ਓਕਰੇਜ਼ ਇੰਟਰਨੈਸ਼ਨਲ ਸਕੂਲ ਵਿਚ ਕ੍ਰਿਸਮਸ ਦੇ ਸੁੱਭ ਦਿਹਾੜੇ ਤੇ ਕ੍ਰਿਸਮਸ ਪਾਰਟੀ ਦਾ ਆਯੋਜਨ ਕੀਤਾ। ਇਸ ਦੌਰਾਨ ਕੈਂਪਸ ਵਿਚ ਖਾਣ ਪੀਣ ਦੀਆਂ ਚੀਜ਼ਾਂ ਦੇ ਸਟਾਲ ਲਗਾਏ ਗਏ । ਇਸ ਦੇ ਨਾਲ ਹੀ ਬੱਚਿਆਂ ਦੇ ਮੌਨਰੰਜਨ ਲਈ ਪੇਸ ਕਲਰ,ਟੈਟੂ ਮੇਕਿੰਗ ਅਤੇ ਮਹਿੰਦੀ ਲਗਾਉਣ ਲਈ ਵੀ ਬਾਹਰੋਂ ਕਲਾਕਾਰ ਮਗਵਾ ਕੇ ਉਨਾਂ ਦਾ ਮੌਨਰੰਜਨ ਕੀਤਾ ਗਿਆ।ਇਸ ਦੇ ਨਾਲ ਹੀ ਸਕੂਲ ਕੈਂਪਸ ਵਿਚ ਕ੍ਰਿਸਮਸ ਟ੍ਰੀ ਵੀ ਲਗਾਇਆ ਗਿਆ ਜਿਸ ਦੀ ਸਜ਼ਾਵਟ ਸਕੂਲ ਦੇ ਵਿਦਿਆਰਥੀਆਂ ਨੇ ਆਪਣੇ ਅਧਿਆਪਕਾਂ ਦੀ ਦੇਖਰੇਖ ਵਿਚ ਕੀਤੀ । ਇਸ ਦੇ ਨਾਲ ਹੀ ਸਾਂਤਾ ਕਲਾਜ਼ ਨੇ ਰੈਪ ਤੇ ਬੱਚਿਆਂ ਨਾਲ ਡਾਂਸ ਕਰਕੇ ਮਾਹੌਲ ਨੂੰ ਹੋਰ ਰੰਗੀਨ ਬਣਾ ਦਿਤਾ।ਇਸ ਮੌਕੇ ਤੇ ਵਿਦਿਆਰਥੀਆਂ ਵਿਚ ਆਤਮ ਵਿਸ਼ਵਾਸ਼ ਭਰਨ ਲਈ ਇਕ ਸੰਗੀਤ ਮਈ ਸਕਿੱਟ ਵਾਅਦੇ ਨਿਭਾਉਣ ਲਈ ਹੁੰਦੇ ਹਨ ਦਾ ਆਯੋਜਨ ਕੀਤਾ ਗਿਆ । ਇਸ ਦੇ ਨਾਲ ਹੀ ਵਿਦਿਆਰਥੀਆਂ ਵਿਚ ਪੰ੍ਰਪਰਾਗਤ ਗੀਤ ਜਿੰਗਲ ਬੈਲ ਖੂਬਸੂਰਤ ਤਰੀਕੇ ਨਾਲ ਗਾਉਣ ਦੇ ਮੁਕਾਬਲੇ ਕਰਵਾਏ ਗਏ ।ਇਸ ਮੌਕੇ ਤੇ ਸਕੂਲ ਦੇ ਪ੍ਰਿੰਸੀਪਲ ਰਮਨਜੀਤ ਘੁੰਮਣ ਨੇ ਵਿਦਿਆਰਥੀਆਂ ਨੂੰ ਸਬੋਧਨ ਕਰਦੇ ਹੋਏ ਕਿਹਾ ਕਿ ਪ੍ਰਭੂ ਯਿਸੂ ਨੇ ਸਮੁੱਚੀ ਦੁਨੀਆਂ ਨੂੰ ਪ੍ਰੇਮ ਭਾਵਨਾ ਅਤੇ ਨਿਮਰਤਾ ਦਾ ਜੀਵਨ ਜਿਊਣ ਦਾ ਸੁਨੇਹਾ ਦਿਤਾ । ਉਨਾਂ ਅੱਗੇ ਕਿਹਾ ਕਿ ਸਭ ਨੂੰ ਪ੍ਰਭੂ ਯਿਸੂ ਦੇ ਦੱਸੇ ਸਚਾਈ ਦੇ ਰਾਹ ਤੇ ਚਲਦੇ ਹੋਏ ਇਕ ਖੂਬਸੂਰਤ ਸਮਾਜ ਦੀ ਸਥਾਪਨਾ ਕਰਨੀ ਚਾਹੀਦੀ ਹੈ । ਇਸ ਮੌਕੇ ਤੇ ਸਾਂਤਾ ਕਲਾਜ਼ ਨੇ ਬੱਚਿਆਂ ਵਿਚ ਤੋਹਫੇ,ਟਾਫੀਆਂ ਅਤੇ ਚਾਕਲੇਟ ਵੀ ਵੰਡੀਆਂ।