ਟੀ.ਐਮ.ਸੀ ਪ੍ਰਧਾਨ ਤੇ ਸਾਬਕਾ ਐਮ.ਪੀ ਜਗਮੀਤ ਸਿੰਘ ਬਰਾੜ ਵੱਲੋਂ ਮੋਗਾ ਵਿਖੇ ਪਾਰਟੀ ਦੇ ਦਫਤਰ ਦਾ ਉਦਘਾਟਨ ਕੀਤਾ ਗਿਆ। ਇਹ ਇਕ ਹਫਤੇ ਤੋਂ ਵੀ ਘੱਟ ਸਮੇਂ 'ਚ ਸੂਬੇ ਅੰਦਰ ਟੀ.ਐਮ.ਸੀ ਦੇ ਪੰਜਵੇਂ ਦਫਤਰ ਦੀ ਸ਼ੁਰੂਆਤ ਹੈ, ਜਿਹੜਾ ਜਗਮੀਤ ਬਰਾੜ ਵੱਲੋਂ ਆਉਂਦੀਆਂ 2017 ਵਿਧਾਨ ਸਭਾ ਚੋਣਾਂ 'ਚ ਟੀ.ਐਮ.ਸੀ ਨੂੰ ਇਕ ਅਹਿਮ ਪ੍ਰਤੀਯੋਗੀ ਬਣਾਉਣ ਦੀ ਦਿਸ਼ਾ 'ਚ ਕਦਮ ਹੈ।ਇਸ ਮੌਕੇ ਟੀ.ਐਮ.ਸੀ ਦੇ 11 ਜਿਲ੍ਹਾ ਕੋਆਰਡੀਨੇਟਰ ਤੇ ਕੋਰ ਕਮੇਟੀ ਮੈਂਬਰ ਸ਼ਾਮਿਲ ਹੋਏ। ਸਮਾਰੋਹ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਸਮਰਥਕਾਂ ਸਮੇਤ ਮੋਗਾ ਦੇ ਮੁੱਖ ਬਜ਼ਾਰ 'ਚ ਇਕ ਪ੍ਰਤੀਕਾਤਮਕ ਮਾਰਚ ਕੱਢਿਆ ਤੇ ਰੋਚਕ ਗੱਲ ਰਹੀ ਕਿ ਮਾਰਚ 'ਚ ਵੱਡੀ ਗਿਣਤੀ 'ਚ ਆਪ ਦੇ ਲੋਕਲ ਵਲੰਟੀਅਰ ਵੀ ਸ਼ਾਮਿਲ ਹੋਏ।ਉਨ੍ਹਾਂ ਨੇ ਹਰੇਕ ਜ਼ਿਲ੍ਹੇ 'ਚ ਦਫਤਰ ਖੋਲ੍ਹਣ ਸਬੰਧੀ ਆਪਣੀਆਂ ਯੋਜਨਾਵਾਂ ਤੇ ਉਸ ਤੋਂ ਬਾਅਦ ਸੰਗਠਨ ਨੂੰ ਬਲਾਕ ਸੰਮਤੀ ਤੇ ਪੰਚਾਇਤ ਪੱਧਰ 'ਤੇ ਵਧਾਉਣ ਦਾ ਆਪਣਾ ਪ੍ਰੋਗਰਾਮ ਦੁਹਰਾਇਆ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਟੀ.ਐਮ.