ਆਮ ਆਦਮੀ ਪਾਰਟੀ (ਆਪ) ਨੈ ਟਿਕਟਾਂ ਨੂੰ ਲੈਕੇ ਲਗਾਏ ਜਾ ਰਹੇ ਦੋਸ਼ਾਂ ਨੂੰ ਬਿਲਕੁਲ ਬੇ-ਬੁਨਿਆਦ ਦਸਦਿਆਂ ਇਸਨੂੰ ਆਮ ਆਦਮੀ ਪਾਰਟੀ ਦੀ ਦਿਖ ਨੂੰ ਖਰਾਬ ਕਰਨ ਦੀ ਗਹਿਰੀ ਸਾਜ਼ਿਸ ਦੱਸਿਆ ਹੈ।ਵੀਰਵਾਰ ਨੂੰ ਚੰਡੀਗੜ੍ਹ ਵਿਚ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਲੀਗਲ ਸੈਲ ਦੇ ਪ੍ਰਧਾਨ ਹਿਮੰਤ ਸਿੰਘ ਸ਼ੇਰਗਿਲ ਅਤੇ ਪ੍ਰਸ਼ਾਸਨਿਕ 'ਤੇ ਸ਼ਿਕਾਇਤ ਨਿਵਾਰਣ ਕਮੇਟੀ ਦੇ ਮੁੱਖੀ ਜਸਬੀਰ ਸਿੰਘ ਬੀਰ (ਰਿਟਾ.) ਆਈ.ਏ.ਐਸ. ਨੈ ਕਿਹਾ ਕਿ ਜੋ ਲੋਕ ਸਿਰਫ਼ ਟਿਕਟ ਦੀ ਇੱਛਾਂ ਲੈਕੇ ਆਮ ਆਦਮੀ ਪਾਰਟੀ ਵਿਚ ਆਏ ਹਨ, ਉਨ੍ਹਾਂ ਦਾ ਪਾਰਟੀ ਦੇ ਸਿਧਾਤਾਂ ਅਤੇ ਕ੍ਰਾਂਤੀਕਾਰੀ ਆਂਦੋਲਨ ਨਾਲ ਕੋਈ ਸਬੰਧ ਨਹੀਂ ਸੀ। ਹੁਣ ਟਿਕਟ ਨਾ ਮਿਲਣ ਦੇ ਕਾਰਨ ਅਜਿਹੇ ਲੋਕ ਆਪਣੀ ਅਸਲਿਅਤ ਦਿਖਾ ਰਹੇ ਹਨ। ਆਮ ਆਦਮੀ ਪਾਰਟੀ ਦੇ ਕੌਮੀ ਬੁਲਾਰੇ ਅਤੇ ਪੰਜਾਬ ਮਾਮਲੀਆਂ ਦੇ ਮੁੱਖੀ ਸੰਜੇ ਸਿੰਘ ਅਤੇ ਸੰਗਠਨਾਤਮਕ ਸਕੱਤਰ ਦੁਰਗੇਸ਼ ਪਾਠਕ ਵਰਗੇ ਇਮਾਨਦਾਰ ਅਤੇ ਬੇਦਾਗ ਆਗੂਆਂ 'ਤੇ ਝੂਠੇ ਅਤੇ ਨਿਰਾਧਾਰ ਦੋਸ਼ ਲਗਾਉਣ ਵਾਲੇ ਪਵਿਰਤ ਸਿੰਘ ਅਤੇ ਉਸਦੀ ਪੱਤਨੀ ਲਖਵਿੰਦਰ ਕੌਰ ਵੀ ਫਿਲੌਰ ਤੋਂ ਟਿਕਟ ਦੇ ਚਾਹਵਾਨ ਸਨ, ਜਦੋਂ ਟਿਕਟ ਨਹੀਂ ਮਿਲੀ ਤਾਂ ਉਨ੍ਹਾਂ ਨੇ ਪਾਰਟੀ ਨੂੰ ਬਦਨਾਮ ਕਰਨ ਦੇ ਲਈ ਬੇ-ਬੁਨਿਆਦ ਦੋਸ਼ ਲਗਾਏ ਹਨ, ਇਹ ਦੋਸ਼ ਕਿਸੇ ਤੱਥ ਅਤੇ ਬਿਨ੍ਹਾ ਸਬੂਤ ਦੇ ਲਗਾਉਣ ਵਾਲੇ ਪਵਿਰਤਰ ਸਿੰਘ ਅਤੇ ਲਖਵਿੰਦਰ ਕੌਰ ਖਿਲਾਫ ਮਾਨਹਾਣੀ ਦਾ ਫੌਜਦਾਰੀ ਅਤੇ ਦੀਵਾਨੀ ਮੁਕੱਦਮਾ ਦਰਜ਼ ਕਰਵਾਈਆ ਜਾਵੇਗਾ।
