ਡੀ ਪੀ ਐੱਸ ਵਰਲਡ ਸਕੂਲ, ਜ਼ੀਰਕਪੁਰ ਦਾ ਪਹਿਲਾ ਸਾਲਾਨਾ ਸਮਾਗਮ ਖੱਟੀਆਂ ਮਿੱਠੀਆਂ ਯਾਦਾਂ ਬਿਖੇਰਦਾ ਹੋ ਨਿਬੜਿਆ। ਇਸ ਦੌਰਾਨ ਵਿਦਿਆਰਥੀਆਂ ਨੇ ਸਟੇਜ ਤੇ ਕਲਾ ਦੇ ਬਿਹਤਰੀਨ ਪੇਸ਼ਕਾਰੀ ਕਰਦੇ ਹੋਏ ਹਾਜ਼ਰ ਦਰਸ਼ਕਾਂ ਦਾ ਮੌਨਰੰਜਨ ਕੀਤਾ। ਇਸ ਮੌਕੇ ਤੇ ਸਾਬਕਾ ਵਿਦੇਸ਼ ਮੰਤਰੀ ਸਲਮਾਨ ਖ਼ੁਰਸ਼ੀਦ ਮੁੱਖ ਮਹਿਮਾਨ ਸਨ ਜਦ ਕਿ ਡੀ ਪੀ ਐੱਸ ਫਾਊਂਡੇਸ਼ਨ ਦੇ ਚੇਅਰਪਰਸਨ ਲੁਇਸ ਖ਼ੁਰਸ਼ੀਦ ਖ਼ਾਸ ਮਹਿਮਾਨ ਸਨ। ਇਸ ਮੌਕੇ ਤੇ ਡੀ ਪੀ ਐੱਸ ਵਰਲਡ ਸਕੂਲ ਦੇ ਚੇਅਰਮੈਨ ਕੇਵਲ ਗਰਗ ਨੇ ਮੁੱਖ ਮਹਿਮਾਨ ਅਤੇ ਹਾਜ਼ਰ ਮਾਪਿਆ ਨੂੰ ਜੀ ਆਇਆ ਕਹਿੰਦੇ ਹੋਏ ਸਮਾਗਮ ਦੀ ਸ਼ੁਰੂਆਤ ਕੀਤੀ। ਹੀਲ ਦਾ ਵਰਲਡ ਥੀਮ ਹੇਠ ਇਸ ਸਾਲਾਨਾ ਸਮਾਗਮ ਦਾ ਮੁੱਖ ਉਦੇਸ਼ ਸਮੇਂ ਨਾਲ ਆਪਣੀਆਂ ਕਦਰਾਂ ਕੀਮਤਾਂ ਗਵਾ ਚੁੱਕੇ ਨੈਤਿਕ ਮੁੱਲਾਂ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨਾ ਸੀ। ਇਕ ਤੋਂ ਬਾਅਦ ਇਕ ਸਟੇਜ ਤੇ ਵਿਦਿਆਰਥੀਆਂ ਦੀ ਪੇਸ਼ਕਾਰੀ ਹਾਜ਼ਰ ਦਰਸ਼ਕਾਂ ਵਿਚ ਰੋਮਾਂਚ ਪੈਦਾ ਕਰਦੀ ਨਜ਼ਰ ਆਈ। ਇਸ ਦੌਰਾਨ ਮਾਪੇ ਆਪਣੇ ਲਾਡਲਿਆਂ ਦੀ ਪੇਸ਼ਕਾਰੀ ਮੋਬਾਈਲ ਕੈਮਰਿਆਂ ਵਿਚ ਕੈਦ ਕਰਦੇ ਨਜ਼ਰ ਆਏ। ਵਿਦਿਆਰਥੀਆਂ ਨੇ ਇਕ ਇਕ ਕਰਕੇ ਸਬੰਧਿਤ ਥੀਮ ਹੇਠ ਦੇਵੀ ਦੀ ਉਤਪਤੀ, ਈਡਨ ਦਾ ਬਾਗ, ਸਾਡੀ ਖ਼ੂਬਸੂਰਤ ਦੁਨੀਆ, ਸ਼ਾਂਤੀ ਦੀ ਆਵਾਜ਼,ਤਾਂਡਵ ਸਮੇਤ ਕਈ ਬਿਹਤਰੀਨ ਪੇਸ਼ਕਾਰੀਆਂ ਪੇਸ਼ ਕੀਤੀਆਂ।
