ਤ੍ਰਿਣਮੂਲ ਕਾਂਗਰਸ ਨੂੰ ਪੰਜਾਬ 'ਚ ਤੇਜ਼ੀ ਨਾਲ ਮਿੱਲ ਰਹੇ ਸਮਰਥਨ ਦਾ ਕ੍ਰਮ ਜ਼ਾਰੀ ਹੈ ਤੇ ਜਗਮੀਤ ਸਿੰਘ ਬਰਾੜ ਨੇ ਵੀਰਵਾਰ ਨੂੰ ਇਥੇ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਹੋਰ ਆਮ ਆਦਮੀ ਪਾਰਟੀ ਆਗੂਆਂ ਨੂੰ ਪਾਰਟੀ 'ਚ ਸ਼ਾਮਿਲ ਕੀਤਾ। ਅੱਜ ਨਵਾਂ ਸ਼ਹਿਰ, ਬੰਗਾ, ਗੜ੍ਹਸ਼ੰਕਰ ਦੇ ਸੈਕਟਰ ਇੰਚਾਰਜ਼ ਮਨਜੀਤ ਸਿੰਘ ਤੇ ਦੋਆਬਾ ਦੇ ਆਪ ਦੇ ਇਕ ਮੁੱਖ ਚੇਹਰੇ ਵੱਡੀ ਗਿਣਤੀ 'ਚ ਵਲੰਟੀਅਰਾਂ ਸਮੇਤ ਟੀ.ਐਮ.ਸੀ 'ਚ ਸ਼ਾਮਿਲ ਹੋ ਗਏ।ਇਸ ਲੜੀ ਹੇਠ ਟੀ.ਐਮ.ਸੀ 'ਚ ਸ਼ਾਮਿਲ ਹੋਣ ਵਾਲੇ ਹੋਰ ਮੁੱਖ ਆਪ ਆਗੂਆਂ 'ਚ ਮਹਿਲਾ ਵਿੰਗ ਮੋਹਾਲੀ ਦੀ ਮੈਂਬਰ ਦਲਵਿੰਦਰ ਕੌਰ, ਆਪ ਐਸ.ਸੀ ਵਿੰਗ ਦੇ ਮੁਖੀ ਗੁਰਿੰਦਰ ਸਿੰਘ ਤੇ ਬਲਦੇਵ ਸਿੰਘ ਅਤੇ ਪ੍ਰਭਜੋਤ ਸਿੰਘ (ਦੋਵੇਂ ਸਰਕਲ ਇੰਚਾਰਜ਼) ਸ਼ਾਮਿਲ ਰਹੇ।ਇਸ ਦਿਸ਼ਾ 'ਚ ਅੱਜ ਆਪ ਨੂੰ ਵੱਡੀ ਗਿਣਤੀ 'ਚ ਆਗੂਆਂ ਤੇ ਵਰਕਰਾਂ ਵੱਲੋਂ ਛੱਡਣਾ ਬਰਾੜ ਵਿਰੋਧੀ ਲਾਬੀ ਦੇ ਪਾਰਟੀ 'ਚ ਟੀ.ਐਮ.ਸੀ 'ਚ ਗਠਜੋੜ 'ਚ ਦੇਰੀ ਕਾਰਨ ਵਿਦ੍ਰੋਹ ਵਜੋਂ ਸਪੱਸ਼ਟ ਦਿੱਖ ਰਿਹਾ ਹੈ।ਟੀ.ਐਮ.ਸੀ 'ਚ ਸ਼ਾਮਿਲ ਹੋਣ ਤੋਂ ਬਾਅਦ ਮਨਜੀਤ ਸਿੰਘ ਨੇ ਕਿਹਾ ਕਿ ਨਵਾਂ ਪੰਜਾਬ ਲਈ ਦਿਨ ਰਾਤ ਮਿਹਨਤ ਕਰ ਰਹੇ ਜ਼ਮੀਨੀ ਪੱਧਰ ਦੇ ਵਰਕਰਾਂ ਨੂੰ ਜਗਮੀਤ ਸਿੰਘ ਬਰਾੜ ਵਰਗੇ ਸਾਫ ਸੁਥਰੇ ਆਗੂ ਦੀ ਲੋੜ ਹੈ, ਜਿਹੜੇ ਬੀਤੇ 40 ਵਰ੍ਹਿਆਂ ਤੋਂ ਪੰਜਾਬ ਦੇ ਹਿੱਤ ਵਾਸਤੇ ਖੜ੍ਹੇ ਹਨ।
