ਭਾਰਤੀ ਜਨਤਾ ਪਾਰਟੀ ਦੇ ਆਗੂਆਂ ਵੱਲੋਂ ਅੱਜ ਖਾਲਸੇ ਦੀ ਪਾਵਨ ਧਰਤੀ ਸ਼੍ਰੀ ਆਨੰਦਪੁਰ ਸਾਹਿਬ ਅੰਦਰ ਦਾਖਲ ਹੁੰਦਿਆਂ ਸਥਾਪਿਤ ਕੀਤੇ ਗਏ ਪੰਜ ਪਿਆਰਿਆਂ ਪਾਰਕ ਵਿਖੇ ਸਫਾਈ ਮੁਹਿੰਮ ਚਲਾਈ ਗਈ ਅਤੇ ਪਾਰਕ ਅੰਦਰ ਖੜੀ ਘਾਹ ਫੁੰਕ ਨੂੰ ਵੱਡਕੇ ਸਫਾਈ ਕੀਤੀ ਗਈ। ਇਸ ਸਫਾਈ ਮੁਹਿੰਮ ਦੀ ਸ਼ੁਰੂਆਤ ਸੰਤ ਬਾਬਾ ਲਾਭ ਸਿੰਘ ਜੀ, ਜਿਲਾ ਆਨੰਦਗੜ ਸਾਹਿਬ ਕਾਰ ਸੇਵਾ ਵਾਲੇ ਵੱਲੋਂ ਕੀਤੀ ਗਈ। ਇਸ ਮੁਹਿੰਮ ਦੀ ਅਗੁਵਾਈ ਉਘੇ ਸਿੱਖ ਵਿਦਵਾਨ ਅਤੇ ਪੰਜਾਬ ਭਾਜਪਾ ਦੇ ਸੂਬਾ ਮੀਤ ਪ੍ਰਧਾਨ ਸ. ਇਕਬਾਲ ਸਿੰਘ ਲਾਲਪੁਰਾ ਤੇ ਹਰਜੀਤ ਸਿੰਘ ਗ੍ਰੇਵਾਲ ਵੱਲੋਂ ਕੀਤੀ ਗਈ, ਜਿਨ੍ਹਾਂ ਨਾਲ ਭਾਜਪਾ ਦੇ ਸੂਬਾ ਸਕੱਤਰ ਵਿਨੀਤ ਜੋਸ਼ੀ ਅਤੇ ਅਮਨਦੀਪ ਸਿੰਘ ਪੁਨਿਆ ਸਮੇਤ ਭਾਰੀ ਗਿਣਤੀ ਵਿਚ ਭਾਜਪਾ ਵਰਕਰ ਅਤੇ ਸੰਗਤ ਮੌਜੂਦ ਸੀ।ਇਸ ਮੌਕੇ 'ਤੇ ਸ. ਲਾਲਪੁਰਾ ਨੇ ਦੱਸਿਆ ਕਿ ਖਾਲਸੇ ਦੀ ਸਾਜਨਾ ਦਿਵਸ ਮੌਕੇ ਸ਼ਹਿਰਵਾਸੀਆਂ ਦੀ ਮੰਗ 'ਤੇ ਅਕਾਲੀ-ਭਾਜਪਾ ਸਰਕਾਰ ਵੱਲੋਂ ਇਹ ਪੰਜ ਪਿਆਰਾ ਪਾਰਕ ਨੂੰ ਤੋਹਫੇ ਵੱਜੋਂ ਸ਼੍ਰੀ ਆਨੰਦਪੁਰ ਸਾਹਿਬ ਵਿਚ ਸਥਾਪਿਤ ਕੀਤਾ ਗਿਆ ਸੀ, ਜਿਸਦੀ ਰੱਖ ਰਖਾਵ ਦੀ ਜਿੰਮੇਦਾਰੀ ਪੰਜਾਬ ਸਰਕਾਰ ਦੇ ਜੰਗਲਾਤ ਵਿਭਾਗ ਨੂੰ ਸੌਂਪੀ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਸਬੰਧਤ ਵਿਭਾਗ ਦੀ ਲਾਪਰਵਾਹੀ ਕਾਰਨ ਚਾਰ ਮਹੀਨੇ ਤੋਂ ਪਾਰਕ ਵਿਚ ਬਿਜਲੀ ਕੁਨੈਕਸ਼ਨ ਕੱਟਿਆ ਹੋਇਆਂ ਹੈ ਅਤੇ 