ਆਮ ਆਦਮੀ ਪਾਰਟੀ ਦੀ ਚੋਣ ਮਨੋਰਥ ਪੱਤਰ ਤਿਆਰ ਕਰਨ ਲਈ ਬਣਾਈ ਕਮੇਟੀ ਦੇ ਮੁੱਖੀ ਕੰਵਰ ਸੰਧੂ ਵਲੋਂ ਵਪਾਰ, ਸਨਅੱਤਾਂ ਅਤੇ ਟਰਾਂਸਪੋਰਟ ਲਈ ਮੈਨੀਫੈਸਟੋ ਤਿਆਰ ਕਰਨ ਲਈ ਵਿਖੇ ਇਕ 'ਪੰਜਾਬ ਬੋਲਦਾ' ਪ੍ਰੋਗਰਾਮ ਦਾ ਆਯੋਜ਼ਨ ਕੀਤਾ ਗਿਆ, ਜਿਸ ਵਿਚ ਖਾਸ ਕਰਕੇ ਰੀਅਲ ਅਸਟੇਟ ਨਾਲ ਸਬੰਧਿਤ ਕਰੀਬ ਦੋ ਦਰਜਨ ਐਸੋਸੀeਸ਼ਨਾਂ ਦੇ ਨੁਮਾਇੰਦਿਆਂ ਪ੍ਰਾਪਰਟੀ ਵਪਾਰੀਆਂ ਅਤੇ ਕੋਲੋਨਾਈਜ਼ਰਾਂ ਦੀਆਂ ਮੁਸ਼ਕਿਲਾਂ ਦੀ ਜਾਣਕਾਰੀ ਦਿੱਤੀ ਅਤੇ ਉਨਾਂ ਦੇ ਹੱਲ ਲਈ ਸੁਝਾਅ ਵੀ ਦਿੱਤੇ।ਇਸ ਸਮੇਂ ਸਮਾਗਮ ਨੂੰ ਸੰਬੋਧਨ ਕਰਦੇ, ਸ. ਸੰਧੂ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਸਰਕਾਰ ਬਣਨ ਤੇ ਭ੍ਰਿਸ਼ਟਾਚਾਰ ਦਾ ਮੁਕੰਮਲ ਖਾਤਮਾ ਕੀਤਾ ਜਾਵੇਗਾ ਅਤੇ ਰੀਅਲ ਅਸਟੇਟ ਕਾਰੋਬਾਰ ਨੂੰ ਮੁੜ ਤੋਂ ਲੀਹਾਂ ਤੇ ਲਿਆਉਣ ਲਈ ਇਕ ਠੋਸ ਤਰਕਸੰਗਤ ਨੀਤੀ ਬਣਾਏਗੀ। ਉਨਾਂ ਕਿਹਾ ਕਿ ਜਿਥੇ ਗਰੀਬ ਲੋਕਾਂ ਨੂੰ ਸਸਤੇ ਮਕਾਨ ਉਪਲੱਭਤ ਕਰਾਏ ਜਾਣਗੇ, ਉਥੇ ਹੀ ਕੋਲੋਨਾਈਜ਼ਰਾਂ ਅਤੇ ਦੂਜੇ ਪ੍ਰਾਪਰਟੀ ਕਾਰੋਬਾਰੀਆਂ ਦੀਆਂ ਸਾਰੀਆਂ ਮੁਸ਼ਕਲਾਂ ਦਾ ਹੱਲ ਕੀਤਾ ਜਾਵੇਗਾ।