ਸ਼ਹਿਰ ਭਦੌੜ ਵਿੱਚ ਪਿਛਲੇ ਕੁਝ ਮਹੀਨਿਆ ਤੋਂ ਧੜ੍ਹਾ-ਧੜ੍ਹ ਹੋ ਰਹੇ ਨਜਾਇਜ ਕਬਜਿਆਂ ਦਾ ਮਸਲਾ ਡੀ. ਸੀ. ਬਰਨਾਲਾ ਸ੍ਰ. ਭੁਪਿੰਦਰ ਸਿੰਘ ਰਾਏ ਦੇ ਧਿਆਨ ਵਿੱਚ ਆਉਦਿਆਂ ਹੀ ਉਹਨਾ ਤੁਰੰਤ ਸਖਤ ਕਾਰਵਾਈ ਕਰਨ ਦੇ ਅਦੇਸ਼ ਦਿੱਤੇ। ਅੱਜ ਨਗਰ ਕੌਸਲ ਭਦੌੜ ਵਿੱਚ ਆਮ ਜਨਤਾ , ਕੌਸਲਰਾਂ ਅਤੇ ਪੱਤਰਕਾਰਾਂ ਦੀ ਹਾਜਰੀ ਵਿੱਚ ਉਹਨਾ ਮੌਕੇ ਤੇ ਹੀ ਐਸ.ਡੀ.ਐਮ. ਰਾਜਪਾਲ ਸਿੰਘ ਤਪਾ ਨੂੰ ਮੌਕੇ ਦਾ ਜਾਇਜਾ ਲੈਣ ਲਈ ਭੇਜਿਆ। ਇਸ ਮੌਕੇ ਤੇ ਉਹਨਾ ਕਿਹਾ ਕਿ ਕੋਈ ਨਗਰ ਕੌਸਲ ਭਦੌੜ ਦੀ ਕਿਸੇ ਵੀ ਜਗ੍ਹਾ ਤੇ ਨਜਾਇਜ ਕਬਜਾ ਨਹੀ ਹੋਣ ਦਿੱਤਾ ਜਾਵੇਗਾ ਅਤੇ ਜਿਹੜੀਆਂ ਜਗ੍ਹਾ ਪਹਿਲਾਂ ਕਬਜੇ ਹੋ ਚੁੱਕੇ ਹਨ ਉਹਨਾ ਤੋਂ ਜਲਦੀ ਹੀ ਕਬਜੇ ਛੁਡਾਏ ਜਾਣਗੇ। ਉਹਨਾ ਕਿਹਾ ਕਿ ਅਗਰ ਕਿਸੇ ਵੀ ਜਗ੍ਹਾ ਤੇ ਨਜਾਇਜ ਕਬਜਾ ਹੋ ਰਿਹਾ ਹੋਵੇ ਤਾਂ ਉਸ ਜਗਾ ਦੇ ਕੋਰਟ ਦੇ ਅਰਡਰ ਜਾਂ ਰਜਿਸਟਰੀ ਹੋਣੀ ਜਰੂਰੀ ਹੈ ਨਹੀ ਤਾਂ ਉਸਨੂੰ ਨਜਾਇਜ ਕਬਜਾ ਐਲਾਨ ਦਿੱਤਾ ਜਾਵੇਗਾ ਅਤੇ ਨਜਾਇਜ ਕਬਜਾ ਧਾਰੀਆਂ ਖਿਲਾਫ ਕਾਨੂੰਨੀ ਕਾਰਵਾਈ ਹੋਵੇਗੀ।
11 ਨੰਬਰ ਵਾਰਡ ਦੇ ਕੌਸਲਰ ਪਰਮਜੀਤ ਸਿੰਘ ਸੇਖੋਂ ਤੋਂ ਇਲਾਵਾ ਵਾਰਡ ਨਿਵਾਸੀ ਨੇ ਐਸ ਡੀ ਐਮ ਨੂੰ ਕਿਹਾ ਕਿ ਇਹ ਨਜਾਇਜ ਕਬਜਾ ਨਹੀ ਹੈ ਅਤੇ ਨਾ ਹੀ ਅਸੀ ਇਸ ਜਗ੍ਹਾ ਤੇ ਦੁਕਾਨਾ ਪਾ ਰਹੇ ਹਾਂ ਅਤੇ ਸਾਡੇ ਕੋਲ ਤਾਂ ਮਾਨਯੋਗ ਹਾਈ ਕੋਰਟ ਵੱਲੋਂ ਸਾਡੇ ਹੱਕ ਵਿੱਚ ਦਿੱਕੇ ਇਸ ਜਗ੍ਹਾ ਦਾ ਫੈਸਲੇ ਦੇ ਕਾਗਜ ਵੀ ਮੌਜੂਦ ਹਨ ਜੋ ਤੁਹਾਨੂੰ ਅੱਜ ਸਾਮ ਨੂੰ ਵਿਖਾ ਦਿੱਤੇ ਜਾਣਗੇ। ਉਹਨਾ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਕਿਹਾ ਕਿ ਇਸ ਤੋਂ ਪਹਿਲਾ ਤਾਂ ਦੋ ਸਰਕਾਰੀ ਜਗ੍ਹਾ ਤੇ ਨਜਾਇਜ ਕਬਜਾ ਹੋ ਚੁਕਿਆ ਹੈ ਪ੍ਰੰਤੂ ਪ੍ਰਸ਼ਾਸ਼ਨ ਉਹਨਾਂ ਜਗ੍ਹਾ ਤੇ ਹੋਏ ਨਜਾਇਜ ਕਬਜਿਆਂ ਤੋਂ ਕਬਜਾ ਕਿਉ ਨਹੀ ਹਟਾਉਦਾ? ਇਸ ਮੌਕੇ ਐਸ.ਡੀ.ਐਮ. ਰਾਜਪਾਲ ਸਿੰਘ ਤਪਾ, ਥਾਣਾਂ ਭਦੌੜ ਦੇ ਇਸਪੈਕਟਰ ਅਜੈਬ ਸਿੰਘ, ਕਾਰਜ ਸਾਧਕ ਅਫਸਰ ਰਾਕੇਸ ਕੁਮਾਰ, ਐਸ.ਓ. ਜਤਿੰਦਰ ਕੁਮਾਰ, ਏ.ਐਸ.ਆਈ. ਦਰਸ਼ਨ ਸਿੰਘ, ਹੈੱਡ ਕਲਰਕ ਗੁਰਤੇਜ ਸਿੰਘ ਤੋਂ ਇਲਾਵਾ ਕੌਸਲਰ ਵੀ ਹਾਜ਼ਰ ਸਨ ।