ਹਿੰਮਤ ਸਿੰਘ ਸ਼ੇਰਗਿਲ ਅਤੇ ਜਸਬੀਰ ਸਿੰਘ ਬੀਰ ਨੇ ਕਿਹਾ ਕਿ ਪਾਰਟੀ ਨੂੰ ਜੇਕਰ ਕਿਸੇ ਵੀ ਆਗੂ 'ਤੇ ਸਬੂਤਾਂ ਦੇ ਆਧਾਰ 'ਤੇ ਸ਼ਿਕਾਇਤ ਮਿਲਦੀ ਹੈ, ਤਾਂ ਉਸ ਉਤੇ ਤੁਰੰਤ ਕਾਰਵਾਈ ਕੀਤੀ ਜਾਂਦੀ ਹੈ। ਉਹ ਭਾਵੇਂ ਕੋਈ ਵੱਡਾ ਆਗੂ ਵੀ ਕਿਉਂ ਨਾ ਹੋਵੇ। ਪਾਰਟੀ ਦੇ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਮਿਸਾਲ ਕਾਇਮ ਕੀਤੀ ਜਦੋਂ ਉਨ੍ਹਾਂ ਨੇ ਇਕ ਆਡੀਯੋ ਟੇਪ ਸੁਣਕੇ ਮੰਤਰੀ ਪੱਧਰ ਦੇ ਇਕ ਆਗੂ 'ਤੇ ਕਾਰਵਾਈ ਕੀਤੀ। ਆਪ ਆਗੂਆਂ ਨੇ ਮੀਡੀਆ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਪੱਧਰ 'ਤੇ ਸੰਜੇ ਸਿੰਘ ਅਤੇ ਦੁਰਗੇਸ਼ ਪਾਠਕ ਦਾ ਪਿੱਛੋਕੜ ਜਰੂਰ ਪਤਾ ਕਰਨ। ਸੰਜੇ ਸਿੰਘ ਦੇ ਦਿੱਲੀ ਦੇ ਤਿਲਕ ਨਗਰ ਘਰ ਵਿਚ ਸੋਫਾ ਤੱਕ ਨਹੀਂ ਹੈ। ਸੰਜੇ ਸਿੰਘ ਉਹੀ ਵਿਅਕਤੀ ਹਨ, ਜਿਨ੍ਹਾਂ ਨੇ ਗੁਜਰਾਤ, ਨੇਪਾਲ ਅਤੇ ਕਸ਼ਮੀਰ ਸਮੇਤ ਦੇਸ਼ ਦੇ ਕਈ ਹਿੱਸਿਆਂ ਵਿਚ ਹਾੜ ਅਤੇ ਭੂਚਾਲ ਪੀੜੀਤਾਂ ਦੀ ਕਈ ਮਹੀਨੇ ਮਦਦ ਕੀਤੀ । ਜਦੋਂਕਿ ਦੁਰਗੇਸ਼ ਪਾਠਕ ਦਿੱਲੀ ਵਿਚ ਆਈ.ਏ.ਐਸ. ਅਫਸਰ ਦੀ ਤਿਆਰੀ ਕਰਨ ਲਈ ਆਏ ਸੀ ਅਤੇ ਬੱÎਚਿਆਂ ਨੂੰ ਟਿਯੂਸ਼ਨ ਪੜਾਕੇ ਗੁਜ਼ਾਰਾ ਕਰਦੇ ਹੋਏ, ਅੰਨਾ ਆਂਦੋਲਨ ਵਿਚ ਸ਼ਾਮਲ ਹੋਏ।
ਸ਼ੇਰਗਿਲ ਨੇ ਕਿਹਾ ਕਿ ਬੇ-ਬੁਨਿਆਦ ਦੋਸ਼ ਉਦੋਂ ਲਗਾਏ ਗਏ ਹਨ, ਜਦੋਂ ਟਿਕਟਾਂ ਦਾ ਐਲਾਨ ਕੀਤਾ ਜਾ ਰਿਹਾ ਹੈ। ਪ੍ਰੈਸ ਕਾਨਫਰੰਸ ਦੌਰਾਨ ਪਾਰਟੀ 'ਤੇ ਪਹਿਲਾਂ ਹੀ ਦੋਸ਼ ਲਗਾ ਚੁੱਕੇ ਹਰਦੀਪ ਸਿੰਘ ਕਿੰਗਰਾ ਅਤੇ ਸਵਰਾਜ ਅਭਿਆਨ ਵਾਲੇ ਪ੍ਰੋ. ਮਨਜੀਤ ਸਿੰਘ ਹਾਜ਼ਰ ਸਨ। ਇਸ ਤੋਂ ਅਹਿਸਾਸ ਹੁੰਦਾ ਹੈ ਕਿ ਦੋਸ਼ ਸਿਰਫ਼ ਅਤੇ ਸਿਰਫ਼ ਪਾਰਟੀ ਦੀ ਦਿੱਖ ਨੂੰ ਖਰਾਬ ਦੇ ਮੰਸੂਬੇ ਅਤੇ ਗਹਿਰੀ ਰਾਜਨੀਤੀਕ ਸਾਜਿਸ਼ ਅਧੀਨ ਹੀ ਲਗਾਏ ਗਏ ਹਨ।ਇਸ ਮੌਕੇ 'ਤੇ ਜਸਬੀਰ ਸਿੰਘ ਬੀਰ ਨੇ ਕਿਹਾ ਕਿ ਪਵਿਤਰ ਸਿੰਘ ਅਤੇ ਉਸਦੀ ਪਤਨੀ ਲਖਵਿੰਦਰ ਕੌਰ ਦਾ ਟਿਕਟ ਹਾਸਲ ਕਰਨ ਦਾ ਹੀ ਮਕਸਦ ਸੀ। ਉਨ੍ਹਾ ਕਿਹਾ ਕਿ ਉਨ੍ਹਾਂ ਦੇ ਕੋਲ ਪਵਿਤਰ ਸਿੰਘ ਅਤੇ ਉਸਦੀ ਪਤਨੀ ਦੀ ਕੋਈ ਵੀ ਸ਼ਿਕਾਇਤ ਨਹੀਂ ਆਈ, ਜਦੋਂਕਿ ਫਿਲੌਰ ਟਿਕਟ ਦੇ 2 ਦਾਅਵੇਦਾਰਾਂ ਦੇ ਖਿਲਾਫ਼ ਉਨ੍ਹਾਂ ਦੇ ਸੈਲ ਵਿਚਸ਼ਿਕਾ ਇਤਾਂ ਕਰਵਾਈਆਂ ਗਈਆਂ ਹਨ, ਜਿਨ੍ਹਾਂ ਦੀ ਤੁਰੰਤ ਜਾਂਚ ਕਰਵਾ ਲਈ ਗਈ ਸੀ।ਜਸਬੀਰ ਸਿੰਘ ਬੀਰ ਨੇ ਉਨ੍ਹਾਂ ਦੋਸ਼ਾਂ ਨੂੰ ਬੇ-ਬੁਨਿਆਦ ਅਤੇ ਝੂਠੇ ਦਸਿਆ ਹੈ, ਜਿਸ ਵਿਚ ਇਹ ਦੋਸ਼ ਲਗਾਇਆ ਗਿਆ ਹੈ ਕਿ ਉਨ੍ਹਾਂ ਸਮੇਤ ਅੱਧਾ ਦਰਜ਼ਨ ਆਗੂਆਂ ਨੂੰ ਟਿਕਟ ਨਾ ਦੇਕੇ ਪਾਰਟੀ ਨੈ ਉਨ੍ਹਾਂ ਨੂੰ ਹਾਸ਼ੀਏ 'ਤੇ ਸੁਟਿਆ ਹੈ। ਬੀਰ ਨੇ ਕਿਹਾ ਕਿ ਪਾਰਟੀ ਨੇ ਉਨ੍ਹਾਂ ਨੂੰ ਚੋਣਾਂ ਲੜਨ ਅਤੇ ਵਿਧਾਨਸਭਾ ਖੇਤਰ ਨੂੰ ਚੁਨਣ ਲਈ ਫਰਵਰੀ ਦੇ ਮਹੀਨੇ ਵਿਚ ਪੂਛਿਆ ਸੀ, ਪਰ ਉਨ੍ਹਾਂ ਪਾਰਟੀ ਵਿਚ ਕੰਮ ਕਰਨ ਤਰਜੀਹ ਦਿੱਤੀ ਅਤੇ ਚੋਣ ਲੜਨ ਤੋਂ ਇਨਕਾਰ ਕਰ ਦਿੱਤਾ।ਬੀਰ ਨੇ ਕਿਹਾ ਕਿ ਆਪ ਪਾਰਟੀ ਪਵਿਤਰ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ ਲਖਵਿੰਦਰ ਕੌਰ ਦੇ ਖਿਲਾਫ ਸਖਤ ਕਾਰਵਾਈ ਦੇ ਲਈ ਕਾਰਨ ਦੱਸੋ ਨੋਟਿਸ ਜਾਰੀ ਜਾਰੀ ਕਰ ਰਹੀ ਹੈ।