ਉਨਾਂ ਕਿਹਾ ਕਿ ਪਹਿਲਾਂ ਹੀ ਮੌਜੂਦ ਸਾਰੀਆਂ ਕਲੋਨੀਆਂ ਨੂੰ ਇਕੋ ਵਾਰ ਰੈਗੂਲਰ ਕਰਕੇ ਮੁੱੜ ਤੋਂ ਅਣਅਧਿਕਾਰਤ ਕਲੋਨੀਆਂ ਨਹੀਂ ਬਣਨ ਦਿਤੀਆਂ ਜਾਣਗੀਆਂ। ਸ. ਸੰਧੂ ਨੇ ਯਕੀਨ ਦਵਾਇਆ ਕਿ ਕੋਲੋਨੀਆਂ ਵਿਕਸਤ ਕਰਨ ਤੇ ਬਾਦਲ ਸਰਕਾਰ ਵਲੋਂ ਲਗਾਏ ਭਾਰੀ ਈ ਡੀ ਸੀ ਅਤੇ ਸੀ ਐਲ ਯੂ ਚਾਰਜ ਘੱਟ ਕਰਕੇ ਕਲੋਨੀਆਂ ਪਾਸ ਕਰਨ ਲਈ ਸਹੀ ਸਿੰਗਲ ਵਿੰਡੋ ਸਿਸਟਮ ਲਾਗੂ ਕੀਤਾ ਜਾਵੇਗਾ।ਉਨਾਂ ਕਿਹਾ ਕਿ ਆਪ ਸਰਕਾਰ ਬਣਨ ਤੇ ਸੂਬੇ ਵਿਚ ਪ੍ਰਾਪਰਟੀ ਦੇ ਕਾਰੋਬਾਰ ਨੂੰ ਬੜਾਵਾ ਦੇਣ ਲਈ ਕਲੋਨੀਆਂ ਦੇ ਲਾਈਸੈਂਸ ਜਾਰੀ ਕਰਨ ਦਾ ਅਧਿਕਾਰ ਵੀ ਹੇਠਲੇ ਪੱਧਰ ਤੇ ਦੇ ਦਿਤਾ ਜਾਵੇਗਾ। ਉਨਾਂ ਕਿਹਾ ਕਿ ਸਮੇਂ ਸਮੇਂ ਤੇ ਇਸ ਕਾਰੋਬਾਰ ਨਾਲ ਜੁੜੇ ਲੋਕਾਂ ਨਾਲ ਵਿਚਾਰ ਕਰਕੇ ਸਰਕਾਰ ਆਪਣੀ ਨੀਤੀ ਵਿਚ ਲੋੜ ਅਨੁਸਾਰ ਸੋਧਾਂ ਕਰਦੀ ਰਹੇਗੀ।
ਸ. ਸੰਧੂ ਨੇ ਅਗੇ ਕਿਹਾ ਕਿ ਪੰਜਾਬ ਦੀ ਮੌਜੂਦਾ ਸਰਕਾਰ ਦੀਆਂ ਗਲਤ ਨੀਤੀਆਂ ਨੇ ਪੰਜਾਬ ਦੀ ਸਨਅੱਤ ਅਤੇ ਵਪਾਰ ਨੂੰ ਪੂਰੀ ਤਰਾਂ ਤਬਾਹ ਕਰਕੇ ਰੱਖ ਦਿਤਾ ਹੈ, ਜਿਥੇ ੧੮੦੦੦ ਤੋਂ ਵਧੇਰੈ ਸਨਅੱਤਾਂ ਦੂਜੇ ਸੂਬਿਆਂ ਵਿਚ ਸ਼ਿਫਟ ਹੋ ਚੁਕੀਆਂ ਹਨ, ਉਥੇ ਹੀ ਰੀਅਲ਼ ਅਸਟੇਟ ਦਾ ਕਾਰੋਬਾਰ ਵੀ ਪੂਰੀ ਤਰਾਂ ਤਬਾਹ ਹੋ ਚੁੱਕਾ ਹੈ। ਉਨਾਂ ਕਿਹਾ ਕਿ ਆਪ ਵਲੋਂ ਲੋਕਾਂ ਨਾਲ ਵਿਚਾਰ ਕਰਕੇ ਹੀ ਚੋਣ ਮਨੋਰਥ ਪੱਤਰ ਤਿਆਰ ਕੀਤੇ ਜਾਂਦੇ ਹਨ ਹੁਣ ਤਕ ਯੂਥ ਅਤੇ ਕਿਸਾਨਾਂ ਅਤੇ ਲੇਬਰ ਨਾਲ ਸਬੰਧਤ ਚੋਣ ਮਨੋਰਥ ਪੱਤਰ ਜਾਰੀ ਕੀਤੇ ਜਾ ਚੁੱਕੇ ਹਨ ਅਤੇ ਜਲਦੀ ਹੀ ਦਲਿਤਾਂ ਅਤੇ ਵਪਾਰ ਅਤੇ ਸਨਅੱਤਾਂ ਲਈ ਮੈਨੀਫੈਸਟੋ ਜਾਰੀ ਕੀਤੇ ਜਾਣਗੇ।