ਹਲਕਾ ਦਾਖਾ ਅੰਦਰ ਹਾਈਟੈਕ ਸਪੋਰਟਸ ਪਾਰਕ ਗੁੱਜਰਵਾਲ, ਢੈਪਈ ਤੋਂ ਬਾਅਦ ਹਾਈਟੈਕ ਸਪੋਰਟਸ ਪਾਰਕ ਜਾਂਗਪੁਰ ਦਾ ਉਦਘਾਟਨ ਏ.ਡੀ.ਸੀ (ਵਿਕਾਸ) ਅਪਨੀਤ ਕੌਰ ਰਿਆਤ, ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ ਅਤੇ ਵਿਧਾਇਕ ਮਨਪ੍ਰੀਤ ਸਿੰਘ ਇਆਲੀ ਨੇ ਸਾਂਝੇ ਤੌਰ 'ਤੇ ਅਸਮਾਨ 'ਚ ਗੁਬਾਰੇ ਛੱਡ ਕੇ ਕੀਤਾ। ਸਵੇਰੇ ਅੰਮ੍ਰਿਤ ਵੇਲੇ ਸਪੋਰਟਸ ਪਾਰਕ ਵਿੱਚ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜੂਰੀ 'ਚ ਆਸਾ ਦੀ ਵਾਰ ਦਾ ਕੀਰਤਨ ਕੀਤਾ ਗਿਆ ਅਤੇ ਸਮੁੱਚੀ ਮਾਨਵਤਾ ਦੇ ਭਲੇ ਲਈ ਅਰਦਾਸ ਕੀਤੀ ਗਈ। ਸ਼ਾਮ ਸਮੇਂ ਉਦਘਾਟਨੀ ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ ਏ.ਡੀ.ਸੀ ਮੈਡਮ ਰਿਆਤ ਨੇ ਕਿਹਾ ਕਿ ਅੱਜ ਇਹੋ ਜਿਹੇ ਖੇਡ ਪਾਰਕ ਦੇਖ ਕੇ ਫਖਰ ਮਹਿਸੂਸ ਹੋ ਰਿਹਾ ਹੈ ਅਤੇ ਇਲਾਕੇ ਲਈ ਇਹ ਮਾਣ ਵਾਲੀ ਗੱਲ ਹੈ। ਮੇਅਰ ਗੋਹਲਵੜੀਆ ਨੇ ਕਿਹਾ ਕਿ ਸਪੋਰਟਸ ਪਾਰਕ ਵਿੱਚ ਜਿੱਥੇ ਖਿਡਾਰੀ ਖੇਡਣ ਦਾ ਹੁਨਰ ਪੈਦਾ ਕਰਕੇ ਦੇਸ਼ਾਂ ਵਿਦੇਸ਼ਾਂ ਵਿੱਚ ਮੱਲਾਂ ਮਾਰਨਗੇ ਉਥੇ ਇਹਨਾਂ ਸਪੋਰਟਸ ਪਾਰਕਾਂ ਵਿੱਚ ਸਾਡੀਆਂ ਧੀਆਂ ਭੈਣਾਂ ਲਈ ਇਹ ਇੱਕ ਚੰਗੀ ਸੈਰਗਾਹ ਵੱਜੋਂ ਵੀ ਜਾਣਿਆ ਜਾਵੇਗਾ।
ਇਸ ਮੌਕੇ ਵਿਧਾਇਕ ਇਆਲੀ ਨੇ ਕਿਹਾ ਕਿ ਤੰਦਰੁਸਤ ਅਤੇ ਨਰੋਏ ਸਮਾਜ ਦੀ ਸਿਰਜਣਾ ਲਈ ਇਹ ਖੇਡ ਪਾਰਕ ਇੱਕ ਮਿਸਾਲ ਕਾਇਮ ਕਰਨਗੇ ਅਤੇ ਇਹ ਖੇਡ ਮੈਦਾਨ ਖਿਡਾਰੀਆਂ ਦੀ ਨਰਸਰੀ ਵੱਜੋਂ ਵੀ ਪ੍ਰਫੁਲਿਤ ਹੋਵੇਗਾ। ਉਹਨਾਂ ਖੇਡ ਪਾਰਕਾਂ ਅੰਦਰ ਬਣਾਏ ਓਪਨ ਜਿੰਮ, ਫੁੱਟਬਾਲ ਮੈਦਾਨ ਅਤੇ ਬੱਚਿਆਂ ਲਈ ਲਗਾਏ ਗਏ ਝੂਲਿਆਂ ਦਾ ਵਿਸ਼ੇਸ਼ ਜਿਕਰ ਕਰਦਿਆਂ ਕਿਹਾ ਕਿ ਇਹ ਸਹੂਲਤ ਕਾਂਨਵੈਂਟ ਸਕੂਲਾਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਨਾਲੋਂ ਵੀ ਕਿਤੇ ਬਿਹਤਰ ਹੈ। ਉਨਾਂ ਵਿਰੋਧੀਆਂ ਦੀ ਜੁਬਾਨ ਬੰਦ ਕਰਦਿਆਂ ਕਿਹਾ ਕਿ ਇਨਾਂ ਖੇਡ ਪਾਰਕਾਂ ਦੀ ਸਾਂਭ ਸੰਭਾਲ ਕਮੇਟੀ ਕਰੇਗੀ ਜਿਸ ਤੋਂ ਹੋਣ ਵਾਲੀ ਆਮਦਨ ਨਾਲ ਪਿੰਡ ਦਾ ਵਿਕਾਸ ਹੋਵੇਗਾ ਅਤੇ ਨਰੇਗਾ ਸਕੀਮ ਅਧੀਨ ਪਿੰਡ ਵਾਸੀਆਂ ਨੂੰ ਰੁਜਗਾਰ ਮਿਲੇਗਾ। ਇਸ ਮੌਕੇ ਲੜਕੇ ਅਤੇ ਲੜਕੀਆਂ ਦੇ ਫੁੱਟਵਾਲ ਦੇ ਸ਼ੌਅ ਮੈਚ ਵੀ ਕਰਵਾਏ ਗਏ ਅਤੇ ਸੱਭਿਆਚਾਰਕ ਪ੍ਰੋਗਰਾਮ ਵੀ ਪੇਸ਼ ਕੀਤਾ ਗਿਆ। ਇਸ ਮੌਕੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਹਰਵੀਰ ਸਿੰਘ ਇਆਲੀ, ਚੇਅਰਮੈਨ ਅਮਰਜੀਤ ਸਿੰਘ ਮੁੱਲਾਂਪੁਰ, ਨਗਰ ਕੌਂਸਲ ਪ੍ਰਧਾਨ ਅਮਿੱਤ ਹਨੀ, ਹਰਕਿੰਦਰ ਇਆਲੀ, ਜੱਸੀ ਇਆਲੀ, ਮਨਪ੍ਰੀਤ ਸਿੰਘ ਤਲਵੰਡੀ, ਪ੍ਰਮਿੰਦਰ ਸਿੰਘ ਰੰਗੀਆਂ, ਗੁਰਪ੍ਰੀਤ ਸਿੰਘ ਬੱਬਲ, ਅੰਮ੍ਰਿਤਪਾਲ ਸਿੰਘ ਚੀਮਾ ਜਾਂਗਪੁਰ, ਗੁਲਸ਼ਨ ਲੁਥਰਾ, ਪ੍ਰਧਾਨ ਬਲਦੇਵ ਅਰੋੜਾ, ਜੱਥੇ. ਬਲਦੇਵ ਸਿੰਘ ਬੀੜਗਗੜਾ, ਡਾਇਰੈਕਟਰ ਜਗਜੀਤ ਸਿੰਘ ਦਾਖਾ, ਪੰਚ ਸਤਨਾਮ ਸਿੰਘ ਜਾਂਗਪੁਰ, ਪ੍ਰਵਾਸੀ ਭਾਰਤੀ ਪ੍ਰਮਿੰਦਰ ਸਿੰਘ, ਕੌਂਸਲਰ ਸੱਜਣ ਬਾਂਸਲ, ਰਾਜੇਸ਼ ਗੋਲਡੀ, ਐਡਵੋਕੇਟ ਇਕਬਾਲ ਸਿੰਘ ਗਿੱਲ, ਜਸਕਰਨ ਸਿੰਘ ਦਿਓਲ, ਚੇਅਰਮੈਨ ਬਿੰਦਾ ਭੁਮਾਲ, ਦਲਵੀਰ ਸਿੰਘ ਨੀਟੂ, ਗੁਰਬਚਨ ਸਿੰਘ ਬੀਰਮੀ, ਬਲਜਿੰਦਰ ਸਿੰਘ ਰੁੜਕਾ, ਭਗਵੰਤ ਸਿੰਘ ਰਕਬਾ, ਸਿਕੰਦਰ ਸਿੰਘ ਧਨੋਆ, ਸਤਪਾਲ ਸਿੰਘ ਪੰਡੋਰੀ, ਪ੍ਰਧਾਨ ਸਰਵਰਿੰਦਰ ਚੀਮਾ, ਕੁਲਦੀਪ ਸਿੰਘ ਈਸੇਵਾਲ, ਲਖਵੀਰ ਸਿੰਘ ਦੇਤਵਾਲ, ਸਮੂਹ ਪੰਚਾਇਤ ਜਾਂਗਪੁਰ ਅਤੇ ਭਾਰੀ ਗਿਣਤੀ 'ਚ ਅਕਾਲੀ ਆਗੂ ਹਾਜਰ ਸਨ।