ਵਾਤਾਵਰਣ ਪ੍ਰੇਮੀ ਸੰਤ ਬਾਬਾ ਬਲਬੀਰ ਸਿੰਘ ਸੀਚੇਵਾਲ ਜੀ ਦੇ ਯਤਨਾਂ ਸਦਕਾ ਸਥਾਨਕ ਸ਼ਹਿਰ ਦੀ ਸ਼ੁਰੂ ਕੀਤੀ ਮਹੁੰਮ ਦੌਰਾਨ ਸਿਵਲ ਹਸਪਤਾਲ ਕੰਪਲੈਕਸ ਦੀ ਸਫਾਈ ਕੀਤੀ ਗਈ।ਸਫਾਈ ਦੌਰਾਨ ਹਸਪਤਾਲ ਕੰਪਲੈਕਸ ਵਿਚਲੀ ਗੁਰਮੇਲ ਸਿੰਘ ਚੀਮਾ ਪਾਰਕ ਦੀ ਦਿਖ ਹੀ ਬਦਲ ਦਿੱਤੀ ਗਈ ਹੈ।ਇਸ ਪਾਰਕ 'ਚ ਢਾਈ ਤੋਂ ਤਿੰਨ ਫੁੱਟ ਤੱਕ ਸਰਕੜਾ ਤੇ ਕਾਂਗਰਸ ਘਾਹ ਉਗਿਆ ਹੋਇਆ ਸੀ ਤੇ ਲੰਬੇ ਸਮੇਂ ਤੋਂ ਇਸ ਪਾਰਕ ਦੀ ਸਫਾਈ ਵੱਲ ਕਿਸੇ ਨੇ ਵੀ ਧਿਆਨ ਨਹੀਂ ਸੀ ਦਿੱਤਾ।ਸੰਤ ਸੀਚੇਵਾਲ ਦੇ ਸੇਵਾਦਾਰਾਂ ਨੇ ਦੇਖਦਿਆ- ਦੇਖਦਿਆ ਹੀ ਸਫਾਈ ਕਰਕੇ ਪਾਰਕ ਦਾ ਮੂੰਹ ਮੁੰਹਾਂਦਰਾ ਹੀ ਬਦਲਕੇ ਰੱਖ ਦਿੱਤਾ।ਚੀਮਾ ਪਾਰਕ ਵਿਚਲਾ ਘਾਹ ਪੁੱਟਣ ਤੋਂ ਬਾਆਦ ਉਥੇ ਟ੍ਰੈਕਟਰ ਨਾਲ ਰੂਟਾਵੇਟਰ ਫੇਰ ਕੇ ਸਫਾਈ ਕੀਤੀ ਗਈ ਤੇ ਬੂਟੇ ਵੀ ਲਾਗਏ ਗਏ। ਸੰਤ ਸੀਚੇਵਾਲ ਨੇ ਇੰਗਲੈਂਡ ਜਾਣ ਲੱਗਿਆ ਸਿਵਲ ਹਸਪਤਾਲ ਕੰਪਲੈਕਸ 'ਚ ਬੂਟੇ ਲਗਾਏ ਸਨ।ਹਸਪਤਾਲ ਦੇ ਹੋਰ ਹਿੱਸਿਆਂ 'ਚ ਵੀ ਹੱਥਾਂ ਨਾਲ ਤੇ ਟ੍ਰਰੈਕਟਰ ਨਾਲ ਸਫਾਈ ਕੀਤੀ ਗਈ।ਇਸ ਦੇ ਨਾਲ ਹੀ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਇਤਹਾਸਕ ਗੁਰਦੁਆਰਾ ਗੁਰੂ ਕਾ ਬਾਗ ਨੂੰ ਜਾਂਦੇ ਰਸਤਿਆਂ ਦੀ ਸਫਾਈ ਕੀਤੀ ਗਈ ਹੈ।ਸੜਕ ਵਿਚਲੇ ਟੋਇਆ ਨੂੰ ਪੂਰਿਆ ਗਿਆ। ਜੇ.ਸੀ.