6 ਮਹੀਨੇ ਤੋਂ ਉਥੇ ਠੇਕੇ 'ਤੇ ਕੰਮ ਕਰ ਹੇ ਕਾਮੀਆਂ ਨੂੰ ਸੇਲਰੀ ਨਹੀਂ ਮਿਲੀ ਹੈ ਅਤੇ ਥਾਂ-ਥਾਂ 'ਤੇ ਸਰਕੰਡੇ ਉਘੇ ਹੋਏ ਸਨ ਅਤੇ ਸ਼੍ਰੀ ਕੰਡਾ ਸਾਹਿਬ ਨੂੰ ਇਕ ਤਾਲਾਬ ਵਿਚ ਸਥਾਪਿਤ ਕੀਤਾ ਗਿਆ, ਜਿਸਦਾ ਪਾਣੀ ਕਾਫੀ ਗੰਦਾ ਹੋ ਚੁਕਿਆ ਹੈ ਅਤੇ ਉਸ ਵਿਚ ਕਾਈ ਜੰਮੀ ਹੋਈ ਹੈ। ਇਸ ਯਾਦਗਾਰੀ ਪਾਰਕ ਦੀ ਹੋਈ ਖਸਤਾ ਹਾਲਤ ਤੋਂ ਸੰਗਤ ਅਤੇ ਸਥਾਨਕ ਲੋਕਾਂ ਵਿਚ ਭਾਰੀ ਰੋਸ ਦਿਸਦਾ ਹੈ। ਉਨ੍ਹਾਂ ਦੱਸਿਆ ਕਿ ਭਾਜਪਾ ਆਗੂਆਂ ਵੱਲੋਂ ਆਪਣੀ ਸਫਾਈ ਮੁਹਿੰਮ ਦੇ ਤਹਿਤ ਹੀ ਅੱਜ ਸ਼੍ਰੀ ਆਨੰਦਪੁਰ ਸਾਹਿਬ ਵਿਖੇ ਸਥਾਪਿਤ ਪੰਜ ਪਿਆਰਿਆਂ ਪਾਰਕ ਦੀ ਸਫਾਈ ਕੀਤੀ ਗਈ, ਜਿਸ ਨਾਲ ਦੂਰ ਦਰਾਜ਼ ਤੋਂ ਪਹੁੰਚਦੀ ਸੰਗਤ ਅਤੇ ਸਥਾਨਕ ਲੋਕਾਂ ਨੂੰ ਬੈਠਣ ਅਤੇ ਘੁੰਮਣ ਫਿਰਨ ਵਿਚ ਕਾਫੀ ਸਹੁਲਤ ਮਿਲੇਗੀ।
ਇਸ ਮੌਕੇ 'ਤੇ ਵਿਨੀਤ ਜੋਸ਼ੀ ਨੇ ਕਿਹਾ ਕਿ ਅਕਾਲੀ-ਭਾਜਪਾ ਸਰਕਾਰ ਵੱਲੋਂ ਪੰਜਾਬ ਭਰ ਵਿਚ ਧਾਰਮਿਕ ਯਾਦਗਾਰਾਂ ਸਥਾਪਿਤ ਕੀਤੀਆਂ ਗਈਆਂ ਸਨ, ਪਰ ਦੂਜੇ ਪਾਸੇ ਕਾਂਗਰਸ ਦੀ ਸਰਕਾਰ ਆਪਣੀ ਸੌੜੀ ਰਾਜਨੀਤੀ ਦੇ ਚੱਲਦੇ ਇਨ੍ਹਾਂ ਧਾਰਮਿਕ ਯਾਦਗਾਰਾਂ ਨੂੰ ਅੱਖੋ-ਪਰੋਖੇ ਕਰ ਰਹੀਆਂ ਹਨ। ਇਸ ਮੌਕੇ 'ਤੇ ਹੋਰਨ੍ਹਾਂ ਤੋਂ ਇਲਾਵਾ ਭਾਜਪਾ ਦੇ 2017 ਵਿਚ ਵਿਧਾਨਸਭਾ ਦੀ ਚੋਣ ਲੜਨ ਵਾਲੇ ਭਾਜਪਾ ਆਗੂ ਡਾ. ਪਰਮਿੰਦਰ ਸ਼ਰਮਾ, ਨੰਗਲ ਇੰਪਰੁਵਮੈਂਟ ਟਰੱਸ ਦੇ ਚੇਅਰਮੈਨ ਈਸ਼ਵਰ ਸਰਦਾਨਾ, ਸ਼੍ਰੀਮੋਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਆਨੰਦਪੁਰ ਸਾਹਿਬ ਤੋਂ ਮੈਂਬਰ ਪ੍ਰਿੰਸੀਪਲ ਸੁਰਿੰਦਰ ਸਿੰਘ ਅਤੇ ਸ਼੍ਰੀਮੋਣੀ ਅਕਾਲੀ ਦਲ ਦੇ ਆਗੂ ਸ. ਭੁਪਿੰਦਰ ਸਿਘ, ਯੂਥ ਅਕਾਲੀ ਦਲ ਦੇ ਜਨਰਲ ਸਕੱਤਰ ਸੁਰਜੀਤ ਸਿੰਘ ਚੈੜਮਾਜਰਾ, ਸ. ਪਾਖਰ ਸਿੰਘ ਭੱਠਾ, ਸੀਨੀਅਰ ਐਡਵੋਕੇਟ ਅਤੇ ਕਾਰਜਕਾਰੀ ਮੈਂਬਰ ਸ਼ੋਮਣੀ ਅਕਾਲੀ ਦਲ ਸ. ਕੁਲਦੀਪ ਸਿੰਘ ਨੰਬਰਦਾਰ, ਨੰਗਲ ਮਿਉਂਸਿਪਲ ਕਮੇਟੀ ਦੇ ਸਾਬਕਾ ਪ੍ਰਧਾਨ ਰਾਜੇਸ਼ ਚੌਧਰੀ, ਆਂਨੰਦਪੁਰ ਸਾਹਿਬ ਦੇ ਸਾਬਕਾ ਮੰਡਲ ਪ੍ਰਧਾਨ ਕੇ.ਕੇ.ਬੇਦੀ ਅਤੇ ਸਾਬਕਾ ਮੰਡਲ ਸਕੱਤਰ ਰਾਕੇਸ਼ ਬਿੱਟੂ, ਯੁਵਾ ਮੋਰਚਾ ਰੋਪੜ ਦੇ ਮੀਤ ਪ੍ਰਧਾਨ ਬਲਰਾਮ ਪਰਾਸ਼ਰ ਅਤੇ ਯੁਵਾ ਮੋਰਚਾ ਰੋਪੜ ਦੇ ਮੰਡਲ ਪ੍ਰਧਾਨ ਅਜੈ ਸ਼ਰਮਾ, ਪ੍ਰਿੰਸੀਪਲ ਗੁਰਮਿੰਦਰ ਸਿੰਘ ਭੁੱਲਰ, ਤਰਸੇਮ ਸਿੰਘ ਸਰਪੰਚ ਪਿੰਡ ਲਾਲਪੁਰਾ, ਸ. ਹਰਜੀਤ ਸਿੰਘ, ਬਲਵਿੰਦਰ ਸਿੰਘ ਲਾਲਪੁਰ, ਗੁਰਮੇਲ ਸਿੰਘ, ਮਾ. ਦੇਵਰਾਜ ਸਿੰਘ ਅਤੇ ਦਲੀਪ ਹੰਸ ਆਦਿ ਹਾਜ਼ਰ ਸਨ। ਜ਼ਿਕਰਯੋਗ ਹੈ ਕਿ ਪੰਜ ਪਿਆਰਾ ਪਾਰਕ ਵਿਚ ਬਿਜਲੀ ਦੇ ਕੁਨੈਕਸ਼ਨ ਬੀਤੇ ਕਈ ਮਹੀਨਿਆਂ ਤੋਂ ਕੱਟੇ ਹੋਏ ਸਨ, ਇਸ ਸਫਾਈ ਮੁਹਿੰਮ ਦੌਰਾਨ ਘਾਹ ਵੱਡਣ ਲਈ ਬਿਜਲੀ ਦੀ ਜਰੂਰਤ ਸੀ, ਜਿਸ ਕਰਕੇ ਲਾਲਪੁਰਾ ਵੱਲੋਂ ਸਪੇਸ਼ਲ ਜਨਰੈਟਰ, ਬੁਸ਼ ਕਟਰ ਅਤੇ ਘਾਹ ਕੱਟਣ ਵਾਲੀ ਵੱਡੀਆਂ ਮਸ਼ੀਨਾਂ ਨੂੰ ਮੰਗਵਾਇਆ ਗਿਆ ਅਤੇ ਇਸ ਕੰਮ ਨੂੰ ਦੇਰ ਸ਼ਾਮ ਤੱਕ ਮੌਕੇ 'ਤੇ ਮੌਜੂਦ ਰਹਿਕੇ ਨਿਪਟਾਇਆ ਗਿਆ।