ਸੀ ਪੰਜਾਬ ਦੇ ਸਿਆਸੀ ਵਿਚਾਰ 'ਚ ਸੱਭ ਤੋਂ ਅਗਲੀ ਕਤਾਰਾਂ 'ਚ ਹੈ ਤੇ ਇਕ ਸਾਫ ਤੇ ਇਮਾਨਦਾਰ ਵਿਕਲਪ ਵਜੋਂ ਇਸਦੇ ਹਰ ਉਸ ਵਿਅਕਤੀ ਲਈ ਪਾਰਦਰਸ਼ਿਤਾ ਨਾਲ ਦਰਵਾਜੇ ਖੁੱਲ੍ਹੇ ਹਨ, ਜਿਹੜਾ ਭ੍ਰਿਸ਼ਟਾਚਾਰ, ਨਸ਼ਿਆਂ ਤੇ ਵੰਸ਼ਾਗਤ ਸਿਆਸਤ ਖਿਲਾਫ ਹੈ ਤੇ ਉਸ 'ਚ ਪੰਜਾਬ ਦੀ ਸੇਵਾ ਕਰਨ ਦਾ ਜਜਬਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਆਉਂਦਿਆਂ ਦਿਨਾਂ 'ਚ ਸਾਡਾ ਢਾਂਚਾ ਹੋਰ ਮਜ਼ਬੂਤੀ ਨਾਲ ਵੱਧੇਗਾ।ਉਨ੍ਹਾਂ ਨੇ ਆਪ ਸਾਂਸਦ ਭਗਵੰਤ ਮਾਨ ਦੇ ਉਸ ਬਿਆਨ ਨੂੰ ਗੈਰ ਤਜ਼ੁਰਬੇਕਾਰੀ ਦੱਸਦਿਆਂ ਖਾਰਿਜ਼ ਕੀਤਾ ਕਿ ਆਪ ਟੀ.ਐਮ.ਸੀ ਨਾਲ ਗਠਜੋੜ ਨਹੀਂ ਕਰੇਗੀ, ਜਿਸ 'ਤੇ ਬਰਾੜ ਨੇ ਕਿਹਾ ਕਿ ਉਹ ਪੰਜਾਬ 'ਚ ਆਪ ਦੇ ਨਿਰਣਾਂਇਕਾਂ ਦੇ ਸੰਪਰਕ 'ਚ ਹਨ ਤੇ ਆਖਿਰੀ ਫੈਸਲਾ ਮਮਤਾ ਜੀ ਤੇ ਅਰਵਿੰਦ ਕੇਜਰੀਵਾਲ ਵੱਲੋਂ ਜ਼ਲਦੀ ਹੀ ਲਿਆ ਜਾਵੇਗਾ। ਉਨ੍ਹਾਂ ਦਾ ਹਰ ਕਿਸੇ ਨੂੰ ਸੁਝਾਅ ਹੈ ਕਿ ਉਹ ਇਨ੍ਹਾਂ ਪ੍ਰਚਾਰਾਂ 'ਤੇ ਧਿਆਨ ਨਾ ਦੇਣ ਤੇ ਗੈਰ ਜਰੂਰੀ ਟਿਪਣੀਆਂ ਤੋਂ ਬੱਚਣ।
ਇਸ ਮੌਕੇ ਉਨ੍ਹਾਂ ਨੇ ਕੈਪਟਨ ਅਮਰਿੰਦਰ ਸਿੰਘ ਤੋਂ ਸਵਾਲ ਕੀਤਾ ਤੇ ਕਿਹਾ ਕਿ ਉਹ ਸੁਖਬੀਰ ਨਾਲ ਡੀਲ ਤੋਂ ਬਾਅਦ ਕਮਜੋਰ ਉਮੀਦਵਾਰ ਦੇ ਰਹੇ ਹਨ ਤੇ ਹੁਦ ਬਾਕੀਆ ਦੇ ਐਲਾਨ 'ਚ ਦੇਰੀ ਕਰ ਰਹੇ ਨ। ਕੀ ਉਹ ਲੰਬੀ ਤੇ ਲਾਹੋਰ ਤੋਂ ਮਨਜ਼ੂਰੀ ਦਾ ਇੰਤਜਾਰ ਕਰ ਰਹੇ ਹਨ ਜਾ ਫਿਰ ਦਿੱਲੀ 'ਚ ਭੜਕਣ ਨੂੰ ਤਿਆਰ ਵਿਦ੍ਰੋਹ ਦਾ ਸਾਹਮਣਾ ਕਰਨ ਤੋਂ ਡਰ ਰਹੇ ਹਨ? ਉਹ ਪਟਿਆਲਾ ਤੋਂ ਭੱਜ ਗਏ, ਅੰਮ੍ਰਿਤਸਰ ਤੋਂ ਭੱਜ ਗਏ ਤੇ ਹੁਣ ਟਿਕਟਾਂ ਦੀ ਵੰਡ 'ਚ ਉਨ੍ਹਾਂ ਨੂੰ ਰਸਤਾ ਨਹੀਂ ਮਿੱਲਦਾ, ਤਾਂ ਚੋਣਾਂ ਤੋਂ ਭੱਜ ਜਾਣਗੇ।