ਆਮ ਆਦਮੀ ਪਾਰਟੀ ਦੇ ਸਾਬਕਾ ਫੌਜੀਆਂ ਬਾਰੇ ਵਿੰਗ ਵਲੋਂ ਪਾਰਟੀ ਦੀ ਹਮਾਇਤ ਲਈ ਕਰੀਬ ੧.੨੫ ਲੱਖ ਸਾਬਕਾ ਫੌਜੀਆਂ ਨੂੰ ਲਾਮਵੰਦ ਕਰਨ ਲਈ ਪੰਜਾਬ ਵਿਚ ਇਕ ਵਿਸੇਸ਼ ਮੁਹਿੰਮ ਸ਼ੁਰੂ ਕੀਤੀ ਹੈ ਜਿਸ ਤਹਿਤ ਜ਼ੋਨ ਅਤੇ ਹਲਕਾ ਪੱਧਰ ਤੇ ਸਾਬਕਾ ਫੌਜੀਆਂ ਦੀਆਂ ਮੀਟਿੰਗਾਂ ਕੀਤੀਆਂ ਜਾ ਰਹੀਆਂ ਹਨ। ਇਸ ਮੁਹਿੰਮ ਅਧੀਨ ਲੁਧਿਆਂਣਾ ਜ਼ੋਨ ਵਿਚ 12 ਅਤੇ 13 ਜੁਲਾਈ ਨੂੰ ਜਗਰਾਓਂ, ਮੁਲਾਂਪੁਰ, ਗਿੱਲ ਅਤੇ ਲੁਧਿਆਣਾ ਵਿਖੇ 4 ਭਰਵੀਆਂ ਮੀਟਿੰਗਾਂ ਕੀਤੀਆਂ ਗਈਆਂ ਹਨ। ਇਨਾਂ ਮੀਟਿੰਗਾਂ ਵਿਚ ਵੱਡੀ ਗਿਣਤੀ ਵਿਚ ਸਾਬਕਾ ਫੌਜੀਆਂ ਨੇ ਸ਼ਾਮਿਲ ਹੋ ਕੇ ਪਾਰਟੀ ਦਾ ਸਮੱਰਥਨ ਕਰਨ ਦਾ ਭਰੋਸਾ ਦਿੱਤਾ।ਅੱਜ ਸਲੇਮ ਟਾਬਰੀ ਵਿਖੇ 'ਜ਼ਾਇਕਾ ਰਿਜ਼ੋਰਟਸ' ਵਿਚ ਸਾਬਕਾ ਫੌਜੀਆਂ ਦੀ ਇਕ ਭਰਵੀਂ ਮੀਟਿੰਗ ਨੂੰ ਸੰਬੋਧਨ ਕਰਨ ਪਿਛੋਂ ਸਾਬਕਾ ਫੌਜੀਆਂ ਬਾਰੇ ਵਿੰਗ ਦੇ ਸੂਬਾ ਪ੍ਰਧਾਨ ਕੈਪਟਨ ਬਿਕਰਮਾਜੀਤ ਸਿੰਘ ਨੇ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਕਿਹਾ ਕਿ ਦੂਜੀਆਂ ਰਵਾਇਤੀ ਪਾਰਟੀਆਂ ਦੇ ਝੂਠੇ ਵਾਅਦਿਆਂ ਤੋਂ ਨਿਰਾਸ਼ ਸਾਬਕਾ ਫੌਜੀ ਭਾਰੀ ਤਾਦਾਦ ਵਿਚ ਅਰਵਿੰਦ ਕੇਜਰੀਵਾਲ ਦੇ ਭ੍ਰਿਸ਼ਟਾਚਾਰ ਵਿਰੁੱਧ ਆਰੰਭੇ ਅੰਦੋਲਨ ਵਿਚ ਸ਼ਾਮਿਲ ਹੋ ਰਹੇ ਹਨ। ਮਟਿੰਗ ਨੂੰ ਹੋਰਨਾਂ ਤੋਂ ਇਲਾਵਾ ਵਿੰਗ ਦੇ ਸੂਬਾ ਸਲਾਹਕਾਰ ਬੋਰਡ ਦੇ ਮੈਂਬਰ ਰਿਟਾਇਰਡ ਏਅਰ ਮਾਰਸ਼ਲ ਪੀ ਐਸ ਗਿੱਲ, ਲੁਧਿਆਣਾ ਜ਼ੋਨ ਦੇ ਕੋਆਰਡੀਨੇਟਰ ਰਿਟ. ਕਰਨਲ ਸੀ ਐਮ ਲਖਨਪਾਲ, ਕਰਨਲ ਜਸਜੀਤ ਸਿੰਘ ਨੇ ਵੀ ਸੰਬੋਧਨ ਕੀਤਾ।
