ਕੈਨੇਡਾ ਦੇ ਜਿਯੋਜੀਅਰਸ ਕਾਲਜ ਅਤੇ ਕਾੱਨੇਸਟੋਗਾ ਕਾਲਜ ਦੇ ਪ੍ਰਤੀਨਿਧੀ ਕੰਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸ ਦੇ ਫਲੈਗਸ਼ਿਪ ਸੰਸਥਾਨ ਕੰਟੀਨੈਂਟਲ ਇੰਸਟੀਚਿਊਟ ਫਾਰ ਇੰਟਰਨੇਸ਼ਨਲ ਸਟੱਡੀਜ਼ (ਸੀਆਈਆਈਐਸ) ਵਿਚ ਪਹੁੰਚੇ। ਇਸ ਵਫਦ ਵਿਚ ਸ਼ਾਮਿਲ ਸਨ ਜਿਯੋਜੀਅਰਸ ਕਾਲਜ ਦੇ ਮਕੈਨੀਕਲ ਇੰਜੀਨੀਅਰਿੰਗ ਦੇ ਪ੍ਰੋਗਰਾਮ ਹੈਡ ਗੈਰੀ ਹੈਰਿਸ ਅਤੇ ਆਟੋਮੇਟਿਵ ਬਿਜਨੈਸ ਦੇ ਪ੍ਰੋਗਰਾਮ ਹੈਡ ਜੇਮਸ ਸਮਿੱਥ ਅਤੇ ਕਾੱਨੇਸਟੋਗਾ ਕਾਲਜ ਦੇ ਇਲੈਕਟ੍ਰਾਨਿਕਸ ਇੰਜੀਨੀਅਰਿੰਗ ਦੇ ਫੈਕਲਟੀ ਮਾਈਕਲ ਫਿਲਿਪਸ।ਜਿਯੋਜੀਅਰਸ ਕਾਲਜ ਦੇ ਨਾਲ 2005 ਤੋਂ ਸੀਆਈਆਈਐਸ ਸਹਿਯੋਗ ਕਰ ਰਿਹਾ ਹੈ ਅਤੇ ਹੁਣ ਇਸ ਨੂੰ ਹੋਰ ਵਧਾਉਣ ਲਈ ਤੱਤਪਰ ਹੈ। ਸੀਆਈਆਈਐਸ ਨੇ ਸਫਲਤਾਪੂਰਵਕ 1000 ਤੋਂ ਵੀ ਜਿਆਦਾ ਸਟੂਡੈਂਟਸ ਨੂੰ ਜਿਯੋਜੀਅਰਸ ਕਾਲਜ ਭੇਜਿਆ ਹੈ। ਉੱਧਰ ਕਾੱਨੇਸਟੋਗਾ ਕਾਲਜ ਵਿਚ ਇਸ ਸਾਲ 12 ਤੋਂ ਜਿਆਦਾ ਵਿਦਿਆਰਥੀਆਂ ਦੇ ਪਹਿਲਾ ਬੈਚ ਜਾਵੇਗਾ ਜੋ ਕਿ ਉੱਥੇ ਆਪਣੇ ਦੂਸਰੇ ਸਾਲ ਦੀ ਪੜ੍ਹਾਈ ਕਰਨਗੇ।
ਕਈ ਦੂਸਰੇ ਕੈਨੇਡੀਅਨ ਕਾਲਜਾਂ ਅਤੇ ਯੂਨੀਵਰਸਿਟੀ ਦੇ ਨਾਲ (ਜਿਵੇਂ ਥਾਮਪਸਨ ਰਿਵਰਸ ਯੂਨੀਵਰਸਿਟੀ, ਸਸਕੇਚਵਾਨ ਪੋਲੀਟੈਕਨਿਕ ਅਤੇ ਸ਼ੇਰਿਡਨ ਕਾਲਜ) ਵੀ ਸੀਆਈਆਈਐਸ ਦਾ ਸਹਿਯੋਗੀ ਹੈ। ਕੈਨੇਡੀਅਨ ਵਫਦ ਨੇ ਸੀਜੀਆਈ ਦੇ ਐਗਜੀਕਿਊਟਿਵ ਡਾਇਰੈਕਟਰ ਡਾ. ਐਮ. ਐਸ. ਗਰੇਵਾਲ ਅਤੇ ਪ੍ਰੋਗਰਾਮ ਕੋਆਡੀਨੇਟਰਸ ਦੇ ਨਾਲ ਮੁਲਾਕਾਤ ਕੀਤੀ। ਦੋਨੋਂ ਪਾਸਿਆਂ ਦੇ ਅਧਿਕਾਰੀ ਇਸ ਮੁੱਦੇ 'ਤੇ ਗੱਲਬਾਤ ਕਰ ਰਹੇ ਹਨ ਕਿ ਕਿਵੇਂ ਹੋਸਪਟੇਲਿਟੀ ਅਤੇ ਟ੍ਰੇਡ ਮੈਨੇਜਮੈਂਟ ਵਿਚ ਰੁਚੀ ਰੱਖਣ ਵਾਲੇ ਵਿਦਿਆਰਥੀਆਂ ਲਈ ਹੋਰ ਜੁਆਇੰਟ ਪ੍ਰੋਗਰਾਮ ਲਿਆਂਦੇ ਜਾਣ।
