪਾਸੇ ਅਪਣੀ ਬੇਟੀ ਦੀ ਮੌਤ ਦਾ ਕਾਰਨ ਬਣੇ ਵਿਭਾਗ ਦੇ ਅਧਿਕਾਰੀਆਂ ਤੋਂ ਇਸਾਫ਼ ਲਈ ਦਰ-ਦਰ ਦੀ ਠੋਕਰਾਂ ਖਾਣ ਲਈ ਮਜ਼ਬੂਰ ਹੈ।ਇਸ ਮੌਕੇ 'ਤੇ ਜੰਡਿਆਲਾ ਗੁਰੂ ਦੇ ਹਹਿਣ ਵਾਲੇ ਪੀੜੀਤ ਪਰਿਵਾਰ ਜਿਸ ਵਿਚ ਮ੍ਰਿਤਕ ਕੁੜੀ ਮੋਨਿਕਾ ਦੇ ਪਿਤਾ ਬੀ.ਐਸ.ਐਫ 'ਚ ਉਪ ਪੁਲਸ ਕਪਤਾਨ ਗੋਵਿੰਦਰ ਸਿੰਘ ਅਤੇ ਉਸਦੀ ਮਾਤਾ ਰਜਵੰਤ ਕੌਰ, ਭਰਾ ਕਰਨ ਜੋਹਨ ਨੇ ਦੱਸਿਆ ਕਿ ਉਹ ਕਸਬੇ ਦੇ ਵਾਰਡ ਨੰਬਰ ਇਕ ਵਿਚ ਰਹਿੰਦੇ ਹਨ, ਉਨ੍ਹਾਂ ਦੇ ਨਗਰ ਕੌਂਸਲ ਵੱਲੋਂ ਨਕਸ਼ਾ ਪਾਸਸ਼ੁਦਾ ਘਰ ਦੇ ਉਤੋਂ ਬਿਜਲੀ ਵਿਭਾਗ ਦੀ 11000 ਹਾਈ ਵੋਲਟੇਜ ਬਿਜਲੀ ਦੀ ਤਾਰਾਂ ਗੁਜਰਦਿਆਂ ਹਨ, ਜਿਸਦੀ ਸ਼ਿਕਾਇਤ ਕਈ ਵਾਰ ਇਲਾਕਾ ਵਾਸੀਆਂ ਵੱਲੋਂ ਬਿਜਲੀ ਵਿਭਾਗ ਅਤੇ ਨਗਰ ਕੌਂਸਲ ਨੂੰ ਦਿੱਤੀ ਜਾ ਚੁੱਕੀ ਹੈ।
ਉਨ੍ਹਾਂ ਦੱਸਿਆ ਕਿ ਬੀਤੀ 9 ਸਤੰਬਰ ਨੂੰ ਉਨ੍ਹਾਂ ਦੀ ਕੁੜੀ ਘਰ ਦੀ ਪਹਿਲੀ ਮੰਜਿਲ 'ਤੇ ਛੱਤ ਉਤੇ ਕਪੜੇ ਸੁਖਾਉਣ ਗਈ ਸੀ, ਜਿੱਥੇ ਛੱਤ ਉਤੋਂ ਗੁਜਰ ਰਹੀਆਂ ਹਾਈਵੋਲਟੇਜ ਤਾਰਾਂ ਜਿਸਦਾ ਖੰਬਾ ਝੁਕਿਆ ਹੋਣ ਕਰਕੇ ਤਾਰਾਂ ਹਵਾ ਦੇ ਝੋਲ ਕਾਰਨ ਉਨ੍ਹਾਂ ਦੇ ਘਰ ਨੂੰ ਟੱਚ ਕਰ ਗਈਆਂ, ਜਿਸ ਕਾਰਨ ਉਨ੍ਹਾਂ ਦੀ ਨੌਜਵਾਨ ਕੁੜੀ ਬਿਜਲੀ ਦੀ ਚਪੇਟ ਵਿਚ ਆਕੇ 80 ਫੀਸਦੀ ਸੜ ਗਈ, ਜਿਸਨੂੰ ਉਨ੍ਹਾਂ ਵੱਲੋਂ ਤੁਰੰਤ ਹਸਪਤਾਲ ਵਿਚ ਦਾਖਿਲ ਕਰਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਹਸਪਤਾਲ ਵਿਚ ਇਲਾਜ਼ ਦੌਰਾਨ ਉਨ੍ਹਾਂ ਦੀ ਕੁੜੀ ਦੇ ਪਹਿਲਾਂ ਦੋਵੇਂ ਬਾਵਾਂ ਅਤੇ ਫਿਰ ਲੱਤਾ ਕੱਟ ਦਿੱਤੀਆਂ ਗਈਆਂ, ਪਰੰਤੁ ਇਸਦੇ ਬਾਵਜੂਦ ਵੀ ਉਹ ਜ਼ੇਰੇ ਇਲਾਜ਼ ਉਸੇ ਦਿਨ ਰਾਤ ਨੂੰ ਦਮ ਤੋੜ ਗਈ।