ਉਹ ਅਤੇ ਉਨ੍ਹਾਂ ਦੇ ਸਾਕੀ ਬਰਾੜ ਵਰਗੇ ਵਚਨਬੱਧ ਆਗੂਆਂ ਦੇ ਅਧੀਨ ਕੰਮ ਕਰਨਾ ਚਾਹੁੰਦੇ ਹਨ, ਜਿਹੜੇ ਪੰਜਾਬ ਨੂੰ ਵਿਅਕਤੀਗਤ ਹਿੱਤਾਂ ਤੋਂ ਵੱਧ ਤਰਜੀਹ ਦਿੰਦੇ ਹਨ। ਮਨਜੀਤ ਦੇ ਆਪ ਛੱਡਣ ਨੂੰ ਆਪ ਨੂੰ ਦੋਆਬਾ ਖੇਤਰ 'ਚ ਇਕ ਵੱਡੇ ਝਟਕੇ ਵਜੋਂ ਦੇਖਿਆ ਜਾ ਰਿਹਾ ਹੈ, ਜਿਹੜੇ ਇਥੇ ਪਾਰਟੀ ਦਾ ਅਧਾਰ ਪੈਦਾ ਕਰਨ 'ਚ ਇਕ ਅਹਿਮ ਕੜੀ ਸਨ। ਮਨਜੀਤ ਨੇ ਕਿਹਾ ਕਿ ਅਸੀਂ ਪੰਜਾਬ ਦੇ ਹਿੱਤ 'ਚ ਕੰਮ ਕਰਾਂਗੇ, ਨਾ ਕਿ ਕੁਝ ਵਿਅਕਤੀਆਂ ਦੀ ਤਰ੍ਹਾਂ ਥੋੜ੍ਹੇ ਸਮੇਂ ਲਹੀ ਨਵੀਆਂ ਬਣਾਵਾਂਗੇ, ਜਿਹੜੇ ਇਸ ਅੰਦੋਲਨ ਨੂੰ ਆਪਣੀ ਸਿਆਸੀ ਫਾਇਦੇ ਲਈ ਇਸਤੇਮਾਲ ਕਰ ਰਹੇ ਹਨ।ਦਲਵਿੰਦਰ ਕੌਰ ਨੇ ਕਿਹਾ ਕਿ ਉਹ ਲੰਬੇ ਵਕਤ ਤੋਂ ਅਗਵਾਈ ਨੂੰ ਜਗਮੀਤ ਸਿੰਘ ਬਰਾੜ ਵਰਗੇ ਆਗੂਆਂ ਨੂੰ ਅੰਦੋਲਨ ਦੀ ਅਗਲੀ ਕਤਾਰ 'ਚ ਲਿਆਉਣ ਦੀ ਅਪੀਲ ਕਰ ਰਹੇ ਸਨ, ਲੇਕਿਨ ਕੁਝ ਕਾਰਨਾਂ ਕਰਕੇ ਉਹ ਵਲੰਟੀਅ+ ਦੀਆਂ ਅਪੀਲਾਂ ਨੂੰ ਅਣਸੁਣਿਆ ਕਰ ਰਹੇ ਸਨ, ਜਿਸਦੇ ਕਾਰਨ ਅਸੀਂ ਸਿੱਧੇ ਤੌਰ 'ਤੇ ਬਰਾੜ ਨਾਲ ਆਉਣ ਦਾ ਫੈਸਲਾ ਲਿਆ। ਅਸੀਂ ਸ਼ੁਰੂਆਤ ਕਰ ਰਹੇ ਹਾਂ ਤੇ ਹੁਣ ਵੱਧ ਤੋਂ ਵੱਧ ਵਲੰਟੀਅਰ ਟੀ.ਐਮ.ਸੀ 'ਚ ਸ਼ਾਮਿਲ ਹੋਣਗੇ, ਕਿਉਂਕਿ ਇਥੇ ਪ੍ਰਚਾਰ ਤੋਂ ਵੱਧ ਮੁੱਦਿਆਂ ਤੇ ਮੈਰਿਟ ਨੂੰ ਪਹਿਲ ਦਿੱਤੀ ਜਾਂਦੀ ਹੈ।ਆਪ ਐਸ.ਸੀ ਵਿੰਗ ਗੁਰਿੰਦਰ ਸਿੰਘ ਨੇ ਕਿਹਾ ਕਿ ਆਪ ਦਾ ਐਸ.ਸੀ ਵਿੰਗ ਤੇਜ਼ੀ ਨਾਲ ਇਹ ਮਹਿਸੂਸ ਕਰ ਰਿਹਾ ਹੈ ਕਿ ਉਨਾਂ ਉਸੇ ਤਰੀਕੇ ਨਾਲ ਸਿਆਸੀ ਫਾਇਦਿਆਂ ਲਈ ਇਸਤੇਮਾਲ ਕੀਤਾ ਜਾ ਰਿਹਾ ਹੈ, ਜਿਵੇਂ ਕਾਂਗਰਸ ਤੇ ਅਕਾਲੀਆਂ ਨੇ ਬੀਤੇ ਸਮੇਂ ਦੌਰਾਨ ਕੀਤਾ ਹੈ।