ਇਸ ਮੌਕੇ ਤੇ ਮੁੱਖ ਮਹਿਮਾਨ ਸੁਲੇਮਾਨ ਖ਼ੁਰਸ਼ੀਦ ਨੇ ਬੱਚਿਆਂ ਵੱਲੋਂ ਕੀਤੀ ਪੇਸ਼ਕਾਰੀ ਦੀ ਸਲਾਹਣਾ ਕਰਦੇ ਹੋਏ ਕਿਹਾ ਕਿ ਬਾਲ ਅਵਸਥਾ ਇਕ ਕੋਰੇ ਕਾਗ਼ਜ਼ ਵਾਗ ਹੁੰਦੀ ਹੈ ਉਸ ਤੇ ਜੋ ਵੀ ਲਿਖ ਦਿਤਾ ਜਾਵੇ ਉਹ ਸਾਰੀ ਉਮਰ ਉਸ ਦੇ ਨਾਲ ਚਲਦਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਡੀ ਪੀ ਐੱਸ ਵਰਲਡ ਸਕੂਲ ਵਿਚ ਆ ਕੇ ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਹੈ ਕਿ ਜਿਸ ਤਰਾਂ ਦੀ ਸਿੱਖਿਆਂ ਇਸ ਸਕੂਲ ਵਿਚ ਦਿਤੀ ਜਾ ਰਹੀ ਹੈ ਉਸ ਵਿਚ ਪਰੰਪਰਾਵਾਂ ਵਿਚ ਆਧੁਨਿਕਤਾ ਦੀ ਝਲਕ ਵਿਖਾਈ ਦਿਤੀ ਹੈ ਜੋ ਕਿ ਇਕ ਖ਼ੂਬਸੂਰਤ ਦੀ ਕਲਪਨਾ ਕਰਨ ਦੇ ਕਾਬਿਲ ਹੈ। ਸਕੂਲ ਦੇ ਚੇਅਰਪਰਸਨ ਲੁਇਸ ਖ਼ੁਰਸ਼ੀਦ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਕਿ ਸਕੂਲ ਪ੍ਰਿੰਸੀਪਲ ਜੋਤੀ ਨਗਰਾਨੀ ਦੀ ਮਿਹਨਤ ਸਦਕਾ ਡੀ ਪੀ ਐੱਸ ਵਰਲਡ ਸਕੂਲ ਨੇ ਇਕ ਸਾਲ ਵਿਚ ਹੀ ਟ੍ਰਾਈ ਸਿਟੀ ਵਿਚ ਹੀ ਆਪਣਾ ਨਾਮ ਬਣਾ ਚੁੱਕਾ ਹੈ। ਇਸ ਮੌਕੇ ਤੇ ਪ੍ਰਿੰਸੀਪਲ ਜੋਤੀ ਨਗਰਾਨੀ ਵੱਲੋਂ ਮੁੱਖ ਮਹਿਮਾਨ ਸਲਮਾਨ ਖ਼ੁਰਸ਼ੀਦ ਅਤੇ ਲੁਇਸ ਖ਼ੁਰਸ਼ੀਦ ਨੂੰ ਯਾਦਗਾਰੀ ਚਿੰਨ੍ਹ ਵੀ ਭੇਟ ਕੀਤੇ ਗਏ। ਇਸ ਯਾਦਗਾਰੀ ਸਾਲਾਨਾ ਸਮਾਗਮ ਦੀ ਸਮਾਪਤੀ ਰਾਸ਼ਟਰੀ ਗੀਤ ਨਾਲ ਹੋਈ।