ਵਿਜੀਟ ਦੇ ਦੌਰਾਨ ਪ੍ਰਤੀਨਿਧੀਆਂ ਨੇ ਸਾਰੇ ਕੋਰਸਾਂ ਦੇ ਵਿਦਿਆਰਥੀਆਂ ਨਾਲ ਗੱਲਬਾਤ ਵੀ ਕੀਤੀ ਅਤੇ ਉਹ ਸੀਆਈਆਈਐਸ ਵਿਚ ਮੁਹੱਈਆ ਕਰਵਾਈ ਜਾਣ ਵਾਲੀ ਸਿੱਖਿਆ ਤੋਂ ਕਾਫੀ ਸੰਤੁਸ਼ਟ ਨਜ਼ਰ ਆਏ। ਦੋਨੋਂ ਹੀ ਧਿਰਾਂ ਨੇ ਇਸ ਪ੍ਰਸਤਾਵ ਵੀ ਰੁਚੀ ਦਿਖਾਈ ਜਿਸ ਦਾ ਆਖਰੀ ਫੈਸਲਾ ਹੋਣਾ ਅਜੇ ਬਾਕੀ ਹੈ।
ਡਾ. ਗਰੇਵਾਲ ਨੇ ਵੀ ਕਿਹਾ , 'ਸਾਨੂੰ ਖੁਸ਼ੀ ਹੈ ਕਿ ਕੈਨੇਡੀਅਨ ਵਫਦ ਨੂੰ ਆਪਣੀ ਸੀਆਈਆਈਐਸ ਦੀ ਵਿਜੀਟ ਪਸੰਦ ਆਈ ਅਤੇ ਉਨ੍ਹਾਂ ਨੇ ਭਵਿੱਖ ਵਿਚ ਹੋਰ ਮੌਕਿਆਂ 'ਤੇ ਕਾਫੀ ਰੁਚੀ ਦਿਖਾਈ। ਸੀਆਈਆਈਐਸ ਭਾਰਤ ਦੇ ਸਭ ਤੋਂ ਵੱਡੇ ਇੰਟਰਨੈਸ਼ਨਲ ਕਾਲਜਾਂ ਵਿਚੋਂ ਇਕ ਹੈ ਜਿਥੇ ਵਿਦਿਆਰਥੀਆਂ ਨੂੰ ਡਿਪਲੋਮਾ ਜਾਂ ਡਿਗਰੀ ਦਾ ਪਹਿਲਾ ਸਾਲ ਭਾਰਤ ਵਿਚ ਕਰਨ ਅਤੇ ਬਾਕੀ ਦੀ ਪੜ੍ਹਾਈ ਕੈਨੇਡਾ ਵਿਚ ਕਰਨ ਦਾ ਮੌਕਾ ਮਿਲਦਾ ਹੈ। ਸੀਆਈਆਈਐਸ ਦੇ ਵਿਦਿਆਰਥੀਆਂ ਨੂੰ ਲੇਟੈਸਟ ਨਾਰਥ ਅਮੇਰੀਕਨ ਟੀਚਿੰਗ ਦੇ ਤੌਰ ਤਰੀਕਿਆਂ ਅਤੇ ਕਰਿਕੂਲਮ ਦਾ ਲਾਭ ਮਿਲਦਾ ਹੈ। ਸੀਨੀਅਰਸ ਕੈਨੇਡੀਅਨ ਅਤੇ ਬ੍ਰਿਟਿਸ਼ ਫੈਕਲਟੀ ਸੀਆਈਆਈਐਸ ਵਿਚ ਸਮੇਂ-ਸਮੇਂ 'ਤੇ ਆਉਂਦੇ ਰਹਿੰਦੇ ਹਨ। ਪ੍ਰੋਗਰਾਮ ਪੂਰਾ ਹੋਣ 'ਤੇ ਵਿਦਿਆਰਥੀਆਂ ਨੂੰ ਪਰਮਾਨੈਂਟ ਰੈਜੀਡੈਂਸੀ ਦੇਲਈ ਅਪਲਾਈ ਕਰਨ ਦਾ ਮੌਕਾ ਮਿਲਦਾ ਹੈ ਅਤੇ ਹੁਣ ਤੱਕ 3000 ਤੋਂ ਜਿਆਦਾ ਸੀਆਈਆਈਐਸ ਦੇ ਵਿਦਿਆਰਥੀਆਂ ਨੂੰ ਦੁਨੀਆਂ ਭਰ ਵਿਚ ਵੱਖ-ਵੱਖ ਥਾਵਾਂ 'ਤੇ ਪਲੇਸਮੈਟ ਮਿਲੀ ਹੈ।