ਉਨਾਂ ਕਿਹਾ ਕਿ ਸਾਡੇ ਲਈ ਚੋਣ ਮਨੋਰਥ ਪਤਰ ਮਹਿਜ ਇਕ ਸਾਧਾਰਨ ਡਾਕੂਮੈਂਟ ਨਹੀਂ ਹੈ , ਇਸ ਵਿਚ ਦਰਜ ਹਰ ਵਾਅਦਾ ਸਰਕਾਰ ਬਣਨ ਤੇ ਪੂਰਾ ਕੀਤਾ ਜਾਵੇਗਾ।ਸਮਾਗਮ ਨੂੰ ਸੰਬੋਧਨ ਕਰਦੇ ਟੀਟੀਆਈ ਵਿੰਗ ਦੇ ਸੂਬਾ ਪ੍ਰਦਾਨ ਅਮਨ ਅਰੋੜਾ ਨੇ ਕਿਹਾ ਕਿ ਪੰਜaਬ ਵਿਚ ਵਪਾਰ ਅਤੇ ਸਨਅੱਤ ਵਿਰੋਧੀ ਨੀਤੀਆਂ ਨੇ ਇਨਾਂ ਸੈਕਟਰਾਂ ਦਾ ਲੱਕ ਤੋੜ ਕੇ ਰੱਖ ਦਿਤਾ ਹੈ। ਉਨਾਂ ਮੋਦੀ ਸਰਕਾਰ ਵਲੋਂ ਵਪਾਰੀਆਂ ਵਿਰੁਧ ਸ਼ੁਰੁ ਕੀਤੇ ਛਾਪੇ ਦੇ ਮਾਰਨ ਪ੍ਰੋਗਰਾਮ ਦੀ ਸਖਤ ਨਿਖੇਧੀ ਕੀਤੀ।ਸਮਾਗਮ ਵਿਚ ਹੋਰਨਾਂ ਤੋਂ ਇਲਾਵਾ ਮੈਨੀਫੈਸਟੋ ਕਮੇਟੀ ਦੀ ਮੈਂਬਰ ਚੰਦਰ ਸੁੱਤਾ ਡੋਗਰਾ, ਟੀਟੀਆਈ ਵਿੰਗ ਦੇ ਜਨਰਲ ਸਕੱਤਰ ਸੁਰਿੰਦਰ ਸਿੰਘ ਅਰੋੜਾ, ਸਟੇਟ ਮੀਡੀਆ ਕਮੇਟੀ ਦੇ ਮੈਂਬਰ ਦਰਸ਼ਨ ਸਿੰਘ ਸ਼ੰਕਰ ਡੀ ਪੀ ਆਰ ਓ (ਰਿ.), ਟੀਟੀਆਈ ਵਿੰਗ ਦੇ ਜ਼ੋਨ ਉਪ ਪ੍ਰਧਾਨ ਪੁਨੀਤ ਮਲਹੋਤਰਾ ਅਤੇ ਵਿਕਰਮ ਦੱਤ ਕਪੂਰ ਨੇ ਵੀ ਸੰਬੋਧਨ ਕੀਤਾ।ਇਸ ਮੌਕੇ ਕਰਨਲ ਬਾਦੀਸ਼ ਜਿੰਦਲ, ਇਕਬਾਲ ਸਿੰਘ ਪੰਨੂ, ਸ. ਜਗਰੂਪ ਸਿੰਘ ਜਰਖੜ, ਰਵਿੰਦਰਪਾਲ ਸਿੰਘ ਪਾਲੀ, ਮਾਸਟਰ ਹਰੀ ਸਿੰਘ, ਸੁਖਰਾਜ ਸਿੰਘ ਗਿੱਲ ਅਤੇ ਅਮਰੀਕ ਸਿੰਘ ਬਤਰਾ ਵੀ ਹਾਜਰ ਸਨ।