ਹਲਕੀ ਹਲਕੀ ਠੰਢ ਦੇ ਮਾਹੌਲ ਵਿਚ ਰੰਗਾਂ ਦੇ ਤਿਉਹਾਰ ਹੋਲੀ ਨੂੰ ਮਨਾਉਂਦੇ ਹੋਏ ਦੇਸ਼ ਦੇ ਬਿਹਤਰੀਨ ਮਰਚੈਂਟ ਕੈਡਿਟਸ ਤਿਆਰ ਕਰਨ ਵਾਲੀ ਟੀ ਐਮ ਸੀ ਫਾਊਡੇਂਸੇਸ਼ਨ ਦੇ ਬੈਨਰ ਹੇਠ ਪੰਚਕੂਲਾ ਜ਼ਿਲ੍ਹੇ ਵਿਚ ਸ਼ੁਰੂ ਕੀਤੀ ਗਈ ਮੈਰੀ ਟਾਈਮ ਅਕੈਡਮੀ ਦੇ ਵਿਦਿਆਰਥੀਆਂ ਨੇ ਕੈਂਪਸ ਵਿਚ ਖੂਬ ਹੋਲੀ ਖੇਡੀ।ਕੈਂਪਸ ਵਿਚ ਛੁੱਟੀ ਹੋਣ ਤੇ ਵੀ ਵਿਦਿਆਰਥੀਆਂ ਨੇ ਕੈਂਪਸ ਵਿਚ ਆ ਕੇ ਖੂਬ ਹੋਲੀ ਦਾ ਆਨੰਦ ਮਾਣਿਆਂ। ਸਾਰਾ ਦਿਨ ਆਕਾਸ਼ ਵਿਚ ਗੁਲਾਲ ਉੜਾਉਦੇ ਹੋਏ ਵਿਦਿਆਰਥੀਆਂ ਹੱਥਾ ਵਿਚ ਰੰਗ ਲੈ ਕੇ ਆਪਣੇ ਸਾਥੀਆਂ ਨੂੰ ਰੰਗਦੇ ਨਜ਼ਰ ਆਏ। ਇਸ ਦੌਰਾਨ ਟੀ ਐਮ ਸੀ ਦੇ ਸਟਾਫ਼ ਨੇ ਵੀ ਵਿਦਿਆਰਥੀਆਂ ਨਾਲ ਮਿਲ ਕੇ ਇਸ ਦਿਨ ਨੂੰ ਖ਼ੂਬਸੂਰਤ ਯਾਦਗਾਰ ਬਣਾ ਦਿਤਾ। ਸੁੱਕੇ ਰੰਗਾਂ ਨਾਲ ਵਿਦਿਆਰਥੀਆਂ ਨੇ ਆਪਣੇ ਸਾਥੀਆਂ ਨੂੰ ਬੁਰਾ ਨਾ ਮਾਨੋ ਹੋਲੀ ਹੈ ਕਹਿੰਦੇ ਹੋਏ ਖੂਬ ਰੰਗਿਆਂ।ਟੀ ਐਮ ਸੀ ਦੇ ਡਾਇਰੈਕਟਰ ਨੀਰਜ ਕੁਮਾਰ ਨੇ ਹੋਲੀ ਦੇ ਇਸ ਪਵਿੱਤਰ ਤਿਉਹਾਰ ਮੌਕੇ ਸਭ ਨੂੰ ਵਧਾਈ ਦਿੰਦੇ ਹੋਏ ਹੋਲੀ ਦਾ ਦਿਹਾੜਾ ਖ਼ੂਬਸੂਰਤ ਅਤੇ ਪਰਿਵਾਰਕ ਤਰੀਕੇ ਨਾਲ ਮਨਾਉਣ ਦੀ ਪ੍ਰੇਰਨਾ ਦਿੰਦੇ ਹੋਏ ਨੌਜਵਾਨਾਂ ਨੂੰ ਹੁੱਲੜਬਾਜ਼ੀ ਤੋਂ ਪਰਹੇਜ਼ ਕਰਨ ਦੀ ਪ੍ਰੇਰਨਾ ਦਿਤੀ।