ਗਿਆਨ ਜੋਤੀ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਅਤੇ ਟੈਕਨੌਲੋਜੀ,ਫ਼ੇਜ਼ 2 ਵੱਲੋਂ ਕਾਬਿਲ ਅਤੇ ਲੋੜਵੰਦ ਵਿਦਿਆਰਥੀਆਂ ਨੂੰ ਸਮੇਂ ਦੇ ਹਾਣੀ ਬਣਾਉਣ ਦੇ ਮੰਤਵ ਨਾਲ ਕੈਂਪਸ 'ਚ ਦੋ ਹਫਦੇ ਦਾ ਮੁਫ਼ਤ ਪੀ ਐੱਚ ਪੀ ਕਲਾਸਾਂ ਦਾ ਆਯੋਜਨ ਕੀਤਾ ਗਿਆ । ਜ਼ਿਕਰਯੋਗ ਹੈ ਕਿ ਪੀ ਐੱਚ ਪੀ ਦੀ ਇਸ ਸਮੇਂ ਆਈ ਟੀ ਸਨਅਤਾਂ ਵਿਚ ਭਾਰੀ ਮੰਗ ਹੈ ਜਦ ਕਿ ਇਸ ਦੀ ਟਰੇਨਿੰਗ ਦਾ ਖਰਚਾ 20 ਹਜ਼ਾਰ ਤੋਂ ਵੀ ਜ਼ਿਆਦਾ ਆਉਂਦਾ ਹੈ । ਟਰੇਨਿੰਗ ਦੇਣ ਵਾਲੇ ਅਧਿਆਪਕ ਪ੍ਰੋ. ਕਰਨਲ ਐੱਸ ਸੀ ਸੂਦ ਅਨੁਸਾਰ ਇਸ ਟਰੇਨਿੰਗ ਤੋਂ ਬਾਅਦ ਨਾ ਸਿਰਫ਼ ਵਿਦਿਆਰਥੀ ਵਧੀਆਂ ਨੌਕਰੀ ਪ੍ਰਾਪਤ ਕਰਨ ਦਾ ਸੁਪਨਾ ਪੂਰਾ ਕਰ ਸਕਦੇ ਹਨ ਬਲਕਿ ਉਨ੍ਹਾਂ ਲਈ ਆਪਣਾ ਸਿਖਲਾਈ ਸੈਂਟਰ ਵੀ ਸ਼ੁਰੂ ਕਰਨ ਦੇ ਮੌਕੇ ਪੈਦਾ ਹੋ ਜਾਂਦੇ ਹਨ ।
ਇਸ ਮੌਕੇ ਤੇ ਗਿਆਨ ਜੋਤੀ ਗਰੁੱਪ ਦੇ ਚੇਅਰਮੈਨ ਜੇ ਐੱਸ ਬੇਦੀ ਨੇ ਦੱਸਿਆ ਕਿ ਚੰਡੀਗੜ੍ਹ ਮੋਹਾਲੀ ਆਈ ਟੀ ਹੱਬ ਬਣਨ ਕਾਰਨ ਇੱਥੇ ਬੇਸ਼ੱਕ ਨੌਕਰੀ ਦੇ ਚੰਗੇ ਮੌਕੇ ਉਪਲਬਧ ਹਨ ਪਰ ਅਕਸਰ ਵੇਖਿਆ ਗਿਆ ਹੈ ਲੋੜਵੰਦ ਵਿਦਿਆਰਥੀ ਡਿਗਰੀ ਪੂਰੀ ਕਰਨ ਤੋਂ ਬਾਅਦ ਧਨ ਦੀ ਕਮੀ ਕਾਰਨ ਅੱਗੇ ਹੋਰ ਟਰੇਨਿੰਗ ਤੋਂ ਵਾਂਝੇ ਰਹਿ ਜਾਂਦੇ ਹਨ । ਇਸ ਲਈ ਗਿਆਨ ਜੋਤੀ ਗਰੁੱਪ ਵੱਲੋਂ ਆਪਣੀ ਸਮਾਜਿਕ ਜ਼ਿੰਮੇਵਾਰੀ ਨੂੰ ਸਮਝਦੇ ਹੋਏ ਇਸ ਦੋ ਹਫ਼ਤੇ ਟਰੇਨਿੰਗ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਕੈਂਪ ਦੌਰਾਨ ਐਮ ਸੀ ਏ ਅਤੇ ਬੀ ਸੀ ਏ ਦੇ ਵਿਦਿਆਰਥੀਆਂ ਨੂੰ ਇੰਡਸਟਰੀ ਦੀ ਮੰਗ ਅਨੁਸਾਰ ਟਰੇਨਿੰਗ ਦਿਤੀ ਗਈ । ਇਸ ਮੌਕੇ ਤੇ ਚੇਅਰਮੈਨ ਬੇਦੀ ਨੇ ਵਿਦਿਆਰਥੀਆਂ ਨੂੰ ਸੈਟੀਫ਼ੀਕੇਟ ਵੀ ਤਕਸੀਮ ਕੀਤੇ।