ਕੰਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸਸ (ਸੀਜੀਆਈ) ਦੇ ਐਨਸੀਸੀ ਏਅਰ ਵਿੰਗ ਯੂਨਿਟ ਦੇ ਕੈਡੇਟਸ ਨੂੰ ਆਪਣਾ ਉੱਚਾ ਉਡਣ ਦਾ ਸੁਪਨਾ ਉਸ ਸਮੇਂ ਪੂਰਾ ਹੁੰਦਾ ਨਜ਼ਰ ਆਇਆ ਜਦੋਂ ਉਨ੍ਹਾਂ ਨੂੰ ਕੋ-ਪਾਇਲਟ ਦੇ ਤੌਰ 'ਤੇ ਜੇਨਏਅਰ ਐਸਟੀਐਲ 701 ਵਿਚ ਉਡਾਣ ਭਰਨ ਦਾ ਮੌਕਾ ਮਿਲਿਆ।ਗਰੁੱਪ ਦੇ ਐਗਜੀਕਿਊਟਿਵ ਡਾਇਰੈਕਟਰ ਡਾ. ਐਮ. ਐਸ. ਗਰੇਵਾਲ ਜਿਨਾਂ ਨੂੰ ਖੁਦ ਇੰਡੀਅਨ ਏਅਰ ਫੋਰਸ ਵਿਚ 20 ਸਾਲ ਤੋਂ ਵੀ ਜਿਆਦਾ ਦਾ ਤਜ਼ਰਬਾ ਹੈ, ਉਨ੍ਹਾਂ ਨੇ ਵਿਦਿਆਰਥੀਆਂ ਵਧਾਈ ਦਿੱਤੀ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਆਪਣੇ ਟੀਚੇ ਨੂੰ ਹੋਰ ਉੱਚਾ ਤਹਿ ਕਰਨ ਲਈ ਪ੍ਰੇਰਿਤ ਕੀਤਾ ਅਤੇ ਕਿਹਾ ਕਿ ਤੁਸੀਂ ਲੋਕਾਂ ਨੂੰ ਤਾਂ ਇੰਡੀਅਨ ਏਅਰ ਫੋਰਸ ਵਿਚ ਪਾਇਲਟ ਦੇ ਤੌਰ 'ਤੇ ਇਕ ਦਿਨ ਉਡਾਣ ਭਰਨੀ ਚਾਹੀਦੀ ਹੈ। ਇੱਥੇ 28 ਵਿਦਿਆਰਥੀਆਂ ਨੇ ਉਡਾਣ ਦਾ ਅਨੁਭਵ ਕੀਤਾ। ਵਿਦਿਆਰਥੀਆਂ ਨੇ ਜਹਾਜ ਨੂੰ ਜਮੀਨ 'ਤੇ ਦੌੜਾਇਆ, ਰਨਵੇ 'ਤੇ ਲਾਈਨ ਅੱਪ ਕੀਤਾ ਅਤੇ ਕੰਟਰੋਲ ਸੰਭਾਲਿਆ ਜਦੋਂ ਕੈਪਟਨ ਨੇ ਟੇਕ ਆਫ ਕੀਤਾ।ਉਡਾਣ ਦੇ ਦੌਰਾਨ ਉਨ੍ਹਾਂ ਨੂੰ ਏਅਰ ਕਰਾਫਟ ਦਾ ਕੰਟਰੋਲ ਸੰਭਾਲਣ ਨੂੰ ਵੀ ਮਿਲਿਆ ਅਤੇ ਕੁਝ ਦੇਰ ਲਈ ਉਡਾਨ ਨੂੰ ਵੀ ਸੰਭਾਲਿਆ। 15 ਮਿੰਟ ਦੀ ਉਡਾਣ ਹਰ ਕੈਡੇਟ ਨੂੰ ਮਿਲੀ ਜੋ ਕਿ ਪਟਿਆਲਾ ਦੇ ਉਪਰ ਹੋਈ। ਵਿਦਿਆਰਥੀ ਬੇਹੱਦ ਉਤਸ਼ਾਹਿਤ ਸਨ ਇਸ ਅਨੁਭਵ ਨੂੰ ਲੈ ਕੇ। ਸਾਰੇ ਲੋਕਾਂ ਨੇ ਇਸ ਨੂੰ ਜਿੰਦਗੀ ਭਰ ਯਾਦ ਰਹਿਣ ਵਾਲਾ ਅਨੁਭਵ ਦੱਸਿਆ ਅਤੇ ਪਟਿਆਲਾ ਦੀ ਇੰਨੀ ਉਚਾਈ ਦੇਖਣਾ ਉਨ੍ਹਾਂ ਲਈ ਇਕ ਸੁਪਨੇ ਦੀ ਤਰ੍ਹਾਂ ਸੀ। ਉਨ੍ਹਾਂ ਨੇ ਐਨਸੀਸੀ ਕਮਾਂਡੇਂਟ ਵਿੰਗ ਕਮਾਂਡਰ ਰਜਨੀਸ਼ ਰੋਥਨ ਅਤੇ ਪ੍ਰੋ. ਕਮਲਜੀਤ ਸਿੰਘ ਨੂੰ ਇਹ ਮੌਕਾ ਦੇਣ ਲਈ ਧਨਵਾਦ ਕਿਹਾ।