ਆਮ ਆਦਮੀ ਪਾਰਟੀ (ਆਪ) ਨੇ ਗਿੱਦੜਬਾਹਾ ਵਿੱਚ ਕਾਂਗਰਸੀ ਆਗੂਆਂ ਵਲੋਂ ਪੱਤਰਕਾਰ ਸ਼ਿਵਰਾਜ ਰਾਜੂ ਦੀ ਮਾਰ-ਕੁੱਟ ਕਰਣ ਅਤੇ ਉਸਦੇ ਮੂੰਹ ਵਿੱਚ ਜਬਰਦਸਤੀ ਸ਼ਰਾਬ ਅਤੇ ਪੇਸ਼ਾਬ ਪਾਉਣ ਦੀ ਘਟਨਾ ਦੀ ਜੋਰਦਾਰ ਨਿੰਦਾ ਕੀਤੀ ਹੈ। ‘ਆਪ’ ਨੇ ਕਿਹਾ ਕਿ ਕਾਂਗਰਸੀ ਆਗੂਆਂ ਵਲੋਂ ਇੱਕ ਤੋਂ ਬਾਅਦ ਇੱਕ ਕੀਤੀ ਜਾ ਰਹੀ ਨੀਚ ਹਰਕਤਾਂ ਤੋਂ ਸਾਫ਼ ਹੈ ਕਿ ਸੱਤਾ ਦਾ ਨਸ਼ਾ ਕਾਂਗਰਸੀ ਆਗੂਆਂ ਦੇ ਸਿਰ ਨੂੰ ਚੜ ਗਿਆ ਹੈ । ਐਤਵਾਰ ਨੂੰ ‘ਆਪ’ ਵਲੋਂ ਜਾਰੀ ਪ੍ਰੈਸ ਬਿਆਨ ਵਿੱਚ ਪਾਰਟੀ ਦੇ ਪੰਜਾਬ ਦੇ ਕਨਵੀਨਰ ਗੁਰਪ੍ਰੀਤ ਸਿੰਘ ਵੜੈਚ ਨੇ ਗਿੱਦੜਬਾਹਾ ਵਿਖੇ ਹੋਈ ਘਟਨਾ ਨੂੰ ਪ੍ਰੈਸ ਦੀ ਆਜ਼ਾਦੀ ਉੱਤੇ ਹਮਲਾ ਅਤੇ ਅਣਮਨੁੱਖੀ ਹਰਕੱਤ ਦੱਸਿਆ। ਉਨਾਂ ਨੇ ਕਿਹਾ ਕਿ ਹਮਲੇ ਵਿੱਚ ਸ਼ਾਮਿਲ ਸਾਰੇ ਦੋਸ਼ੀਆਂ ਨੂੰ ਤੁਰੰਤ ਗਿ੍ਰਫਤਾਰ ਕਰਕੇ ਉਨਾਂ ਉੱਤੇ ਸਖਤ ਕਾਰਵਾਈ ਹੋ ਤਾਂਕਿ ਭਵਿੱਖ ਵਿੱਚ ਸੱਤੇ ਦੇ ਨਸ਼ੇ ਵਿੱਚ ਕੋਈ ਸਿਰਫਿਰਾ ਇਸ ਤਰਾਂ ਦੀ ਹਰਕੱਤ ਨੂੰ ਦੋਹਰਾਉਣ ਦੀ ਹਿੰਮਤ ਨਾ ਕਰ ਸਕੇ । ਵੜੈਚ ਨੇ ਕਿਹਾ, ‘ਦਸ ਸਾਲ ਸੱਤਾ ਦੇ ਬਾਹਰ ਰਹਿਕੇ ਕਾਂਗਰਸੀਆਂ ਦਾ ਹਾਜਮਾ ਖ਼ਰਾਬ ਹੋ ਗਿਆ ਹੈ, ਹੁਣ ਉਨਾਂ ਨੂੰ ਸੱਤਾ ਦੀ ਤਾਕਤ ਪਚ ਨਹੀਂ ਰਹੀ।’ ਉਨਾਂ ਨੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਆਪਣੇ ਬੇਕਾਬੂ ਹੁੰਦੇ ਜਾ ਰਹੇ ਆਗੂਆਂ ਨੂੰ ਸੰਜਮ ਵਿੱਚ ਰੱਖਣ ਦੀ ਚੇਤਾਵਨੀ ਦਿੰਦੇ ਹੋਏ ਕਿਹਾ ਕਿ ਲੋਕਤੰਤਰ ਵਿੱਚ ਜਨਤਾ ਦੀ ਤਾਕਤ ਨੂੰ ਭੁਲਣ ਦੀ ਗਲਤੀ ਨਾ ਕਰਨ ਨਹੀਂ ਤਾਂ ਕਾਂਗਰਸ ਸਰਕਾਰ ਦਾ ਅੰਤ ਵੀ ਅਕਾਲੀ- ਭਾਜਪਾ ਗੰਠਜੋੜ ਵਰਗਾ ਹੋਵੇਗਾ ।
ਵੜੈਚ ਨੇ ਕਿਹਾ ਕਿ ਇੱਕ ਮਹੀਨੇ ਦੇ ਅੰਦਰ ਇੱਕ ਤੋਂ ਬਾਅਦ ਇੱਕ ਕਾਂਗਰਸੀ ਆਗੂਆਂ ਵਲੋਂ ਨੀਚ ਹਰਕੱਤਾਂ ਕੀਤੀਆਂ ਜਾ ਰਹੀਆਂ ਹਨ। ਵੀਆਈਪੀ ਰੋਗ ਤੋਂ ਪੀੜਿਤ ਕੇਬਿਨੇਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਇੱਕ ਔਰਤ ਅਧਿਆਪਕਾ ਦੀ ਬੇਇੱਜ਼ਤੀ ਅਤੇ ਸੱਤਾ ਦੀ ਤਾਕਤ ਦੀ ਸਰੇਆਮ ਧਮਕੀਆਂ ਦੇ ਰਿਹੇ ਹਨ। ਖਡੂਰ ਸਾਹਿਬ ਤੋਂ ਕਾਂਗਰਸੀ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਆਪਣੇ ਚਹੇਤੇਆਂ ਨੂੰ ‘ਖੁਸ਼’ ਰੱਖਣ ਲਈ ਪੁਲਿਸ ਅਧਿਕਾਰੀਆਂ ਨੂੰ ਮੰਚ ਤੋਂ ਧਮਕੀਆਂ ਦੇ ਰਿਹਾ ਹੈ। ਉੜਮੁੜ ਤੋਂ ਕਾਂਗਰਸੀ ਵਿਧਾਇਕ ਸੰਗਤ ਸਿੰਘ ਗਿਲਜੀਆਂ ਨੇ ਇੱਕ ਪੱਤਰਕਾਰ ਨਾਲ ਗਾਲੀ-ਗਲੌਜ ਕੀਤੀ ਹੈ ਅਤੇ ਗਿੱਦੜਬਾਹਾ ਵਿੱਚ ਤਾਂ ਕਾਂਗਰਸੀ ਆਗੂਆਂ ਨੇ ਹੱਦ ਹੀ ਪਾਰ ਕਰ ਦਿੱਤੀ, ਜਿਸ ਵਿੱਚ ਸਥਾਨਕ ਵਿਧਾਇਕ ਰਾਜਾ ਵੜਿੰਗ ਦਾ ਨਾਮ ਆ ਰਿਹਾ ਹੈ। ਵੜੈਚ ਨੇ ਕਿਹਾ ਕਿ ਜੇਕਰ ਕੈਪਟਨ ਅਮਰਿੰਦਰ ਸਿੰਘ ਸੱਚ ਵਿੱਚ ਚੰਗਾ ਪ੍ਰਸ਼ਾਸਨ ਦੇਣ ਦੀ ਸੋਚ ਰੱਖਦੇ ਹਨ ਤਾਂ ਅਜਿਹੀਆਂ ਨੀਚ ਹਰਕਤਾਂ ਲਈ ਜਿੰਮੇਦਾਰ ਕੇਬਿਨੇਟ ਮੰਤਰੀ ਧਰਮਸੋਤ, ਸਾਰੇ ਵਿਧਾਇਕਾਂ ਅਤੇ ਕਾਂਗਰਸੀ ਆਗੂਆਂ ਉੱਤੇ ਬਿਨਾਂ ਪੱਖਪਾਤ ਕੀਤੇ ਬਣਦੀ ਕਾਰਵਾਈ ਕਰਨ ।