ਵਿਸੇਸ਼ ਮੁਹਿੰਮ ਬਾਰੇ ਵਿਸਥਾਰ ਵਿਚ ਜਾਣਕਾਰੀ ਦਿੰਦੇ ਕੈਪਟਨ ਸਿੰਘ ਨੇ ਕਿਹਾ ਕਿ 14 ਜੂਨ ਤੋਂ ਸ਼ੁਰੂ ਕੀਤੀ ਇਸ ਰਾਜ ਵਿਆਪੀ ਮੁਹਿੰਮ ਅਧੀਨ ਹੁਣ ਤੱਕ ਜ਼ੋਨ ਅਤੇ ਵਿਧਾਨ ਸਭਾ ਹਲਕਾ ਪੱਧਰ ਤੇ ਸਾਬਕਾ ਫੌਜੀਆਂ ਦੀਆਂ 150 ਭਰਵੀਆਂ ਮੀਟਿੰਗਾਂ ਕੀਤੀਆਂ ਜਾ ਚੁਕੀਆਂ ਹਨ ਅਤੇ ੨੫ ਜੁਲਾਈ ਤੱਕ ਰਾਜ ਦੇ ਸਾਰੇ 117 ਹਲਕਿਆਂ ਵਿਚ ਮੀਟਿੰਗਾਂ ਦਾ ਸਿਲਸਿਲਾ ਖਤਮ ਕਰ ਲਿਆ ਜਾਵੇਗਾ।ਵਿੰਗ ਦੀ ਬਣਤਰ ਦੀ ਜਾਣਕਾਰੀ ਦਿੰਦੇ ਕੈਪਟਨ ਸਿੰਘ ਨੇ ਦਸਿਆ ਕਿ ਸੂਬਾ ਪੱਧਰ ਤੇ ਅਹੁਦੇਦਾਰਾਂ ਅਤੇ ਸਾਰੇ 13 ਜ਼ੋਨਾਂ ਤੇ ਕੋਆਰਡੀਨੇਟਰਾਂ ਦੀਆਂ ਨਿਯੁਕਤੀਆਂ ਕਰ ਦਿੱਤੀਆਂ ਗਈਆਂ ਹਨ ਅਤੇ ਸਰਕਲ aਤੇ ਪਿੰਡ ਪੱਧਰ ਤੇ ਕਮੇਟੀਆਂ ਜਲਦੀ ਬਣਾ ਦਿਤੀਆਂ ਜਾਣਗੀਆਂ।ਮੀਟਿੰਗ ਨੂੰ ਸੰਬੋਧਨ ਕਰਦੇ ਜ਼ੋਨ ਕੋਆਰਡੀਨੇਟਰ ਕਰਨਲ ਲਖਨਪਾਲ ਨੇ ਕਿਹਾ ਕਿ ਲੁਧਿਆਣਾ ਜ਼ੋਨ ਵਿਚ ਸਾਬਕਾ ਫੋਜੀ ਵੱਡੀ ਗਿਣਤੀ ਵਿਚ ਪਾਰਟੀ ਦੀ ਭ੍ਰਿਸ਼ਟਾਚਾਰ ਵਿਰੁੱਧ ਮੁਹਿੰ ਵਿਚ ਸਾਮਿਲ ਹੋ ਰਹੇ ਹਨ । ਉਨਾ ਕਿਹਾ ਕਿ ਪਾਰਟੀ ਅੰਦਰ ਸਾਬਕਾ ਫੌਜੀਆਂ ਨੂੰ ਸੌਂਪੀਆਂ ਅਹਿਮ ਜਿੰਮੇਵਾਰੀਆਂ ਨੂੰ ਉਹ ਪੂਰੀ ਲਗਨ ਨਾਲ ਨਿਭਾ ਰਹੇ ਹਨ।