ਆਮ ਆਦਮੀ ਪਾਰਟੀ ਹਲਕਾ ਖਰੜ ਦੇ ਉਮੀਦਵਾਰ ਕੰਵਰ ਸੰਧੂ ਦੀ ਮੁਹਿੰਮ ਨੂੰ ਅੱਜ ਉਸ ਵੇਲੇ ਹੋਰ ਹੁੰਗਾਰਾ ਮਿਲਿਆ ਜਦੋਂ ਪਿੰਡ ਰਡਿਆਂਲਾ ਵਿੱਚ ਆਪ ਪਾਰਟੀ ਦੇ ਸਮਰਥਕਾ ਵੱਲੋਂ ਅਮਰੀਕਾ ਤੋਂ ਆਏ ਐਨ ਆਰ ਆਈ ਬੱਬੂ ਜੀ ਦੀ ਅਗਵਾਈ ਵਿੱਚ ਟਰੈਕਟਰਾਂ ਅਤੇ ਪੈਦਲ ਚੱਲ ਕੇ ਪਿੰਡ ਦੀ ਹਰ ਗਲੀ, ਹਰ ਨੁੱਕੜ ਅਤੇ ਨਾਲ ਲਗਦੇ ਪਿੰਡਾ ਵਿੱਚ ਵੀ ਆਮ ਆਦਮੀ ਪਾਰਟੀ ਦਾ ਪ੍ਰਚਾਰ ਕੀਤਾ। ਜਿਸ ਵਿੱਚ ਸਮੂਲੀਅਤ ਕਰਦਿਆ ਆਪ ਪਾਰਟੀ ਦੇ ਸੂਬਾ ਸਕੱਤਰ ਹਰਜੀਤ ਸਿੰਘ ਬੰਟੀ ਅਤੇ ਖਰੜ ਸਰਕਲ ਪ੍ਰਧਾਨ ਕੁਲਵੰਤ ਸਿੰਘ ਕਾਤਾਂ ਗਿੱਲ ਨੇ ਦੱਸਿਆ ਕਿ ਪੰਜਾਬ ਵਿੱਚ ਆਮ ਪਾਰਟੀ ਦੀ ਹਨੇਰੀ ਚੱਲ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਹੁਣ ਲੜਾਈ ਸਰਕਾਰ ਬਣਾਉਣ ਦੀ ਨਹੀ ਰਹੀ ਹੁਣ ਤਾਂ ਰਹਿੰਦੀਆ 17 ਸੀਟਾ ਵੀ ਪਾਰਟੀ ਦੀ ਝੋਲੀ ਪਾਉਣੀਆ ਹਨ ਕਿਉਕਿ ਪਾਰਟੀ 100 ਸੀਟਾਂ ਤਾਂ ਹਰ ਸਰਵੇ ਮੁਤਾਬਿਕ ਅਤੇ ਪੰਜਾਬ ਦੀ ਜਨਤਾ ਦੇ ਜੋਸ਼ ਨਾਲ ਜਿੱਤ ਹੀ ਰਹੀ ਹੈ। ਇਸ ਮੌਕੇ ਪਿੰਡ ਦੇ ਨੋਜਵਾਨਾਂ ਵਿੱਚ ਉਤਸਾਹ ਵੇਖਣ ਵਾਲਾ ਦਿੱਖਦਾ ਸੀ। ਇਸ ਮੌਕੇ ਗੁਰਜੀਤ ਸਿੰਘ, ਗੁਰਿੰਦਰ ਸਿੰਘ, ਹਰਿੰਦਰ ਸਿੰਘ, ਨਰੇਸ਼ ਕੁਮਾਰ, ਬਿਕਰਮਜੀਤ ਸਿੰਘ ਅਤੇ ਅਵਤਾਰ ਸਿੰਘ ਤੋਂ ਇਲਾਵਾਂ ਭਾਰੀ ਗਿਣਤੀ ਵਿੱਚ ਆਪ ਸਮਰਥਕ ਸ਼ਾਮਲ ਸਨ।