ਪੰਜਾਬ ਵਿਚ ਹੁਣ ਕਿਸਾਨਾਂ ਤੋਂ ਬਾਅਦ ਟਰੱਕ ਆਪ੍ਰੇਟਰ ਵੀ ਖੁਦਕੁਸ਼ੀ ਦੀ ਰਾਹ 'ਤੇ ਚੱਲ ਪਏ ਹਨ, ਸਾਡੇ ਸੂਬੇ ਲਈ ਇਹ ਮਾੜੇ ਸੰਕੇਤ ਹਨ। ਇਹ ਕਹਿਣਾ ਹੈ ਭਾਰਤੀ ਜਨਤਾ ਪਾਰਟੀ ਦੇ ਸੂਬਾ ਸਕੱਤਰ ਵਿਨੀਤ ਜੋਸ਼ੀ ਦਾ, ਜੋ ਕਿ ਅੱਜ ਚੰਡੀਗੜ੍ਹ ਵਿਚ ਪੱਤਰਕਾਰਾਂ ਦੇ ਨਾਲ ਗੱਲਬਾਤ ਕਰ ਰਹੇ ਸਨ।ਮੁੱਖਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਆਪਣਾ ਚੋਣ ਵਾਅਦਾ ਪੂਰਾ ਕਰਕੇ ਬੇਰੋਜਗਾਰਾਂ ਨੂੰ ਰੋਜਗਾਰ ਦੇਣਾਂ ਤਾਂ ਦੂਰ ਉਲਟਾ ਜੋ ਲੋਕ ਆਪਣੀ ਮਿਹਨਤ ਨਾਲ ਟਰੱਕ ਚਲਾ ਰਹੇ ਹਨ, ਟਰੱਕ ਯੂਨੀਅਨਾਂ ਭੰਗ ਕਰਕੇ ਉਨ੍ਹਾਂ ਨੂੰ ਬੋਰੋਜ਼ਗਾਰ ਕਰ ਦਿੱਤਾ ਹੈ, ਜਿਨ੍ਹਾਂ ਦਾ ਟਰੱਕ ਹੈ ਉਨ੍ਹਾਂ ਦੀ ਕਮਾਈ ਬੰਦ ਹੋਈ, ਜਿਨ੍ਹਾਂ ਨੂੰ ਡਰਾਈਵਰ ਦੀ ਨੌਕਰੀ ਮਿਲੀ ਹੋਈ ਸੀ, ਉਹ ਬੇਰੋਜਗਾਰ ਹੋਏ ਅਤੇ ਹੋਰ ਤਾਂ ਹੋਰ ਬੈਂਕ ਅਤੇ ਪ੍ਰਾਈਵੇਟ ਫਾਈਨਾਂਸ ਕੰਪਨੀਆਂ ਦੀ ਕਿਸ਼ਤਾਂ ਵੀ ਬੰਦ ਹੋ ਗਈ। ਇਹ ਕਿਹੋਂ ਜਿਹਾ ਫੈਸਲਾ ਹੈ, ਜਿਸ ਵਿਚ ਸਾਰੀਆਂ ਦਾ ਨੁਕਸਾਨ ਹੈ।
ਟਰੱਕ ਮਾਲਕ ਬੁਰੀ ਤਰ੍ਹਾਂ ਫੰਸ ਚੁੱਕੇ ਹਨ ਅਤੇ ਜਿਸਦਾ ਡਰ ਸੀ ਉਹੀ ਹੋਇਆ, ਟਰੱਕ ਆਪ੍ਰੇਟਰ ਵੀ ਕਿਸਾਨਾਂ ਦ ਰਾਹ 'ਤੇ ਚੱਲਕੇ ਖੁਦਕੁਸ਼ੀ ਕਰਨ ਲੱਗ ਪਏ। ਲਹਿਰਾਗਾਗਾ ਦੇ ਪਿੰਡ ਖਾਈ ਦੇ 52 ਸਾਲਾਂ ਟਰੱਕ ਆਪ੍ਰੇਟਰ ਅਮਰੀਕ ਸਿੰਘ ਵੱਲੋਂ ਖੁਦਕੁਸ਼ੀ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ। ਜਿਸ ਤਰ੍ਹਾਂ 19 ਜੂਨ ਸ਼ਾਮ ਨੂੰ ਕੈਪਟਨ ਅਮਰਿੰਦਰ ਵੱਲੋਂ ਪੂਰੀ ਕਰਜ਼ਾ ਮੁਆਫੀ ਤੋਂ ਅਸਮਰਥਤਾ ਦਿਖਾਉਂਦਿਆਂ ਵਿਧਾਨਸਭਾ ਵਿਚ ਅਧੂਰੀ ਕਰਜ਼ ਮੁਆਫੀ ਦਾ ਘੋਸ਼ਣਾ ਸੁਣਕੇ ਗੁਰਦਾਸਪੁਰ ਦਾ ਕਿਸਾਨ ਜੋ ਕਿ ਪੂਰੀ ਕਰਜ਼ ਮੁਆਫੀ ਦੀ ਆਸ ਵਿਚ ਬੈਠਾ ਸੀ, ਨੇ ਸਲਫਾਸ ਖਾਕੇ ਖੁਦਕੁਸ਼ੀ ਕਰ ਲਈ, ਉਸੇ ਤਰ੍ਹਾਂ ਜਦੋਂ ਮੁੱਖਮੰਤਰੀ ਅਮਰਿੰਦਰ ਸਿੰਘ ਨੇ ਟਰੱਕ ਯੂਨੀਅਨਾਂ ਨਾਲ ਮੀਟਿੰਗ ਵਿਚ ਸਪਸ਼ਟ ਕਰ ਦਿੱਤਾ ਕਿ ਯੂਨੀਅਨਾਂ ਨੂੰ ਭੰਗ ਕਰਨ ਦਾ ਫੈਸਲਾ ਵਾਪਸ ਨਹੀਂ ਹੋਵੇਗਾ, ਤਾਂ ਟੀ.ਵੀ. ਸੁਣਕੇ ਅਮਰੀਕ ਸਿੰਘ ਟੁੱਟ ਗਿਆ, ਇਨ੍ਹਾਂ ਨਿਰਾਸ਼ ਹੋ ਗਿਆ ਕਿ ਖੁਦਕੁਸ਼ੀ ਕਰ ਲਈ।