ਬੀ ਮਸ਼ੀਨ ਨਾਲ ਵੀ ਰਸਤਿਆਂ ਦੀ ਮੁੰਰਮਤ ਕੀਤੀ ਗਈ।ਲੋਕਾਂ ਵੱਲੋਂ ਗੁਰੂ ਘਰ ਨੂੰ ਜਾਂਦੇ ਰਸਤਿਆਂ 'ਚ ਸਮਾਨ ਰੱਖਕੇ ਤੰਗ ਕੀਤਾ ਹੋਇਆ ਸੀ ।ਲੋਕਾਂ ਦੇ ਸਮਾਨ ਤੇ ਹੋਰ ਅੱੜਕਿਆਂ ਨੂੰ ਦੂਰ ਕਰਕੇ ਰਸਤਿਆਂ ਨੂੰ ਖੁੱਲਾ ਕੀਤਾ ਗਿਆ।ਪਵਿੱਤਰ ਕਾਲੀ ਵੇਈਂ ਦੇ ਘਾਟਾਂ ਤੇ ਰਸਤਿਆਂ ਦੀ ਸਫਾਈ ਸੰਗਤ ਨੇ ਕੀਤੀ। ਸ਼ਹੀਦ ਊਧਮ ਸਿੰਘ ਚੌਂਕ ਤੋਂ ਚੰਡੀਗੜ੍ਹ ਮਹੱਲੇ ਵੱਲ ਨੂੰ ਲਾਏ ਬੂਟਿਆ ਦੀ ਗੁਡਾਈ ਕੀਤੀ ਗਈ।ਸਫਾਈ ਵਾਸਤੇ ਸੰਗਤਾਂ ਵੱਖ ਵੱਖ ਪਿੰਡਾਂ ਤੋਂ ਆਈਆ ਹੋਈਆ ਸਨ।
ਸੰਤ ਸੀਚੇਵਾਲ ਦੀ ਪ੍ਰੇਰਨਾ ਸਦਕਾ ਇਸ ਸ਼ਹਿਰ ਦੀ ਹਰ ਐਤਵਾਰ ਸਫਾਈ ਕੀਤੀ ਜਾਂਦੀ ਹੈ।ਇਸ ਸਫਾਈ ਮਹੁੰਮ ਦੀ ਅਗਵਾਈ ਸੰਤ ਦਇਆ ਸਿੰਘ ਜੀ ਗੁਰਦੁਆਰਾ ਟਾਹਲੀ ਸਾਹਿਬ ਵਾਲਿਆ ਤੇ ਸੰਤ ਸੁਖਜੀਤ ਸਿੰਘ ਸੀਚੇਵਾਲ ਜੀ ਨੇ ਕੀਤੀ।ਇਸ ਮੌਕੇ ਸੁਰਜੀਤ ਸਿੰਘ ਸ਼ੰਟੀ, ਜੋਗਾ ਸਿੰਘ ਸ਼ਾਹ, ਗੁਰਦੇਵ ਸਿੰਘ ਫੌਜੀ, ਜਥੇਦਾਰ ਬਲਵਿੰਦਰ ਸਿੰਘ ਸਰੂਪਵਾਲ, ਮੇਹਰ ਸਿੰਘ ਮੋਤੀਪੁਰ, ਅਮਰੀਕ ਸਿੰਘ ਸੰਧੂ, ਗੁਰਵਿੰਦਰ ਸਿੰਘ ਬੋਪਾਰਾਏ, ਪ੍ਰਧਾਨ ਬਿੱਟੂ ਧੀਰ, ਗੁਰਦੀਪ ਸਿੰਘ ਗੋਗਾ, ਮਲਕੀਤ ਸਿੰਘ ਜਲਾਲਪੁਰ, ਦਲਜੀਤ ਸਿੰਘ ਸੰਧੂ, ਡਾ. ਸਵਰਨ ਸਿੰਘ ਪ੍ਰਧਾਨ ਸਾਹਿਤ ਸਭਾ, ਕਾਲੀ ਵੇਈਂ ਪੰਜਾਬੀ ਸੱਥ ਦੇ ਰਵਿੰਦਰ ਰੌਕੀ ਆਪਣੇ ਸਾਥੀਆਂ ਸਮੇਤ, ਚੰਨ ਮੋਮੀ, ਜੈਲਦਾਰ ਹੱਸਮੁਖ ਆਦਿ ਵੀ ਹਾਜ਼ਰ ਸਨ।