ਪੀੜੀਤ ਪਰਿਵਾਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਮਾਨਾਵਾਲਾ ਵਿਖੇ ਸਥਿਤ ਇੰਜੀਨੀਅਰਿੰਗ ਕਾਲਜ ਚੋਂ ਐਮ.ਸੀ.ਏ. ਵਿਚ 82 ਫੀਸਦੀ ਨੰਬਰ ਪ੍ਰਾਪਤ ਕਰ ਚੁੱਕੀ ਹੈ ਅਤੇ ਉਹ ਵੀ ਅਪਣੇ ਪਿਤਾ ਦੀ ਤਰ੍ਹਾਂ ਦੇਸ਼ ਦੀ ਸੇਵਾ ਕਰਨ ਦੀ ਇੱਛੁਕ ਸੀ। ਪੁਲੀਸ ਨੇ ਇਸ ਮਾਮਲੇ ਵਿਚ ਧਾਰਾ 174 ਅਧੀਨ ਕਾਰਵਾਈ ਕਰਦਿਆਂ ਮਾਮਲੇ ਨੂੰ ਬੰਦ ਕਰ ਦਿੱਤਾ, ਪਰੰਤੁ ਪੀੜੀਤ ਪਰਿਵਾਰ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਦੀ ਕੁੜੀ ਦੀ ਮੌਤ ਦਾ ਜਿੰਮੇਦਾਰ ਸਿੱਧੇ ਤੌਰ 'ਤੇ ਜੰਡਿਆਲਾ ਗੁਰੂ ਦੇ ਨਗਰ ਕੌਂਸਲ ਅਤੇ ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਦੇ ਐਸਕਸੀਅਨ ਹਨ।ਇਸ ਮੌਕੇ 'ਤੇ ਨੈਸ਼ਨਲ ਐਸ.ਸੀ. ਕਮੀਸ਼ਨ ਦੇ ਖੇਤਰੀ ਡਾਇਰੈਕਟਰ ਰਾਜਕੁਮਾਰ ਨੇ ਭਾਜਪਾ ਆਗੂ ਵਿਨੀਤ ਜੋਸ਼ੀ ਅਤੇ ਐਸ.ਸੀ. ਮੋਰਚੇ ਦੇ ਮੀਤ ਪ੍ਰਧਾਨ ਬਲਵਿੰਦਰ ਗਿੱਲ ਦੇ ਨਾਲ ਆਏ ਪੀੜੀਤ ਪਰਿਵਾਰ ਨੂੰ ਭਰੋਸਾ ਦਿਵਾਇਆ ਕਿ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਵਾਕੇ ਇਸ ਹਾਦਸੇ ਦਾ ਕਾਰਨ ਬਣੇ ਉਕਤ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਬਖਸ਼ਿਆਂ ਨਹੀਂ ਜਾਵੇਗਾ।