ਕਿਸੇ ਵੀ ਰਾਸ਼ਟਰ ਦੀ ਤਰੱਕੀ ਅਤੇ ਉਸ ਦੀ ਤਾਕਤ ਉੱਥੋਂ ਦੇ ਕੰਮ ਕਰਨ ਵਾਲੇ ਨਾਗਰਿਕ ਹੁੰਦੇ ਹਨ।ਜੇਕਰ ਉਹ ਮਿਹਨਤ ਅਤੇ ਲਗਨ ਨਾਲ ਆਪਣੇ ਰਾਸ਼ਟਰ ਦੀ ਉੱਨਤੀ ਪ੍ਰਤੀ ਸੰਜੀਦਾ ਹੁੰਦੇ ਹਨ ਤਾਂ ਉਸ ਦੇਸ਼ ਨੂੰ ਸੁਪਰ ਪਾਵਰ ਬਣਾਉਣ ਤੋਂ ਕੋਈ ਨਹੀਂ ਰੋਕ ਸਕਦਾ ਹੈ।ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਐੱਚ ਆਰ ਮੈਨੇਜਰ ਸੁਰਿੰਦਰ ਕੁਮਾਰ ਵੱਲੋਂ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਹੇ। ਜ਼ਿਕਰਯੋਗ ਹੈ ਕਿ ਕੁਐਸਟ ਗਰੁੱਪ ਆਫ਼ ਇੰਸਟਿਚਿਊਸ਼ਨਜ਼ ਵੱਲੋਂ ਭਵਿਖ ਦੇ ਮੈਨੇਜਰਾਂ ਲਈ ਲੇਬਰ ਲਾਅ ਸਬੰਧੀ ਅਹਿਮ ਜਾਣਕਾਰੀ ਵੱਲੋਂ ਇਕ ਦਿਨਾਂ ਸੈਮੀਨਾਰ ਆਯੋਜਨ ਕੀਤਾ ਗਿਆ। ਜਿਸ ਦੌਰਾਨ ਉਨ੍ਹਾਂ ਨੂੰ ਲੇਬਰ ਲਾਅ ਸਬੰਧੀ ਅਹਿਮ ਜਾਣਕਾਰੀ ਸਾਂਝੀ ਕੀਤੀ ਗਈ।ਸੁਰਿੰਦਰ ਕੁਮਾਰ ਨੇ ਵਿਦਿਆਰਥੀਆਂ ਨੂੰ ਉਦਯੋਗ ਜਗਤ ਵਿਚ ਲੇਬਰ ਲਾਅ ਦੀ ਲੋੜ, ਇਸ ਦੇ ਫ਼ਾਇਦੇ ਅਤੇ ਇਸ ਦੇ ਪ੍ਰਬੰਧ ਦੇ ਤਰੀਕਿਆਂ ਸਬੰਧੀ ਅਹਿਮ ਜਾਣਕਾਰੀ ਦਿਤੀ।
ਇਸ ਮੌਕੇ ਤੇ ਕੁਐਸਟ ਗਰੁੱਪ ਦੇ ਚੇਅਰਮੈਨ ਡੀ ਐੱਸ ਸੇਖੋਂ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਅੱਜ ਵਿਸ਼ਵ ਪੱਧਰ ਤੇ ਜਿਸ ਤਰਾਂ ਨਾਲ ਤਕਨੀਕਾਂ ਵਿਚ ਬਦਲਾਓ ਹੋ ਰਹੇ ਹਨ। ਉਸ ਲਈ ਸਮੇਂ ਦੇ ਹਾਣੀ ਬਣਦੇ ਹੋਏ ਹਰ ਵਿੱਦਿਅਕ ਅਦਾਰੇ ਅਤੇ ਹਰ ਵਿਦਿਆਰਥੀ ਲਈ ਅੱਪ ਟੂ ਡੇਟ ਹੋਣਾ ਲਾਜ਼ਮੀ ਹੋ ਚੁੱਕਾ ਹੈ।ਉਨ੍ਹਾਂ ਵਿਦਿਆਰਥੀਆਂ ਨੂੰ ਕਿਹਾ ਕਿ ਜੇਕਰ ਉਹ ਇਕ ਕਾਮਯਾਬ ਇਨਸਾਨ ਬਣਨਾ ਚਾਹੁੰਦੇ ਹਨ ਤਾਂ ਇਸ ਤਰਾਂ ਦੇ ਸੈਮੀਨਾਰ ਵਿਚ ਹਿੱਸਾ ਲੈ ਕੇ ਅਹਿਮ ਜਾਣਕਾਰੀ ਹਾਸਿਲ ਕਰਨ। ਇਸ ਉਪਰਾਲੇ ਨਾਲ ਨਾ ਸਿਰਫ਼ ਵਿਦਿਆਰਥੀ ਅੱਪ ਟੂ ਡੇਟ ਰਹਿ ਸਕਣਗੇ ਬਲਕਿ ਉਨ੍ਹਾਂ ਨੂੰ ਆਸਾਨ ਤਰੀਕੇ ਨਾਲ ਨਵੇਂ ਤਜਰਬੇ ਕਰਨ ਲਈ ਸਹਾਈ ਹੋਣਗੇ। ਇਸ ਮੌਕੇ ਤੇ ਵਿਦਿਆਰਥੀਆਂ ਵੱਲੋਂ ਵੀ ਮਾਹਿਰ ਸੁਰਿੰਦਰ ਕੁਮਾਰ ਨੂੰ ਕਈ ਸਵਾਲ ਪੁੱਛੇ ਜਿਨਾ ਦਾ ਜਵਾਬ ਉਨ੍ਹਾਂ ਬੇਹੱਦ ਸੰਜੀਦਾ ਤਰੀਕੇ ਨਾਲ ਦਿਤਾ।