ਡਿਫੈ'ਸ ਸੇਵਾਵਾਂ ਵਿੱਚ ਪੰਜਾਬ ਰਾਜ ਵੱਧ ਤੋ' ਵੱਧ ਯੁਵਕਾਂ ਦੀ ਚੋਣ ਨੂੰ ਯਕੀਨੀ ਬਣਾਉਣ ਲਈ ਸਾਬਕਾ ਸੈਨਿਕਾਂ ਦੇ ਵਾਰਸਾਂ ਨੂੰ ਡਿਫੈਸ/ਪੈਰਾ ਮਿਲਟਰੀ ਅਤੇ ਹੋਰ ਤਕਨੀਕੀ/ਗੈਰ-ਤਕਨੀਕੀ ਟਰੇਡਾਂ ਦੇ ਦਾਖਲੇ ਲਈ ਰਾਜ ਦੇ ਵੱਖ ਵੱਖ ਜਿਲਿਆਂ ਵਿੱਚ ਅਗਾਮੀ ਭਰਤੀ ਸਿਖਲਾਈ ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ।ਇਸ ਮਕਸਦ ਲਈ ਸਾਲ 2013-14 ਦੋਰਾਨ 4 ਕਰੋੜ ਰੁਪਏ ਦੀ ਰਾਸ਼ੀ ਖਰਚ ਕੀਤੀ ਜਾਵੇਗੀ।ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਅੱਜ ਇਥੇ ਪੰਜਾਬ ਦੇ ਮੁੱਖ ਪਾਰਲੀਮਾਨੀ ਸਕੱਤਰ ਸ. ਵਿਰਸਾ ਸਿੰਘ ਵਲਟੋਹਾ ਨੇ ਦੱਸਿਆ ਕਿ ਇਸ ਮਕਸਦ ਲਈ ਸਾਬਕਾ ਸੈਨਿਕਾਂ ਦੇ ਵਾਰਸਾਂ ਵਿਸ਼ੇਸ਼ ਕਰਕੇ ਪੰਜਾਬੀ ਯੁਵਕਾਂ ਜੋ ਕਿ ਦਿਹਾਤੀ ਖੇਤਰਾਂ ਨਾਲ ਸਬੰਧ ਰੱਖਦੇ ਹਨ, ਦੀ ਵਿਦਿਅਕ ਯੋਗਤਾ ਪੂਰੀ ਨਾ ਹੋਣ ਕਾਰਨ ਆਰਮਡ ਫੋਰਸਸ ਵਿੱਚ ਸੇਵਾਵਾਂ ਨਿਭਾਉਣ ਲਈ ਦਾਖਲਾ ਟੈਸਟ ਪਾਸ ਨਹੀ' ਕਰ ਸਕਦੇ ਲਈ ਇਹ ਸਿਖਲਾਈ ਪ੍ਰੋਗਰਾਮ ਸ਼ੁਰੂ ਕੀਤਾ ਗਿਆ ਹੈ।
ਉਨਾਂ੍ਹ ਦੱਸਿਆ ਕਿ ਇਹ ਸਿਖਲਾਈ ਰਾਜ ਦੇ ਚੋਣਵੇ' ਜਿਲਿਆਂ ਵਿੱਚ ਜਿਲਾ ਸੈਨਿਕ ਦਫਤਰਾਂ ਦੇ ਸੈਨਿਕ ਰੈਸਟ ਹਾਊਸ ਕੰਪਲੈਕਸਾਂ ਵਿੱਚ ਜਿਲਾ ਸੈਨਿਕ ਭਲਾਈ ਅਧਿਕਾਰੀਆਂ ਵਲੋ ਦਿੱਤੀ ਜਾਵੇਗੀ।
ਸਕੀਮ ਦੀ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਸ. ਵਲਟੋਹਾ ਨੇ ਦੱਸਿਆ ਕਿ ਇਸ ਵਕਮ ਇਸ ਛੇ ਹਫਤੇ ਦੀ ਸਿਖਲਾਈ ਦੌਰਾਨ ਸਾਬਕਾ ਸੈਨਿਕਾਂ ਦੇ ਵਾਰਸਾਂ ਅਤੇ ਅਨੁਸੂਚਿਤ ਜਾਤੀਆਂ ਨੂੰ 60/- ਰੁਪਏ ਪ੍ਰਤੀ ਦਿਨ ਭੋਜਨ ਮੁਹੱਈਆ ਕਰਵਾਇਆ ਜਾ ਰਿਹਾ ਹੈ। ਇਸ ਤੋ' ਇਲਾਵਾ ਸਾਬਕਾ ਸੈਨਿਕਾਂ /ਵਿਧਵਾਵਾਂ ਅਤੇ ਉਨਾਂ ਦੇ ਵਾਰਸਾਂ ਨੂੰ ਦਰਜਾ ਤਿੰਨ ਲਈ ਨੌਕਰੀ ਦਿਵਾਉਣ ਲਈ ਪੰਜਾਬੀ ਸਟੈਨੋਗ੍ਰਾਫੀ/ਟਾਈਪਿੰਗ ਸਿਖਲਾਈ ਅੰਮ੍ਰਿਤਸਰ, ਜਲੰਧਰ, ਫਰੀਦਕੋਟ ਅਤੇ ਰੂਪਨਗਰ ਵਿਖੇ ਦਿੱਤੀ ਜਾ ਰਹੀ ਹੈ।ਉਨਾਂ ਇਹ ਵੀ ਦੱਸਿਆ ਕਿ ਇਸ ਤੋ' ਇਲਾਵਾ ਸਾਬਕਾ ਸੈਨਿਕਾਂ/ਵਿਧਵਾਵਾਂ ਅਤੇ ਉਨਾਂ ਦੇ ਵਾਰਸਾਂ ਨੂੰ ਸਿਖਲਾਈ ਸਹੂਲਤ ਮੁਹੱਈਆ ਕਰਵਾਉਣ ਲਈ ਚੰਡੀਗੜ੍ਹ, ਜਲੰਧਰ, ਫਰੀਦਕੋਟ, ਅੰਮ੍ਰਿਤਸਰ, ਮੁਕਤਸਰ, ਹੁਸਿਆਰਪੁਰ ਅਤੇ ਰੂਪ ਨਗਰ ਵਿਖੇ ਕੰਪਿਊਟਰ ਸਿਖਲਾਈ ਸੈਟਰ ਸਥਾਪਿਤ ਕੀਤੇ ਗਏ ਹਨ।ਉਨਾ ਦੱਸਿਆ ਕਿ ਬਠਿੰਡਾ, ਫਿਰੋਜਪੁਰ, ਕਪੂਰਥਲਾ, ਲੁਧਿਆਣਾ, ਪਟਿਆਲਾ ਅਤੇ ਸੰਗਰੂਰ ਵਿਖੇ ਛੇ ਹੋਰ ਨਵੇ ਕੰਪਿਊਟਰ ਸੈਟਰ ਜਲਦੀ ਖੋਲੇ ਜਾਣਗੇ।