ਬਰਾੜ ਨੇ ਕਿਹਾ ਕਿ ਕੈਪਟਨ ਵੱਲੋਂ ਕਾਂਗਰਸ ਦੇ ਅਕਾਲੀਕਰਨ 'ਚ ਅੱਤਵਾਦ ਨਾਲ ਪ੍ਰਭਾਵਿਤ ਤੇ ਕਾਂਗਰਸ ਤੇ ਵਿਚਾਰਾਂ 'ਤੇ ਖੜ੍ਹੇ ਹੋਣ ਵਾਲੇ ਪਰਿਵਾਰਾਂ ਨੂੰ ਖੁਲ੍ਹੇਆਮ ਖੁੱਡੇਲਾਈਨ ਲਗਾ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਕਿ ਟੀ.ਐਮ.ਸੀ ਦੇ ਦਰਵਾਜੇ ਸਾਰੇ ਵਫਾਦਾਰ ਪਰਿਵਾਰਾਂ ਵਾਸਤੇ ਖੁਲ੍ਹੇ ਹਨ। ਬਾਦਲ ਨਾਲ ਕੈਪਟਨ ਦੀਆਂ ਗੁਪਤ ਡੀਲਾਂ ਦੇ ਖੁਲ੍ਹੇਆਮ ਵਿਦ੍ਰੋਹ ਨਾਲ ਕਾਂਗਰਸ 'ਚ ਧਮਾਕਾ ਹੋਵੇਗਾ ਤੇ ਆਉਂਦਿਆਂ ਦਿਨਾਂ 'ਚ ਵਡੀ ਗਿਣਤੀ 'ਚ ਕਾਂਗਰਸੀ ਟੀ.ਐਮ.ਸੀ 'ਚ ਸ਼ਾਮਿਲ ਹੋਣਗੇ।ਇਸ ਦੌਰਾਨ ਪੁਰਾਣੇ ਲਹਿਜੇ 'ਚ ਉਨ੍ਹਾਂ ਨੇ ਬਾਦਲ ਪਰਿਵਾਰ ਬਾਰੇ ਕਿਹਾ ਕਿ ਅਬਦਾਲੀ ਨੇ ਪੰਜਾਬ ਨੂੰ ਇੰਨਾ ਨਹੀਂ ਲੁੱਟਿਆ ਹੋਵੇਗਾ, ਜਿੰਨਾ ਇਸ ਪਾਖੰਡੀ ਪਰਿਵਾਰ ਨੇ ਲੁੱਟਿਆ ਹੈ। ਇਨ੍ਹਾਂ ਨੇ ਕਿਸਾਨਾਂ ਨੁੰ ਤਬਾਹ ਕੀਤਾ, ਉਨ੍ਹਾਂ ਦੇ ਬੇਟਿਆਂ ਨੂੰ ਜਹਿਰ ਤੇ ਨਸ਼ੇ ਦਿੱਤੇ ਤੇ ਹੁਣ ਤੈਰ੍ਹਦੀਆਂ ਬੱਸਾਂ ਤੇ ਬੰਦ ਪਏ ਏਅਰਪੋਰਟਾਂ ਰਾਹੀਂ ਲੋਕਾਂ ਨੂੰ ਬੇਵਕੂਫ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।