ਅਸੀ ਵੋਟ ਬੈਂਕ ਤੋਂ ਵੱਧ ਹਾਂ ਤੇ ਅਸੀਂ ਪੂਰੀ ਸਿਆਸੀ ਨੁਮਾਇੰਦਗੀ ਚਾਹੁੰਦੇ ਹਾਂ। ਇਸੇ ਕਾਰਨ ਅਸੀਂ ਟੀ.ਐਮ.ਸੀ 'ਚ ਸ਼ਾਮਿਲ ਹੋਏ ਹ।ਇਸ ਦੋਰਾਨ ਜਗਮੀਤ ਸਿੰਘ ਬਰਾੜ ਨੇ ਇਕ ਛੋਟੇ ਜਿਹੇ ਬਿਆਨ 'ਚ ਕਿਹਾ ਕਿ ਟੀ.ਐਮ.ਸੀ ਪੰਜਾਬ 'ਚ ਸਾਰੇ ਵਚਨਬੱਧ ਸਮਾਜਿਕ ਤੇ ਸਿਆਸੀ ਵਰਕਰਾਂ ਲਈ ਇਕ ਮੰਚ ਹੈ ਅਤੇ ਸਮਾਂ ਆ ਗਿਆ ਹੈ ਕਿ ਅਸੀਂ ਸੂਬਾ ਪੱਧਰੀ ਢਾਂਚਾ ਸਥਾਪਤ ਕਰੀਏ। ਉਹ ਆਪਣੇ ਭਰਾਵਾਂ ਤੇ ਭੈਣਾਂ ਦਾ ਖੁੱਲ੍ਹੀਆਂ ਬਾਹਾਂ ਨਾਲ ਸਵਾਗਦ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਵਾਅਦਾ ਕਰਦੇ ਹਨ ਕਿ ਟੀ.ਐਮ.ਸੀ ਉਨ੍ਹਾਂ ਨੂੰ ਉਨ੍ਹਾਂ ਦੇ ਮਿਸ਼ਨ 'ਚ ਹਰ ਮੁਮਕਿਨ ਸਮਰਥਨ ਦੇਵੇਗੀ।ਬਰਾੜ ਨੇ ਇਹ ਵੀ ਇਸ਼ਾਰਾ ਕੀਤਾ ਕਿ ਆਉਂਦਿਆਂ ਦਿਨਾਂ 'ਚ ਟੀ.ਐਮ.ਸੀ ਆਪਣੇ ਸਮਰਥਨ ਦਾ ਅਧਾਰ ਤੇ ਸੰਗਠਨਾਤਮਕ ਢਾਂਚਾ ਵਧਾਉਣ ਲਈ ਇਕ ਸੂਬਾ ਪੱਧਰੀ ਮੁਹਿੰਮ ਚਲਾਏਗੀ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਆਉਂਦਿਆਂ ਦਿਨਾਂ 'ਚ ਹੋਰ ਜ਼ਿਆਦਾ ਦਫਤਰ ਖੋਲ੍ਹਾਂਗੇ ਤੇ ਜ਼ਲਦੀ ਹੀ ਸੂਬੇ ਭਰ 'ਚ ਹਮਖਿਆਲੀ ਲੋਕਾਂ ਨੂੰ ਸ਼ਾਮਿਲ ਕਰਨ ਲਈ ਇਕ ਕਮੇਟੀ ਬਣਾਈ ਜਾਵੇਗੀ। ਉਹ ਕਾਂਗਰਸ 'ਚ ਵੱਡੇ ਨਾਂਮਾਂ ਦੇ ਸੰਪਰਕ 'ਚ ਹਨ ਅਤੇ ਆਉਣ ਵਾਲੇ ਦਿਨਾਂ 'ਚ ਉਹ ਵੀ ਟੀ.ਐਮ.ਸੀ 'ਚ ਸ਼ਾਮਿਲ ਹੋਣਗੇ।ਇਸ ਦੌਰਾਨ ਸਾਬਕਾ ਆਪ ਯੂਥ ਮੀਤ ਪ੍ਰਧਾਨ ਬਲਜੀਤ ਸਿੰਘ, ਗੌਤਮਬੀਰ ਸਿੰਘ, ਗੁਰਦਾਸ ਗਿਰਧਰ ਤੇ ਅਮਰਦੀਪ ਸਿੰਘ ਮਾਂਗਟ ਵੀ ਮੌਜ਼ੂਦ ਰਹੇ।